286
Albums Rated
3.07
Average Rating
26%
Complete
803 albums remaining
Rating Distribution
Rating Timeline
Taste Profile
2010s
Favorite Decade
Soul
Favorite Genre
UK
Top Origin
Wordsmith
Rater Style ?
16
5-Star Albums
10
1-Star Albums
Breakdown
By Genre
By Decade
By Origin
Albums
You Love More Than Most
| Album | You | Global | Diff |
|---|---|---|---|
|
Suicide
Suicide
|
5 | 2.46 | +2.54 |
|
Fever Ray
Fever Ray
|
5 | 2.99 | +2.01 |
|
Maxinquaye
Tricky
|
5 | 3.04 | +1.96 |
|
Floodland
Sisters Of Mercy
|
5 | 3.04 | +1.96 |
|
Siembra
Willie Colón & Rubén Blades
|
5 | 3.29 | +1.71 |
|
Sulk
The Associates
|
4 | 2.36 | +1.64 |
|
Diamond Life
Sade
|
5 | 3.42 | +1.58 |
|
En-Tact
The Shamen
|
4 | 2.43 | +1.57 |
|
Hail To the Thief
Radiohead
|
5 | 3.44 | +1.56 |
|
Rio
Duran Duran
|
5 | 3.49 | +1.51 |
You Love Less Than Most
| Album | You | Global | Diff |
|---|---|---|---|
|
Licensed To Ill
Beastie Boys
|
1 | 3.56 | -2.56 |
|
Stardust
Willie Nelson
|
1 | 3.39 | -2.39 |
|
The Band
The Band
|
1 | 3.37 | -2.37 |
|
If I Should Fall From Grace With God
The Pogues
|
1 | 3.34 | -2.34 |
|
Rust In Peace
Megadeth
|
1 | 3.24 | -2.24 |
|
MTV Unplugged In New York
Nirvana
|
2 | 4.21 | -2.21 |
|
The Rising
Bruce Springsteen
|
1 | 3.06 | -2.06 |
|
At Folsom Prison
Johnny Cash
|
2 | 3.98 | -1.98 |
|
Bug
Dinosaur Jr.
|
1 | 2.92 | -1.92 |
|
Who's Next
The Who
|
2 | 3.91 | -1.91 |
Artists
Favorites
| Artist | Albums | Average |
|---|---|---|
| Radiohead | 5 | 4.4 |
Least Favorites
| Artist | Albums | Average |
|---|---|---|
| Willie Nelson | 2 | 1.5 |
| The Who | 3 | 2 |
Controversial
| Artist | Ratings |
|---|---|
| The Band | 4, 1 |
5-Star Albums (16)
View Album Wall
Popular Reviews
Fever Ray
5/5
Heiligs Kanonerohr!
Was brucht mer meh wie en mix us modernem nordischem Volk und de idyllischte elektronische Kläng, mitere Sänger*in wo e Tim Burton Interpretation vode Björk chönd sii?
Ich segs eu mini Dame und Herre:
Nada!
Grandios wie guet mich das Album abholt, und zudem ane no amene unmotivierte Ziistig Morge en saftige Tritt in Arsch git. Life is a Movie wenn mer mit dere Music uf de Ohre dur d Strasse lauft.
Da chunt de experimentell-elektronischi Timon uf all sini Chöste!
Cinco Puntos para la Tim Burton interpretación de la Björk!
Felicidades!!
1 likes
Elliott Smith
3/5
Okay, viellicht liits gar ned ah dene guete Albe, dass mir die musig grad biz weniger passt, sondern dra, dasi grad i minere The Cure / Joy Division Post-Punk Emo Music Phase bin, dass mir die Melancholie und die herzige Stimme zu sanft sind.
Ich gsehn young Elliott mit sinere Gitarre am Lagerfüür sitze und sini "das lied hani für min verstorbne Hamster, de Hamsti – rest in peace – gschriibe. Ich vermiss dich du chline Racker!"-lieder performe. Und Lagerfüür-singer-songwriter gebet mer immer chli de ick.
Ufjedefall sind all Lieder besser als Wonderwall.
Und wieso gsehnd die Album-Covers immer us als chund öppis wilds wenn nachher sowas chund?
trotzdem rüehri 3 chlini holzschiitli i das Lagerfüür. Mach nume biz wiiter mit dine Lieder über dis verlorne Halstuech wo dir doch so viel bedüütet will mal en junky drufkotzt het oder sowas. You do you.
1 likes
1-Star Albums (10)
All Ratings
Joni Mitchell
3/5
scho cute
Willie Nelson
2/5
Grad lust in Alabama paar UFOs mit minere Shotgun us mim Pickup go jage und ahschlüssend ane QAnon Konferenz z gah. Yee ha!
Paul Simon
3/5
Paar 4er-bangers, meistens zwüsche 2 und 3, aber hotte dude
Neil Young
4/5
Findi sehr spassig zum lose, gueti Morge Hintergrundmusig wo mer doch no ab und zue guet herelost. Es klar 3.5, aber git no credits für sini durezogni high-pitched stimm
Emerson, Lake & Palmer
2/5
Chönt no nice sii, aber da hets mi glaubs uf em falsche experimentelle fuess verwütscht
Neil Young
4/5
"This website is sponsored by the Neil Young fanclub"
Spässli, bin eigentlich absolut zfriede mit sinere musig, mit dem Album no biz meh wie s letzte. Chli country'g, recht groovy, nicy Gitarre-riffs, geils Cover, gueti Stimm. Give it to me Neil!
*entering Neil Young fanclub*
Pixies
3/5
Leider chli en unpassende Tag gsi zum vo de Pixies und ihrem Geschrei und Punk zuezdröhnt werde. Ich gsehn s Potential, aber ned amene Mäntig.
"where is my mind" git natürli no chli Pluspünkt.
The Beau Brummels
4/5
Da hend sich grad paar tracks i mini Playlist Ine brummelt.
Dur de Name und s "60er Jahr psychedelic rock" cover hani viel hoffnigegha gha, die am ahfang dur die meh country-style lieder aber chli enttüscht worde sind. Je wiiter ich is album glost han, desto meh hets herzli brummelt.
Biz Ähnlichkeite mit de Beatles I guess.
Eig zwüsched eme 3.5 und 3.75. Aber die brummels hend au es 4i verdient
Eminem
2/5
Da wird also jetzt für d Welt öffentlich, dass de Timon Goetschmann mit Eminem ned viel chan ahfange.
Und das ganze fangt bereits ih siinere Chindheit ah: De chlini, ganz schüüchi little-Timon het nie mit sine teenie-gangs musig ustuuscht und sowieso het musig im verlassne Urdorf au ned de grössti Stellewert gha. Dur das isch de little-T nie a soöppis wie Rap-musig herecho und dementsprechend chan das Album au ned mal mit Nostalgie punkte.
Mit em älter werde isch Eminem im teenie-T sim Lebe presänter worde, aber meistens bi dene Mensche, vo dene sich de T versuecht het abzgränze.
present-T versuecht im öppe 9 Monet Rythmus immer wider sich a Eminem hereztaschte und merkt, dass eifach absolut kein Funke springt. (Berueht wahrschindli uf Gegesiitigkeit.) Darum: nice hanis nomal probiert, nice hani gmerkt, dass es no immer keis musikalischs Chrible ih mir uslöst und nice chani jetzt mal dehinder stah, dass Eminem overrated isch.
Ich bedanke mich für d Ufmerksamkeit und entschuldige mich bide grosse Fan base vom "Rap God Eminem", die mich am liebste mit siine 15 Grammies verschlah würdi.
Herbie Hancock
4/5
Chameleon isch scho en maximale ihstiig ih das Album, wo scho fast s 5-Sterne-Rating Hine füre gspienslet het.
De moderni, wildi Jazz, paaret mit Funk und eme sprützer synthi holt mich sehr guet ab als chline Funkophil.
Die restliche tracks hani au gnosse aber die sind mer denn weniger usgliche gsi wie Chameleon, entweder zu "klassisch jazzig" oder fast z wild. Darum leider uf es 4i müsse abrunde.
The Velvet Underground
4/5
Ich wache i minere staubige 12qm Wohnig in New York uuf, immerno chli benäblet vom letzte Abig - wider scharf anere überdosis verbiigschrammt - zerst mal e Zigi, spöter es zmittag und koks date mit em Andy Warhol, denn direkt in Studio 54 go The Velvet Underground lose, dezue biz LSD.
Life is good.
Beatles
4/5
Sehr nice scho s erste Beatles Album dinne zha. Han immer Schwierigkeiten gha mich a Beatles mit ihrne 100 Albe ahznöchere aber The White Album findi en grosse Spass und While my Guitar gently weeps sowie mis (bisherige) Lieblingslied vo ihne
Stevie Wonder
4/5
Au dir Nedi danke für de chlini ihblick i dis Lebe und Gratulation für die ersti höchstbewertig.
De Stevie-Boy het mich mit dem Album ganz klar überrascht und überzoge, dass er ned nur funky-Hard sondern au funky-soft chan, und dass er ja doch no ganz viel meh z büüte het wie superstition.
They won't go when I go het mi im allerhöchste Boge us de Pantoffle gfäggt. Was füre Melancholie und was für e Wonderbari (hehe) Stimm.
Au bim rest vom Album hets Spass gmacht zum zuelose. Gits defür es 5 vo 5? Glaubs ned.
Es 4.3 würdi geh. Es 4.328.
Fulfillingness indeed, you funky fucker!
Adam & The Ants
3/5
De Adam hets nach dene vielne Top-Albe schwirig sich chöne z bewiise.
Ich finde de 80er (Post-)Punk no spassig zum zuelose aber es git jetzt kein Track wo mich speziell umhaut und usesticht. Die meiste sind defür im "Moll, chan mer schono lose"-Bereich.
Kendrick Lamar
4/5
De Kendrick isch au sonen Künstler woni immer chli Berüerigsängst gha han, obwohl ich immer wider mitbecho han was de Noah für en riesige Fan isch (und de Musiggschmack vom Noah het ja doch no paar parallele zu mim). Und darum bin ich en maximal grosse Fan vom Album Klöpp Toggeburg und dere Websiite, wie mer doch immer wider mit so Prachtexemplar vo Albene wie am Kendrick siis konfrontiert wird.
Absolut grosse Spass gsi das Album über s Wuchenend zchöne lose.
Eigentlich viel me es 4.5, aber es 5i getraui mi irgendwie doch noni zgeh
Creedence Clearwater Revival
3/5
Good mornin' Vietnam!
Mäntigs-Albe hends immer biz schwiriger bim Timon.
So au d Creedence Clearwater Revival, dere ihri tracks ich eigentlich doch ganz stimmig finde aber für de Mäntig Morge au biz zviel.
Sorry Buebe!
Meh sone Mittwuchs-Namittag-Album.
Fever Ray
5/5
Heiligs Kanonerohr!
Was brucht mer meh wie en mix us modernem nordischem Volk und de idyllischte elektronische Kläng, mitere Sänger*in wo e Tim Burton Interpretation vode Björk chönd sii?
Ich segs eu mini Dame und Herre:
Nada!
Grandios wie guet mich das Album abholt, und zudem ane no amene unmotivierte Ziistig Morge en saftige Tritt in Arsch git. Life is a Movie wenn mer mit dere Music uf de Ohre dur d Strasse lauft.
Da chunt de experimentell-elektronischi Timon uf all sini Chöste!
Cinco Puntos para la Tim Burton interpretación de la Björk!
Felicidades!!
Booker T. & The MG's
3/5
Erstens au vo mir no es ganz herzliches Willkommenheissen im Klöbb Karin, schön bisch da!
Zweitens bedanke ich mich herzlich für die grandiose Text zum fieberstrahl, da hemmer wohl en musikalische Nenner gfunde als ganzi Gang! Da sind d höchstbewertige nur so gsprudlet!
Drittens willkomme zrug Basil, au schön bisch wider da!
-----
E spannendi sach wie viel Lieder das mer kenne chan, vomene Album wo mer no nie devo ghört het. (vlt isch das au minere musikalisch wüssenslücke z verschulde).
Ufjedefall no e lustigs Album, en mix us Liftmusig, chli Gospel und vieli Film Moment.
Guet für de Hintergrund, mengisch hani au aktiver zueglost, Solidi Tracks, aber sobald s Album fertig gsi isch hanis denn au weggleit und nüm ahglanget.
Schöns Lebe ih vielne anderne Ohre Booker T und ihr chline M.G.s.
The xx
3/5
Da bini grad chli nervös worde wo das Album azeigt worde isch.
Nervös als würd mer sin Teenie-crush nach 10 Jahr wiedermal gseh und mer frögt sich, öb mer grad wider die ahziehig gspühre wird?
The XX isch definitiv eini vo dene Bands woni ahgfange han Musig gnüsse, und The XX am Züri Openair 2013 no immer s best Konzert woni erlebt han. Let's go!
Und so fühlt sich the XX no ah für mich: chli 10er Jahr-Indie, chli pupentierend, chli unsicher, chli übertrieben melancholisch und chli gspührsch mi fühlsch mi.
Es duet mer leid The XX, aber mir hend eus doch eifach biz usenandglebt. Es liht au gar ned ah dir, dinere truurige Stimme und dine doch sehr nice Gitarre-riffs. Ich han mich eifach wiiter entwickelt und bin kein truurige Teenie meh... Sondern jetzt en truurige Erwachsne.
Goodbye.
Ps. Was defür Spass gmacht het isch de Radio wo nach em Album gloffe isch: Alt-J, Moderat, Apperat, Röyksopp: all die crushes woni no immer biz en crush druf han.
PPS. Sorry für de wiedermal überlangi text, han eifach zviel Ziit grad.
John Lennon
3/5
Nacheme wunderbare Wuchenend im Casa Neduzen mitere beachtliche Dichti a elektronische Kläng und viel Wumms isch es mir doch bizli schwiriger gefallen mich wider ganz dem ruhige hiizgeh wie bim Lennon, de jüngst.
Es het paar Tracks gha wo biz spannender und rockiger gsi sind, meistens hani aber ned so chöne ufpasse wills doch ehner ruhig im hindergrund gloffe isch.
Nick Drake
2/5
Bi dem Album hani leider zwenig Ziit gha zum mich voll inezgeh. Grundlegend - bim überflüüge - ischs aber ned so min Stil gsi, weder sini Stimm, no d Instrument oder die märli-like-Flöötene wo immer wider dezwüsche cho sind.
White Denim
3/5
Erfrüschend mal wider es Album vomene unbekanntere Künstler zha.
Mit Street Joy hani schomal en schöne Wegbegleiter für d Zuekunft gfunde, wo hoffentlich ned i irgendwelchne Indie-Playliste untergaht und verstaubt, da Indie doch nüm zu mim meist gloste Genre ghört.
Au bi paarne restliche Tracks hani gern zueglost und d musig gnosse, anderi sind mer denn aber au wider zu klassisch 10er Jahr Indie gsi.
Ich hoff dasi Street Joy chli wiiter chan gnüsse, aber wenn mer ehrlich sind, wirdi de Track au ehner schnell wider us de Auge verlüre.
Suicide
5/5
Ich bedanke mich herzlich für die malerisch Beschriebig vo dinere Erfahrig, @Basül, für die spannendi Lebensgschicht vom @Nedi, de Ehrlichkeit vom @Noah und Gratuliere de @Karin GANZ HERZLICH FÜR DIE ERST HÖCHSTBEWERTIG!!!! (wo mi scho biz überrascht het aber umso meh gfreud, dass d Karin also doch e chlini Rocker und Matel Göre isch!)
Suicide isch für mich de Inbegriff vonere 80er Jahr underground Rock und Punk Band wo jedes Konzerst imene versiffte, verrauchte New Yorker Chäller, mit meh fettige, Langhaarige Läderjaggeträger*inne wie amene Hells Angels Meetup (Wo wahrschindli grad im gliiche Chäller) stattfindet. Alli sind bsöff vom günstigste bier und selberbrännte Schnapps.
Ich pack mer d Rocker-Karin grad under de Arm und gang det here. Bim lose vo Suicide chund e gsundi "I don't give a fuck"-Attitude dure, wo mer de Tag bestriite chan als isch mer unufhaltbar. Let's goooo.
(Das chli Random Geschreie bim einte Track hets ned brucht, defür machet das vieli wiiteri Neuentdeckige vo anderne Suicide-Albe wider guet - z.B. Surrender)
Das git 5 ahgrauchti Zigis id Frässi vom Timon ad Selbstmörder!!
David Bowie
4/5
Oh yesss, uf de Dave hani mi scho vo Ahfang gfreud. Die tüüfi fründschaft vom Dave und mir bestaht erst sit Rotterdam 23. Aber so tüüf, dass er sich letzt Jahr grad ufs Podest als meistglosste Künstler katapultiert het.
De Dave hani versuecht ufe und abe z lose und usezfinde welli vo sine unzählige lieder au wükli sehr geil sind, und trotzdem isch mer Hunky Dory nie wükli nöcher cho und han bis uf 2 lieder no keis kennt. Immerno grandiosi Musig, spassig, hüpfig, gueti luhne bringend, aber keis vo mine top 5 lieblings-Bowie-Albe.
Aber wie immer bim Bowie isch jedes Album für sich spannend, dur welli Phasene er alles gange isch.
Trotzdem isch das Album no unglaublich guet und git stolzi 4 Sternestaub
Red Hot Chili Peppers
4/5
Jetzt schneiet da wider bangers nach bangers ine. Han viel viel Spass gha bi Californication, de Anthony Kiedis und sini gang het guet abglifferet, han viel neui Songs für mich gfunde woni nonie ghört han.
