1001 Albums Summary

Baba Albom met zemlech glöckleche Rocksongs. Vorallem Lust for Life ond Passenger fühli ond send jetzt i minere Playlist.

Halt eifach musikalisch aber no geil rockig för e Hendergrond. Trotzdem rächt vom Jazz beiflosst. Alles sehr guet höhrbar aber s meischte tönt relativ ähnlech

Rächt fescht Hard Rock. Secher gnue

Crazy wie I dem Albom us luuter klassisch 80er songs kes wörk schlächt esch

Rap each halt ned so mis aber Guete vibe. This is, remember his name ond what's golden chammer sech merke

Schiint mer chili fescht wie es Dörenand ohni wörk e Melodie oder so. Ons wtf god bi don't ab?

Tönt mega wie t Beatles. Die meischte Songs rächt guet aber nüd speziells

Tbh fendis schwerig dem Album öberhaupt es Genre zuezwiise. Es bestohd vorallem us Beats wie sie im Hip Hop vorchömed. Zom teil erennerets aber au e cgli a Electronica. Hauptsach bestohts vorallem us dene Hip Hop Beats, wo eigentlich die meischte au no geil send. Aber leider hed e Beat I minere Meinig vorallem t Fonkion de Hendergrond spannend z gestalte. De rap dröber macht's de aber erscht richtig us. Leider schiint Bi dem Album Nome de DJ ond ned de Rapper debi gse z si. Das esch mega schad wels eigentlech work no gueti beats wäred, wo aber sech emmer weder wederholed, was es langwiilig macht. Debi hani mech bim erschte Track so ofs Albom gfreut.

So chli folk Musig. Chli langwiilig. Stecht ned so use. Aber Guete vibe

Einigi zemlech gueti Lieder. S ganze albom voller Guete Melodie. Mues mer sech merke

Baba O'Riley esch halt scho e banger. Söscht au relativ guete Rock

För e Potenzielli Wälreuumreis secher praktisch. Loschtigerwiis werds albom bi jedem mol Lose besser. Zerscht hani eifach ke loscht gha neui musig usezueche ond de hani halt nomol agfange ond jetzt chani fascht nömme ufhöre.

Ganz okay. Macht nüd falsch, stecht aber nüd gross use.

Ganz okay aber nüd woni onbedengt weder wett lose. Stecht halt ned use on hed chump igängigi melodie

Hed es paar rechtigi Banger aber esch au söscht sehr guet. Schön rockig ond teilwiis chli blues

Esch okay relativ viel musikalisch. Guet för e Hendergrond

Relativ entspannti Hendergrondmusig. Typisch RnB

Dire straits cha Nome öppis ned and zwar schlächti Lieder z mache. Brother in Arms esch debi eis vo ehrene beschte Albe. Es werd nie Langwiilig ond voller ironische Melodie.

No loschtigi space scifi musig. Tönt halt leider nochemne bellige Actionfelm. Es wederholt sech gfühlt au emmer weder. Ned so mis

Es esch halt Metallica was brutale hard Rock bedütet. Aso fascht e chli too much. Zom teil jedes aber es bez öppis was im Albom no e Stärn verdient

Esch ganz okay aber e chli langwiilig wels nome e chli Gasang, Gitarre und Schalgzüüg hed. Söscht ke rechtigi Melodie

So algorithmisch härgstellti musig esch halt absolut ned mis ond ech ha scho fascht e chli en Abwehrhaltig gäge settigi entweckelt. Au das albom esch doch relativ langwiilig ond ech fühle mech als ob echs scho vel z vel ghört ha obwohl ech wahrschiindlech die meischte lieder no nie ghört ha. Es chönnt aber schlächter sie wel ech zom teil die positive Vibes ond gwössi konzept doch no fühle.

Halt sehr typisch Hip Hop. Esch no loschtig wie Hip Hop halt ned ganz so miis esch onds ergnendwie au langwiilig esch. Trotzdem heds au rächt geili ond dör s eigentleche Moschter onvorhärsehbari Änderige was es irgendwie no spannend macht zom zuelose. Vorallem wenn's ned eifach e standard Gugemusig stil musig im Hendergrond esch (was aber im Grossfall leider so esch) chönd drom t Lieder au no geil si. Vergleiche met desem bisherige Rap Albom fendi aber Power in Numbers geiler.

Eigentleche es relativ es average Rock-Albom met Show me the way ond Baby, I love your way (was jedoch es Cover esch). Söscht halt relativ langwiilig drom abgrondet 3 *

S meischte esch scho rächt guet inklusive es paar banger, jedoch esch zom Teil e chli wierds züg debi won ech jetzt ned so verstoh und halt relativ ruhig wasi zwar ned ongärn ha, aber ned grad so fescht.

Schiint mer relativ rechtigslos ond oni woörklechi Melodie wasi scho no wechtig fände. Es ged aber en Entspannti Atmosphäre was ehm no e Stärn verdient

Sehr vel Jazz aber mängisch eifach chli Rockigi teil. Esch no loschtig als Hendergrond.

Sehr bluesig ond zwar no guete aber ech fende nüd stecht bsonders use ond es ged besseri Blues

Be so zwösche drü ond vier stärne. Hed einigi gueti wie Walk on aber nüd wo mega usestecht. Es werd aber drom klassisch ufgrondet.

Esch ergnendwie wie schwierig Jazz z bewährte wel ech grad so weiss wie wenig ich öber Jazz weiss. Min Subjektivi Bleck seid aber dass es no rächt geil esch, ech aber nie de Momänt gha ha dass es rechtig guet esch was e sehr höchi Bewärtig verhenderet.

Sehr viel positivi Vibes. Fühli

Zemlech guet vorallem de Tetelsong. Halt klassisch David Bowie

Bi dem Album beni rächt gspalte. Gwössi songs send rächti Banger, wie öppe Love the one your with oder church esch no geil. Obwohls eigentlech folk esch, mesched die Songs das gnue uf dass es spannend esch ond au chli abgod. De geds aber no desi Songs. Do frogt mer sech de halt scho chli was mer do lost: e Typ metere Gitarre wo chli öppis omesengt. Rächt langwiilig, vorallem öber längeri duur wies do vor chönd.

Ergnendwie nüd speziells ins drom langwiilig ond fätzt ned so. Allerdengs au ned "falsch", eifach halt e chli langwiilig.

Eigentelch send alli lieder no zemlech geil, dör das dass sie jedoch huere lang send wärdes ergendeinisch au chli langwiilig. För e Hendergrond esch es aber super.

Esch okay aber halt nüd speziells

Eifach nome scho wäg dem geile erschte Track, Hells Bells, als Intro geds scho e Beschtnote. Au söscht send die meischte Banger oder wenn ned de eifach geil.

Mer mues säge dass ehre Frontsinger e beidrockendi Stemm hed, vorallem met sim Falsetto. Vorallem im "I Believe in a Thing Called Love" zeigt är sie rächt guet. Au "Love is only a Feeling" esch e rächte Banger. Sie hend debi e ganz eigete Stil. Dä esch zwar eigentlech no geil, aber werd ergendeinisch no relativ Langwiilig. Au setzed sie extrem of Rockgitarre ond Schlagzüg-Kombo was mer cha mache, mer aber schnell z repetitiv werd.

S ganze Albom esch rächt guet und tönt extrem noch Radiohead, för 5 Stärne aber e chli sad. High and Dry fühli bsonders.

No zemlech okay ond entspannte Hip Hop. Aber halt ergendwoe ned so miis.

R.E.M. macht eigentlech no gueti Rock musig. Vorallem "It's the end of the World as we know it" fühli no rächt. De räscht esch au sehr okay, mer esch jetzt aber nüd als banger ufgfalle.

Esch jetzt I minere Meinig halt work nüd speziells. Ech has rächt langwiilig gfonde ond ohni gross tüüfi. Zomdem esches halt ned so mini Musig (was au de Grond chönnt si, wieso echs ned so verstoh). Es esch aber losbar, drom was öppe s einzige positive esch.

