Eminem esch scho en Legende und hed au guet skills, esch jetzt aber ned so geils album.

Groovy!!! S erste Lied findi ganz smooth. Ech gsehn mech in Zuekunft dezue bim choche vome Gaumeschmaus d Hüft Schwinge. Paar Abschnitt vo de Lieder sind es bitzli zu experimentel oder oder wiederholend, aber s Album als Ganzes findi solide und erfrüschend. @Nedi: Bi de Flöte am Afang vom zweite Lied heds grad en chliine Schmuntzler geh, wells mech grad am Yanick sini Showilag bim Lied vom Nicola Cruz erinnert het.

Han die Band vorher ned kennt. S Album esch experimentel und spannend gsii zum lose. Paar Songs send mer den aber au bitzli zu experimentell gsii und au sehr astrengend zum zuelose. Ben na hin und her grisse was ech für en bewertig söll abgeh. Fende aber ned das es sich mega hed chönne vo andere "alte rock albene" darum geb ech obwohl ech das genre na gern zum erste mal nur 2 Sternli. Felecht hättis am ne andere tag 3 geh aber das esch hald so wenn s mäntig-album besch.

Ja die beatles lönd bi mer immer chlii Nostalgie ufcho, da mini Eltere doch relativ vill Beatles abgloh hend. Jedoch esches ned genau das album gsii wo sie ufe und abe abgloh hend. S Album hed paar chilligi lieder. Bi paarne esch esch bim mer chlii de lagerfür-vibe ufcho. Alles in allem fendis es easy album, aber au ned überragend.

Geils Album! Es ged eim grad es super Gfühl bim lose. Au gueti Abwechslig dinne und wär sicher mega cool mal live z gsee. Stevie du besch en geile Siech und s Wunder vom hüttige Tag!

Han zum Album d Wohnig putzt... Putze esch gar ned geil gsii, aber s Album hed Spass gmacht. Spötistens wo de song los rancheros cho esch, esch ziit gsii, mer en "chopfbedeckig" ufsetzte und zum sound alle Dreck usesuge und usewüsche. Nach grosem Chrapf und vell vergossenem Schweis esch d Wohnig weder suber und ech chan gnüsslech use ga und Gschicht schribschribe. Werd sicher mal s Album na imne neue Setting lose, ergendwelchi Vorschläg was passend wär?

Kendrick gfallt mer scho und hed au mega skill und gueti Text. Das Album hed mi aber weniger abgholt, liet felecht au dra, das echs zum falsche Ziitpunkt glost ha. Sorry Noah aber es länged nur für es 3.

Yes letsgo!! Ganz geils Album gsii, nici Gitarre, gueti alti Rockstimm und ab und zu na es Schnauzörgeli. Leider chlli churz gsii hät gern na wiiterglost.

Geils cover! Mini Reaktion ufs Cover lad sich am beste imne Meme beschriebe: https://images.app.goo.gl/CpXyBy5bHu37LMEC7 Es hed sich denn usegstellt, dasi schomol driglost han, mech aber ned an Artist han möge erinnere. Sorry Fieberstrahl, wer dich jetzt hoffentlich nümme vergesse. Jetzt zum wichtigere Teil, nähmlich de Musig: Epische Sound wo mich grad chlii an anderi Ort/Situatione versetzt hed, z.B: - Weltallwikinger wo sich uf en schlacht vorbereitet - Im Gwand vomne Vogel über d Alpe gleite - En Zeremonie im Regewald dürefüere Top Album um im Zug in Gedanke versunke usem Fenster z luege. Wär sicher au geil das mol uf psychodelische Spass-Substanze z lose. Ech glaube das Album esch mega Situations- und Stimmigsabhängig, fends aber wirklech episch. Leider längeds ned ganz für mini erste 5 Sternli, darum es abgrundeds 4. @Noah oder anderi Filmmusikkenner: Hesch s erste Lied scho mal ergendwo ghört? Und last but not least: Willkomme Karin

S Album hed mitmne familiar track ahgfange, da hed mer sech grat wohl gfühlt. De lost de Halbitiger wiiter und ergendwie chund em alles bekannt vor. Aber doch fehlt öppis? Bim Track "treie und schreie" heders den usgefunde, oder doch ned? Insider nenned en Melone, Philipp Melone! Die unglösti Frag a die 5 Musig-Zeiche: Was esch zerst gsii, d Orgle oder Gsang? Honerable mention vom Album: Gitarre du rocksch! Trotzdem geds hüt es abgrundeds 3. Schön hend sich anderi Hörer:innne bim vorherige Album i ähnlichi Situatione chönne versetzte! Wör mech freue mal zäme, in person, uf en musikalischi Reis z gah.

Ganz geils Album!!!! Es vo de wenige wohni wirklech scho s ganze Album glost han. The XX hed mech jetzt au scho über en längeri Ziit musikalisch begleitet und immer wieder überzügt. Daher kristalisierte sich die erste 5 Sterlini use!