Trotzdem chani ned me wie 4 Jalapeños geh, will bi mir bi so "classic rock" oder fast "soft rock" chli s chribble im Körper fehlt.
Trotzdem e classic woni froh bin mal vo vorne bis hinde dureglost zha.
Neil Young
3/5
Another day, another Neil Young.
Im Gegesatz zude letzte zwei Albe vo ihm chani jetzt biz meh abschätze was für mich es 3er-Album und was es 4er-Album isch.
Vielliecht isch es will mer scho zwei Neil Young Albe durekaut hend und ich find, dass er biz zviel Ufmerksamkeit bechund bi dem App, oder öbs de mood of the day isch, aber bi dem Album het mich sini Schnurregiige und sini Stimm meh gnervt wie abgholt. Trotzdem easy Musig wo mer amene Familie Wiehnachtsesse im Hintergrund chan laufe lah und die wenigste debii stöört.
3 Oktavmundharmonikas für de Young de jüngst
The Band
4/5
Nice, The Band, zemmegsetzt us de Mitglieder Leander Leadsinger, Daniel Drummer, Balthasar Bassist und Gilroy Guitarist, wo mit ihrem Lied The Song uf ihrem Debutalbum The Album, wo sie serst mal uf ihrere Tournee The Tour im Lokal The Place gspielt hend, berüehmt worde sind. Defür sinds au grad mit The Price uszeichnet worde, gratulation!
Zerst mal chapeau, dass es bis 1968 gange isch, bis sich e band "The Band" gnännt het und denn no erfolgriich worde isch.
Zweitens au chapeau für The Music woni no gar ned kennt und sehr gnosse han. D gitarre-riffs mit sehr nice Klavier understriichige, dezue sini Stimm wo sich doch sehr ghöre laht, isch bis jetzt schomal d entdeckig vode Wuche. So musig wünschi mer als livemusig innere nice bar, wo mer nebezue no paar Hopfetorpedos ih sin Rache ballere chan.
Abzug gits nur für die liechte ahzeiche vo The Countrymusic bi gwüssne songs. Pluspünkt defür, dass sie Kanadier und kei Amis sind.
Da gits The Point grad im Quartet.
PS:
Basil, mis Punkeranking isch öppe:
1 - Ui nei, s Album muni abbreche
2 - s album wird glost aber han sicher kei spass dran
3 - chan no paar gueti tracks dinne ha, meistens passi aber ned so guet uuf
4 - Han d musig sehr fest gnosse, tolli moment, paar Bangers
5 - S ganz Album bringt mi ufe Reis wo mich min Alttag vergesse laht.
Pentangle
4/5
Das isch mal e big basket of Überraschig gsi für sone schüüche Dunnstig Morge. Bim erste ertöne vode Stimm - woni no im Bett glegge bin - bini chli überrascht gsi vo dem wo jetzt chund. Bi mim ufstahritual (bestaht us ufstah vode ligeposition) und mim duuschritual (id duuschi ine und wider use) hani denn aktiv Lied für Lied glost und bin zum Schluss cho, dass es für sone schüüche Dunnstig Morge absolut ahgnehmi Musig isch. Die psychadelische Kläng hend mich chli ines australischs Yogaresort im herze vo Bali katapultiert, woni grad ned so abgneigt bin degege.
Nachem erste mal lose bini no chli unschlüssig gsi und hans mer grad es zweits mal durs Trummelfäll zoge und han mi selber überzügt, dass s Album bim zweitemal lose nomal biz besser gsi isch.
S Album isch wie guete Wii: ich han kei Ahnig was es genau guet macht aber finds super!
Da gibi gern vier downward facing dogs uf acid für de gspass!
Garbage
3/5
Garbage findi jetzt biz übertribe.
Aber de classic, biz softi 90er Jahr Rock isch für mich au nüm das Genre woni am liebste lose. D instrument findi bi paarne tracks no recht ahsprechend aber overall wirdi das album nüm us em chübel fische sobalds mal det inne landet.
Pluspünkt gits für "Stupid Girl - Todd Terry Remix" woni nach 8 Jahr vonnere centimeter-dicke Staubschicht han müsse befreie und biz nostalgischi gfühl i mir usglöst het.
drü 35 lyter Bebbi Sägg macht gern 69 Frangge bytte.
Boston
3/5
Am ahfang vom Album bini sehr überzügt gsi und da hets fast 4 bostener*inne ide finger küzlet, aber je tüüfer ich im Album gsi bin desto meh hani gmerkt dasi so musig häppliwiis toll find, es ganzes Album im gliiche wilde Stil isch mer scho fast chli zviel gsi.
Michael Jackson
5/5
well, mis elend lange banger-review het sich irgendwie glöscht und da bini leider chli z gnervt und z fuul s ganze nomal z schriibe.
Zemegfasst also: Viel Kontroverse um ihn, find aber de Michi het bi dem Album alles richtig gmacht und banger nach banger gliferet. + es isch das Album wo d Menschheit überstah wird und innere postapokalyptische Welt wiiter glost wird.
Darum gits en jackson five vo five.
Schade ums Review
Barry Adamson
4/5
Funfunfun, mit em Barry siinere Musig fühlt mer sich ja automatisch wie imene Film. I ganz vielne Film. bi ganz, ganz durchmischte Genres. Das er viel Soundtrack für de David Lynch gmacht het findi au sehr sympatisch. De Albumname Oedipus Schmoedipus chönt au guet vo eus sii bevor mer en DJ gig hend und no ganz schnell en Name bruchet.
will sini kompositione hald doch durchs Band mal alli Film und Musig Genres duregönd, und ich s album biz han müsse durerushe, gits "nur" 4 Oedipus Puentipus, eimal gschüttlet und ned grüehrt.
Everything But The Girl
2/5
Da hani jedi Form vo Herzschmerz duregmacht. bi jedem Lied hani e neui Trennig müsse duremache wo ich denn ganz lang im Rege gstande bin, d Kamera langsam um mich ume fahrt während JEDES EINZELNE Lied im Hintergrund gloffe isch.
Eigentlich doch sehr schön ihr zwei Schnügglige, aber das mir grad innerhalb vo 45 minute 12 mal s Herz broche wird findi grad chli frech.
Wenni widermal gnadelos mini Seel, mis Herz und all wiitere innereie in Wasserfall-Ästhetik usehüüle möchti, chumi widermal uf eu zrug.
Bis det here, lönd mi in rueh mit eune Emotione!!
da chani nume zwei ganz tüüfi Schluchzer büüte
Buddy Holly & The Crickets
2/5
D Musig vom Brüeder Holly und siis cricket-team tönt sehr fest wie ihres Album cover usgseht.
ich bin mer sicher dasi s eint oder ander tänzli uf de parkett gleit hetti, wenni sii ide 50er jahr ghört hett. Aber fürs Timon 96er Modell macht so musig nöd sehr viel Spass.
Scusi boys, sind sicher sust ganz netti.
Beatles
3/5
Wider schön gsi es Beatles Album vo vorne bis hinde müsse durelose. Doch leider hets mi dasmal biz weniger catched wie s wiise Album. Paar netti tracks woni au gern hereglost han, aber han für mich jetzt keis neus Juwel vomene Beatles-Song entdeckt.
heisst nach minere Sterne-Statistik gits 3 vo 5 Ringo Stars
The Undertones
3/5
Mer stellt sich vor: De T. Goetschmann (Name de Redaktion bekannt) meldet sich – zum biz Geld verdiene – binere Studie ah, wo er 2 Stunde still lige muen, debii küelt wird bis er fast schlotteret und nume dörf Musig lose. De Timon G. entscheidet sich defür, ih de besagte Situation s ganze Album vo The Undertones durezlose. Bewegigslos frögt er sich zurecht, öb das jetzt e gueti entscheidig gsi isch, die negste 45 Minute chli 80er Punk uf sine Ohre z ha. D Energie vode Musig het de T. Robin G. debii schön vo inne gwärmt, doch ischs bizli schwirig gsi zum gnüsse und zum wüsse das mer die 45 Minute jetzt durechaue mun.
Fazit: Wärs anderi musig gsi hets am T. vo Urdorf sicher meh spass gmacht. Obwohl de Götschmä de zweitjüngst das Punkige vode 80er sehr sehr toll finde, gits wohl zwei Händ voll anderi Bands wo er bevorzuge würd. Trotzdem het ihn d chälti die 45 Minute meh gstresst wie d musig, das wott was heisse.
Biz Hypnotised isch er wohl gsi.
Bide Chältestudie vom Gimon Toetschmann – wo anonym bliibe wott – hät sich ergeh, dass das Album en klare fall vo 3 gleite Katheter isch.
Sparks
4/5
Kimono My House? Wohl eher Kimono my fucking goodness het das Album spass gmacht!
Und so viel Spass wies zum lose gmacht het, so Spass muss es au mache ih sonere Band zsii, sich kei Regle zsetze und mal nach em Tagesgfühl druflos zspiele.
Spassspassspassspassspassspassspass!
Vier lachendi Timonos für die spassige Funke
SAULT
3/5
S wichtigste zerst: Isch es Album oder es Kunstwerk wo de Titel "untitled" het wükli untitled oder ned? So Frage lönd mich ned Schlafe!
Ich find das unbetitelte Album sehr stimmig ufbaut. Mer merkt d Naration wo sii mit de Zwüschesequänze hend welle erzüüge woni amigs schöni zwüschestück finde, mängisch hetti aber au lieber meh Bangers wie Wildfires. Viel meh so Bangers! Will Wildfires findi scho es ultra wilds fire vo song!
Und nebe dem brodlige Füür vo song gits au no paar wiiteri recht hitzigi lieder. S füür findi het sich aber ned gliich dur s ganz Album durezoge.
Darum jetzt wider die schwirigi Frag; verdient es schön ufbauts Album wo ein Superbanger, 2 - 3 gueti bangers und no paar rest-bangers mit biz 'zviel' zwüschesequänze het 4 Azündwürfel?
Eher 3 Azündwürfel miteme gutsch Brennspritt.
R.E.M.
3/5
Sehr nices brutalistischs sowjet union ahghuchts Album Cover, da hani richtig bock uf es biz Kommunismus!
ich bin mer grad chli banausig vorcho, dass R.E.M. 18 millione monthly listeners hend und die 460. meistglossti Band uf spotify, da ich sie nebe ihrne bekanntischte Lieder nonie aktiv wahrgnoh han. E Band also, woni paar lieder immer widermal durs Lebe ghört han, mich aber nie so küzlet het, dasi unbedingt han müsse usefinde vo wem das Lied isch.
Und so het sichs für mich au dur das Album durezoge. Finds sehr idylisch alles aber sogar für de Softy-Timon isch das Album zu Soft. Album vode 80er und 90er jahr miteme brutalistische Cover münd eifach chli meh tschäddere und innegrätsche! 'Ignoreland' gaht scho meh i die richtig.
Darum gits nur drü ganz sanfti Küss uf em Lenin sini pollierti Glaze
Elliott Smith
3/5
Okay, viellicht liits gar ned ah dene guete Albe, dass mir die musig grad biz weniger passt, sondern dra, dasi grad i minere The Cure / Joy Division Post-Punk Emo Music Phase bin, dass mir die Melancholie und die herzige Stimme zu sanft sind.
Ich gsehn young Elliott mit sinere Gitarre am Lagerfüür sitze und sini "das lied hani für min verstorbne Hamster, de Hamsti – rest in peace – gschriibe. Ich vermiss dich du chline Racker!"-lieder performe. Und Lagerfüür-singer-songwriter gebet mer immer chli de ick.
Ufjedefall sind all Lieder besser als Wonderwall.
Und wieso gsehnd die Album-Covers immer us als chund öppis wilds wenn nachher sowas chund?
trotzdem rüehri 3 chlini holzschiitli i das Lagerfüür. Mach nume biz wiiter mit dine Lieder über dis verlorne Halstuech wo dir doch so viel bedüütet will mal en junky drufkotzt het oder sowas. You do you.
My Bloody Valentine
4/5
Da sind mer haarscharf mini 3er-Bewertige usgange! Aber denn chund vode siite de bluetigi Valentin inegschlideret und chlöpft stinkfrech siin shoegaze i mini ohrmuschle. Und wie mer scho immer im alte Folk vode Gazianer*inne gseit het: "One shoegaze a day keeps the schlechti Stimmig away." Und bi dere Musig isch mini schlechti Stimmig definitiv away keeped und devogazed!
Ich liebe au s Album Cover wo usgseht als wärs vomene 12 Jährige am Zuekunftstag in 15 minute mit Microsoft Paint zemegrüert worde.
vier ustanzti Sandale für de Valentino
Metallica
3/5
ufff.. Metallica isch jetzt scho ned sone easy every-day musig und brucht scho de richtig mood dezue. De hani hüt sicher ned gha und bin aber au ned so sicher wenn ich de bald ha wird.
Drü mal in Moshpit stürchle würdi trotzdem.
langsam wirds wükli knapp mit de drüer
Soul II Soul
4/5
Wow, das isch wider eine vo dene Gründe - nach all dene mittelmässige Albe - wieso das App so spass macht:
Chli de grossi Zeche i guete R&B inestrecke mit Funkige zuegabe, wow wow wow.
Han das Album dur de ganzi Tag sicher 3, 4 mal glost und für jede Moment hets passt.
Aber trotz dene vielne Bangers hani immer no s Gfühl vode fever ray im herze, a daas das Album doch ned ganz here chund. Darum muni au trotz dem grosse spass wider Starch uf vier ganz hervorzüglichi Schinkegipfeli abrunde. Dut aber au bits weh.
Zum Schluss zitiert ich gern no mini lieblingsstell vo ihrne Tracks:
"Modern people tend to dance. With this music I'll put you in a trance.
Hahaha, now dance!"
Let's gooooo
Deep Purple
4/5
Hüt spieli au de "bin biz kreativlos"-joker und sege eifach, das mer s album ganz guet pässlet het und defür 4 fabelhafti chääsplätzli id pfanne haue.
Led Zeppelin
3/5
Mer weiss ja das bide 1001 Albe viel viel viel rock classics sind - und das macht grundsätzlich au spass - aber widermal sone neuentdeckig vomene 'moderne bangeralbum' dörfti au widermal cho.
Trotzdem isch de let's eppelin au e band wo scho lang uf minere liste staht und bin froh hani das Album jetzt mal chöne lose.
Mood bedingt aber leider nur drü Luftschiff, ah anderne Täg und mit chli meh Abstand zu anderne classic Rock Bands würd da sicher no es vierts Platz finde.
Emmylou Harris
2/5
Ach Emmylou, ich chan mit country eifach absolut nüd ahfange. Ich han probiert mini chuehherde zemeztriibe, allne mexikanische Migrant*inne schuld zgeh, es pack chautabak durezchaue, 2 fläsche schlächte whisky trinke und mit minere Schrotflinte uf de Veranda sitze und rassistischti sprüch zmache zu jedem/jedere wo verbi chund und immerno findi country scheisse.
Meh chani ned probiere.
Da chani nur zwei inappropriati ahmachsprüch für mini viel zjung cousine am thanksgiving familiefest irgendwo imene Kentucky Outskirt inedrucke
Sleater-Kinney
3/5
Catch me in a different mood and I'm yours!
Es isch schwirig de tages-mood vode qualität vom album z trenne.
Hüt morge am halbi 8i hani mi gfrögt, was das wider für gechotze isch wo mer da als musig verchauft wird, denn am namittag am 2 (bi mim erste kaffii nach 6 stunde im Spitalbett chille und en shot rapsöl als zmorge dörfe gnüsse) hani denn gfunde das mir die musig scho bizli pässle chönt aber immerno chli ahsträngend und jetzt, am 12i nacheme bierli findi d musig rächt lüpfig und lustig.
Macht en solide durchschnitt vo drü aldi spüelmaschine im extra-wuche-sale für nur 199.99 anstatt 499.99 CHF schlahn jetzt zue de sonderpriis gilt nur für hüt limmitierts ahgebot wenns weg sind sinds weg 199.99 CHF unschlagbare priis let's fucking go
Ms. Dynamite
4/5
Heyy maya, nice to have you on board!
For Basil, happy translating:
Mmmmmmh, bizli sexy, bizli aktivistisch, bizli smooth, bizli rhythm und bizli blues.
Grandiosi feel-good musig mitere wichtige priise nahdänkete und dwelt-hinterfrögete, dezue lisst mer "Ms. dynamite" und "a little deeper" und bechund scho chli teenie-nervösi hüenerhuut vo dem sex appeal.
Da kulleret mer 4 dicki, nervösi Schweissperle de Rugge abe biz zum fudiritz
Dr. Dre
3/5
Zerst emal bin ich ned sicher öb de Dre au wükli en Dokter isch, und das macht mich schomal biz suspekt.
Denn musi (wohl entschuldigend für de Noah) sege, das mich de Dr. Med. Dre und die ganz old school hiphop szene ned zu sehr catched. Ich verstahne d qualitäte und glaube au das s Album vom Professor Dre es Vorbild gsi isch für vieli wiiteri Albe i dem Genre.
Ich han mich au verwütscht wieni bi paarne Lieder vom Herr Doktor doch no gern hereglost han, aber wenn ich uf die "Wirdi die Lieder wiedermal lose"-symptom luege, denn isch d Diagnose wohl eher, dass das Album en klare Fall vo Drüpunktitis zeigt.
Die neu eröffnet Tierarzt-Praxis zeme mit em Snoop de Hund bsuechi da biz lieber.