Ech ha jo eigentelch ned so gärn folk musig, de Van Morrison macht aber no erstuundlech gut. Ech fühle vorallem dass e rächte Jazzige ifloss spörbar esch wos Albom nomol wesentelch enteressanter macht. Trozdem werds wahrschiindlech ergendeinisch au langwiilig.

T vibes von dem Albom send eigentlech go guet, each fends eifach chli sehr Monoton. Trotz zwöi mol lose wär ke einzige Song usegstoche. Mer cha sie jo chum vonenand oderscheide. För de Hendergrond imne Lade passt's, aber halt nüd för mech.

Eigentlech fendi Bee Gees no geil, aber das Albom schiint mer eifach ergendwie rächt monoton ond ohni wörk gueti songs. Sie send ehere alli e chli komisch. Ned schlächt, das esch Musig nome i sältne Fäll, aber es ged halt so vel besseri lieder. Do Sengt eifach eine e chli öppis ond es paar Tön im Hendergrond, aso au nüd wörk enteressants.

Hed halt here vel Klassiker debi. Das macht's de fascht scho chli zom Problem vom Albom. Entweder send t Songs eifach okay oder ech ha sie eifach scho vel z vel ghört. Es esch halt au ned ganz min Musigstil.

Die meischte lieder möched zwar e huere gutete Ufbau, es zied sech de aber scho rächt. Osserdem esch es mer de doch e chli sehr depressiv.

Esch so chli Country mässig no guet, stohd aber jetzt ned wörk use oder so

Hed halt scho vorallem sini zwöi Banger aber söscht trotz de Längi nüd wiiters wo mega usestecht. A my sweet lord fühli halt t Akörd ond allgemein das Feel-good elemänt ond esch au no huere noch a de Beatles aber halt au hüte guet gemacht und Feel-good

Zemlech fescht rechtig Hard Rock aber no geil omgsetzt. Vorallem Jump esch natürlech huere guet. Zom teil aber de fascht e chli zu hert.

Ech fühle de Vibe vo dem albom no rächt. Trozdem esches ned e so mini musig ond es wär mer jetzt au kes speziells lied ufgfalle.

Esch halt vorallem Rage-Rap woni sowieso ned so fühle ond de ned emol bsonders guete.

Es esch vorallem shout and everyone wants to rule the world guet. Söscht esch es emmer no sehr okay aber ned revolutionär oder so.

Eigentlech no zemlech cool, jedoch ned Grad 5-Stärne-Cool

Esch crazy wie vel Musigrrchtige I eim albom (and z. T. I eim Lied) chönd sie. So rächt indisch aber au jazzig met schön Klavier ond so, möngisch aber au weder sehr harmonisch oder de weder Rap. S meischte esch halt eifach okay, aber ned bsonders guet.

Wenn dä das innere Bar wörd spele wördi mi secher froge was a god aber chuum welle go. Aber als Studiuoalbom chammer halt ergendöppis lose wo fascht besser mues si. Es esch eifach dä Typ met sinerer heisrige Raucherstemm ond es bez basic Hendergrondmusig wo aber au ned wörk speziell esch. Ech verstoh das albom ned wörk.

Es hesch halt huere de Rage-Rap. Wenni halt Hip-Hop lose de lieber öppis fredlechs. Gwössi lieder hend zwar scho öppis, aber anderi frogt mer sech was sech dä Typ bi dene dänkt hed dass är sie is Albom do hed.

Esch no geil jazzig, vorallem Birdland, aber halt rein instrumental ond rächt langwiilig sodass nüd wörk hange bliibt.

Musikalisch gse esch es sehr okay. Meischtens halt eifach ergend e Beat ohni vel Melodie ond är rapt ergend öppis dröber. Es esch zwar voll guet gmacht, ech vermesse aber no chli ergend e Melodie. En Usnahm vo dem esch "It was a good day". Dete heder, wies för e Hiphop typisch esch, eifach ei Melodie glooped. Das ged i dem Song e völlig neui Dimension ond macht ehn min Liebling us dem Albom. E wiitere ponkt won ech eigentlech emmer fühle esch t Positivität. Meischtens esches emmer rächt negativ ond god om Gwalt oder Rassismus, aber ned i dem Song. Wie de Tetel suggeriert esches e sehr positive Song. Das brengt mech grad guet öbere zo dem wo das Albom au zo öppis speziellem macht. Es esch extrem Politisch. Es esch während de Onruhe vo Los Angeles im Johr 1992 veröffentlecht worde. Debi esches klar of de siite vo de Protestierende. Es god emmer weder om Rassismus, falschi Ascholdige ond Gwalt. Die vele Samples won är denne hed verschlächtered zwar de erschti Idrock, es macht deför es ufmerksams lose omso enteressanter. So chammers meh als e auditivi Dokumentation aluege ond bechond so es idröckles Beld vo dere Ziit.

Ech fends eifach crazy wie guet ond schnell mer cha Trompete oder Bass spele. Au söscht geds met mim begränzte Jazz wösse nüd gross uszesetze osser dass es ergendwie dör die gleiche Instrumänt emmer öppe gliich tönt.

Esch fetti country musig. Aber eigentlech no rächt gueti. Ech fühle vorallem de fredlechi Charakter vo de Musig. Vorallem Heart of Gold esch halt scho geil. Anderersiits tönts eigentlech emmer relativ gliich. Ech lose zwar ned so vel Contry musig drom chanis ned so säge aber halt das Deng met em Neil Young ond sinere Gitarre werd ergendeinsch au es bez langwiilig wemmer vel öberaschends erwartet.

Wie de Tetel seid esches halt Black Metal. S Deng a dem esch halt dass es e rächt begränzti Zuegänglechkeit hed. Ech zom Biispel fühle so die Art z Senge and t absänz vonere Rechige Melodie ond Akkörd of t Tuur ned so Geil. Ech ha drom au nie gross s Bedürfnis gha do wiiter z lose. Wenn Black Metal denn lieber öppis wie AC/DC. Trotzdem esch es för sis Genre no relativ guet.s Schlagzüüg esch no guet gspelt ond t Rockgitarre eigenltech au.

Hä, scho weder Brit-Pop? Ergendwie werd's langsam chli langwiilig. Ned dass es schlächt seg oder so. S ganze Albom tönt halt e chli ähnlech and Brit-pop esch jetzt halt au scho es paar mol cho. Vorallem die erschte zwöi send aber no guet.

Gimme Shelter esch no geil. De rächt esch halt meischtens chli Country Musig. Ned bsonders schlächt aber au ned wörk e Banger.

Das chönnt halt grad so guet eifach ergend imne Lade ergendwo laufe. Halt e fetti Hendergrond musig. Eigentelch hed sie nüd schlächts, vorallem för das dass sie im johr 2020 use cho esch, was meischtens scho mol es rächt schlächts Omen hed. Trozdem ergendwie nüd woni bsonders cha gniesse, obwohls gwössi Lütt secher au als höchi Konscht gsänd, wasi scho au cha verstoh.

Ka so psychedelic Rock esch eigentlech no geil, das esch jetzt aber de doch fascht weder e chli langwiilig ond z fescht I einere Form.

Ech be halt ned work e Folk/Countrymusig Hörer. Trotzdem geds emmer weder Banger, woni I dem Albom ned work gfonde ha.

Esch zwar au weder so Britische Pop/Rock was eigentlech dezue tendiert langwiilig z si, das fätzt aber jetzt eigentlech noch no rächt ond esch halt so chli Feelgood-Musig woni allgemein guet fende. Esch mer jetzt au nie wörk langwiilig worde. Vorallem "The Man Who Would Be King" fendi geil. Trozdem esch s meischte doch au es bez random ond ech has jetzt ned e so fescht gfühlt dases 5 Stärne wördig wär.

