506
Albums Rated
3.21
Average Rating
46%
Complete
583 albums remaining
Rating Distribution
Rating Timeline
Taste Profile
1950s
Favorite Decade
Hard-rock
Favorite Genre
other
Top Origin
Wordsmith
Rater Style ?
47
5-Star Albums
23
1-Star Albums
Breakdown
By Genre
By Decade
By Origin
Albums
You Love More Than Most
| Album | You | Global | Diff |
|---|---|---|---|
|
Street Life
The Crusaders
|
5 | 3.09 | +1.91 |
|
Permission to Land
The Darkness
|
5 | 3.15 | +1.85 |
|
Little Earthquakes
Tori Amos
|
5 | 3.23 | +1.77 |
|
S&M
Metallica
|
5 | 3.26 | +1.74 |
|
Made In Japan
Deep Purple
|
5 | 3.29 | +1.71 |
|
The Band
The Band
|
5 | 3.37 | +1.63 |
|
Layla And Other Assorted Love Songs
Derek & The Dominos
|
5 | 3.39 | +1.61 |
|
The Fat Of The Land
The Prodigy
|
5 | 3.41 | +1.59 |
|
Tres Hombres
ZZ Top
|
5 | 3.43 | +1.57 |
|
Bat Out Of Hell
Meat Loaf
|
5 | 3.44 | +1.56 |
You Love Less Than Most
| Album | You | Global | Diff |
|---|---|---|---|
|
good kid, m.A.A.d city
Kendrick Lamar
|
1 | 3.61 | -2.61 |
|
Illmatic
Nas
|
1 | 3.6 | -2.6 |
|
Power In Numbers
Jurassic 5
|
1 | 3.48 | -2.48 |
|
B-52's
The B-52's
|
1 | 3.29 | -2.29 |
|
Step In The Arena
Gang Starr
|
1 | 3.17 | -2.17 |
|
Done By The Forces Of Nature
Jungle Brothers
|
1 | 3.04 | -2.04 |
|
Emperor Tomato Ketchup
Stereolab
|
1 | 3.03 | -2.03 |
|
Safe As Milk
Captain Beefheart & His Magic Band
|
1 | 3.01 | -2.01 |
|
Black Monk Time
The Monks
|
1 | 2.94 | -1.94 |
|
Kilimanjaro
The Teardrop Explodes
|
1 | 2.86 | -1.86 |
Artists
Favorites
| Artist | Albums | Average |
|---|---|---|
| Led Zeppelin | 4 | 4.75 |
| Miles Davis | 3 | 5 |
| Pink Floyd | 4 | 4.5 |
| Bob Dylan | 3 | 4.67 |
| Metallica | 2 | 5 |
| Beatles | 6 | 4.17 |
| Johnny Cash | 3 | 4.33 |
Least Favorites
| Artist | Albums | Average |
|---|---|---|
| Captain Beefheart & His Magic Band | 2 | 1 |
| Can | 2 | 1.5 |
5-Star Albums (47)
View Album Wall
Popular Reviews
Can
1/5
Ég var bæði feginn og hryggur yfir því hvað platan var löng. Þótt þetta byrjaði vel þá varð platan fljótt ömurleg og svo voru lögin og platan löng þannig að ég þurfti að þola ömurlegheitin lengi. Sem betur fer var hún svo löng að ég þurfti að taka hádegismat í millitíðinni og þá fengu eyrun hvíld.
1 likes
The Mars Volta
2/5
Mér finnst Mars Volta mjög skemmtilegt band þegar ég heyri í þeim í útvarpinu og mig langar alltaf að hlusta á meira og ég set þá einhverja fína plötu frá þeim í gang og eftir nokkur lög er ég kominn með alveg upp í kok og nenni ekki að hlusta lengur. Svo seinna heyri ég í þeim í útvarpinu aftur og endurtek söguna og læri aldrei af mistökunum. Sagan endurtók sig með þessa plötu.
1 likes
4-Star Albums (151)
1-Star Albums (23)
All Ratings
Van Morrison
4/5
Elska svona tónlist. Svo þægilegt að hafa í bakgrunni eða bara að njóta hennar. Æðislegt alveg hreint.
Paul Simon
4/5
Auðveld hlustun. Ég fíla Paul Simon. Get skellt þessari á fóninn af og til
Jurassic 5
1/5
Þetta er ekki eitthvað sem mér finnst skemmtilegt. Algjörlega gleymanlegt og snerti mig ekkert.