Ich wünsch am Chefarzt Bre gueti Besserig und alles gueti i sim wiitere Lebensweg.
OutKast
4/5
De Basül hets ahgseit: 2 Stunde album - big boss.
Und wills so lang gange isch bini ned konstant vom Ahfang bis am Schluss konzentriert drah blibe. Aber das woni ghört han het mer richtig guet gfalle und han das Album schomal zwüsche-glaageret zums mal nomal fürezhole und nomal inezlose.
Für Jede Advent gits en puento rapido
Schöne J.C. Geburi eu allne <3
Dinosaur Jr.
1/5
Lustig, da het sich also es Album vonere 17-jährige Schuel-Rockband bide 1001 Albe inegschmugglet.
Ich gsehn sie am Kantiball mit ihrne Justin Bieber Frisure schüch vor 20 Mitschüelerinne stah, ihri lieder ohni grossi show (wege zu schüch) durezspiele. Ah de Herr Rüdisüli vo Geografie isch au det hine am zuelose. Was macht denn de mit de Frau Ludisberger vo Französisch? Uiuiuiui! Dörf mer das under Lehrer*inne? Naja, hauptsach d Seline isch au vorne debii, sie isch ja mit em Sänger am Pascal zeme. Het aber glaubs au scho mit em Manuel, em Schlagzüger umegmacht. Aber de isch ja neuerdings mit de Vanessa zemme, dünd aber so als wäreds nur Befründet, defür wüsseds ja alli. Sogar d Frau Bianca vo Gschicht weiss das.
Da gangi lieber um de egge en fette Joint go rauche und die versteckti Smirnoff Fläsche go exe wie bi dere Band wiiter zuezlose.
Sorry Pasci und Manu, würd eu im Sport au als letzts wähle.
Various Artists
2/5
Han das Album recht schnell geskippt, will wiehnachtsmusig mine öhrli chli schmerzt. Ich gibe aber en zweite Stern vo Bethlehem für de überraschigseffekt!
ZZ Top
3/5
Da hani immerno chli e ami-rock overdose und dun mi darum widermal bi tres puntos por los tres hombres festlege.
Han ehrlichgseit aber au nur miteme halbe ohr zueglost.
Curtis Mayfield
4/5
Ayyy Curtis! Dini Stimm, dini funky Gitarre strings und die lüpfige blasinstrument tönet nach dere Ami-Rock-Phase ja umsobesser!
Da hesch mi mit em Cover und em Album-Titel wider schön hinders liecht gfüehrt und han scho angst gha das wird wider en ami-country-overload, aber woni denn gmerkt han das ich din name ja kenne - curtis - hani super freud gha!
Und da bini ja froh dis Album kenneglernt zha! Nach em erste mal durelose bini so gflashed gsi und han angst gha dasi bangers verpasst han, dasis grad nomal hinenah gschmisse han.
Es isch jetzt ned jede track es 10 vo 10, aber durchs Band hets doch paar Bangers wo i mim Lebe vo jetzt ah werdet integriert sii. "Love to the people" isch sicher so eine. Da chund mini Funkophilität wider uf allllll ihri chöste!
und wo sind jetzt wider die halbe pünkt wenn mer sie brucht?
Es isch für mich ganz es klars 4.5, aber muns hald abrunde uf es 4i will es 5i hald scho over the top isch.
Let's funk it up Curtis you little funker. Da gits vier sprützer chilli-öl uf das grandiose soul-sandwich!
Thin Lizzy
2/5
Back to rock'n'roll, ohni d drugs und ohni de sex. Denn hani au nur es live album gfunde uf spotify.
Ne ne ne, da hani ned so bock.
David Bowie
5/5
Wenn es Album und en Künstler mini zwei letzte Jahr chönti zemmefasse denn de big boy David und sini Aladdin Insanity!
Es Album wo mini (Post-)Rotterdam ziit prägt het und ih mir die nostalgische Gfühl uslöst.
Bim David Bowie - ich gibs zue - chani sehr schlächt nur s Album bewerte, will en grossteil vode Bewertig sicher ah ihn als Person gaht.
So au bi Aladdin Sane, wo zwüscheddure lieder het woni ned ganz so perfekt find, aber da streichle ich trotzdem schüch ade Wunderlampe und wünsch mer vom Genie sinco estrellas für de GOAT the Dave!
Hald au nur scho will miis absolute lieblingslied vom David Bowie und eis vo mine top 10 lieder überhaupt "Lady Grinning Soul" uf dem Album isch, verdient de Davie-boy das ihm mini 5 Stern im steilste Winkel um d Ohre flüüget!
Slint
3/5
Da hani das Album doch no glost und finds eig au no recht nice aber jetzt doch au nüd speziells.
En klassische Fall vo 3 Spinnediagram
Radiohead
5/5
Ayy jetzt haglets da defür bangers.
Ussert Karma Police isch mer no keis lied vo dem Album bekannt gsi, defür jetzt umso meh.
Als chline Melancholie-Emo-Boy het mer Radiohead scho immer zuegseit.
Und jetzt am 2. Januar, quasi chli amene emotionale Neustart vo things, pässlet mer das Album grad speziell guet.
Da verdrucki grad nomal gern 5 emotionali, aber schöni tränli
Hugh Masekela
3/5
Jazz jazz jazz jazz, tsch tsch tsch tschtschtsch tsch tsch - bumm tsch bubummbumm tsch yeahyeah jazz jazz jazz
Weiss noni so was für e jazz person dasi bin, obwohl ich gwüsse moderne jazz super super nice find, isch mer klassische jazz mengisch zu jazzig.
Aber irgendwie hets de masekela mit sim Jazz guet troffe ah mim Fritig Morge, darum gits au gern drü jazzhands inejazzled vo mir.
Run-D.M.C.
2/5
Chan ned so viel zum little MC Run-D.M.C. OG hustler sege - hald wider old school hiphop. Humortechnisch findis super, aber musikalisch wirdi mer das Album keis zweits mal meh geh.
Hald paar Klassiker wo mer durs Lebe immer mal wider ghört, aber mir langets denn au bi dene wenige Moment.
Zwei old school Hiphop Zigis für de Fabian und de Christian
Buena Vista Social Club
3/5
Buenos dias mi hijos y mi hija. Estamos aquí para mi revisión des amigos de la band 'buena vista club social'!
und scho bini usgschosse mit mim spanisch, obwohl ich mich bim lose vom album sehr fest wie en Kubaner gfühlt han, wieni i mim 60er jahr Chevy d Strasse vo Havana entlangfahr, mit de Zigarre im Muul under mim mächtige Magnum-Schnauz, eme verschmitzte lächle ih mim ledrige, bruun-brännte gsicht und ready für en wiitere arbeitslose Tag gfüllt mit Schach spiele im Park und am Strasserand ufeme Bänkli sitze.
ich bin sehr happy das mal was anders chund als Ami-albe, finde d Pedros aber denn doch ehner durchschnittlich. Isch fun gsi zums eimal lose, aber het jetzt ned en song druf gha wo mi richtig catchito het (Ussert vlt de classico Chan Chan)
Dadefür gern drü Mal e Jahresmitgliedschaft im Buena Vista Social Klöbb!
(PS. für all Film-Interessierte: es git e Doku vom Wim Wenders über die Band und d Musig Szene in Kuba - sött no guet sii, het en el oscáritto gwunne)
Dios mio y hasta luego!
The Avalanches
3/5
Und da simmer churz alli zu chline Spaniöggel worde. Biz kubanischi Musig und euses Südländerbluet wird erhizt, me gusto mucho!!
nach dere spanische hitz wird de Mittwuch mit dere Lawine wider biz abküehlt. Ich findes recht schwirig über das Album es review z schriibe. Für mich ischs biz klassische early 2000 elektronischi Musig mit chli funkige Element aber nebe anderne Künstler*inne i dem Genre wie Portishead oder Air doch au chli weniger speziell.
Find aber seeehr geil das s Album ein Ablauf het unds nicy übergäng zwüsched de einzelne Tracks het, und da het mi s eint oder ander Lied (wie Etoh) wo scho chli Banger-Potential het, doch biz lächle lah.
Und dank Etoh und Live At Dominoes gits hald doch drü statt zwei Gudis für de Lawinesuechhund de Suechi - bisch ganz en Feine!
The La's
2/5
Han The La'rrys ihres Album zwei mal glost und mich hüt Morge doch nüm ad lieder chöne erinnere. Irgendwie ischs chli The La'ngwiilig gsi und han ned grad The La'une gha für The La'ds.
Us besagte Gründ, und willi chli strengeri Bewertige mun geh nur zwei La's fürd The La La Boys, scusLa
The Band
1/5
Da heisst s erste Album vo The Band tatsächlich au The Band und ned The Album, was für e verpassti chance Leander Leadsinger, Daniel Drummer, Balthasar Bassist und Gilroy Guitarist!!
So, denn chunt die Band scho es zweits mal, bzw. szweit mal chund e Band wo The Band heisst, WILL s erste album vom Leander, em Dani, em Balthasar und em Gilroy hani sehr sehr guet in erinnerig und dütlich spannender und wenniger rednecky wie jetzt das. Und da frag ich mich: isch es würklich die glich band "The Band" oder isch The Band eifach es Sammelbecki vo allne Amateurbands miteme Hang zur Comedy?
Ufjedefall chund mer bi dem Album wider chli de Ärger uuf wie d Amis hald es musigindustrie-monopol gschaffe het obwohl so Ami-kack eifach ned die best musig isch.
Und wahrschindli biz dur die überamerikanisiert verzwiiflig, aber au willi das Album nüm lose wird, strecki nur ein Mittelfinger richtig Donald Trump
PS. sind scho die gliche boys
The Who
2/5
The who? Ah, the who! Nebed mine vier lieblings w-frage die 5th lieblingsfrag, und darum machemer das review au ahgmesse!
The Who?
The Who!
The Where?
Immer am Morge i mim Bett, und denn vlt wider dur de Tag verteilt.
The When?
Klassischi 13. Jänner
The What?
Hald es live album uf spotify, mit zwüschegerede, zwüschedgeklatsche, Jubel defür mit weniger flow!
The Why?
Keiii ahnig wieso es live album sött geiler sii wie es studioalbum?
Gits ja scho au, pink floyed machts vor, aber bi The Who frögimi au The Why und The Fuck?
Hald wider klassische, bekannte rock us de ami-double-burger-mit-extra-speck-und-300-gramm-cheddar-obedruf-chuchi
The Wpuntos?
En klassische ami double burger mit extra speck und 300 gramm cheddar obedruf
Basement Jaxx
2/5
Download lasergun.mp3
Download 80-computer-sound.mp3
Download shush-sound.mp3
Download shattering-glass.mp3
Download snare-sample.mp3
Download guitar-single-string.mp3
Download yelling-crowd.mp3
Download talking-crowd.mp3
Download annoying-peeping.mp3
Download telephone-ringing-sound.mp3
Download wouw-wouw-sound.mp3
Download g-funk-high-pitch-whistle-thingy.mp3
Download piano-random-keys.mp3
Download house-baseline.mp3
Download moaning-sound.mp3
Download random-bird.mp3
Download yelling-man-in-background.mp3
Download salsa-piano.mp3
Download maracas. mp3
Download every-existing-mp3-sample-on-this-planet.zip
Download every-existing-filter-on-this-planet.zip
Alles zememixe und violá:
zwei mal en yelling-man-in-background für das irgendöppis vo Album.
John Coltrane
3/5
Geilooo, macht grad automatisch chli meh spass wenns chli genre mixes git vo tag zu tag, nach de letzte portion einer und zweier woni allne ohni schlechts gwüsse inedruckt han het das album widermal laune gmacht zum vo vorne bis hinde lose (vlt au wills nur 30 minute isch)
Ufjedefall spassige jazz, aber doch au ned ganz supreme.
Drü sax solos ufs parkett für de saxojohn!
Afrika Bambaataa
3/5
"Album-insides und gossip mit Viki" - finde ich super! Schön bist du wieder an Bord.
D Bambaataa's vom Planet Rock und ihri chriegerische Soulsonic Force hend schön was ih mir ufgwirblet. Einersiits hani s Album sehr spassig gfunde zum lose, de Beat zu jedem track hani richtig abgfiiret aber denn hani mi trotzdem gfrögt ih was für Moment ich zu ihrem Album zruggriife wird usserhalb vode "haha lug ich han da no es richtig lustigs Album wo chli abgaht!"-moment.
Us besagte Gründ chani au kei vier Sternezerstörer losschicke will das Album ih minere Playlist wahrschindli ned sone grossi wiederholigs-quote wird ufwiise.
Aber de Planet Rock würdi scho gern mal bsueche zum mit em Volk vode Bambaataas chli z tänzle!
De Timaanaa vom Planet Albumklöbb chund in Friede und bringt drü Hüftschwüng als gschenk.
Bin gspanne was für Gossip mir über de Planet erfahred.
Marvin Gaye
5/5
Marvin the fucking Grayet!
Was mit mir on gaht isch, dass ich das Juwel vo Album es ganzes Wuchenend vo vorne bis hine, vo hine bis füre und vo obe bis une (und biz vo links nach rechts) wie e sanfti salbi us glücksgfühl und schönheit a mis trummelfell und um mini ghörknöchli gstriche, dezue min Hammer, Amboss und Steigbügel mit de sanfte Stimm vom Marvin und de tolle instrument massiert, und gliichziitig mis Mittelohr mit de Sentimentalität vo sine lieder kräbelet han.
O boy o boy o boy, a freaking lot is going on!
What's going denn mit dir on Marv?
10 vo 10, 5 vo 5, 13 vo 13 und 319 vo 319 für de Marvin Goat
The Who
2/5
Mir sind zrug mit The Who cares und The Who has time for a 2 hours deluxe album?
(liebi Grüess an Basil)
Ich ufjedefall ned. (und de Basil au ned) Sorry The Who aber nebed ganz vielne anderne "The ..."-Bands um die gliich ziit sinder mir eifach z wenig speziell und chli z langwiilig.
vereinzelti biz spassigeri lieder hender gha, gibi zue. Aber bi 2 Stunde album wird da hald me uf quantität wie qualität gsetzt.
Zwei ahkauti und zemekratzti Pünkt, defür super deluxe.
The Human League
4/5
DON'T YOU WANT ME BABYYYYY?
DON'T YOU WANT ME? OOO-OOOOH,
DON'T YOU WANT ME BABYYYYY?
DON'T YOU WANT ME? OOO-OOOOH,
Absolute Banger und ich bedanke mich bide Human League (Nomal e The Band), dass sie das Meisterstück je produziert hend.
Und lucky us, gits bi dem Album mit Love Action und The Things That Dreams Are Made Of no zwei wiiteri Bangers wo in guete 80er-jahr-synth-pop-albe in Dauerschleife chönd gspielt werde.
Absolut verdienti vier DON'T YOU WAN'T ME BABYYYYYYYYYYY?
Beck
3/5
Guero Morge mitenand!
Läck Beck, da hets mi grad sehr nostaligisch 7 Jahr zrugkatapultiert. Aber ned wege dem Album, wo doch recht Rockig isch, sondern weg dene anderne Lieder vom Beckermeister Beck us sine 2015 sad-singer-songwriter-Backstube woni no irgendwo verstaubt und härt ih mim Spotify-Chäller füregholt han.
Die rockigere Guerobrötli hend mer da leider wider en z grosse american-white-toast-nahgschmack gha. Aber gnueg anti-Ami-gedönsel, han paar lecker-schmeckigi Gipfeli dezwüsche chöne gnüsse und s eint oder ander Lied het sich au ih mini Spotify-Playlist Krümmelet.
Grüezi Frau Rüdisüüli. Ja sgliich wie immer gern. Drü Nussstängel, genau. Aber gern die vom Beckerbueb Guero. Ja genau die. Danke vielmal und Grüess an Mah und d Chind! Ah gschide? Ja denn nur en gruess ad Chind. Adiööö!
2/5
Jetzt hani scho gmeint mer loset The Fetish, aber es sind ja zum glück nur The Kinks.
The Kinks - DIE Indie Band vode 60er, 70er jahr. fast scho uf Beatles-Niveau wenn mer so wott. Aber irgendwie flashed die mich mit ihrne kinky tricklis ned so fest. Qualitativ und mit em Wüsse, dass das eini vo dene Bands gsi isch wo so viel anderi Bands inspiriert, prägt und ufgeilt het, müssti ihne fast drü sexy peitsche hieb geh. Aber wenni uf de hottness-Faktor mun lose woni wärend dem Album verspührt han, muni wider chli Härter (hehe) bewerte. Darum gits nur zwei Füess is Gsicht. Aber uf e hotti Art und defür en Linke und en Rechte.
The Go-Go's
4/5
Let's Go-Go und ballere mir die volli Ladig 80er Punk fadegrad in Schnabel!
Ayyy ich und d 80er Jahr Punk/Post-Punk/Synthpop Szene wäred absolut besti Fründ*inne gsi (natürlich nach eu mini herzige).
Für so Musig isch d front row bi Konzert erfunde worde. (krass das früener Konzert immer erst bide zweite reihe ahgfange hend). Ufjedefall sind d Go-Go-Punkerinne en grosse Spass gsi und au de Album-Name git fetti Pluspünkt.
Wenn er mich sueched, ich bin de wo im Mosh pit ufd fressi bechund.
Vier ellboge in Solarplexus und hasta la vista!
The Dave Brubeck Quartet
3/5
no überaschend guete und stimmige Jazz für es album wo vode 50er Jahr isch. (No front Jazz community).