Wemmer rechtig hässig esch fendet mers velecht no okay. För mech esches aber vel z vel rage woni ned wörk fühle. Es hed höchstens Asätz vo dem woni als Musig wörd bezeichne.

Vorallemm de instrumentali teil esch relativ guet. Sehr abwächsligsriich ond guet gspelt. Meischtens aber it rechtig vo enstpannte Rock. De gsang esch au ganz okay aber ech fühle die Art z senge ned so.

Ka, esch ergendwie ned so mis deng. Es esch schwerig z säge dass är schlächt sengt, was wahrschiindlech chuum de Fall esch, ech has jetzt aber ned so gfühlt ond werd chuum zo dem zrogg cho

Bi so albe esch ergendwie emmer s risiko dass es halt e chline ongwonti musig esch ond mer sech zerscht ned dra gwönnt hed, s met de ziit aber huere guet werd. Ech versuechs jetzt trozdem mol noch es paar mol lose ond es paar täg ziit: Wie halt vel afrikanischi musig esches Rhytmisch extrem starch. Au söscht fiiri de Vibe ond wie ganz vel of einisch abgod was im Albom au tüüfi ged ond mer ohni problem lang cha aktiv zuelose. De einzig kritikponkt esch e chli dass dä gsang ned so mine esch. Das cha sech aber jo no ändere...

Das esch halt so e rechtig typische 2000er Rock. Es fätzt scho no rächt ond es hed es paar wörk berühemti Tracks wie "Wake me up before September ends" denne. S einzige Problem esch dass es ergendwie emmer e chli ähnlech tönt, ennerhalb vom Albom aber au im ganze Genre.

Meischtens tönts emmer relativ ähnlech. Es he'd es paar geili Songs met crazy riffs debi, wo aber halt aber gärn mol 10 Minute gönd ond ned so zuegänglech send. Trotzdem geil.

Ech ha wie nüd öber das Albom z ussetze, osser dass s meischte halt relativ normal aso weder positiv no negativ lod lo usestäche. Das macht's de halt au es bez langwiilig. För ehres erachte Albom esches aber eigentech no weld.

Bi dem Albom esches vorallem crazy, dass es scho 1989 use cho esch. För das tönts vel neuer. Während dems scho no rächt vel 80er sounds denne hed, esch t Rhythmik huere starch. Au geds einigi Stelle woni jetzt eidütig im Hip-Hop wörd zuewiise, was krass esch för es 80er albom. Vorallem Buffalo Stance ond Manchild fühli rächt. S einzig negative esch, dassi gwössi Songs oder Teil vo Songs mer relativ onnötig ond wäg dem lanwiilig erschiined.

Fendi es huere guets Albom. Einersiits tönts sehr iladend. Es esch rächt zuegänglech ond sehr Glöcklech, wasi natürlech fühle. Trozdem heds e rächti tüüfi wels oft so velschechtig esch. Wemmer gnau änelost geds meischtens ergend es welds Instromänt im Hendergrond wo chli e andere Beat spelt. Das machts rhytmisch sehr starch. Au t ändis wos meischtens imne Kanon ändet wo alles nomol vorchond wommer im Lied ghört hed fühli.

Esch wahrschiindlech öppe s beschte Raggea Albom. Fascht jede Song es e Banger, ond au die woni no ned gross könnt ha send au rächt starch. Einzig chönts ergendeinisch chli eintönig wärde, was aber no chli werd tuure.

Schwerig z entscheide. S meischte esch halt eifach ergendwelchi Lo-Fi-Hendergrondmusig ond taugt au ned als vel meh als das. Trotzdem send This Town ond vorallem A Minha Menina scho rächti Banger.

Das esch jetzt ned so miis. Wahrschiindlech liids eifach dra dasi ned so gärn agschroue werd. Eitentlech wärs ned so schlächt, zwar au ned guet sondern eifach mettelmässig, aber es esch eifach alles so hert. Ond us ergendemne grond esch emmer no so es ruusche oder was au emmer debi woni zerscht för e Fähler ghalte ha bis es genau met em Song weder ufghört hed. Esch e chli schad wel t riffs send eigentlech ned so schlächt aber met allem rondome för mech ned wörk gniessbar.

Es fätzt scho rächt. Velecht fascht e chli fescht. Ech ha jetzt vorallem die es bez ruhigere Stelle gnosse wommer au t Melodie chli ghört. Trozdem esches halt sehr Linkin Parky typisch halt scho no geil. Vorallem bi öppis Körperlech asträngendem oder so. Halt äbe wie fätzt, aber au t Rockgitarre ond alli andere Instromänt wo sie halt e so inenämed passt halt eifach no guet.

Schwerig. Einersiits ged wörk nüd wörk uszsetzte, anderersiits hed halt au nie e Momänt gä woni dänkt ha: "Boah dä song esch e Banger". Meischtens esches halt eifach okay, mer chas lose, aber ned meh.

Ke plan. Esch jetzt halt eifach so chli musig. Guet för e Hendergrond ig aber ech has jetzt nie wörk gfühlt ond ke gross logische ufbau oder öppis ähnlechs bemerkt.

Ech fends emmer loschtig wenn e Band basicly eis albom usebrengt ond das grad e Hit werd, sie aber nochär nüd gross meh usebrenged. Musikalisch esches äbe eigentlech no relativ guet, tönt eifach ned so noch metti 90er johr. Es esch rächt guet gsonge ond au t Rockgitarre guet gspellt. Obwohl sie relativ velsiitig igsetzt werd, esch sie au de Ponkt woni ned so fühle. Dör das, dass es eigentlech emmer Rockgitarre, Schlagzüg ond Gsang esch, werd schnell es bez langwiilig. Osserdem geds vel stelle vo de Rockgitarre wo sie ohni wörk e Melodie oder öppis gspelt werd ond das vel z luut. Das öberdeckt alles andere was mega schad esch.

Ech fends no geil wie Led Zeppelin Intromänt isetzt. Das führt dezue, dass e Song ned eifach t Melodie esch, sondern vorallem dör t Komposition vo dene Knstromänt, wie e hüülendi Gitarre oder es Keyboard met Orgletön speziell werd. Leider hends aber jetzt ned so die ifahrendste Melodie. Sie send zwar okay aber ech ha jetzt nie dänkt boah die Melodie esch jetzt hüte guet. Au tendierts möngisch dezue öberlade z si, sodass es scho fascht Krach esch.

Es esch huere schwerig das albom z bewärte. Einersiits fendi dass es huere schön esch. Sini sanfti stemm met de geile instromänt wo so guet passed dezue. E wiitere guete ponkt esch de Ufbau vo de einzelne Songs. Es chond emmer weder es elemänt dezue oder god wäg ond zwar so, dass es ned so vorussehbar esch aber trotzdem no guet. Dör das bliibts au spannend. E wiitere Ponkt esch, dasi chuum cha säge, weles Lied us dem Albom mis Lieblingslied esch. Es esch also ned eis wo velecht eis oder zwöi gueti hed, de räscht aber alli gliich töned ond ned wörk guet send. Trotzdem hani au Kritik. För mech esches secher fascht e chli sehr Sad. Do cha de Bill Callahan ned vel deför, es esch eifach ned so mini Musig. Öppis anders wommer cha kritisiere esch, dass mer kes Lied wörklech ufgfalle esch im Senn vo ah esch no es geils Lied. Wenns no so es highlight gäbt, wärs Albom nomol düdlech besser.

Das Albom geds basicly nome of YouTube ond hed dete es paar tuusig Ufrüef, die meischte wahrschiindlech vo dere Websiite. Das erklärt scho mol veles. Es esch halt eifach ergend e random mix us velne genres met e chli random tön zwöschetenne. So chammers de au jazz nenne. Au t sproch änderet au emmer weder e chli, meischtens dütsch oder änglisch. Es ged aber au no geinigermasse okay lieder. Mängisch, wenn sie nome öppe eis Genre produziert, wie de einti 50er song, esches tatsächlech ned so scheisse. Allgemein chammmers lose, es ged aber halt e million anderi besseri songs.