CHIC
3/5
Ég hef stundum sett CHIC á í bakgrunnstónlist. Þetta er ágæt plata. Gott að hlusta á en mikið um endurtekningu.
Tears For Fears
4/5
Þvílikt band með 80s æðislegheitum sem ég elska. Byrjar á algjörri neglu. Ég veit ekki alveg af hverju ég hlusta ekki oftar á Tears for Fears. Þetta hefur hingað til bara verið útvarpshlustun en nú verður breyting á
The Smiths
4/5
Fínasta plata sem rennur auðveldlega í gegn. Ég fæ samt smá leið á Morrissey svo ég myndi ekki hlusta oft á hana en af og til myndi ég setja hana á ef ég man þá eftir henni.
Songhoy Blues
3/5
Byrjaði af krafti en breyttist svo hægt og rólega. Ég fílaði byrjunina og finnst þetta bara fínasta plata en auðgleymanleg
The Specials
4/5
Mér hefur alltaf fundist lúmskt gaman að ska og þetta er bara mjög skemmtilegt en verður smá endurtekið. Það má dilla sér við þetta.
Lynyrd Skynyrd
5/5
Þetta er mín músík. Ég kemst í svo mikinn fíling. Get hlustað endalaust á þessa plötu og aðrar í þessum stíl.
Cat Stevens
5/5
Klassík. Hlusta oft á þessa plötu. Alinn upp við þessa plötu. Instafimma
808 State
1/5
Þetta fannst mér ekkert spes. Ekki minn tebolli og hvarf alveg inn í bakgrunninn án þess að ég muni eftir neinu lagi.
The Teardrop Explodes
1/5
Æj. Þetta fannst mér leiðinlegt. Beið bara eftir að platan kláraðist.
Gang Starr
1/5
Shit hvað ég fíla ekki þessa tónlist. Ég skil ekki hvað er málið.
The Prodigy
5/5
Ég er almennt ekki mikið fyrir svona tónlist en þetta er bara svo mikil stemmningsplata og nostalgía. Verð að gefa henni fimmu. Punktur.
Stephen Stills
4/5
Ég hef af einhverjum ástæðum aldrei spáð í meðlimum Crosby, Stills & Nash (en hef auðvitað hlustað á Young sem bættist við seinna) þannig að þetta var skemmtileg uppgötvun. Eðalplata og tónlist fannst mér.
Megadeth
4/5
Ég hlusta reglulega á Megadeth. Frábært band, þéttar plötur. Mín uppáhaldslög eru á öðrum plötum með þeim en þetta er samt bara frábært
The Avalanches
2/5
Ég fíla þetta ekki. Ekki slæm plata bara ekki skemmtileg. Það var eitt lag þarna sem ég þekkti. Ég veit ekki einu sinni af hverju ég kannast við það.
The National
3/5
Skemmtilegt band og fín plata. Hef ekki mikið hlustað á áður en mun líklegast skella henni á fóninn af og til í framhaldinu ef ég man eftir henni. Ekkert meistarastykki samt.
Jungle Brothers
1/5
Það tók þvílíkt langan tíma að komast í gegnum þessa plötu. Ég setti oft á pásu og næst þegar ég ætlaði að halda áfram var staðsetningin sem ég var á horfin og ég hafði ekki hugmynd um hvað ég var búinn að hlusta á því þetta var meira og minna allt sama leiðinlega lagið.
The The
2/5
Ekki merkilegur pappír. Mér fannst þetta bara frekar leiðinlegt en samt ekki hörmulegt.
Supergrass
2/5
Þetta er allt í lagi en ég hef eiginlega aldrei fílað Supergrass þótt ég hafi gaman af svipuðu. Mun örugglega ekki hlusta á þessa plötu aftur en get alveg hlustað á Supergrass af og til og dillað mér í takt.
Sufjan Stevens
2/5
Fín plata. Róleg bakgrunnstónlist en stundum missir hann sig í einhverju of framúrstefnulegu. Að listamanna yfir sig smá.
k.d. lang
3/5
Dinnertónlist fyrir allan peninginn. Mér finnst þetta mjög gott fyrir það sem það er. Gæti vel sett þessa á fóninn ef ég man eftir henni á meðan ég elda sunnudagssteikina.