Es Album woni gern ei mal dureglost han und 2 lieder mal ih minere Jazz Playliste zwüscheglaageret han.
Take Three, The Dave Brubeck Terzett.
Beach House
4/5
Beach House kenni nur vom Space Song wo eis vode Erinnerigstränktiste Lieder vode letzte Jahr für mich isch, weshalb ich biz Angst gha han dass ich vo dem Album jetzt enttüüscht wird sii. Bini aber zum glück ned gsi. Hans ganz Album mega gnosse und isch schön gsi mal wider i die unbeschwerti indie-welt ihztauche.
Vier Taucherlis fürs Strandhuus
Richard Hawley
2/5
Also, ich bin eigentlich fest devo überzüügt gsi, dass de Richi mir es klassischs 2er Album uf em Silbertablett serviert, aber nacheme biz füechtfröhliche geburtstagsaperöle hani das Album bim abwäsche nomal glost und doch paar qualitäte müsse feststelle.
Isch jetzt keis Album woni in zuekunft würd lose aber für de mood ide besagte halb stund hets föllig glanget.
Prosecco sei dank.
und meh Prosecco sei danker.
Darum gnüss die drü flügende Korke Richi und bis ned so ganz bald wider!
(edit 2 lieder wiiter)
Fuck country, chum mer vor wie bi SpongeBob, nimm der wider en Punkt weg
Wilco
2/5
Isch de Wilco eigentlich im Gfängnis? Will de Siech isch ide 30erzone ganz härt ah mir verbiigraaset mit sim Yankee Hotel I don't give a Fuckxtrot.
Duke Ellington
2/5
Oi Dude Ellington in Newport, leider isch mer hüt ned so jazzhändig zumute. Uf es 2 stündigs Live/Complete-Album scho gar ned, darum nonchalant selber eis ufs parkett g researched und mer siis 30 min Album geh, das het mer glanget.
Tschüss my dukeness, gsehnd eus glaubs nüm so bald.
Zwei Beef Wellington uf dich.
Thelonious Monk
2/5
Wider biz ah mir verbijazzed, obwohls doch no paar gueti passage gha het, hani ned die voll ufmerksamkeit chöne geh
Nirvana
3/5
Isch Nirvana dur ihre Kultstatus e Band wo mer mun möge und abfiire? Nevermind. Ich find ned.
Han en grosse Respekt an Kurt (es isch mer erst jetzt ufgfalle das de Kört Kobäin ja Kurt heisst) und sini Musig bringt mi grad zrug zu allne Playstation 2 Games woni jemals gspielt han, will hald alli irgend es nirvana Lied din gha hend (shutout a Need for Speed Hot Pursuit 2 GOAT PS2 game)
Aufgrund vielne nostalgische Gamer Erinnerige doch 3 Schnäbbilis für de Kurt, de Klaus, de Peter und de Paul
Robert Wyatt
3/5
De Robby und sis Schlaaf het mer e chlini Schlachterbahnfahrt zwüschet Zwüer- und Drierer-Bewertige geh.
Ahgfange miteme Klaschische drüer Schlong, ischs ganz schnell abegheit zumene Schimprovisierte einer-gerotze, bis er mich bide letzte zwei wider wunderbar abgscholt het.
Macht en Schlolide Durchschnitt vo verschlaafene drü Zipfelmütze
Kendrick Lamar
4/5
Oi da chund de Kendrick ja zumene optimale Ziitpunkt hinefüre.
Macht mi grad no chli meh giggerig zum tüüfer i de ganzi Spass ihztauche.
Ufjedefall isch de Kendi min guete Morgebegleiter gsi am Flughafe züri und au no biz im Flugi selber bisi uf mini downloadede Playlist han müsse uswiiche.
4 Drake disses Bar ufs Hand.
Salam Alaikum mitenand und ich hoff ich chan mini Album Quote dur die negste 3 Wuche ufrecht erhalte.
Adele
4/5
Han das Album ehrlich gseit chli abghacket und ned am einte Stuck gloset. Ich wird Adele jetzt ned i minere tägliche widergabeliste dinne ha aber mer muss ihre hald scho au grooooossi credits für die Stimm geh.
Deshalb brichi da au chli us minere Bewertigs-regle uus und schmier ganz gern e buttrigi viererbewertig uf de Toast.
Willie Nelson
1/5
da het mer en Tag voller Wüesti, Sand, Roote Felse und 7te Weltwunder hinder sich, immerno chli ide Schamane und Bedouine Energy und denn Schrillerets am Willie sin Sternestaub tüüf ih mis ghör-organ und vermasslet mer jedi Erinnerig zunere wanna-be-western-Landschaft und das het mi biz gstört, gibi zue.
Hans denn abbroche und gib der nur e Chlapf ufs Füdli - mach das nüm Willie!
Bruce Springsteen
1/5
Sgliich wie mit em Willie au hüt mit em Bruce.
Au da nur eis chlöpferli uf die lingi fuddibagge
Nick Drake
3/5
De chlini brüeder vom Drake het mer mit sine foif letzte Blätter en schöne Start ih min lazy-Thursday geh nach de zwei einzelne fudi-chlapfer woni geh han bini froh mal wider es Album chöne glost zha woni no spass dran gha han.
Funktioniert guet als chli hintergrund-arbeitsmusig.
Seinzig wo en riise abzug git isch s kerning zwüsched em A und em V, hets 1969 no kei Grafiker*inne geh??
Anyway, es tätschli uf di lingi und die rechti fudi-, sowie uf die rechti gsichtsbagge gibi dasmal gern
Dolly Parton
2/5
Ach Dollyyy, bin ja en grosse Fan vo dir als Person und find dich grossartig, han darum au bi jedem Lied versuecht usezghöre öbs nöd öppis riiiichtig geils ih dinere Musig het, dasi der so viel Pünkt wie nur möglich chan geh, aber da muss mer hald s Korn vom Weize und d Dolly vode Musig tränne und akteptiere, dass mich dini Lieder ned so flashed.
Trotzdem, als Fan, gern zwei chrauler am linge ohrläbbli
Beck
3/5
Leck Konditor,
Da hani bim letzte Beck Album scho all mini Beck-Wortwitz verschosse.
Ufjedefalls no ganz spassig gsi, hani bis in Beckebode gspührt
3 situps für de de Beckham
My Bloody Valentine
4/5
Eher churz willi ufhole mun aber damn My Bloody Valentine is making My Bloody Valenday.
Mal wider extraordinär us de wüestefinke gazed worde.
Vier Bloody Valenpoints
Morrissey
3/5
En grosse Spass de Good Fella.
Fun lyrics, dezue fun musig und fun Stimm.
Fun Cover au no dezue
3 mal es Funfunfun!
Und chli Ami bashing het no niemertem gschadet.
PS. All die Amis in Jordanie z treffe festiged mis schlechte Ami bild eifach meh und meh.
Sorry Amis, tear yourself at the Rieme and rutsch down my hump!
Arcade Fire
3/5
E wiiteri Band wo chli en faade biigschmack het will sie eigentlich uf de cancel-Liste isch.
Aber da wird eus das Album präsentiert, also wird das Album au bewertet.
De Start isch ja schomal uf em höchste indie-banger-niveau und gaht mit em zweite Song au grad wiiter, bim Rest vom Album het d Bangerigkeit immer meh nahglah mit einzelne Bangerhöchs. Sust e recht durchzognigi Bangermittelmässigkeit mit einzelne Sunnestrahle. Uf de Namittag nämmet d Banger meh ab bis uf de Abig wenig Bangers übrig bliibed. Im Süde mitere durchschnittsbangeratur vo 15°, im Mittelland e bangeratur vo 11°.
Git im Tüüfdruckgebiet en Durchschnitt vo 3.5 - abgrundet uf 3 - verlorni Grichtsprozess
Zrug zu dir Timon mit de restliche news:
Danke Timon, zude Top Story:
De Timon weiss ned welle Film de Basil M. Quotet. Enttüschend? Mer werdets gseh!
Bis bald und Good Morning Album Klöpp!
Simon & Garfunkel
2/5
No es witzigs Album vom Garon & Simfunkel, mit paar Lieder woni sehr gern glosst han, denn aber au einigi dezwüsche wo wahrschindli meh spasseshalber dete gsi sind.
Aber "voices of old people" isch en Abriss Track wo uf kleinere Party fehle dörf!!
Us strängfunkel doch nur zwei Punktunkel vom Timon & Goetschfunkel
Nina Simone
4/5
Uffff Madame Simone!
Top 3 Musiker*inne woni gern mal uf es Kaffiichränzli treffe würd.
Ihri Stimm und Piano skills sind ja s einte, aber ihre Aktivismus als Woman of Color ide 50er/60er Jahr sehr Inspirierend.
Sehr schön das Album mal ganz glost z ha und vieli vo ihrne lieder wohni noni kennt han i minere Sentimentalitäts-Playlist hinzuezfüege.
Gern meh vo dene wichtige Albe!
Vier d bagge abekullerndi freudesträne für das Meisterwerk
The Sonics
2/5
Here is Timon's review:
S ängelhafte und s überpitchte geschreie vom Sonic het mi uf de heireis schön in Schlaf gwieget.
Und wenn de Sonic ned persönlich i mis ohr gschräue het, denn ihres viel zluute saxophon oder welles Instrument das au gsii isch.
Ufjedefall isch viel gschraue worde und es isch mer vorcho als wär das ihres konzept gsi s ganz Album zwei Stuufe z luut ufzneh das sich uf de Boxe oder uf de Chopfhörer au sicher alles überschlaht.
Trotz weggedöse,
!!!!!! GIBI DENE SIECHE NUR ZWEI PÜNKT, DEFÜR DIE LÜTISTE WO DER VORSTELLE CHASCH!!!!!! !!!
Aerosmith
3/5
Aerosmith seit wenigstens, was ih ihrem album drin isch: Rocks.
Also Stei. Viel Stei. Wo mer uf em musikalische pfad immer wider in wäg gleit werdet.
Zum glück also hend Aerosmith ganz okee Stei mit dene mer au biz was ahfange chan.
Und s potential für all Stei Fanatiker*inne da usse gsehni sehr wohl.
Aber die 248. meist glosti Band uf Spotify?? Das überascht jetzt doch biz.
2 Tigeraug und min Lieblingsbackstei für d Aeroschmieds
Radiohead
5/5
Here we go again!
Churzes Review aber grossi Wort:
Es album wo bi jedem mal lose nomal besser wird.
S hüt morgige Lose het mer denn au entgültig de nuggi usegjoolet
Nirvana
2/5
Immerno de grösst Fan vo Nirvana und nonie Fan gsi vo Livealbe.
Live debi zsi würdi sicher es 4i hinefüre spienzle aber so ganz uf de auditive Ebene muss sich de Kurt&son mit mim saftige aber faire zwei Pünktler begnüege
Pink Floyd
5/5
Ueppaaaaa.
Bim sunnige, verkaterete Sunntigsspaziergang hani Lust becho mal wider chli Pink Floyd z lose, ballere mer mis Lieblingsalbum The Devision Bell ufd Ohrmuschle und frög mich, wenn denn echt mal es Pink Floyd Album bide 1001 chunt, und ZAGGGGG - DA ISCH EIS!!!
Absoluti Jahrtuusig Band, jedes Lied isch en Spass und ich han bis jetzt selte es Lied vo ihne ghört wo ned e absoluti Beriicherig i mim Musikalische Lebe isch.
Mit The Dark Side Of The Moon ischs glaubs biz ähnlich wies d Viki wege Radiohead gseit het. All die Hipster Boys wo au Pink Floyd für sich entdecked "Und wege dem Album so viel über sich selber lernet - e beriicherig vom persönliche Self". Aber hey. Ich glaub langsam ich ghör sehr zu dere Stereotypisierte "bizli kreativ, biz alternativ, chli wanna-be-hipsterig"-Kategorie und ich denk das isch okee.
To be stereotype is the new special. Oder so ähnlich. Viellicht au ned.
Ufjedefalls chani mini faszination für Pink Floyd ned verstecke und schüttle locker und ohni zögere mini 5 für-pink-floyd-ufgspahrte Puntos us em ärmel!
Ich han hald so viel wege dem Album über mich selber glernt. E beriicherig vo mim persönliche Self.
LG Stereotypimon
Dr. John
3/5
Nach somene high vom letzte Album fühlt sich z tüüf natürlich nomal biz tüüfer ah, aber de Nacht Tripper Dr. John (Meineder isch de au wükli en Dokter?) findi hets no smooth gmacht und het mi ned zu Steil gheie lah. Dadefür bini doch dankbar.
Ich glaub das Album het ned soooo viel wiederhör-potential aber irgendwie hanis doch musikalisch sehr witzig gfunde und gnosse.
Drü Griessbrei für de Herr Doktor.
Shack
2/5
Was usgseht wie Seefahrer*inne Tunes isch eigentlich doch nur chli e indi-singer-songwriter mix. Het mi jetzt ned us de socke g shacked und isch au mit viel Chnote ah mir verbizgseglet.
Daher nur zwei Arrrrrrrr für eu Landratte!
The Beach Boys
3/5
Irgendwie wider es solids album vonere solide Band wo mer kenne sött und meistens doch nur 1, 2 Lieder wükli kennt, was sich bim lose vom Pet Sounds aber au chli für mich bestätigt het willi jetzt kei mega neuentdeckig gfunde han bi ihrne fast chli zviel songs uf eim album.
Het aber au ned gstört.
Absolut klassische, durchschnittliche drüer
The Verve
3/5
Da muss ich schomal gestah, dass ich das Album sehr verstückelt übers ganz Wuchenend bizli versuecht han z lose. Woni am Mäntig Morge aber gseh han, dass s ganz album doch wider us zwei Discs und 26 Songs bestaht, hani das unterfange abbroche und chans Album au darum nur so halbe bewerte.
Aber was klar isch, isch das sich nach em Banger Start Bitter Sweet Symphony doch no einzelni sehr wohlklingendi lieder drigschmugglet hend, wo doch speicher- und wiederlosigspotential hend.
Allgemein aber bizli z klassisch 90er-jahr-emo-emotional-truurigi-stimm-like wo mi ned ganz so sehr abgholt het.
Hasta la vista und guete Wuchestart mini Albumklöppers
David Bowie
3/5
Ja, little Davie und sini spannende, chli experimentelle Ahfangs-Albe.
Die erste Lieder hani biz mässig gfunde, aber ab de helfti hani mi denn is biz experimentelle und chli ruhigere chöne driigeh und hans denn au recht entspannt und nice gfunde. Mal chli was anders was mer sust so da hend.
Aber irgendwie ned sone mäntigs-mood-album, darum fahri mit mine drü Lowriders, arm dusse, riise lunte im muul, gmüetlich am little Davie verbii und begrüessen miteme lässige chopf-nicke.
Dwight Yoakam
1/5
Okay, nach 10 Sekunde is erste Lied galopiert hani scho denkt, dass de Dwight grad all Stereotype vom ganz klassische "Lonely rider bonfire linedance cowboy" abdeckt. Satire und übertriebni country verarschige würdet ned ah das level vo redneckiness und lederhosigkeit herecho wie de Herr Coboi.
Und Obwohls s cover ja eigentlich scho ganz guet hett chöne priisgeh, hani weg em 88er Jahrgang, em Exotische Yoakam-Nachname und em chline hint as internationale mit em Buenas Noches öppis spannends erwartet. Oder hald öppis anders. Sicher ufjedefalls öppis bessers. Aber das isch au ned schwirig.
Danke 1001albumsgenerator, dass du mir mini tüüfi, tüüfi abneigig gege cowboy-yehaa-country immer wider vom neue chasch ufzeige. Aber mit dem Album topts alles.
Mit 30 sekunde into s erste lied und nomal en 5 sekündige versuech bimene andere bini ja eigentlich gar ned berechtigt das Album z bewerte, aber da git mer jedi Sekunde meh so e Abgrundtüüf schlechti luhne, dass ich mir das Album us selbstschutz ned han welle ahtueh.
Und trotzdem chani mit voller überzüügig dehinder stah wenni dem lonely boy ih sim lonely room eis huufise fadegrad an chopf rüer.
The Doors
3/5
Shut the Front Door, The Doors!!!
Ned mis Lieblingsalbum vo ihne und keis wo grad all Tüüre ihrennt, aber es Album wo doch fründlich ah minere huustüür chlopft - en churze blick dur de Spion - ich denn herzlich i mis huus inelahn, en platz und en kaffii ahbüüte, 2-3 Stund chli pläuderle unds denn wider gaht.
Schöne Bsuech gsi, schön dich mal chli nöcher kennezlerne, aber keis Treffe wo ewigs in errinerig bliibt.
Gern de Roomservice für Zimmer 3!
a-ha
4/5
Wenn mer grad vo somene pretty sex face und somene pretty sex triceps ahglächlet wird, chan das Album ja nur sehr guet werde.
Ahgfüert vom Biggest Banger Existing, reihet sich e ganzi Schwetti a 80er-Jahr-Danceable-Feel-Good-Abriss-Banger-Tracks i dem Album anenand.
Happy Album für en Happy chline-Fritig I guess! Mehr O-ha als A-ha!
Sehr viel Neuentdeckige woni ned all zu tüüf ih Playliste wird vergrabe und sehr bald mal wider fürehole!
Funfunfun, aber für es Cinco de mayo langets leider doch ned und ich muns abrunde uf vier luutstarchi Vikinger Gebrüll durch die Norwegische Fjords. (wills e Norwegischi Band isch - ned gwüsst und macht mi umso happier!)