Wemmer eis lied vo Creedence Clearwater Revival könnt, könnt mer basicly scho alli. Das, wel sie adoch relativ ähnlech töned. Das esch aber ned wörk e schlächti Sach, wels au öppis esch wo sie au chönd. So chönds no e entspannti Atmosphäre erzüge. Trotzdem wörd es bez Abwächslig i dem Albom au ned schade. Ergendeinisch werds de cho au es bez eitönig was sie vo 5 Stärne trennt.

Das esch halt so es typisches Rockalbom us dere Uswahl. Onder Rock verstohd i dem Fall Ash vorallem Rockgitarre. Die stellt sie nähmlech vel z luut i was dezue füehrt, dass de räschtlech Song undergod. Klar, t Rockgitarre esch scho s stärchste, das heisst aber ned dass es nome Rockgitarre darf ha. Abgseh vo dem esches eigentlech no relativ guet. Jetzt ned bsonders abwächsligsriich oder so aber emmerhen geds einigi doch no relativ cooli lieder met guet Riffs ond spannende Ufbaute. Mer esches au no eifach gfalle s Albom dörezlose, allerdengs hani au öppis näbebi gmacht.

Das albom fätzt scho rächt. Velecht aber au fascht e chli fescht. För so musig mues einersiits t luune stemme, anderersiits darfs halt au ned z Extrem si. Das extreme esch halt leider bi gwössne Songs de Fall. Wenn aber s Stemmig chli passt fätzed desi aber schön ine ond es esch huere geil. "Hate to say I told you so" esch jo au met abstand s berüemtischte was voll senn macht wells halt äbe grad gnue fätzt.

Es esch scho fascht schwerig ned metzbecho dass das Albom vo Kritiker extrem globt werd ond zom biispel of Rate Your Music bi de top Albe debi esch ond ech mues säge ech verstoh sie scho chli. Es esch zwar chli ongwont, met de längi vo de Songs, aber au wie sie Musig möched. Genau das esch de aber s erstuundleche. Mer chönnt sech jo bi dem Froge was das för komischi Grüüsch ond verzerrti Tön send, aber sie brengets äne ergend e Struktur izbaue sodass mer sech dänkt "okay speziell, aber gar ned so schlächt". För das esch aber wäg em eher experimentelle es ufmerksams lose nötig. Was mer au no sett amerke, esch dass es extrem guet gpelt esch. Es sent zom teil sehr schnelli Soli oder komplexi rhytme wo tadellos gpelt send. Trotzdem geds nome 4 Särne. Ech be zwar of de Kippi im Albom 5 z gä, aber es ged halt au so chli impro stelle wo rächt lang tuured ond mer sech de halt schnell au verlore fühlt. Au send mer gwössi songs fascht e chli sad.

No krass wie dass ech öberhaupt ke song us dem Albom könnt ha, obwohls so vel banger beenhaltet. So fendi zom biispel grad de erscht drettel hed ke song wo ned guet esch. Jedes of sini art, aber halt doch guet. Was secher alli guet möched ond halt au chli es Deng vo Musig us de 50er Johr esch, esch dass alli songs huere happy send ond ech das halt scho rächt fühle. Sogar songs wie "I Ain't Got Nobody" wo eigentlech truurig send töned wie es riise fäscht wo au s Zämespel us Trompete ond Gsang huere geil esch, au de frömdländisch Gsang passt ergendwie ine. A "Nothing's Too Good For My Baby" fühli halt au no wie s Klavier so ibaut esch ond sech ergendwie alles e chli wederholt, s aber nie wörk langwiilig werd. A "The Lip" fendi ned nome t Gschecht vom song loschtig wo e huere guete Trompetespeller Lip heisst, sondern au au wies ufbaut esch wie e blues, das aber mängisch de au weder brecht, ond natürlech au die krasse ilage vo de Trompete. Nochär gods met emne fascht rein Instrumentale Song "Body and Soul" wiiter wo am afang no chli langsam schiint, de aber plötzlech ufgod onds rechtig abgod. do mues mer sech fascht dezue bewege. Mer chönnt jetzt öber fascht jede song so es faszinierts Textli schriibe ond die scho gmachte no met meh Details ariichere, aber de Ponkt esch glaub klar: Alli songs send zwar verschede aber huere guet.

Vorallem Hip-Hop aber au no chli anders züg. Mer aber wie z "Modärn" im senn dass alles entweder noch emne gnaue Algorithmus gmacht esch oder mer sech frogt was das gnau sett. Insgesammt geds wie ned so songs wo gross usegstoche send. Höchstens wel sie chli onöblech send, aber die hend mer de halt ned so gfalle. Mer darf mi aber au ned falsch verstoh, a sech esch s Albom ned so schlächt ond es ged au einigi Tracks wo voll guet send (Them Changes oder Walk on by) au de räscht esch no voll okay aber wie nüd gross spannends oder speziells.

Ech hät ehrlechgseid dänkt dass Iron Maidon no vel meh Hard Rock d. h. omeschreie ond herti E-Gitarre wär. Sie send also erstuundlech gmässigt. Vorallem I strange World hends au e rächt Geili and ruhigi Atmosphäre änebroocht. Au öbergäng send teilwiis huere clean, au wenn t Lieder völlig anderi send. Trotzdem esches halt emmer no Metal was ech weder gemerkt ha dass es ned min Musigstil esch. Sie händ halt emmer no ehri Stemm ins Gitarre, woer eifach z extrem send.

Eigentlech möched sie jo nüd falsch aber de ergendwie scho. Es fod eigentlech no rächt spannend ah met "The Suburbs", met de ziit werds aber fascht e chli langwiilig wels emmer relativ ähnlech tönt. För chli i Hendergrond eigents sech no relativ guet, au wenn dete au ergendeinisch t Monotonität vom Albom uffallt. Spötischtens wemmers ufmerksam dörelost werd eim de schnell mol langwiilig.

Tja, ech be halt wie ke Metalhead ond das mues mer glaub si wemmer das Albom wett chönne gniesse oder so. Guet ech weiss jo ned öb ergendöpper das cha gniesse, wahrschiindlech eher fiire. Hauptsach bestohd das Albom us ned meh als sehr herti Rockgitarre, sehr schnellem ond luutem schlagzüüg ond e stemm wo chli öppis omeschreit ond das alles i extrem chorze loops. Das füehrt dezue dasis schwerig fende, öberhaupt zwöi verschednigi lieder vonenand z onderscheide, osser wenn grad de tetel omegschroue werd. Es esch also absolut ned mis ond ech werd chuum ergendeinisch weder zo dem zrogg cho.

Fendi cool wies eifach so es glöcklechs Albom esch. Halt, obwohl relativ spot, emmer no es zemlech typisches 80er Albom, starch beiflosst vob de Beatles. The La's Zeigt I dem Albom Songs wo guet Werked. So esch es med Nome guet gsoelt und gsonge, es passt au emmer no rächt guet ofenand ond es he'd einigi grossi Riffs. Eis Lied wo förestecht esch "There she goes" ond das zeigt au was ech a dem Album chli beduure. Meischtens esches entweder e Geili Melodie oder t Stemm esch guet. Das heisst entweder hesch e huere Güte instrumentale teil aber de Sänger sengt öppis ned work Kohärenz vor sech he oder es werd emmer öppe s gliiche met ein oder zwei instromänt deför e baba Stemm velecht sogar im Kanon. "There she goes" kombiniert bedi wases Zone rechtige Banger macht. Die andere send scho au guet, aber halt nie e rechtige Banger. Zudem Hess es paar rächt wierdi Songs wo t Stemmig au nömm so guet each. Im allgemeine aber emmer rächt guet und e super Stemmig.