Elvis Presley
3/5
Ég hef aldrei hlustað á Elvis Presley plötu. Bara einstaka lag. Hann er alveg fínn þessi náungi. Ég er samt með smá leið á honum af því að hann er svo ofspilaður þannig að mér fannst eiginlega skemmtilegra að heyra "Spotify radio" út frá honum þegar platan hafði runnið sitt skeið.
Adele
4/5
Mér finnst Adele virkilega góð. Hefði viljað minna af rólegheitum og meira af stuði eða þá tvær plötur, ein með hvorri stefnunni því bæði eiga rétt á sér en í mismunandi aðstæðum. Samt virkilega gott stöff.
Klaxons
3/5
Þetta var bara fínasta plata en mér fannst hún ekkert meistaraverk. Mér líður eins og ég hafi heyrt í mörgum svona böndum og þetta sker sig ekkert meira út er önnur svo ég skil ekki alveg hvað platan er að gera á þessum lista.
Lauryn Hill
3/5
Mjög góð söngkona. Fínasta plata en ég held ég myndi samt alltaf velja eitthvað annað. Ég fékk reyndar svona ljósaperumóment þegar ég spáði í hvað spjallið væri eins og í kennslustofu og svo áttaði ég mig á því platan heitir "The Miseducation of Lauryn Hill". Var það pælingin?
Iggy Pop
3/5
Mér hefur oft fundist Iggy vera leiðinlegur eða svona sjaldhlustanlegur en hann er bara nokkuð fínn. Sum lögin aggresív en á þessari plötu þarf mótvægið og það er þarna sem gerir plötuna mjög fína.
Girls Against Boys
1/5
Pínulítið feginn að ég sé búinn að hlusta á þessa plötu. Þá þarf ég ekki að hlusta á hana aftur. Þetta þykir mér leiðinlegt rokk.
Bill Evans Trio
4/5
Ég fíla djass, sérstaklega svona jam sessions og þessi plata er eiginlega bara eitt stórt jam session. Þannig að þetta var voða þægilegt og gott þótt ég gæti ekki sagt hvenær eitt lag endaði og annað byrjaði.
Stan Getz
4/5
Úúú. Meiri djass. Meiri gleði. Ég get haft djass í eyrunum allan daginn. Ég get samt ekki sagt uppáhaldslag því þau renna öll saman en það er samt hið fínasta mál.
The Rolling Stones
4/5
Minn tónlistarstíll. Klárlega. Hefði viljað meiri kraft frá þessum tíma, svolítið um lög í rólegri kantinum en samt gott stöff.
Aretha Franklin
3/5
Kröftug söngkona. Byrjar af krafti en mér þótti samt rólegu lögin ekkert spes þannig séð... en ekki hægt að fá allt.
Captain Beefheart & His Magic Band
1/5
Þetta er frábært dæmi um tónlist sem ég fíla en er bara hryllilega illa samin, flutt og ég get bara grátið.
Taylor Swift
4/5
Ég skil alveg af hverju Taylor er svona stór í dag. Þetta er alveg gott stöff hjá henni. Ég get alltaf hlustað á hana þótt ég muni líklegast ekki oft muna eftir að setja hana á sjálfur.
Astor Piazzolla
3/5
Þvílík dramatík. Ég held ég myndi þurfa að dansa tangó til að njóta í botn en þetta var samt ekkert leiðinlegt. Djassfílingur en hef samt ekki hlustað jafn mikið á tango óg ég hef djass.
Led Zeppelin
5/5
Mitt stöff. Elska svona tónlist. Get hlustað endalaust á hana. Mér finnst aðrar Led Zeppelin plötur betri en þessi byrjar bara svo æðislega.
The Temptations
3/5
Ég hefði viljað vera uppi á þessum tíma. Þetta er nefnilega fín tónlist en samt ekkert mikið meira en það. Mig langar bara að upplifa tíðarandann þegar ég hlusta á þetta.
Kid Rock
3/5
Mér finnst Kid Rock frekar leiðinlegur karakter en ég verð samt að viðurkenna að það eru alveg hress lög þarna á plötunni.
Joan Baez
3/5
Í gegnum grúsk á ýmiskonar tónlist hef ég vitað af Joan en aldrei prófað að hlusta á hana. Skemmtilega folky tónlist en mér fannst röddin hennar aðeins of hátt uppi til að ég gæti notið heillar plötu
The Style Council
4/5
Þetta var óvænt stuð. Hafði aldrei heyrt um þessa plötu eða band og svo var þetta bara það sem ég þurfti. Fjör.