The Smiths
4/5
De Morry Schmid mit sinere Band d Schmids isch eifach e Wucht und e Beriecherig für eusi musikalischi Welt!
Wo die Band bi mir ned mit nostalgia punkte chan (will Ich sii z spaht für Mich entdeckt han), punktet sii fadegrad mit em Morry sinere crazy, unverwechselbare Stimmt und ihrere Krasse Stimmig.
Wo There Is A Light That Never Goes Out über mini Chopfhörer dröhnt isch, hani erneut mit Nuggi nüm chöne dinnephalte. Was für e Nuggiverschwendig bi all dene guete Bands.
A dere Stell möchti Paar Dank usspreche wo mich zu The Smith nöcher bracht hend:
D Sofie Gyrd Hansen wo mir d Welt vode 80er Bands eröffnet het
De Noah Hertzog wo immer wider mit The Smiths hinefürecho isch (will lieblingsband und so)
De Morry will er eifach die absolut Bombastisch Band gründet het
D Mueter vom Morry dass sii so eine ufd Welt gsetzt het.
D Grossmueter vom Morry, dass sii e Frau ufd Welt gsetzt het wo de Morry ufd Welt gsetzt het.
D urgrossmueter vom Morry will sii sicher e cooli Socke gsi isch
Mir selber will Ich eifach en krasse Musiggschmack han wenni the smiths geil find.
Mim mami will mer am mami eifach me muss Danke sege
Am Peter Zumbüehl will er mir grad min Händsche ufgläse het woni verlore han
Am Basil will er en schmucke Typ isch
Am Nedi will er en schmucke Typ isch
Nomal mir, wege why not, ich muss immer mit mir klar cho
Trotz em Lob in höchster Form muni de Gspass us Buchgfühl vo 4.5 uf 4 Gold Schmiedendi Müllerfraue abrunde.
Radiohead
4/5
Da bini zwar wiiterhin de Stereotypimon und Radiohead Fanboy, aber bim ahfang vom Album ischs mer chli zwild und zu experimentell gsi und bin fast bimene 2 glandet, ab song 3 hends aber nomal s stüür chöne umeriise und die viele wider sehr guete Tracks hends wider uf es (biz ufgrundets) 4i chöne ufejodle.
Es 3 shiint mer zwenig, aber dasmal isch mer de nuggi also dinne blibbe
Darum 4 gueti Fernsehchöpf fürd Jungs
Bebel Gilberto
3/5
D Bebel, de Gilberto und ihri Tanto hend es ahgnehms Mittwuch vormittags Tempo, und wie de Basilito scho erwähnt het, endlich mal öppis anders wie änglischito!
Absolut passendi Work-, Choch-, Chill- oder sustigi all-day-hintergrundmusigito.
Jetzt doch ned so usestächendi Liederitos dasi ihne e extraordinäri Bewertigito chan geh aber es sichers Tanto Tempo 3 ide 5er-Zoneito
Steely Dan
3/5
Sehr cute soft-rock-funk-pop-blues wo au sehr demit punktet dass es wider e netti abwechslig vo anderne Rock Bands isch.
Ich denke s widerlosigs-potential isch jetzt ned so so so riisig aber jedes lied hani sehr gnosse.
Für mich denn aber doch bizli zu Soft für es Album woni mi richtig chönt inesteigere und inegeh. Viel ih mir usglööst ussert es chliises, inners lächle passiert ned.
Daher machemers eus wider eifach mit drü stäälernde Hansruedis!
Bob Dylan
2/5
"Woa Bob, du gsehsch ja uus wie de Timon Goetschmann in Alt!"
- irgendwo imene parallel-Universum.
Nonie vorher, defür ide letzte 2 mönet öppe 4 mal isch mer gseit worde dasi genau wie de bob dylan usgsehn und darum bini jetzt froh siis album mal chöne glost zha und härt eis abzjudge!
Und zwar scho ehner zjudge. Da chan de Bobby so es grosses Vorbild für vieli Bands und Inspiratione für vieli Albe gsii sii, am Endi vom Tag ischs hald eifach klassische Akustikgitarre-schnurregiege-Folk.
(Ich gibs zue, bim eint oder andere Lied hetti mini Cowboy-Stifel zude Klapperschlange-Banjo-kläng ned chöne Still hebe.)
Aber schlussendli hald doch ned so mi feel-good-sound und lust uf e contemporary-linedance-ihlaag hani hald doch eher selte.
Darum bringi gar nüd back home und gib der nur 2 vo 5 Stern bim Timon-Goetschmann-Look-alike-Wettbewerb
The Killers
3/5
Sweets Album, chli zwenig Ziit gha zums ganz analysiere z chöne aber finds ganz solid.
Es killer album ischs jetzt ned, defür es Killers album.
Dadefür drü Messerstich in Unterleib!
The Black Keys
4/5
Nice, han d Black Eyed Keys scho immer geil gfunde!
Da wird de Unterschied zwüsched klassischem 70er Jahr Ami Indie-Rock und 2010er Ami Indie Rock nomal chli klar - fägged scho biz!
Ich glaub spasseshalber tuni da jetzt au mal e wild guess mache: Ich denke ned dass mir einstimmig e Bewertig werdet finde, aber han es gspühri das de Brother Nedi wie au ich 4 Puntos, de Brother Basil und Brother Noah aber bi 3 Puntos werdet sii. D Sister Viki (if glosst) findi no am schwirigste zum abschätze aber han es buchgfühl dass sii brother Nedi und Brother Timon uf em 4er Zug joine chönti. (Und d Maya bi ihrem comeback sogar e fünfer im hoche boge)
Vo dem her:
This is a
Punktevergab by
Timon Goetschmann.
The amount of Punkte
for this album is
4
Sufjan Stevens
2/5
Nee, de chli brüeder vom Cat Stevens und sini Illi-noises hend mi uf e spezielli Art chli gnervt. Ned so my type of bread.
2 mal en koffeinfreie latte macchiato mit Hafermilch bitte
Fatboy Slim
3/5
The Herr Fatboy Slim Shady mit sim pionier werk an album!
So Art vo Albe hani erhofft bide 1001, ned wills absolute bangers sind, sondern will so Albe doch d zuekunft i verschidne genres prägt hend.
Spassig zum lose, doch ide hütige ziit classy biz veraltet. Ich Gsehn de Fatboy aber mit sine retro synthies I sinere garage sites, chli umeexperimentiere und das Album us em ärmel schüttle.
Dadefür biz abgrundeti 3 Fatboy Skinnyjeans
The Pogues
1/5
Nachme höch chund wider s tüüf.
Mit dene Seefahrer-buebe chani absolut gar nüd ahfange.
Ein chliine, gstrandete und vertröchnete Seestern für das Theater
Frank Sinatra
2/5
Franky Boy, scho ganz e gueti Stimm, aber da het ihn d Ziit und die modern Musig leider längstens überholt.
Zwei Fedoras mit zwei Zigis ide Hand defür
Air
5/5
Moon Safari? Wohl eher e “da vergissi alles um mich ume, s lebe isch guet, emotione höch, mitere abschlüssende Gfühlssilverstar”-Safari
Was eus da d French Band uf em plateau (La Femme) d’argent serviert isch d Crème de la crème vo 90er/2000er Musique électronique. Talisman eis vode plus belle Lieder wos git, La Femme d'argent un classique, und hey - über eus sexy Schnudernase hends au es Lied gmacht!
Bi dem Album bini sehr überzoge, dass das bi eus allne e 5er Rundi git. (Ussert bim Basil will de in Den Hague verhocket)
Wie de Phil Collins scho gseit het: “it’s fucking Air tonight!”
Cinq étoiles très belles pour le French Band
Dusty Springfield
4/5
Nebe “a dust called girly” mis Lieblingsalbum vode Dusty.
Ihri Stimm isch scho sehr einzigartig und irgendwie hani au en chliine crush uf d dusty, bzw uf ihri Stimm.
Viel meh Filmmoment-Energie wie all die 60er Albe vode alte, wiise ami-rockers, das macht scho spass zum lose und het I paarne Wuchenend-Moment optimal inepasst.
4 Staubchörner for you gaaaarllll!
N.W.A.
2/5
Da bini wükli ned sone old school hiphop type of guy.
Und das zsege wärend mer e pistole is gsicht druckt bechund heisst viel!
Han nach de helfti müsse de gspass abbreche und bin die restliche tracks duregskiskiskiskiskipidubidiped, und finde dasi nüd grosses verpasse.
Darum au nur zwei drive-bys (aber ohni toti, nur abschreckig!)
The Residents
1/5
Heiligi Mutter und Vater Gottes, das nänn ich mal experimental! Oder nännts mer Lärm? Isch das no musig?
Ich weiss es ned, und leid zu lied hanis au meh Asträngend gnännt.
Ufjedefalls nänn ichs weder en 5 punkter, no en 4, 3 oder 2 punkter sondern radikall es irgendöppis vomene 1-puento.
Mir werdet kei fründe!
2/5
Ja da simmer offesichtlich ned bi "1001 Albums you have to enjoy before you die".
Wider nebe experimentellem geklimmpere, ufd instrument drufhaue, is mikrofon inebrülle und paar exorzisme durefüehre ned viel anders debii usecho.
Ich chan das Album hüt aber schowider biz meh als Musig ahluege wie das Album gester und gibe darum zwei bluetigi dämonechöpf
Paul Weller
3/5
Hallo Paul Daniel Willy Weller, da isch de Timon Dagoberth Gusti Goetschmann,
Da hesch mer e guete ufschwung nach zwei desaströse Albe geh.
Zwüschedinne mal wider chli zfesti singer-songwriter energy aber ha freud gha mal wider musig z lose und es Album zha woni ganz han chöne durelose. 1, 2 lieder hend mi guet abgholt und mit dinere Stimm chasch also au überzüge.
Gfühlsmässig leider doch ned bimene 4er sondern abgrundeti 3 Wildi Holzstämm.
DAS ISCH DE DANI DANI WELLER!!
Soundgarden
3/5
han paar Ahläuf brucht zum s Album chöne lose, willi meistens biz abdriftet bin unds denn nurno im Hintergrund wahrgnoh han.
Eigentlich ganz solide Rock, wenn eim das Spass macht.
Aber au nüd grossartig uffallends was Soundgarden hät, was anderi Rock-Bands zu dere Ziit vielliecht ned händ. Tönt ih mine Ohre alles biz gliich.
Trotzdem hani mi chli verwütscht mit em Chopf z nicke und schänke de Buebe darum 3 Gardenzwärge.
The Zombies
4/5
Vollgas uf LSD am Woodstock hetti das sicher die best musig gfunde woni je ghört han, aber vollgas uf LSD in Züri gseht das schowider biz anderst uus.
Time of the Season bliibt aber en Banger und hebt de ganzi Trip vo zwei uf drü wiiteri Sprützer.
The Associates
4/5
Oh bi dem lange Album het da Basil gar kei Spass!
Wer aber sehr Spass dran gha het: ICH! Und was für e Spass!
Gueti 80er Post-Punky Energy mit es bizli Ähnlichkeite mit mim Bruder David Bowie und au sust stimmt sehr vieles bi de Partner!
Da dörfs au wider e (Noah zitiere) "The [insert random ass word]"-Band sii.
Grad e Handvoll neui Lieder entdeckt wo mer ih minere oldie playliste wiiteri freud bringe werdet.
Dasmal gits ehrlich-gmeinti 4 abgschläckti Briefmarke - bi dem gester bini mit mine müede äugli so früeh am morge abgrutscht. wäri es guet gmeints 3 gsi, sicher keis 4i.
Da defür ehner es abgrundets 4i. Und Hot sinds auno dezue
Spassspassspass
Kacey Musgraves
2/5
Hoi Kacey, du!
Da fallt mer grad sehr fest uf wie unterverträtte wiiblichi künstlerinne sind da bim Album Generator.
Nonie vode Kacey Musgraves ghört zum ehrlich sii. Und ich weiss au biz wieso.
Fühl mich bi dere zuckersüesse Stimm wie ade erstkommunion vode cousine wenn s 16 jährige teenie meitli ihres biblische lied ide chile dörf vorsinge.
Oder ide RomCom wenn min Jugend-crush grad de Altar zu ihrem zuekünftige ma lauft, obwohl mir beid wüssed das mer scho sit 15 jahr inenand verliebt sind ohni dases je öppert gseit het.
Chani mit beidne situation ned viel ahfange. Gueti Stimm, aber singer-songwriter + chli country vibes git mer alles anderi wie e goldni Stund.
Das ganze nach 20 bronze Minute abbroche und schnippe lässig zwei goldmünze in wunschbrunne und wünsche, das bald wider e banger-album chund.
Zweit wunsch isch en filet-o-fish
Roxy Music
4/5
Banger gwünscht - banger becho!
Und denn no eine for my pleasure.
Bi Roxy music bini scho chli vorihgnoh will Ich denke de Bryan Ferry isch eine vode coolest person alive!
In Every Dream Home A Heartache es juwel vo grandioser 70er Musig.
S ganz Album en Ohreschmaus und en Spass für die ganzi Familie!
„Chömed Chinde, Eltere, Grossis und Opas, Urenkeli und Cucousine, Hünd und Vögel, McDonalds und McDaisies, Burgerkings und Burgerqueens - jetzt gits e Spassrundi Roxy Musig vom Onkel Ferry!“
Abgrundeti 4 sexy Raubchätzlis für de pleasure!
Kanye West
4/5
Young Ye - het sehr Spass gmacht es ganzes Album vom Kanye durezlose - au en Künstler woni immer nur vom Noah, Basil, Soma etc. ghör, aber selber immer biz berüehrigsängst gha han. Defür das Album vo vorne bis hinde und obe bis unde berüehrt, gstreichlet und kräbbelet.
Viellichts wird sogar bald eis vo sine neue Albe duregstreichlet.
Vier Streicheleinheite am rechte Ohrläpli
Radiohead
4/5
D Radiochöpf zum vierte, dasmal mit Kid im Gepäck!
E Radiohead-experimentelli Mischig us bewusstsiierwiiternde banger tracks, unentzifferbari experiemntal-Klamauke und trippende sphäreklang.
Quasi d gheimzuetate für es funktionierends Radiohead Album.
Radiohead love once again.
4 Süessigkeite woni vo 4 Brüelense Kids chlaue
The Byrds
1/5
Ay caramba, da losi erneut das top Radiohead album, schriibe mis review, Schicke ab, und denn chund wider de huere lassoschwingendi, Jesus verehrendi cowboy-brunz.
Macht mi hässiger je meh so Albe bide 1001 sind.
Fuck that, Abbroche und d ohre eimal gründlich usgwäsche.
Ein Chautabak-gfüllte speuz in Spucknapf für das zügs
Crowded House
3/5
Die Band hani trotz intensivere 80er / 90er Jahre gar nie uf em Schirm gha.
Steile ihstieg ine potentielli Neuentdeckig vo dem Monet, mit zwüscheziitliche "Niedlichkeit" wo mer biz zu herzig gsi isch, de höhepunkt erreicht mit "Weather With You", wo mer mal wider de nuggi usegschosse het als gäbts kein Morge, und uf de Abschluss wider chli meh ernüchterndi realität das de wieder-los-faktor ned alllll zu höch wird sii bide meiste lieder obwohli das Album sehr fest gnosse han.
Verdient das Album 4 holzgrimasse? Min Holzbuch seit leider eher 3 Holzfratze. Wäri aber es Klars 3.5
The Police
3/5
Da sind d sexy officers wie binere Regatta ganz schnell ah mir verbigsäglet.
Nach de 44 Minute isch mer nüm viel vom Album in Erinnerig blibe.
Weg ihrem Name und ihrere Grössi bini aber au biz mit z höche erwartige i das Album ineköpfleret.
Verstahn ned ganz, wieso so viel lüt gege die Band sind und überall Fuck The Police heretägget.
Krass aber, dass sich e ganzi Bruefsgattig für Sicherheit und Personeschutz nach ihne benännt het.
Schluss mit erzwungne Police-Dad-Jokes und 3 Schläg mit em Schlagstock uf de Deckel.
Dusty Springfield
4/5
Big Album, small review.
D Dusty weiss wie mer am Timon siin hörgang glücklich macht. Dusty zum zweite het nomal chli me brilliert wie dusty zum erste.
4 Dusties fürs Dusty
Isaac Hayes
4/5
Da het mich de Isaac schön hinters heiss butterte Liecht gfüehrt!
Erwartet hani old school hiphop und becho hemmer grandiose Soul miteme 12 Minütige ihstieg bis zum soul climax, was denn nach em 3te track wider biz abgflacht isch.
Die erste zwei songs ganz klari 5 butterbräzel doch durchs s bizli abflache buttere ich 4 köstlichi butterfingers id Bratpfanne
Haircut 100
4/5
Ned gwüssi dasi widermal en Haircut 100 bruche aber da isch er uns er staht mer dammi guet!
En Funky-Mullet mit chli usfadendem groove uf de siite, hine bitte chli me vocals, denn gern s ganze no chli mit 80er energy abrunde.
Ja mit wäsche und föne und am schluss no gern biz fun it haar fürs styling.
Aber lönd sie mer gern 4 Schmalzlocke will die Buebe hends richtig verdient!!
Skunk Anansie
3/5
Einersiits sehr nice mal wider chli es ‘neuziitigers’ Album z ha (I mean, fast 2000er Jahr), andersiits tönts denn au wider chli so frei, experimental und chaotisch wie Albe us dere Ziit tönet.