Huere schad wie do de lead sänger sini stemm isetzt. Eigentlech hätt är e huere gueti ond eigeti stemm wommer au dörs Albom döre ghört ond i The Smiths e eigete touch ged. Leider send alli songs öppe so ufbaut, dass t Instromänt vorallem en onderstötzigsrolle vo sinere Stemm speled. Das esch eigentlech au sehr guet well är jo guet cha senge wenn är nome es bez meh Melodie wörd inebrenge. I fascht allne songs tönt sini stemm rächt monoton. Wäg em Ufbau vo de Musig konzentriert mer sech jo au of die ond so werd s ganze Albom au chli monoton. Dass das ned e so mues si zeigt är i gwössne songs es bez aber nienet so guet wie i "There Is a Light That Never Goes Out". Klar es send au do ned riise intervall, es ged aber es paar stelle wo är plötzlech merklech höcher werd. Das macht s lied grad vel enteressanter. Natürlech darf au ned ehri Könscht z chorz cho. Es esch huere guet gpellt ond t Melodie esch scho au huere geil. Wär do nome ned das Potenzial ...

Ech ha jetzt mega lang gwartet bisi das Albom bewärtet ha. Eifach us em Grond dasi mi i dem Soul doch sehr frömd gfühlt ha ond so schwerig gfonde ha das Albom z Bewärte. Mini Meinig esch aber doch sehr positiv gstartet ond emmer no so blobe. Au jetzt hani emmer no relativ wenig zom säge öber das Albom, wemmers met anderne reviews vergliicht. Öppis wo s Bewärte huere schwerig gmacht hed, esch das de Al Green ergendwie völlig e eigete Stil hed. Die Absänz vo verglech machts halt bsonders schwerig z merke, was är guet aber au schlächt macht. Ech wärte die Eigeschaft aber als guet, wels ehn scho fascht e chli ikonisch macht. Im generelle esches, wie Soul halt so esch, relativ entspannt ond ruhig. Das tendiert au chli zo Lanwiili wel mer halt weniger Ruum hed zom fölle. Das esch bim Al Green aber definitiv ned de Fall. Jede Song esch weder andersch gsonge ond intrumentalisiert. Das macht jede Song of sini eigeti Art einzigartig. Wemmers im Hendergrond lod lo laufe de passierts no schnell dass die verschedene Songs inenand inelaufed. Do chönnt mer also scho no chli meh probiere (zomendest) dass es no meh Kontrast zwösche de Songs ged. So schlemm esch das aber au ned, wel e gwössi Ähnlechkeit im Albom als Hendergrondmusig öberhaupt ned schadet wel e gwössi Konsistänz au zo gnaue Erwartige füehrt ond so sehr passend cha abgpellt wärde. E wiitere chliine Kritikponkt esch au weder sehr Subjektiv. So fescht sogar, dasi sälber au ned emmer dere Meinig wär. Mer esch nämlech das Albom im generelle chli Sad. Das chond natürlech scho au met em Ruhig si, aber es esch sehr wohl möglech e chli meh Positivi Vibes inezbrenge. Schlossändlech mues mer aber au no erwähne dass einersiits t Intrumentalisierig, aber au sini Gsäng makellos send. Vorallem vo sim Gsang zeigt de Al Green sech do au vonere sehr abwächsligsriiche siite, au wenn är au mega sini typischi Note ine ged. Also es Baba Albom

Hemmer do es Drogealbom? Wahrschiindlech scho. Es tönt ned nome no hüüfig e so, s erschte lied heisst sogar "Too High", wobi s high of es Drogehigh meint. Öb är sälber drögelet hed? Das chani schwerig useghöre, aber öberrasche wörds mi ned. Esch no loschtig wieni söscht eigentlech Gwössi Dissonanze ned bsonders gärn ha, die us dem Albom bsonders i Songs wie too high oder Visions eigentlech no rächt passend send. De stevie schaffts aber ergendwie so chli es instabils gfühl gä wo au ab ond zue e Dissonanz inechond. So haltet är das mega fragile gliichgwecht bevor t Musig ond somet är ganz unsenandgheit. Es ged au einigi absoluti Banger im Albom. Eine esch Golden Lady. Do schafft ärs de song langsam us em Chaos vo "Living for the City" ufzbaue, sodass mer sech diräkt of de Song freut. Insgesammt hätti gseid, dass es e glöckleche Song esch wels halt doch e rächt usrüefendi, aber au gechilltyi Atmosphäre schafft. Trozdem heder au einigi moll-Akkörd denne. Die Akkordfolge send aber so clean verbonde, dass es trozdem emer no baba guet tönt. Au geil esch Higher Ground. met em Thema emmer wiiterzmache esches plötzech extrem funky ond erenneret rächt a superstition. Ergendwie schiint aber so musig näbe dene zwöi stöck ned gross t exestiere. Frog mech ned wieso. Ond schlossändlech gäge ändi vom Albom don't you worry about a thin. Zerscht, wie mers so könnt, es geile ufbau wo ein rechtig lod lo freue. Das kombiniert met dem Typ wo aged wie guet är Spanisch cheug, s de aber ned wörk cha. Trotz dere Kombination gods mmer no uf ond t Stemm tönt scho wie e Teil vo de Musig. Was au sofort uffallt esch die ikonischi klavierstemm, einersiits met Melodisch, aber au rhythmisch. Ech ha ned gna säge, was es för e rhythmus esch, aber ermutlech au e spanische oder latinamerikanische. Hauptsach brengt das i den Song öppis schön abwächligsriichs, ohni grad i dissonanze dör t Sueichi noch neue Akkörtd z versenke. Au no z erwähne esch vermuetlech "He's Misstra Know-It-All" wo eigentlech ned bsonders usestecht (velecht wäg Mangel a dissonanze?). Bis de de Teil wo eigentlech chorz instrumental wär, är aber met sinere mega Ikonische stemm trozdem schnell e Melodie sengt. Ke plan öbs äbe das Ikonische esch oder was, aber es esch diräkt es düdlechs Upgrade för das Albom. Öppis anders wo mer au ufgfalle esch, send sini gprochnige Samples. I living for the city chond zmetzg drenne e chorzi gschecht vo eim wo offebar neu z new york esch, dete vo öpperem en Uftrag för 5 Dollar öberchond, plötzlech verhaftet werd ond 10 Johr is Gfängis chond. Debi werd klar, dass är zemlech secher donkelhüütig ge esch. Einersiits de typischi akkzänt vo de schwarze Community z New York, anderersiits wäge "[...], get in that cell, nigger". Das schiint e rächt klaari politischi Message gäge rassismus z si. Schlossändlech mues mer säge, dass t Songs, zom teil zomendest, huere clean inenand inelaufed. No e chliine Funfact zom schloss: De stevie hed eifach fascht alli instromänt sälber gspelt. Einersiits esches krass dass är so vel instromänt so guet cha Spele, anderersiits erklärts au, wieso do t zämearbet zwösche de verschednige Instromänt so guet fonktioniert. Trotzdem sends ned 5 Stärne. Das ned wels musikalisch ergendwelchi Schwächene gäbt. Vlecht geds e sie sogar, aber ech wär chuum fähig das i realestischer Ziit chönne z bewärte. Nei, es god meh drom dass es halt doch relativ dissonant, relativ schief, au rächt schwär zom teil esch. Halt ned soo mis Deng.

Sehr "Standardmässig": Meischtens es Schlagzüg, e Rockgitarre ond ei zwöi Sänger. Dör das wärded gwössi Teil vom Albom scho fascht e chli langwiilig. Zom glöck geds de eint oder ander song wo sies probiered e chli ufzbräche. So zom Biispel am Afang met em Song Kicks. Dete hend sie ned ergend es misch masch us e chli Instromänt, sondern es ged zersch e klaari Gitarre-Linie, de öbernemmt of e reffrain de Sänger met em Schlagzüg im Hendergrond wo dem ganze e ganz eigeti Strukur ged. Au es paar sanfteri Lieder chömed vor. Die send meischtens aber au rächt verschwomme. Erwähne wett ech do nome Melody for an Unknon Girl wo tatsächlech es neus Intromänt (näbscht de schnörregiige einisch) inebrengt. Söscht heds ned gross Instromänt sondern t Stemme wo t Melodie belded. Das stöck esch mer i dem ganze Beach-Boys ähnleche so rächt ufgfalle.