Pink Floyd
5/5
Einu sinni fannst mér Pink Floyd ekkert spes en nú er öldin önnur. Mér finnst þetta súperfrábært og nýt þess í botn að hlusta á svona sérdeilis prýðilega rokkóperu
The Sabres Of Paradise
2/5
Ég skil alveg af hverju einhverjum finnst þetta skemmtilegt. Mér fannst alveg gaman að hlusta smá en það varð fljótt frekar endurtekið. Ekki líklegt að ég setji þetta á aftur.
Elvis Costello & The Attractions
3/5
Elvis Costello er fínn en hann skorar samt aldrei eitthvað hátt hjá mér. Fín lög og allt en það er bara eitthvað sem mér finnst vera bara meh
Kendrick Lamar
1/5
Stemmningin er til staðar. Töffaraskapur og tilgerðin líka. Mér finnst svona tónlist bara svo leiðinleg. Ég er gamaldags.
Queen
3/5
Queen er gott stöff. Þessi plata var fín en mér fannst hún samt ekkert best í heimi. Hefði mögulega mátt velja betri Queen plötu
Christina Aguilera
3/5
Þetta er ekkert leiðinleg tónlist þótt maður hafi í gamla daga ekki mikið hlustað á þetta en þetta er samt svo mikið bara af því sama.
Yeah Yeah Yeahs
4/5
Hressandi. Ferskt og ánægjulegt að hlusta á. Ég fíla þetta, hafði alltaf bara hlustað á eitt og eitt lag með þeim í útvarpinu en gæti vel hlustað á þessa plötu oftar í framtíðinni.
Dwight Yoakam
2/5
Mér finnst kántrí ekkert spes. Sumt er fínt en það eru samt svo fá lög. Ég er allaveganna ekki línusdanskall.
Stan Getz
5/5
Vá. Þetta fílaði ég. Ég hef af og til hummað lyftulagið og svo er bara til plata með sömu stemmningu. Ekki of löng þannig að bara frábært.
Buzzcocks
2/5
Fyrir þessa hlustun þekkti ég eitt lag með Buzzcocks. Eftir þessa hlustun held ég áfram að þekkja eitt lag. Mér fannst þetta ekkert spes.
Bob Dylan
4/5
Það tók mig mjög langan tíma að læra að meta Dylan. Ég veit ekki því þetta er svo gott stöff. Kannski kemst Megas einhvern tímann þangað en mér fannst þeir svipaðir einu sinni. Svo vann Dylan sig upp. Þetta er gott stöff!
Nas
1/5
Einu sinni átti ég plötu sem hét 90s rap og mér þótti hún skemmtileg. Ég hef samt í seinni tíð komist að því að ég og rapp förum ekki vel saman. Kannski 90s rapp en ekki þetta.
Johnny Cash
5/5
Hér kemur tónlistarstefnuraskaði ég sem sagðist ekki fíla country en ég elska Johnny Cash. Þetta er ein af mínum uppáhaldsplötum. Hef hlustað á hana oft og mörgum sinnum og mun halda áfram að hlusta á hana oft og mörgum sinnum.
The Incredible String Band
1/5
Þetta leit svo vel út. Hljómsveit frá tímabili í tónlistarsögunni sem ég held sérstaklega upp á, ég hafði aldrei heyrt um þetta band svo ég var spenntur. Svo var þetta bara eitthvað hipparöfl sem var hundleiðinlegt.
Coldplay
4/5
Það er ástæða fyrir því að Coldplay eru svona stórir en mér finnst lögin þeirra, þótt þau séu góð, öll samt mjög lík. Þetta rennur ljúflega í gegn og það er ekki yfir neinu að kvarta en ég þarf ekki mikið meira af Coldplay en þetta.
Various Artists
3/5
Ég er ekki mikið fyrir jólaplötur en ef ég myndi hlusta þá væri þetta einn af stílunum sem ég setti á. Er það samt í lagi að fíla eitthvað sem dæmdur morðingi gerði? Ég veit ekki.
The United States Of America
1/5
Mér finnst sækadelikk rokk ekkert skemmtilegt. Ég get ekki sagt mikið meira en það. Bara bjakk.
Derek & The Dominos
5/5
Svo gott stöff. Ég hef sagt það áður og þetta staðfestir það bara, þetta er mitt sound og það sem ég hlusta mest á. Úrvalsplata.