Mix us “ah moll findi doch no easy zum lose” zu “okay, biz zu hardcore is 2000er Rock abdriftet” zu “isch das jetzt doch eher e kuschlerock-soul band?”
Kinky Album name though, I like
Da rauchi grad 3 Zigis, würdi aber eig nur 2.5 möge
Dire Straits
4/5
E Achterbahnfahrt vo Ohrmuschel-schmeichelnde psychadelische rock Kläng zu nervende Oberschenkelchlopfende Cöntry wie "Walk of Life" (wie au immer das Lied ihres zweit beliebtiste isch??)
Money For Nothing het hald eis vode beste Song Intros ide Musiggschicht, Walk of Life isch für mich defür eis vode überbewertiste Lieder wo ned so ganz i das Album passt.
Gege s Endi vom Album aber absoluti Perlene und neuentdeckige vo spassige lieder.
Macht widermal klassischi vier brüderlichi küss uf die lingg fudibacke
Queen
3/5
Yaaaaas queeens! *schnipp*,*schnipp*,*schnipp*
Bi somenere mayestätische Band gaht mer natürli mit königliche erwartige i das ganze ine und ich als chline anti-monarch bin denn au mit tüüfere erwartig us em musikalische palast usezottlet.
Nebedem all-time-banger hani grad keis wiiters juwel i de Schatzchammere gfunde und minere musik-Statistik her müssti das eigentlich es goldigs zwei geh.
Ich schiebs aber au chli uf mini untertane-luhne und denke dasi immene andere Kontext meh Freud gha hetti.
Dasi mi also ned ganz wiene hofnarr fühle trotzdem 3 ufgrundeti Guillotine.
“Off with his head!!”, slay girls und goodbye
The Allman Brothers Band
4/5
Jaaa nice was sölli sege, hald mal wider es live album woni kein song gspeicheret han weg em live-album-gerede und geklatsche aber han d musig absoluuuut gnosse. Guete groove, gueti guitar solos, alles wone gueti live band Würd bruche.
Darum hani chli cheated und bin vom live album zumene album abdriftet wo mer bestätigt het das mich die musig scho max catched.
Würdi das album live gseh wärs e grandiose 5er aber wege spotify-minus und mim gecheate gibi hald nur 4 ananas uf de toast Hawaii.
Aber e band woni mer definitiv meh wird geh.
Willie Colón & Rubén Blades
5/5
Ay caramber, zum glück hani mini tanzbei züglet will die hani hüt ganz fest brucht!
Fantastischi Musig zum s Zimmer putze, mit chline Salsa-ihlage mit em Staubsuuger, chli flamenco-ihlage mit em schüüfeli und biz bachata mit em bäseli.
Macht sehr lust uf summer, ferie, bädele, bierle im park und alles was eus tatsächlich erwartet.
Git grad es feuf fachs Arrrrrriba!!
4/5
Funky funky funky! Für e Band wo sich Chrieg nännt isch d musig durchuus happy-machend.
Da hemmer e grossartigi glückssträhne a neuer und gueter musig und ich hoffe ich jinxes ned grad indem ich da schriibe das d köntri quote sehr am abneh isch.
Mit the Cisco Kid isch s feuf sterne potential sehr ume gsi, zwüscheziitlich wider chli abgflacht und the world is a ghetto mit dene vielne funky und jazzige solos sind 10 minute pure gnuss!
S chützlet mi ide finger wider es feufer-gwitter krache z lah aber getrau mi denn doch ned ganz, fehlt bizli de durchzogni kribel im buuch.
Aber au 4 sternezerstörer meinets guet.
Lou Reed
3/5
Vom Album isch mer nüm viel bliibe ussert de 5er track perfect day und no paar ganz okeeigi dezwüsche.
Han aber nüm möge s album nomal lose und möcht gern s mäntigsalbum gseh Darum gits 3 Optimus Prime
Prince
4/5
Nach Queens gahts natürli ned lang bis de chli Prinz ade Reihe isch.
Au en Künstler woni eifach paar Bangers kenne und mich no nie ah sini 25 Albe heregwagt han, darum happyhappy dass das mal passiert isch.
Und de chlini Prinz sprudlet ja nur so vo sex-appeal, funk und viel sassyness, alles was mer a somene sunnige ziistig brucht!
Paar tracks dezwüsche sind wider recht experimental aber alles andere Würd ned zu dem sexy boy passe!
Vier fabelhafti Prinzerolle + no chli restkrümmel vomene 5te!
Yes
2/5
The Yes Album by Yes tönt eher wie es The Naja Album by Naja.
Ned gross öppis im Gedächnis blibe und hüt morge bim nahlose hanis Album nüm gfunde ussert e 4 Stunde delux version.
Daher vlt biz schwirig das denn z bewerte, aber tönt chli nach zwei Maybes
Tim Buckley
3/5
Buckle up, Tim Buckleyuu's!
Greetings zrug miteme eher churze review.
1, 2 lieder sind mer bliibe aber meh ned. Und chum ned drüber hinweg, dass de Tim Buckley biz tönt wie de homer simpson.
drümaligs zuenicke from Z.H.
Aretha Franklin
5/5
Aretha, aretha, aretha.
Schön d Frau Seele da bide 1001 begrüesse z dörfe.
Long souly short - de gläubigi touch ignoriert und rein musikalisch - e wunderbari beriecherig!
Denn no e woman of colour wo sich ide 60er jahr het chöne duresetze, d Aretha muss power ha!
S buchgfühl brodlet vlt ned ganz so starch wie bi anderne Albe aber qualitative chani da ned weniger wie 5 Franklin Roosevelt’s geh!
The Shamen
4/5
So stell ich mer d musig vo zwei teens ide 90er jahr vor die grad ihres neue elektronisch musig gadget ide garage vode eltere usprobieret und dur biz pröble und Fiele usversehe paar club bangers produzieret.
S ganz album schreit mer regelrecht “DAS SIND D 90ER JAHR DU WIXXER” is Ohr.
Was mich aber bekanntlich ned stört: Goetschmann Tranceport het freut.
Biz elektronische Kläng chund dere Liste vo 1001 Albe also sehr guet und obwohl mer ned all leider gliich guet gfalle hend hets de eint oder ander bangerito dinne gha.
Us freud es elektronischs album z geh gits ufgrundete 4 Roland303 für de gspass
Skepta
3/5
Skeptiskeptiskepta!
Zum glück hani min weg zu hiphop ide letzte mönet gebnet und findi Superrr und troptzdem isch mer de skepta mengisch zu I’m-in-the-middle-hiphopig woni anderi künstler*inne meh bevorzuge.
Und wenn er mir scho seit mer seged kei cousins nimmi das au biz persönlich.
S ganz album aber trotzdem sehr gfühlt.
“Bisch du hiphoper oder skater?” Chani langsam mit 3 vo 5 antworte ehner hiphoper. En Olly chani trotzdem
Missy Elliott
4/5
So wie The Shamen mir id Schnauze gschroue het, dass es d 90er Jahr sind, durchlöcheret mer d MC Missy Elliott Hastla in Drive-By maniere mitere Uzi mis Trummelfell, das daas d 2000er sind: "DAS SIND D 2000er DU WIXXER!" - öppe so.
Und läck du mir am Skinny-Jeans-kombiniert-miteme-V-Usschnitt-Tschööpli gebed die 2000er öppis heer. Da chund min R&B guilty-pleasure uf all ihri chöste und han mich scho gseh mit mim date i mim rote Chevi zum knutsch/ussichts-parkplatz über irgendere beliebige mittelgrosse amerikanische Stadt fahre, d Missy und Beyoncé chrooset über de Kassetterekorder in schlächter qualität und mis 19 jährige iich denkt "that's the best day of my life".
4 rosé-goldni Rolex bar ufd hand
The Rolling Stones
3/5
Da sind mer die Stei chli schnell ah mir verbiigrollt. Leider biz zwenig ufmerksamkeit chöne geh, schlussendli sind mer aber au ned viel lieder i mine finger chläbbe blibbe.
3 flügendi Tigerauge
Duran Duran
5/5
Was zum Tüüfel Tüüfel isch denn das gsi??
Duran Duran kennt mer ja vo Songs Songs wie Girls on Film oder Hungry Like the Wolf aber das ich noniiiie über das Album Album gstolperet gstolpered bin isch ja en Skandal Skandal !!
Vom Ahfang Ahfang bis Schluss Schluss keis müsse skippe skippe und grad 3 mal hinderenand hinder d Ohre Gschmiert!
"DAS SIND D 80ER DU WIXXER!!" und da bini absolut froh froh drum!
80er for the win win und duran duran for music music presidents presidents.
Ich gsehne liechti ahzeiche dasi die Band Band ide negste Wuche Wuche ufe ufe und abe abe lose lose wird.
Darum darum au au ganz ganz gern gern feuf feuf wohl wohl verdienti verdienti puentos puentos für für die die banger banger-maker maker duran duran!
Let's let's go go!!!
Elvis Presley
2/5
Sweete boy, aber definitiv weniger gflashed gsi.
Aber schön mal es Elvis Album glost zha.
De Elvis isch aber neb em uncle Sam au d verkörperig vode USA.
Git bekanntlich biz abzug. Ganz abhole duts mi leider ned.
2 speed hochziite mit elvis animation
Dion
2/5
Leider ned ganz das album woni am sunntig abig nach 11 stund fahrt möcht lose, wird schonigslos und mit viel selbstvertraue geskipppt und zwei Stunde Stau hindehergschosse
Depeche Mode
4/5
Überascht wie Depeche Mode ned viel falsch mache chan mit ihrere Musig.
Für vieli moods guet geignet, au für e schwirige mäntig.
dadefür 4 überaschigseier mit lässige spielzüüg dinne
Neil Young & Crazy Horse
2/5
Scusi Neil Young und du Crazy Horse, irgendwie hets mi ned gross catched und es isch tendenziell eher es geskippeds album gsi.
Biz unfairi zwei rostigi Pferd
The Only Ones
3/5
Weder nervig no bsunders usserordendlich oder uffallend geil.
The Only Ones by the only ones bechund nur the only three
Tom Waits
2/5
Da bini chli schlecht worde mit de Albe willi mi ide erste wuche noni getraut han zum eigni musig z lose.
Bim Tom Waits hani aber au ned so viel verpasst. Ischs en musiker oder en stand-up comedian?
Han ufjedefalls wenig z lache gha.
“Chlopf Chlopf” - “wer isch da?” - “Nurzwä” - “Nurzwä wer?” - “Nurzwäi Pünk für de Lustig”
David Bowie
4/5
Da verbowie mi widermal vor em Dave, klatsche ganz lut id händ, heb min huet, schmeisse vier sternli id rundi und Mach grad no en bürtselbaum. De Dave macht widermal vieles richtig bi dem Album
Beastie Boys
1/5
Ui die sind mer e stuufe z chaotisch und z luut,
Hani ned so gnosse,
Eis geschreie zrug
Frank Black
2/5
Da hani chli z wenig nerve zum sottig Albe durezchaue.
Ned min Teenager of the year.
Zwei Fetti Teenie Pickel uf de Stirn
Oasis
2/5
Zerst bini happy gsi das Wonderwall ned Part vo dem Album isch. Denn hani aber gmerkt, dass Oasis hald immer sehr nach Oasis tönt, au wenns ned Wonderwall isch.
Und wie ihr bis jetzt alle wüssed chan ich singer songwriter bands ned guet usstah.
Darum und us vielne anderne Gründ gits zwei Nippelzwicker für de Australier wo mit sinere Gitarre am Lagerfüür im Surfcamp in Bali scho zum 5te mal Wonderwall singt.
The Beach Boys
3/5
R.I.P Brian.
D Beach Boys sind wükli Today!
Summerlichi und Strandigi Energy, aber es tönt au jedes Lied biz gliich.
3 Schichte Sunnecreme ufd Stirn
OutKast
2/5
Eigentlich isch gar ned alles schlecht und paar tracks sind au ganz solid gsi, aber will de widerhörfaktor faktisch bi 0 wird sii, gits doch nur zwei sorrys fürs d miss Jackson
The Who
2/5
The who cares again?
Ich biz meh wie letzt mal, aber care au noni zu fest, wills mer biz zu oldschool rockig isch. Und viel bliibe isch mer au ned.
Also who’s next? Richtigi Frag!
Los es nüm gross darum wider nur zwei whowho’s
The Specials
2/5
Mis Grossmami het mer au immer gseit ich seg special.
2 chlöpferli uf de hinderchopf für die spezielli spezialiste
King Crimson
3/5
D tön vom Larks sinere Zunge hend mi no wohlig gstimmt.
Paar lieder denn wider eher experimentell-orientalisch aber het mi alles gar ned fest gstresst.
3 halbliideschaftlichi Zungeküss
Fleet Foxes
3/5
Nonie vo dere Band ghört aber ganz e sanfti und netti Überraschig gsi.
1,2 lieder gspeicheret, aber au fast bizli z herzig für min gschmack.
Wills ahgnehms gesinge isch gits trotzdem 3 Fleet Foxes für Fleet Foxes by Fleet Foxes
Neil Young
2/5
He da hani müsse us em Neil Young fan club ustrette, das langsam de Neil Old isch i mine ohre.
Wärs de Neil Armstrong wäri no immer Fan.
Zusätzlich zum usträtigsschriibe no zwei Schnurregiige id Frässi
George Michael
2/5
Da chunds mer chli vor als wär de georgie boy en pupertierende, überspitze teenie wo immer irgendwodure über sex rede mun. Oder Jesus. En verwirte, überspitze teenie.
Beides nimmt leider de ganz sex appeal chli use und es fühlt sich zurecht ah als wärs 1987.
Gueti Stimm het er aber.
Dadefür segi doch zwei Vater unser bim Mastrubiere.
Led Zeppelin
4/5
Let's Luftschiff BoyZHHH!
Spassigs Album gsi doch bim Schaffe losi irgendwie doch nur mit eim Ohr zur unds ganz Album denn nomal es dritts mal lose hani denn au kei bock meh gha.
Aber immer mal wider mit em chopf gwippet und hi und da au mal en chline Mosh Pit ahgfange im Büro.
Darum 4 sexy Zeppelin Pilotemütze
Thundercat
3/5
Da het sich mis herzlich gfreut, en alte Bekannte vode Neuziit ih mine öhrli zha.
Und obwohl ich ihn als super lustige (und biz wahnsinnige) wahrnimme, sind paar vo sine lieder au bizli wild und astrengend gsi zum lose.
Dashalb leider doch abgrundeti 3 usekotzti wollknäul
The Cure
4/5
Das nenn ich mal e gueti cure gege schlechti Luhne! Ned mis Lieblingsalbum vo ihne aber allemal e solidi punk note und 2, 3 grossartigi bangers druf.
Da würdi gern 4.5 Nächt bi ihrem Cure-Ort Bueche, aber da munis wohl uf 4 abrunde. Dafür mit Zmorge.
The Cramps
2/5
Da hani also en Fensterplatz gha wo eus de Lord die Songs Taught het.
Han bim Lose au fast Ohrechrämpf becho, darum Pluspünkt für de passend Name.
Isch mer eis zu Nervös gsi zum schaffe, aber es gäbti sicher situation wo die Musig gar ned so mega schlecht wäri.
Zwei Magnesium geg min Chrampf, bitte.
Black Sabbath
3/5
Rockige Burschte dieeee.
Perfekt Länge vo 40 Minute git es Plus Pünktli und das Rockige het mer au sehr passt!
Dadezue happy Hanukkah zeme, das git solidi 3 Punktlenskis
Goldfrapp
2/5
Bin unschlüssig öb Ichs toll gfunde han wills mal wider chli was moderners gsi isch oder öbs mer doch wider zu niedlich gsi isch.
2, 3 Lieder hani sehr schön gfunde, andere 2, 3 doch fast scho nervig. De wiederhör Faktor isch verschwindend chli wieso das es doch nur zwei Erdbeeren Frappés git
Supertramp
3/5
School isch en maximale Start für sones Album vode Supertrampers wo scho hoffnig uf es Album Maximum Punctico gmacht het!
Die restliche Lieder sind denn au ganz losbar gsi aber ned nöch ah dere Messlatte wos doch sich selber gsetzt hend mit School.
Da hends im Dramaturgie-1-Mal-1 leider s Spannigsboge-Seminar verpasst.
Trotzdem gnosse und git defür en solide Vierehalber (aka es solids 3 bide 1-5 bewertig)
Gorillaz
4/5
Wowzerrrs da het mis herzli en freudessprung gmacht woni das Album gseh han.
Viel zspaht i mim Lebe hani Gorillaz für mich entdeckt aber natürli lieber z spaht wie nie.
Ihres Debut Album vo Ahfang bis Schluss durelose hani dadefür jetzt s erst mal gmacht und paar wiiteri Gorillaz Perle entdeckt. Juhuiii!
Grosse Shout-out an Damon Albarn wie er mit Gorillaz Ziitloosi Pionier-Arbeit gleistet het. Geile huere Soubock du!
Git Abgrundeti 4 Elephante
Carpenters
2/5
Wenn das Album en Mensch wär, denn wärs es Jungs, christlichs Päärli vode 70er Jahre - sie ganz in Wiis, er mit 70er Jahr Chrage, Luke Skywalker Frisur - beide ufeme Stei sitzend und id Kamera grinsend.
So han ich mir Carpenters ned vorgestellt. (ganz e wildi Theorie vo mir, dass sie sich Carpenters taufet will de Mc. Jesus Ch. eine gsi isch, dadefür weissi ja nedmal öb die zwei würkli christlich sind)
Allgemein sind sie mer biz zu päärlig, zu herzig und zu umeschätzelig gsi.