Wenn ech ergendeinisch mol es Albom brüüchti wo brutal fescht Folk musig esch, de wär das secher eis woni mer müsst öberlegge. Öb das ergendeinisch werd passiere bezwifli jetzt mol. Es esch basicly de Bob Dylan met ere Gitarre ond mängisch e Schnörregiige. Es god zwar rächt ab aber es werd schnell rächt langwiilig. Emmerhen esch s Cover es huere guets Foti.

Rechtig typisch ändi 80er Rock. Leider esch i de 80er Rock doch no gross gse. Das füehrt dezue dass mer rächt mues usestäche zom öberhaupt no spannend z si. Ehre Erfolg i dere Ufgab esch vo Song zo Song sehr onderschedlech. T mehrheit esch halt eifach okay. Es ged es Schlagzüg, ei bis zwöi Rockgitarre ond e Stemm. Es ged aber es paar songs wo mer jetzt positiv ufgfalle send wo das ganz klassische chli bräched: Open Letter (To a Landlord) fod eigentlech a wie jedes andere Lied. Denne chond aber de Refrain wo t instromänt plötzlech i de Stemm platz gäbed zom schiine. Das brecht ned nome s moschter sehr guet, es füehrt au e chli Melodie ih ond zeigt sini starchi stemm uf. Funny vibe esch no loschtig wels näbscht whats your favourite colour eitnelch e rock song esch, aber plötzlech extrem funky werd. Die zwöi genres fonktioniered debi erstuundlech guet zäme. Glamour Boys esch öppe mis lieblings lied us dem Albom. Es hed ned nome öppe am meischte Melodie, öppis wo söscht doch e chli sehr rar esch, mer ghört au rechtig wie Living Colour spass gha hed dä song z mache. Är esch also au sehr happy was emmer pluspönkt ged. Schlossändlech sett mer wahrschiindlech no öppe s berüehmtischte lied us em Albom erwähne: Cult of Personality. Das esch eigentlech mega easy, es brecht einigi strukture emmer weder uf was es spannend macht. Au geds ab ond zue verschednigi layers. Es esch aber au e sehr herte song wo i minere meinig hüüfig eifach au öberlade ond z luut esch.

Das Albom esch för mech weder so es Konscht Albom wommer ned eifach so cassualy losst wel mer am beschte aktiv am zuelose esch zoms voll chönne gniesse. Das esch z. B. au bi I Wish You Where Here enorm e so. Was ech s gfühl ha was es zo dem macht esch dass es rächt langi Songs send, wo aber huere guet ufbaut send. Das bedütet eig eifach ned noch em standard schema sondern au mol de Song i sech lo zämegheie. Wenn das Fonktioniert esch es de halt scho huere geil. Das esch zom biispel bi Master of Puppets e so. Trotzdem esch es halt emmer no Metal. Do gods vorallem drom e möglechst energieriichi Musig änezbrenge. Das idem mer möglechst vel Instromänt of einisch lod lo spele. Das ged eim denne chli s gfühl dass de Song eifach chli zämegwörfleti Stemme esch. Wemmer meh it rechtig hard rock god, zom biispel met AC/DC denne esch jedes instromänt sorgfältig platziert. So konkurenziered sie sech ned wie do sondern onderstötzed sech. Während sech AC/DC also wie e suber schmierti Maschene afühlt, esch das eher eini wo eifach vel z vel gas ged zom öberhaupt z laufe.

Wemmer Bi dem Album eifach mol t Stemme wäglod, esches eigenltech voll easy. Rächt guet gspelt, ganze abwächsligswiis dass es eim ned sehr langwiilig werd ond es hed einigi gueti Grooves, wie Zom biispel I "On the surface". Einigi komischi instrumentelle Teil geds aber, wo Onder passende Omständ secher mega guet chönd si, aber ech ned so gse. Es biispel esch debi öppe s ändi vo Thriller. Wär's es rein instrumentals albom wär's rächt guet. Klar, I dem Fall wörd e klare Lead fähle aber es wär emu hörbar. Jetzt werd de Lead leider vo stemme öbernoh, wo enorm verzoge send oder zomendest so töned. Ke ahnig öb das eifach fancy Experimentell sett si oder so, mer heds aber definitiv med gfalle. Velecht als Höheponkt vomne Song zom t Emotione no chli z verdütleche, aber secher ned es ganzes Albom lang, wel mer si halt doch rächt schnell gar hed.

Offebar esch das Albom wo of Spotify verlinkt esch grad zwöi I ein, also einersiits s Born To Be With You, aber äbe au Sweetheart. Obwohl die rächt noch anenand usecho send, tönets doch rächt andersch. Ech bewärte do debi aber trotzdem s Doppelalbom. Born To Be With You esch rächt a folk music aglehnt. Mer werd settigi zwar eigentlich relativ schnell langwiilig wels klassisch Jo eifach e Sänger, e Gitarre ond velecht e Schnörregiige esch. De Dion hed do aber das no chli usbaut. Ned nome chömed verschednigschti Instromänt vor, är wogt melodisch au meh als es för Folk klassisch esch, was de teilwiis zo rächt guete Lieder füehrt. Trotzdem esches halt emmer no klar Folk ond ziehd sech trotz experimentalität rächt it längi. Zudem esches halt wenig energetisch und tendiert dezue chli sad z si. Au das chond halt ned bsonders guet ah. Au bim zwöite Teil esches schwierig dem es gnaus Genre zuezwiise. Ech hätt aber am ehschte gseid dass es Pop met e chli Rock esch. Gwössi Motiv erennered debi rächt a anderi Könschtler and Stöck, wie öppe de Billy Joel. Wer sech wie inspiriert hed esch aber schwierig z säge. Osser dene Motiv heds aber söscht wenig momänt gä woni ha müsse säge dass es scho no geil esch. Meischtens esches halt so okay, mer chas lose aber es ged halt so vel anders wo de doch no chli besser esch dasi ned gse wieso ech das sett lose.

Halt so es typisches 90er Albom. Das Bedütet ganz vel elektronische Sound. So rächt mässig of e Typische Song vom DJ Bobo. Gliichziitig erenerets aber au a 90er Hip Hop. Do Schiints e klari gägesiitigi Beiflossig gä z ha. Jetzt esch eifach no t frog öb mer das au gärn hed. Offebar esch das bi mer einigermasse de Fall. Solangs ned öbertrebe esch stört mech dä 90er Feel secher ned. Är esch mer eher relativ egal bis sogar dass es mol e spannendi Abwächslig esch. Es mues einersiits einigermasse zo de Musig passe ond ned öbertrebe si, anderesiits mues de Räscht wo t Musig usmacht einigermasse guet si. Das Albom erföllt das. Klar es tönt extrem noch 90er, es esch aber ned nome melodisch meischtens starch, es ged au Rhytmisch einiges häre ond bliibt spannend idems emmer weder öppis neus ond onerwartets ibaut ond met de Möglechkeite spellt. T langwiili esch jo söscht au es Risiko wemmer e Beat eifach schnell elektronisch ispellt. Zom teil esch es de aber scho au e chli gnue 90er Vibe wenns de ergend e Pitch Sweep oder so ged. Zwar au Abwächslig, aber wär das wörk nötig? Loschtigerwiis fühli vorallem s Songs Good Beat ond Dee-Lite Theme, wobi ech bim legschte chli beduure dass sie ned meh us dem gmacht hend. Groove is in the Heart, de klari Star us dem Albom esch au rächt guet, aber halt ned e so guet wie desi zwöi. De räscht esch eigentlech alles sehr easy. Mängisch e chli besser melodisch ond de weder e chli langwiilig, aber nie sehr schlächt.

