1001 Albums Summary

Hallo mitenander :) I bi karin und jetzt au i euem coole album klopp debii. CCR: 1 idee, 7 songs. Eigentli magi creedence clearwater revival ganz gern. Wenn au nöd weg dem album. Chli zu glichförmig alles, aber de vibe isch gmüetlich.

Het spass gmacht zum lose. Wobi mer di 2. Hälfti besser gfalle het. S eint lied hani sogar scho i mine gspeicherete songs drin gha, was öppis will heisse. S lied "seven" isch mini grösst neuentdeckig uf dem album! Wiiter so fever

Also woni eifach nur s cover gseh ha, hani scho angst gha es isch hip hop. Denn hani aber gseh "1962" und ha gar kei ahnig meh gha was das jetzt wird. De erst song isch mer natürli denn sofort sehr bekannt gsi und do demit denn eigentlich au scho, wo die reis no anegoht. Würd säge, nöd unbedingt mis ding. Aber s bemerkenswerte a dem album isch wohrschinlich eher s erschinigsjohr. Wür das jetzt usecho chiemts wohl nöd i das buech.

Ha mi nie so richtig mit the xx befasst aber immer denkt dass denn das irgendwenn no passiere wird. Und jetzt isches passiert. Grundsätzlich chammer scho säge das mer das im gsamte sehr zueseit. Isch mer aber mer aber ab und zue scho gad chli gär plain und troche von sound her. I bi nöd so en fan vom gsang vo de frau, find aber super dass es e wiblichi und e männlichi stimm het. Aber alles i allem gfallt mer das eigentli scho.

Grundsätzlich toll. Aber ruhigi balladene stönd am john lennon ganz klar besser als luti "rockigi" songs. Somit chammmer aber säge dass mindestens 30 prozent vo dem album absolut top sind, de rest ganz oke.

Au do, kei ahnig gha was mi erwartet. S cover und de name vom interpret und s erschinigsjohr hend mer gseit das isch e band wo irgendwas im bereich indie rock macht. Was i mer aber fast nöd ha chöne vorstelle, weli no nie vo dene ghört ha. Und tatsächlich ischs sowas. Chönnt ez das genre nöd genau zueordne. Aber vo dene ghört ha, hetti sicher mol sölle, wenn die do drin vorchönd. Jedefalls hets mi bim lose denn sehr a 70er johre rock erinneret. So chli jethro tull aber ohni folk. Au de gsang erinneret mi a die. Has interessant gfunde zum lose, aber irgenwie au chli aastrengend vo de kompositione her.

Also das meg jetzt vilicht überraschend cho. Au für mii. Het mi nämli am afang biz aagschisse woni gseh ha was für es album. Ha denn doch mol aagfange lose und recht schnell recht vill spass debii becho. So dasi gar nüme ha wölle dases ufhört. Bi immer nöd so fan gsi vo so 80er johre metal. Aber vilicht hani das ez eifach scho so la g nüme ghört dasis uf zmol geil find. Aber i glaub nöd dases eifach s genre isch. I glaub tatsächli das isch es geils album. Immer abwechsligsriich und irgendwie machts eifach huere spass zum lose. Und wil i bis jetzt bi keim album so vill spass gha ha, werdet das mini erste 5 sterne!