S Beatles Cover Help het mer no ganz pässlet und mit Another Song bini schlussendlich doch no überrascht worde.
Meh wie die zwei heilige Faltigkeite chani defür ned büüte
Tom Petty and the Heartbreakers
2/5
Biz a Petty das es dezwüsche doch so viel country element dinne het. Und das de Tom freud dran het all die Heart z breake.
allgemein klassische biz unterdurchschnittlichs Album dasi nüme lose wird.
Darum zwei Heartbreakdance ihlage uf de parkett
Van Morrison
2/5
Irgendwie no überraschend stimmig für es weiters "sitzemer am lagerfüür und bestönd uf eusi freedom will mir alles tax payers sind"- und "MIGRANTS!"-Album.
trotzdem wirdi de Van Morrison nüm so schnell antreffe im Lebe.
Würd fast sege, dass s Van Life nöd so für mich isch.
2 mal Blinker setzte und ab de bahn bide negste Möglichkeit
Wu-Tang Clan
2/5
Ich ghöre d Qualität, Ich gsehne d Pionierarbeit im Hiphop vom Clan und Ich schmöcke das fein süüberlich abgschmöckte und ahgrichtete Album. Und trotzdem bliibts am Endi vom Tag 90er Jahr Hiphop woni nöd viel demit ahfange chan.
Zudem wird mer zviel gredet. Losi da es Musig Album oder es Hörbuech?
Obwohli keis Lied gspeicheret han und au ned wükli spass gha han zums lose gsehni d qualität für es 2.5. Abgrundet hald wider zwei pünktlis direkt is rechte Naseloch ineballeret
Massive Attack
4/5
Oooooh a dream!
En massive attack gege die viele semi-guete Albe wo sich da bim Album Generator so Tümmlet!
Grossartigi Band, grossartigs Album, aber da gits paar Albe vo ihne wo no chli meh fägget.
Für 4 Ahzündwürfel und en gutsch Brennsprit langets aber allemal! Verbrennet eu ned Fründ*inne.
The Afghan Whigs
3/5
Grossartig-Durchschnittliche Akustik-Gitarre-Rock wo absolut unspektakulär isch aber au gar ned schlimm oder nervig.
müssti eigentlich mini gwohnti bewertigs-härti wiiter durezieh da ich keis Lied vo ihne gspeicheret han aber will sii so unglaublich average und ned störend sind gits hald 3 mal dur d Perrücke streichle
Primal Scream
3/5
Biz weniger klassisch es 3er Album aber wenns mer ganz unklassisch betrachtet no immer es 3er Album.
Scho fast es 3.5 wenn no unklassischer betrachtet. Aber das wird hald abgrundet, da chan mer no so viel umeschreie.
Drü kreischer vom Screamonico
Scott Walker
3/5
Scott 4 isch mis 4t Lieblingsalbum vom Scott de 4ti, Cousin 4ten Grades, bekannte Vierbeiner und Viergewinnt Weltmeister.
Schöni Verviererischi Stimm viersteckt sich hinter dem vierertackt.
Hans im Viertelstundetakt gnosse und jetzt chönd er ei mal rate wieviel Sternli das es für de Scotti McScottinson git:
Genau, drü!
Pink Floyd
4/5
Iconic!!
De grössti Teil vode Lieder liedeschafftlich i mis Trommelfell massiert.
Im Pink Floyd vergliich aber ned das Crazy Album wo mit allne Chöpf dur The Wall gaht.
Git biz Abzug und macht nur 4 wundervolli, aber nigelnagelneui Zigelstei
Black Sabbath
4/5
Black Sabbath isch hald wükli nie so Metal/Rockig wie mer immer s gfühl het.. het mer gfalle!
4 mal es "Rest in Pease"
Linkin Park
2/5
Leider doch zu Rockig und selte imene Mood für sone Ladig Geschreie
Prince
3/5
Wiedermal zäme es album glosst. Heifahrt vu Frankrich. Isch easy gsi, aber d Krone heds mir ez nöd vom Näggel glitz. leider biz lisig gsi. Au kei meisterleistig das Album, bar nervigi Tracks usserd vlt de legende purple rain track selber isch nüd extraklass.
3 kröhnli für euse Prinz
Tricky
5/5
Da bini sehr happy han ich a dem gmüetliche chill sunntig mit dem Album ahgfange! Maxinquayale Ohreschmauss! Tricky, oder wohl eher die chli schwöster vo Portishead und zuefällig grad no verwandt mit massive attack?
Gar kei Tricky question für mich, ganz klar 5 brüederlichi küss ufd Stirn
AC/DC
3/5
Scho solidi büez aber mubi sehr ide richtige phase sii zum lust druf ha.
Trotzdem 3 liechti Stromschläg
The Police
3/5
Grüezi Frau Officer, nei ich han nüd illegals debii Frau Officer.
Droge? Was isch das Frau Officer? Au nüd zum verzolle Frau Officer.
Nur es guets Album debii Frau Officer. Isch aber au biz ah mir verbiigange willi ned so im Mood gsi bin nach Polizei Frau Officer.
Darum 3 mal Handschälle Klicke Frau Officer.
Danke Frau Officer.
Ade Frau Officer.
Wilco
3/5
Widermal klassische "Das Album het mich uf keinere wiis gstört und au ned bsunders abgholt"
3 Gitarre Siite Zupft.
3/5
Sehr viel David Byrne und Talking Heads Energy, was mir sehr fest pässerlet. Irgendwie fun, irgendwie au sehr experimentell.
Jetzt aber au keis extasischs Erlebnis.
Lieber mal mit 3/5 Pille ahfange und denn luege.
Suede
4/5
Tschebawskiiii! nonie vo dere Band ghört aber het mi grandios uf ihres musikalische Alternativ Rock Reisli mitgnoh. 'Moving' wükli e Banger woni amne Konzert umehopse würd wie am Nedi sini Geisli. 'Pantomime Horse' macht grad wiiter das de Nedi grad s gfühl het er mun mich zude Alp zrugbringe. Bi 'The Next Life' emotional umeblöked das de Nedi sich gfrögt het öb ich jetzt wükli es Geisli seg.
4 Zunge id Luftröhre
Radiohead
4/5
Radiohead zum 12te. und good mood Friday zum 12te!
Radiohead isch eifach immer e absolut sicheri sach. Grosse Fan.
Sicher Ned s letzte gsi.
The White Stripes
2/5
Ja da hanis eigentlich scho immer gwüsst:
Kei "seven nation army" kein Timon.
Selberschuld. Irgendwie au komisch wie d band vomene weltwiite banger eigentlich doch nur e recht durchschnittlichi biz-rock-biz-indie-biz-irgendwas-band isch.
Irgendenwas het mi irgendwie gnervt, weiss aber selber ned genau was.
Darum "two nation timon" - ab is Bett!
Robbie Williams
2/5
Angels natürlich DE Karaoke-Klassiker, für de gits fetti Credits.
Und bim rest hani nur gmerkt das mich de Robbie Williams würkli gar ned interessiert was de so für Musig macht, was er zverzelle het etc.
Und irgendwie hani sini Stimm ned so höch, buebig und biz nervig in Erinnerig.
Chani nüd mit ahfange, tschüss Robbie
Zwei mal Ohrläppli chraule gits trotzdem
(Okay "let me Entertain You" au absolute Banger, ngl!)
Fiona Apple
3/5
D Fiona Öpfel, Side-Project vom Steve Jobs, macht ganz hübschi musig.
Paar lieder dezwüsche sehr guet pässlet, over-all aber biz zu herzig.
3 system updates
The Fall
2/5
bin nie richtig in fahrt und in 80er Schrei-Punk inecho. liiht meh am eigne Mood wie das d buebe öppis falsch gmacht hend.
Ih normale Situatione hetti sicher freud dran und denn würds 3 Moshpit attackene geh, aber hüt langets nur für 2.
The Beach Boys
3/5
D Strand büebli once again, und das es stückli besser wie s letzte Album.
Aber jetzt doch au nüd Wellebrechends.
Go with the flow und 3 hang loose
George Harrison
4/5
biz e bummer dasi chli wenig ziit gha han zum es ganzes 2 Stunde Album durezlose, darum ischs es usepicke gsi vo songs.
Aber bin grosse grosse Fan.
Falls ich meh Ziit het chöne investiere hettis viellicht für meh wie 4 VW Beatles glanget.
Stevie Wonder
4/5
Scho e freaking Legend de Stevie!
Chili Wonderwoman de! Kenneder Wonderwall? Keis wonder. Tönt alles gliis. Ussert de wonderbarie Wonder Stevie de jüngst.
durchs durerushe und em schaffe doch ned chöne 100% inegeh aber für vier Wonderwaffle langets allemal
Rocket From The Crypt
2/5
Isch das wider en klare Fall vo "e chlini Band het bimne Gwünnspiel gunne, dass ihres Album bide 1001 Albe chunt"?
Hauptsache de Skorpion uf em Cover isch unscharf.
Tschüsstschau, 2 geschreie
Echo And The Bunnymen
3/5
Da het mis hoffnigsvolle Herz grad en bürzelbaum gmacht woni Echo And The Bunnymen und e 80er Band gseh han, obwohl ich nur The Killing Moon vo ihne kennt han.
Jetzt nach em Album safe to say, das vor allem The Killing Moon en riise Banger isch! De rest au hörbar aber irgendwie au biz ersetzbar.
Darum klassisch 3 Todesstern
Public Enemy
2/5
here we are again.
Oldschool-hiphop wo niemert me lose chan hüt zu tags, mit allne komische trötene und grüsch wos gfunde hend.
Da wird me gscratched wie grapped.
2 scratches vom Scratchy McScratchsten
Funkadelic
4/5
Les goooooo you bloody funkadelic!
da bini so ghyped gsi dasi sogar uf e chlini recherche-tour gange bin wie dasi doch s ganz album chan lose -> Youtube my savior.
Und het sich glohnt.
Was gits bessers wie funk?
Genau, zwei funk!
zwei mal zwei funk für die funkelnde Funkianerinne und Funkianer vo Funkmenistan
Michael Jackson
3/5
Not Bad. Aber ebe doch Bad. Aber ned s Schlecht-Bad. Meh de Name Bad. Jetzt hetti lust uf es Bad. Nämlich es Romantischs mit viel Roseblätter und Cherzeliecht. I dem Moment wär am Michi sis überromantische Album passend. Sust Findis doch chli zwenig Michael-Action. (Ussert einzelni wie Bad (s Lied, ned s Album, ned s Bade und ned s englische Wort für schlecht) oder Dirty Diana.
Für 4 hee-hee's langes leider doch ned, defür für 3 Tschemounen
Manic Street Preachers
2/5
Not so much my kind of tea.
Zwenig rockig zum nice pushy zsi und zu rockig zum chillig im hindergrund z laufe.
Me not liky.
Zwei Ave Marias
Songhoy Blues
3/5
Sehr nice Bluesig und 1 in a 100 chance zum es ned-englischs-album zbecho, darum super happy!
Am Endi vom Tag aber au ned so mega flashig das Ichs mer bald wider in voller Längi wird inezieh.
Für das gits 3 HOCH DIE HÄNDE, WOCHENENDE!
Elton John
4/5
Sweet Elton, au e künstler wo mer mal muss glosst ha.
4 pinki pfaufedere
Pixies
3/5
Monday-Blues hets nur zueglah dasis id Helfti vom Album geschafft han und ich glaube wär de Monday-Blues ned so Monday-Bluesig gsi hettis no biz meh abgfiired wie jetzt.
Aber trotzdem 3 Arztzügnis vom Dr. Doolittle wert
Roxy Music
4/5
Mjamiiii, da chund en Ohreschmaus uf eus alli zue!
Roxy Music widerspiegelt für mich absolute 70er und 80er fun in music.
Het sehr spass gmacht, aber da gits no einiges bessers vo ihne.
Van Halen
3/5
Biz zu classic rocky, wo mi energytechnisch abhole chönti, aber musikalisch ned ganz mini sach isch.
I gwüssne moment chöntis aber sehr abfiere, darum gits au 3 baby-fluppe
MGMT
2/5
Sorry MGMT, dini Ziit isch biz dure.
Han dich erträgt wod ide Charts cho bisch aber nonie richtig gfiired.
Schlecht isch es irgendwie ned aber de Störfaktor het de es-isch-mer-egal-Faktor Fast biz überbotte.
Darum nur zwei Gsichtdbemalige
Janelle Monáe
4/5
Es dut mer ufrichtig Leid für de Schlag in Solar Plexus mit minere MGMT Bewertig, aber wie gseit het da mal wider e hitzigi Diskussion müsse ahgregt werde zum de Album Klöpp am Lebe z phalte. Also gerngscheh und bedanket eu spöter.
Jetzt zude Janelle, who I did not know at all. Und wiiiie ich sie jetzt kenne, lagomio!
Min zurziitige musig mood vo sexy R&B mit chli hiphop und au chli Soul & funk direkt is Herze troffe! Und mit Come Alive no is Punkige ine? Bravo!
Aaaber ach ischs jetzt es 5i wert? Ihres neuste Album het mi meh abgholt, muss mer also bi dem tüüfer gah? Aber die abwechslig vo genres i dem album und jedes Lied macht uf sini eigni Art spass. Scho Meisterwerkpotentoal.
Klassisches 4.5.
Aber mood samstig im Zug uf Basel: abgrundet uf 4 böx in solar plexus vo MGMT
The Rolling Stones
3/5
Ich vergesse immer wie sanft und chli Country-mässig das the rolling stones würkli sind.
ganz gmüetlichi hindergrundmusig aber jetzt au nüd wo mi wükli us de Birkestöck ghaue het.
Aber immerno besser wie MGMT (spass)
drü Kick as Schiibei vo MGMT
Queen
4/5
Slay Queeeens zum zweite!
Und da hends widermal eis duregslayed.
Wie chan e band so spass mache?
Au wenns ned mini every day musig isch trotzdem 2,3 wegbegleiter*inne für d zuekunft gfunde.
Gueti vier uppercuts für MGMT
Sade
5/5
Ich glaub ich han mich es zweite mal id Sade verliebt.
ihri Musig isch au chli de Diamond vo mim Life.
Wowzers Sade und Bravo Musig! vo dere Engelsstimm wirdi nie gnueg becho!
Git 5 verliebti aber schüüchi Backpfiife für MGMT
(Okay jetzt isch fertig MGMT bashing, die sind ja scho ganz verschlage. Und durs durestöbere vo anderne Lieder vo ihne - plus d hilf vom Noah - hani gmerkt dass sii ja ganz in ordnig sind)
Small Faces
2/5
bis uf de allerersti track wo mer sit em erste GTA 5 Trailer i mim Nostalgie-Hirn ihbrännt isch, sind all andere lieder ganz schnell ah mir verbii grasslet und han schlussendlich au gar kei lust gha mich nomal ih das Album inezgeh.
Zwei ganz chlini Gsichtsmaske für die ganz chline Gesichter
Beatles
3/5
Kult Band, Kult Album, Kult Abbey Road, Kult lieder, und doch chani mi de Beatle-Boys ned so ganz hiigeh.
Alles schön und ahgnehm aber so wükli bangers hets für mich jetzt ned debi.
3 Mal luege und lose bevor gloffe wird
(Ich gspühre scho all die Vätere und Musigphanatiker*inne wo mich verprügle wennd wenni dem Album sone durchschnittsbewertig gibe)
The Cure
4/5
Und wieder die gueti alti verschribni Cure gege de Monday Blues. Zum guete Glück au länger als 17 sekunde.
Grossartig und e guete mix zwüsched gmüetlich und punkig.
Es 5i inezbrätsche getraui mi grad ned aber es solids 4.5 wärs alle mal
Wire
2/5
biz zu sehr müsse durerushe zum e konstruktivi Kritik z geh.
Darum gits zwei unkonstruktive Pünkt.
The B-52's
4/5
Schade schade het mer das Album wider nur über Umweg chöne finde und das mer die Lieder ide Zukunft ned wiiter lose chönd wenn mer so Spotify-Abhängig isch.
Aber han mer natürli de Ufwand gmacht - ich als chline Album Klöbb Profi - und sie machet scho sehr fest Spass!
Chli blödel-punk wo once in a while guet tuet. Leider wirdi die Band wider verlüre. 4 usegstreckti Zunge hends trotzdem verdient.
Stevie Wonder
4/5
So verstücklet glosed dasi gar nüm weiss öbs bahnbrechend gsi isch oder biz überdurchschnittlich. Guet ischs sicher sehr gsi! Und mal d OG version vo Paradise z lose het sehr spass gmacht.
Lehn mi vlt biz us em zugfenster aber ich denke vier Weltwunder het de Stevie verdient
Parliament
3/5
Nach de erste tön sehr moti uf widermal es tops funk album gsi! Spass gha, aber au ned uf en andere Planet katapultiert, und das, obwohl ich ja Timon G-Funkmon heisse.
3 Funky Funkster
Kate Bush
4/5
Mit em Zügli quer dur Frankriich fahre mit de Kate uf de ohre, was gits bessers?
Vieles, aber bin trotzdem froh für das Album uf de zugfahrt.
Running Up that Hill au trotz TikTok überfluetig en Banger.
Vier pain au chocolat
Miles Davis
2/5
Leider ned so lust gha uf jazz
Johnny Cash
2/5
Leider ned so lust gha uf de johnny “sweat-drop on my cheek” cash
Television
3/5
Hüt Tagesshow-Topnews: Marquee Moon isch ganz es klassischs, durchschnittlichs 3er Album.