Das Albom hed halt scho ganz klar zwöi Banger: Give me all your loving ond shart dressed man. Die zwöi send ned nome mini Favorite, sondern au klar die meischt gstreamte Stöck us dem Albom. Das lod sech au erkläre: Sie hend halt alles wo so e Rock song bruucht: E riff wo hangebliibt, e gueti balance zwösche stemm, schlagzüüg ond Rockgitarre. ond e gueti Portion energie. Das fätzt de halt scho. De andere Stöck fählt denne halt emmer ergendöppis. Got me under Pressure esch de Riff met zwöi akört wo sech abwächsled halt scho ned s spannendschte. I Need You Tonight wörd besser fonktioniere, wenn t Gittare no vel meh wörd hüüle wies Dire Straits super hebechömed. Ech chönnt jetzt so wiiter mache aber de Ponkt esch glaub klar. Sie send huere Talentiert, das merkt mer guet, es fählt aber no gärn ergend e chliine teil was huere schad esch. Trotzdem fätzed die meischte lieder ghörig ond mer cha jo au ned verlange dass jedes lied e absolute Bager esch. Drom geds es ufgrondets 4 *.

Ergendwie esch das ned sälbstverständlech dasses eim stört, wenn e Luutsprächer oder Chopfhörer kabott tönt. Mech zomendest störts halt doch e chli, vorallem woni s Albom s erschte mol of mine Chopfhörer glosst ha. Debi hani s gfühl gha dass de Chopfhörer do ned nochemag. Guet, losemers halt of ere Musigbox. Debi heds sech besseret, aber halt doch emmer no hörbar do. Das heds klar gmacht: Sie hends äxtra igfüegt. Wieso?? De ganz klari Star, zomendest i mine Auge, esch i dem Albom Heart-Shaped box. Es fod erstuundlech sanft met nome ere Rockgitarre ah, ned wie i Serve The Servants wo du zerscht mol vom ne luute kakophonische Ton erschlage wersch. Denn bauts langsam uf met Schlagzüg ond Vocals bis es de s erschte mol i Refrain ine god. Im ganze Lied merkt mer zwar debi scho ah, dass es vo de gliiche Band esch, wel halt doch einigi Elemänt emmer weder vorchömed. Das esch aber i dem Fall nüd schlächts. Im rechtige Momänt send nämlech die Schrei, herte Rockgitarre ond intensive Schlagzüügschläg sehr passend ond gäbed im Song vel Energie ond e eigete Touch. Grad de nöchsti Song fod eigentlech au rächt velversprächend ah. De Refrain chond de aber doch e chli sehr plötzlech ond chond eifach nömme abe ond wenn scho denne weder komplett. Wahrschiindlech stellt das ergend Gfülsschwankige inere Depression dar, was vom Tetel "Rape Me" no wiiter onderstötzt werd. Es esch ned schlächt, aber es bez meh abwächslig wörd halt scho no guet tue. So verhaltet sech au de räscht vom Albom. Luut, Liislig, Luug. Das völlig öberdtähit, zom teil onschöni Verzerrige ond depressivi Lyrics. Wels aber zom teil einzelni Usnahme ged ond Heart-Shaped Box doch no e Banger esch, geds grad no so 2 *.

Ech weiss ech ha scho bi Harvest gseid dass das es rechtigs Country albom esch. Offebar gods no düdlech meh it rechtig country. The Harvest esch jo no chli folk ond rock, das esch aber eigentlech nome sehr starche country. Velecht no chli Teil Folk (siehe Bottle let me down) aber das chond halt devo, wenn das basicly de Vorgänger gse esch. Aber mol luege öb das wörk de Peak esch, oder öb no meh god im ne zuekönfige Albom, wos so fescht e southern dialect hed, dass mers chuum no verstohd.. Wels jo so starch Country esch, chond natürlech t Frog uf, öbis au guet fende. Das esch aber ergendwie e huere schwerigi Frog. Einersiits chas rechtig abgo oder au emotional si ond eim debi rechtig metriise, wels metsenge halt au huere guet god. Debi esches meitschens sehr Fredlech ond entweder happy oder e chli truurig. Bedes fonktioniert aber huere guet. Anderersiits esch es halt doch, zomendest bi dem puure Country, relativ igschränkt. Klar, ech wo wenig Country lose cha das schnell mol säge. Wemmers meh losst chond natürlech au t Erfahrig ond velecht dänki plötzlech mol, was hani do för e scheiss gschrebe? Jede song i dem Albom hed e völlig andere charakter ond esch klar onderscheidbar. Stand jetzt aber, woni s Albom doch scho chli glosst ha, esches emmer no ned ultra spannend. Es send halt emmer öppe chli die gliiche Idee met de gliiche Intromänt. De werds halt e chli igschränkt. So bliibts aber au konstant. Hauptsach verchliinereret die igschränktheit s Potenzial för e Banger rächt. Das esch halt au bi dem Albom so. Alles esch för sech sehr okay, aber so e rechtige Banger heds halt ned wörk. Machts sies aber guet? Das devinitiv. Sie sengt ned nome guet ond passend zo de Musig, t Instrumentalisierig esch halt au guet gmacht. För öpper wo country sehr fühlt secher baba guet. S legschte erwähnenswärte esch de logisch ufbau vom Albom. Das esch jo relativ sälte wörk guet gmacht (siehe Pink Floyd aber au Jurassic 5). Ech fendes natürlech emmer guet, wenn t Stöck inenand inefliessed, aber es esch au ned so schlemm wenns ned so esch wie do. De werkts halt eifach meh zämekläbt ond gmacht zom einzelni songs im Radio oder i Playlists z lose. Halt ned so das albe-lose Deng. Chli schad esch es aber au, wels jo vel au guet einzeln fonktioniert, obwohl alles zämehanget.

Zuerscht hani honestly ned de best idrock vom dem Albom gha. Es esch ergendwie halt huere lang ond ergendwelche monotone Country. Debi hed sech das Albom vorallem rächt zogen ohni wörk e guete Song debi z ha. Wel ech aber inzwösche t Gwonheit pflege es Albom öber längeri ziit emmer weder z lose, was s abschliesse vom Projekt düdlech schweriger macht, esches de aber om einiges besser worde ond esch au emmer no debi. S wederholte Lose hed mer gholfe mech a dä country/ folk z gwöhne ond s Spannende us de verschednige songs z ghöre. So send einigi songs rächt geil wie the Ledge met em Kanon, anderi brenged verschednigi Atmosphäre no guet. Trotzdem heds mer e chli sehr vel melancholischi Songs debi. Ned dass sie schlächt wäred oder so, es esch halt emmer no ned so mis Deng. Loschtigerwiis esch t Beliebtheit vom Song done e rächt e schlächte Indikator wie guet ech ne fende. So esch Tusk öppe ganz okay. Es esch no geil wie de song ufbaut esch, är ändet aber gfühlt scho sobald är is laufe chond. Anderi met düdlech weniger Ufrüef send deför no rächt geil.