Gueti Hintergrundmusig wenn mer chli im Teletext am umestöbere isch.
3 mal umezäppe
Patti Smith
4/5
Oh yessss Patrizia Schmid!
S best album vo ihre, het mi richtig zum wiehere bracht!
Im Galopp zu dene 4 geile Hengst!
Megadeth
1/5
nach de erste Sekunde scho gar kei Bock me gha, i am sorry.
Aimee Mann
2/5
Au das dut minere musikalische Zukunft ned viel zueträäge und dementsprechend wirds au grad wider küblet.
Viel besser als das gester, aber immerno uf de nervige siite.
Whatever, Aimee
Jimi Hendrix
4/5
Wenn das ned euse Lieblings Magic-Mushrooms-im-Stirnband-und-immer-druff-sii-Musiker isch.
Wenn er grad durd magic mushrooms i sim Stirnband immer druff isch, macht de Cheib ebe doch sehr sehr gueti musig!
Ich glaube ich wirds jetzt ide Zukunft au wider zwenig lose aber qualitativ scho en guete 4-Stunde trip dur d magic mushrooms i mim Stirnband.
Alanis Morissette
3/5
Grad zwei mid-40-jährigi Fraue vom Büro hend gmeint "Alanis Morissette - das isch so mini Teenie-Ziit gsi!" Und genau so tönt sii au die gueti.
No en herzige nostalgie-faktor (obwohl ich sie nie glost han), aber denn doch au ned sone Kult-Status wie zB. d Brittney oder Anastasia.
(Und während em schriibe isch denn Ironic cho wo all die Nostalgie-Faktore doch sehr erfüllt het, let's go!!)
David Bowie
4/5
My sweet, old Davy.
Das Album isch mer bis jetzt gänzlich undergange, umso happier also das eus das so uf em Silbertablett serviert worde isch.
Old Bowie chan sich scho ghöre lah. Chli weniger experimentell, defür chli klassisch rockiger. Me gusto mucho!
Vier Vater unser und Rest in Piece
Ice T
3/5
Ice-T aka de König Water-T erinnert mich zu fest a Rick & Morty zum ihn jetzt no chöne ernst z lose.
Aber für Old-School Hiphop Hains eig no ganz solid gfunde und het mi 0 gstört.
3 mal es get swiftyyy und shit on the flooooor!
Kings of Leon
2/5
Nie en grosse Kings of Leon Fan gsi und das Album hets au wider chli bestätigt. Sie und ihri Musig sind mer eifach relativ egal darum au schwirig zum bewerte.
Hans jetzt im Hintergrund easy chöne lose aber han au kei Freudebürzelbäum gmacht.
Wird das Album sicher nüm lose und gibe jetzt mal wider zwei eher strängeri, bräunendi sexual intercourse.
Machito
2/5
Joooo eiiiiigentlich ganz netti Kubanischi Jazz-kläng vom Croque Monsieur, aber da catched mi jazz doch biz zwenig.
Zwei Jazz-händ für de Machito-Machato
Violent Femmes
2/5
Da hends mi aber schön hinders Liecht gfüehrt, wie ich da e 80er jahr fraue-punk band erwartet han (keis Wunder wenn sich vier dudes violent Femmes nennet - minuspunkt für das). Und mit dere ahfängliche Enttüschig isch denn d musig au zu unspektakulär blibe.
immer mal wider ganz e spassigs lied drunder gha, aber dur d skip-rate doch eher zwei Löffel honny-pops zum zmorge
Cream
4/5
One hell of a trippy 60er/70er jahr Hippi Band!
Chömed alli zäme, Chinde, Grosseltere, Gebrächlichi, Schwachi, Starki, Normali, (All ussert du Nazi-Toby!) leged eu es Filzli under d Zunge und Los gahts!
Fast durchgehend e gueti musikalischi Reis wo mer sich fühlt wie de Albert Hofmann uf sintere Velofahrt.
Da wünscht mer sich die flauschige 70er Jahr zrug.
Findet mich vorne Links ide Vierte Reihe am Woodstock
Yeah Yeah Yeahs
4/5
Grooooossartigi Band! It's Blitzschnell gange bis ich die erste Tracks han müsse speichere. Rundum e feins Stück Album, mit guetem Abgang und eme lang ahhaltende, vorzügliche Nahgschmack.
Für feuf yeah yeah yeah yeah yeahs fehlt doch no biz s chrible im Buch aber guet gmeinti vier yeah yeah yeah yeahs gits wie de blitz.
Barry Adamson
3/5
Uffff eigentlich findi ja experimentelli Filmmusig no geil, und de Barry-Boy het mit em David Lynch zemegschaffet, au fetti pluspünkt. Aber heilandsack isch das es nervöses und biz verstörends album gsi bim schaffe.
Wird em sicher nomal e chance geh aber für me wie 3 side stories wirds au denn ned lange
Les Rythmes Digitales
3/5
Hallo Chat-GPT, bitte generier mer es Album das nur so nach de 2000er schreit. Es Album wo mer Mensche zeige chan wenn sii seget "Beschriib mer d 2000 mit eim Gegestand".
Was für en Start is Album mit Dreamin', da hani scho widermal sehr uf e 5er, oder zumindest e gueti 4er Bewertig gfreud!
Aber durs Album isch denn doch trotz Vorfreud uf Elektronischi Musig de ganzi Funke ned so gsprunge. Es isch und bliibt hald immerno elektronischi Musig vode 2000.
Han aber 3, 4 neui Awärter, die mal als Goetschmann Tranceport als Intro bracht werde chöntet.
Alles i allem denn doch Abgrundet uf 3 Bravo-heftli
Elvis Costello & The Attractions
3/5
Ganz gmüetlichi und losbari wuchenendmusig. Han s album ei mal ohni ufwand dureglost, denn schön süüberlich id akte gleit und det wirds jetzt für alli ziit verstaube.
3 Staubchörnli
Adele
3/5
Hallo 21 Jährigi Adele vo 2011, da isch de 29 Jährig Timon vom 2024.
Ich los grad dis Album und natürli chömmed mer Paar Lieder sehr bekannt vor will die ide Charts ufe und abe gspielt worde sind.
Stimm-mässig natürli wiiterhin eini vode krässiste Stimme wos git, bravo!
Album und Liedermässig s meiste hald ned so ganz miis. Da hani ned ganz so Freud ah dene truurige, melancholische Lieder wie schiinbar de Rest vode Welt.
Aber weniger wie 3 brochni Herze chani mit dere Qualität und dere Stimm denn hald doch au ned geh. Bravo again.
Donald Fagen
3/5
Funk it upppp funkeros!!
Widermal e gueti Ladig inegfunket de Donald Fagen.
Gstarted miteme riese Funk Banger, het er immer abgewechselt zwischen biz ruhigere Hintergrund Musik zu wider chli meh gefunke.
Wunderbar geeignet zum schaffe, aber doch gnueg guet das mer au gern aktiv herelost.
Da ich aber hohi Funk-Ahsprüch han gits doch nur 3 Chlapfer mit em Flügetätscher.
Faith No More
2/5
"The Real Thing"? Eher ned. Sehr uswechselbars Rockgedünse wo weder id richtig krasse-abriss-Rock gaht no id gmüetlich-zum-lose-soft-rock.
Und mit dere nasale stimm als hett er 20 jahr verstopfti Nase.
Denn no versuecht chli dri-zrappe a la DJ Bobo?
Denn no lieber de OG René Baumann.
Zwei verschnützti Nastüechli
Justin Timberlake
4/5
Okay, zerst chli Abgschreckt gsi es ganzes Album vom young JT lose. Aber sobald cry me a river und rock your body cho isch bini onnnnn gsi!
Nachher hets denn natürli wider biz nahglah aber han doch viel me Spass gha wieni denkt han!
Bravo Y2K Teenie-Schwarm, da gits als überaschigseffekt und wege fun vier füechti träum
Sam Cooke
5/5
De Sam Cooke isch ja ganz guet, aber viel wichtiger isch ja de Karin ihres Debut Album z rate wo hald noni da inne isch, also chund jetzt stellvertretend das:
ahgfange mit where life begins natürli scho e banger, wo en grossartige uftakt ih das neue Album isch. Guete indie, alternative Rock / Folk wie mers sich wünscht.
Die Lieder vo d big-star-karin singt gönd immer chli gschmeidiger übers trummelfell, aber au d lieder vom giel lönd sich lose.
Alles ih allem hets wunderbar spass gmacht.
+ Stolz-Bonus git das feuf mal d Hand vode Karin gschüttlet
Sisters Of Mercy
5/5
Ned gwüsst das de Micheal Jackson es dark rock album usebracht het aber give it to me!
Postpunk/darkwave/rock s volle programm ih mini ohre dröhnt, nach 3 mal duresuchte und s ganz album speichere isch save to say dass das für mich es grossartigs 5 hee-hee git.
Give me more, sistas!
FKA twigs
4/5
Allgemein chömed die moderne Albe bi mir ih dere 90-prozent-quote ah Albe vor 1980 ganz vorzüglich ah. FKA twigs erst chürzlich e chlini Phase gha, darum bini sehr happy um das Album.
Und Kicks en riese Abschluss!
Zwei 5er nachenand fühlt sich biz komisch ah, darum da Abgrunded uf 4 biss vom Twix
Nightmares On Wax
3/5
Es isch en schöne Juni-Tag im 2016, de Young-T - grad so zwüsched Militär und de erste grosse Asie-Reis - Entdeckt You Wish vo Nightmares On Wax (so wie wahrschindli vieli zu dere Ziit) und het s gfühl de Triphop wird siis Lebe verändere.
Plot Twist: Hets nöd.
Und am schöne Oktober Tag im 2025 findets de nüm-ganz-so-young-T au bizli langwilig.
scho schöni und gmüetlichi Hintergrundmusik aber es ganzes Album devo bruchi nüm.
wege Nostalgie gits trotzdem drü puffs, aber ganz knappi
Simon & Garfunkel
3/5
solidi büez, ganz Stimmigsvoll aber am Endi vom Tag hald immerno Simon & Garfunkel cuteness mit country-untertön. Kei Kombi wo mi us de söckli haut.
3 son of a bridge vom Timon & Goetschfunkel
Meat Loaf
3/5
Backflash a rocky horror picture show. Git viel pluspünkt für das zarte stück fleisch. Und au sust ganz spassig gsi. Aber da ich scho ehner vegi bin wirdi uf das Album au wider verzichte.
3 hüehnerschenkel
Bobby Womack
4/5
Was ein Funk-Poet!
eifach immer en mood-lüpfer. Debi no optimali Längi und zum Schaffe im Hintergrund au bestens geeignet.
Vieles richtig gmacht Bobby!
Vier Schiebewüscher für sini Brülle.
Screaming Trees
2/5
Gester bim lose vo Tree by Dusty Scream isch mer gar nüd hänge blibe, und hüt hani kei motivation gha zums nomal lose.
Ich denke das isch zemegfasst so öppe 2 Staubchörner
My Bloody Valentine
3/5
Big Love für My Bloody Valentina aber mit dem Album bini leider gar ned warm worde. Biz zu crunshy, zu indie und zu wenig shoegazig wie loveless und m b v.
3 biz enttüschti träne
Paul McCartney and Wings
4/5
Paul McChicken Wings het gross überzügt. Chani fast meh ahfange wie mit de OG Beatles.
spassspassspass, git 4 mal es spassspassspassspasss
Black Sabbath
3/5
Ned so viel in erinnerg bliebe aber het mi i keinere wiis gstört und bi paarne tracks doch sehr freud gha
3 mönet sabbathical uf das
Jazmine Sullivan
3/5
puettey fun, aber au nüd mega speziells wo us Sockene (Mehrzahl) haut.
Defür e neui Artist kenneglernt.
3 durchschnittlichi Durchschnittssternli
David Bowie
3/5
Wider klassischi, fast scho ufzwungni 3 wurstwegge für es Album woni gar ned so mega gfiired, aber us Respekt ned tüüfer wie 3 gah chan.
GZA
2/5
Ich enthalte mich ere usfüehrliche Bewertig 'cause it's old school hiphop once again and me not liky
zwei wassersäbel
Fleetwood Mac
3/5
Scho lang ufs Fleetwood MacBook Pro 2 gfreud und überrascht wie country das es doch amigs isch.
einzelni lieder dezwüsche defür sehr sehr toll. anderi wiederum biz weniger.
Klassische fall vo 3 Software Updates
Cypress Hill
2/5
*copy / paste en text woni schriibe dasi kei fan vo old school hiphop bin*
Erykah Badu
4/5
Ay Mamasita! Spasdigi neuentdeckig ufs wuchenend. Sehr smoothi Sach.
4 phünnkt vom Thymounh
Ella Fitzgerald
2/5
Hans probiert aber ich glaube mini ohre chönd nüd wükli toll finde wo vor 1960 gmacht worde isch.
Sorry Ella, nöd dini schuld.
Zwei schwarz-wiisi puntos
Siouxsie And The Banshees
4/5
Wenn es Album mit dem absolute Banger startet, chans doch gar nüm schlecht werde! Chans ned? Nei, chans ned!
Obwohl kein wiiteri Track meh ah das 5er Potential vo Spellbound cho isch, trotzdem innere 4 - 4.5 Punkt Klass wiiterzoge.
Ide 80er hends hald scho mal glernt wie mer geili musig macht, bini froh.
Und wer sich selber Siouxsie Sioux nennt, chan au kei schlechti Musig mache.
4 Zwibelwäie
The Doors
4/5
Shut the front door, The Doors!
Für The Doors by The Doors würdi immer mini Doors ufmache. Und sie grad offe lah. Will The Doors by The Doors dörf wenn immer sie möchtet i mini Doors steppe. Die Doors bliibed offe und wird nie verschlosse.
Grossartig Albums!
vier mal d Schueh ade Doormatte abstriiche.
Tracy Chapman
2/5
Han mi selte so schlecht gfühlt wenn ich für es Album e schlechti Bewertig geh han aber isch mer eifach s melancholisch und z emotional das ganze - i'm sorry.
zwei träne zum vergüsse hani aber no
King Crimson
4/5
zwüsched grandiose 5er track und 'chli zu weird'-2er tracks hets alles debi gha, aber willi epitaph sicher 7 mal glost han und de track fast scho d entdeckig vom november isch, gits im Durchschnitt guet gmeinti 4 ritter-schläg vom King Timson
Santana
4/5
mmmmh Santana - es una legende muy grandeeeee. Y me gusta la musica mucha. Muy funky, absolutemente nice y fun fun fun.
Estos son quattro formaggi
(Ich glaub de typ redet gar kei spanisch)
Electric Light Orchestra
4/5
Das Album isch literally out of the blue cho - null erwartet, grosse fan psi und grad paar mal dureglost.
Einzelni bangers, einzelnli langweilig, git wider en durchschnitt vo 4 zwibelring
Jeru The Damaja
2/5
Das Album hani widermal gekonnt geskippedi-skippedi-skipped.
Sonic Youth
2/5
Mood bedingt biz zu hektisch aber ich denke ah andere Täg / Wuchenenänd / whatever chöni scho spass ha ah dem Album und dem Punkige.
Aber it's what it's und da mer de aktuelli mood had au als Faktor mit ihbezieht chani grad ned über zwei Fieber Daydream drüber gah.
Alice In Chains
2/5
Ned ganz so i mim wohlfüühl-genre.
Lah die Alice lieber in chains.
zwei dreckschlumpe
Led Zeppelin
4/5
Tiptop Led Zeppelin, Tiptop.
Bravo Musig.
4 Tickets bitte
Billy Bragg
2/5
Und da hani scho ghofft gha, dass mir scho all country Albe dure hend.
Leide ned, da het sich no eis inegschliche.
Veränderet het sich nüd, finds immerno schrecklich.
2 speuzer in Spucknapf
Dizzee Rascal
4/5
Boyyy, chum us dim corner und zeig dich! Hemmer alli freud!
Perfekti fliisarbeit-musig mit motivation boost.
Gibi gern vierizzle puntizzles vom Timonizzel
Foo Fighters
3/5
Biz nostalgischi Züg wege paar Games wo Foo fighters drin vorcho sind aber sust gar ned sone Fan vo dene Giele.
glaubs 3 Kuu Kämpfer chani trotzdem geh wills mi nie gnervt het aber sehr ade obere Grenze!
Jimmy Smith
3/5
Mit Zigarre und Rotwii innere Lounge und als Hintergrundmusik chöntis mer no vorstelle.
Bim Freiwillige Musikkonsum denn ned so es highlight wo mun wiitergfüehrt werde.
3 Cappuccino mit Hafermilch gern
The Strokes
3/5
Solidi Büez, doch isch mer nüm so viel blibe und da ich biz ufhole mun magis ned nomal es Zweitmals lose.
Würdis nüm lose aber gstört hets nöd.
Alli guete Durchschnittspünkt sind 3
Van Morrison
2/5
E Salbi für mis Trommelfell. Aber wer brucht hützutags no Salbene? simmer 13i? Allgemein chli z herzig und z lieb für min Geschmack und den dezwüsche Lieder wo mi biz zfest gestresst hend für de hüttig mood.
Sorry Morri.
2 ich-freu-mi-sehr-fest-uf-baldigi-Ferie für dich
T. Rex
3/5
Han vom Thomas Rex doch viel rockigers oder fast scho schwermetalligers erwartet, doch da hets mi positiv überrascht mit dene liebliche Kläng.
Spassig gsi, doch zwenig catchy das Ichs bald wider usgrabe würd.
Drü existence-killing Meteorit