Es mega typisches 80er soft rock albom, natürlech us em johr 1980. Meischtens e rockgitarre wo verschede igstellt esch, es Schlagzüüg ond öpper wo sengt. Zom teil geds aber au uffröschends wie trompete oder chli sound effekt. De Gsang vom Paul Weller stod chli för mini Meinig öber s ganze Albom: solidi leischtig aber halt wie ned extrem guet. Är trefft alli sini Tön, esch am schloss aber trotzdem relativ begränzt i sinere vocal range. Es ged nie wörk e Momänt wommer dänkt: Wow, dä cha huere guet senge. Velecht escher do scho chli a sine Gränze, es bez experimentiere wär aber secher no geil gse. Ähnldech esches au met de instrumentalisierig: Klar, guet gspelt. es ged aber halt extrem vel 80er Bands wo e Rockgitarre ond es Schlagzüüg hend. De länget dä Loop met emmer de gliiche, ned sonderlech kreative Akkörd wie ned zom rechtig usezstäche. Mer chönnt natürlech säge dass solang t Riffs guet send, send t Akkörd egal. Es ged jo ganzi Albe wo sech genau dör die usdröcked. Öb das au bi dem Albom de Fall esch, esch z bezwiifle. Es ged zwar es paar gueti wie i "Monday" oder im zwöite Teil vo "Music For The Last Couple", aber halt emmer no rächt sälte. Au start hed eigentelch no e gueti instrumentalisierig, do esch s meischte aber eifach vo "Taxman" usglehnt. Sie hends ned schlächt verwärtet, es esch also e guete song, es chond aber ned a "Taxman" äne, au wemmers schlächt cha vergliiche ond ech glaube chuum dass mer die Melodie gross als ehri cha zelle. E anderi Erwähnig woni no wott mache esch "Music For The Last Couple". Eigentlech no geil. Do esch vorallem s Instrumentale relativ starch. De Riff esch also no geil ond es fallt au einigermasse uf. Wär eifach ned die erscht minute. Die hani ned gross verstande. Chli random sounds, wo aber rächt liislig send ond ke grossi connection zom räscht vom song hend. Dä Teil zied so s Lied rächt abe, ond erklärt au wiesos scho fascht am wenigste streams hed. For die ned gross exisitierende öbergäng zwösche de Songs geds debi au ned gross Bonuspönkt. Das Review esch jetzt zwar relativ negativ gse, s Albom esch aber keineswägs schlächt. Es ertrenkt eifach gfühlt i de schiere Masse a 80er Albe. Sie möched nüd falsch, stönd aber au ned wörk use.

*insert i guess we doin bollywood music now meme* <img src="https://i.kym-cdn.com/photos/images/original/002/892/333/086.jpg" alt="https://i.kym-cdn.com/photos/images/original/002/892/333/086.jpg" width="907" height="508" class="shrinkToFit"> Nei ech ha mech scho chli gfrogt wo plötzlech e Compilation vomne Bollywood felm, offebar e rächt berüehmte, i mim 1000 *Albe* Projekt vorgschlage worde esch. Jetzt stellt sech natürlech t frog, wie mer so öppis ratet. Normalerwiis esches jo es Albom das heisst es esch au als settigs dänkt dass mers zom biispel am stöck losst ond dass es, meischtens, vo eim Intepret veröffentlecht worde esch. Bi dere Compilation esch das de halt so gar ned de Fall. Rächt random. Trotzdem werdis so bewärte, wie es Albom woni eifach so wörd lose. Wemmer scho bim Random si send, mues mer halt scho säge, dass es mega vel verschednigi genres send. Alli töned zwar einigermasse ähnlech, aber vo dem einte instromentale Stöck met Giige ond em ne sehr klare Cha-Cha-Cha sends halt doch chli wälte. Wenns en entwecklig gäb, wär das jo no cool wels e chli t Diversität vom Albom ufzeigt, do esches aber wäg de Natur vom Albom halt ohni grosse Senn dehender. Es eignet sech also wenig zom als eis zämehaltends Albom z lose. Trotzdem hanis no e gueti Erfahrig gfonde. Einersiits esch e chli World Music näbscht de velne britische Punk-Bands us de 80er no e rächt welkommnigi Abwächslig ond au mol enteressant z lose. Anderersiits heds au rächt neui Genres för mech do enne gha wie öppe de Cha-Cha-Cha (One Two Cha-Cha-Cha esch öbrigens no rächt guet). Au das machts enteressant, aber halt au schwerig z bewärte. Vo de musikalische Leischtig här esches halt au chli es naja. Zom teil sehr random Effekt ond okay aber ned bsonders guete Gsang. Au heds ab ond zue chli komischi Spröng oder no chli Dialog wo halt ned guet in es Albom passt. Zämefassend chammer also säge dass es halt e chli s falsche Format esch för es Albom ond ech drom au stuune, dass das i dere Liischte ufgno worde esch. Schöni erfröschig aber halt au ned das Albom.

Ech hätt honestly ned dänkt dass das albom us em 67i chond. För das esches doch rächt experimentell ond met of 70er Rock usgleid. Das esch eigentltech es rächt guets Zeiche, dass das Albom au scho de als rächt innovativ ond, wel veli idee splter weder bruucht worde send, au sehr vorrusschauend. Ech gse das Projekt aber halt ned als en ischätzig als wie guet s Albom zo sinere Ziit empfonde worde esch, sondern was ech dröber dänke. Klar heds au e ifloss öb t idee im ne Albom s erschte mol vorchond oder eifach bellig kopiert worde esch, zu konservativ gsenis aber ned. Us dem folgt au mini Bewärtig. Musikalisch esches secher rächt guet gmacht. Vorallem t instrumentalisierig hani jetzt sehr akkurat ond usgleche gfonde. Velecht fascht e chli zu usgleche. Ech has eigentlech no gärn, wenn au mol nome i öppisem t Böhni öberloh werd ond so t stärchi no klarer usechond. So chammer au es geils zämespel zwösche verschedne Instromänt mega guet betone, was do jo eigentlech scho au gä werd. E Näbeeffekt devo esch, dass es chli emmer de gliichi Cocktail us Intromänt esch. Wenn das no kombiniert esch met ere fählende oder langwiilige Melodie ziehds sech halt. Klar geds usnahme wenn öppe e klari entwecklig hörbar esch, das esch do aber rächt sälte de Fall. Die bede Aspäkt chömed jetzt wahrschiindlech chli öbertrebe öbere. Es ged sehrwohl instromänt wo ellei send wies au entwecklige oder cooli Songs net Melodie ged. Break trough the night aber au Soul Kitchen hend bedi gueti melodie ond speled sogar chli met em Stereo. Was ech met dem Review eifach wott säge esch, dass es secher mol sehr innovativ gse esch, intwösche aber chli öberholt. Ehri originelle Idee send öbernoh ond verbesseret worde. So chonds halt dezue, dasi lieber aders lose wo mer halt au besser gfallt.

Weder mol so es typisches Noise Rock albom, wie In Utero vo nirvana scho gse esch. Scho das esch e ned so positivi Predestination för mini Bewärtig. Wies halt e so esch habi au do rächt e Reizöberfluetig gha ond das onabhängig vo de Tagesziit. Das chond halt, wemmer probiert möglechst luut z si ond eintersiits alli mögleche Intromänt eifach of einisch spelt, sondern die au so komplett öberstüret (siehe Rockgitarre), dass es au rächt schräg tönt. Eigentlech cha so e öberstüüreti Rockgitarre jo au no cool töne, de mues sie aber gezielt gsetzt si, wasi do öberhaupt ned de Idrock gha ha. Ech ha so au die ruhigere Songs fascht am beschte gfonde. Das ganze dörenand werd i dem Albom de no met rächte Dissonanze kombiniert. Eigentlech ewärs jo fascht ruhiger als In Utero, aber deför halt dissonanter. Au die dissonanz cha t Musig eigentlech mega spannend mache, do hani aber weder de idrock, dass es onzielt ond somet au onpassend esch. So tönts de eifach e chli chrom. Wels de halt ned so spannend esch, fods sech au rächt afo zieh. Dass es 1 Stond lang esch, helft debi au ned bsonders. Es hed sech halt eifach wie es stöndigs Chaos agfühlt woni jetzt fascht froh be dasses döre esch. Aber jetzt gnue negativs! Mer mues jo scho au zuegä dass sie au gueti Riffs do enne hend wo aber halt fascht e chli ondergönd i dem Chaos. Au chonds doch mol vor, dass t Intromänt plötzlech metenand fonktioniered ond so ofne art kommuniziered. Mer cha also säge s potenzial wär do met de riffs ond de abgstommeheit, wärs ned so luut ond so dissonant dass alles weder im Chaos wörd ertrenke.