Michael Jackson
4/5
Þegar ég var lítill, um 6 ára fékk ég Bad á kasettu og fór á Michael Jackson dansnámskeið. Þessi snælda var spiluð út í gegn og ekkert var meira töff þegar maður var 6 ára en að labba um með einn hvítan hanska. Nostalgíueinkunn en líka bara góð plata.
James Taylor
4/5
Ég hefði átt að vera á lífi á 7. og 8. áratugnum. Ég hefði pottþétt verið hangandi í Keflavík algjörlega inspíreraður af allri þessari frábæru útlandatónlist. MItt stöff. James kannski heldur rólegur fyrir mig en stórgóður söngvari.
Bee Gees
3/5
Ég fílaði Bee Gees aldrei neitt sérstaklega en síðustu kannski 3 árin hafa þeir vaxið og mér er farið að finnast gaman að hlusta á þá. Það kom eiginlega bara út frá steggjun þar sem "ryksugulagið" þeirra (You Win Again) togaði mig á þeirra band. Því miður var það ekki á þessu albúmi en samt bara fínasta plata.
Ice Cube
2/5
Ég fíla ekki rapp eins og margar aðrar stjörnugjafir hjá mér hafa gefið í skyn. Þessi aftur á móti virkaði betur fyrir mig en aðrar rappplötur. Eitt lag sem ég fílaði alveg vel og hef af og til hlustað á sjálfur. Restin dregur það þá niður úr þremur í tvær.
Black Sabbath
3/5
Ég hef aldrei verið mikið fyrir Black Sabbath. Mér finnst tónlistin frábær, gítarriffin og allt það, mér finnst textarnir skemmtilegir en mér finnst Ozzy bara svo leiðinlegur í flestum lögum. Það eru einstaka lög sem henta honum, t.d. Changes sem er á þessari plötu en annað bara dregur ánægjuna niður.
The Black Crowes
4/5
Elska blúsrokk. Þetta er kannski ekki það besta en ég fíla þetta samt ágætlega. Hef aldrei heyrt um þessa hljómsveit áður þótt ég hafi dillað mér við eitt af lögunum þeirra í gegnum tíðina. Eðalstöff.
Sex Pistols
3/5
Lifi pönkið! Bara ekki of mikið af því í einu. Mér finnst þetta fjör en lögin renna samt saman í eitt og platan hefði ekki mátt vera mikið lengri áður en ég hefði fengið nóg.
Tracy Chapman
3/5
Þetta var auðhlustanlegt. Ekki eitthvað sem ég sæki sjálfur mikið í en gæti sett þessa plötu á fóninn yfir sunnudagsmáltíðinni eða eitthvað í þá áttina. Fín rödd og góður músíkant. Fílaði samt ekki alveg spjalllagið.
Elis Regina
3/5
Fínasta plata með rólegri tónlist sem ég gæti viljað setja á fóninn af og til, t.d. yfir mat þegar mig langar til að líta út fyrir að vera tónlistarheimsborgari. Brasilískur söngfugl sem rennur ljúft inn í eyrun.
The Streets
3/5
Þetta er svona tónlist sem ég er vanalega ekki mikið fyrir en þetta var samt lúmskt skemmtilegt. Ég var reyndar kominn með smá leiða um miðbikið á plötunni en svo duttu inn nokkrir slagarar sem toguðu mig aftur inn
R.E.M.
3/5
R.E.M. finnst mér fín hljómsveit en hún hefur aldrei verið í neinu sérstöku uppáhaldi. Fín lög og allt það en smella samt ekki alveg við mig einhverra hluta vegna. Get alveg hlustað á þessa plötu en líklegri til að gera það með einu og einu lagi, frekar en heildarplötu sem ég gleymi fljótt.
Leonard Cohen
4/5
Ég fékk svo mikið ógeð af Hallelujah strax í menntskóla þegar allir og líka hinir sungu það að ég hef bara ekki viljað hlusta á Leonard Cohen síðan þá. Ég dró það meira að segja að hlusta á þessa plötu og þurfti að undirbúa mig andlega. Svo er þessi plata bara virkilega frábær. Ég mun klárlega hlusta á hana aftur og býst við að hún vaxi við hverja hlustun.
Eurythmics
2/5
Þetta er prýðisband en mikið hrikalega fær maður leið á þessari tónlist eftir að hafa hlustað í svolítinn tíma. Hún hefði getað verið mun styttri þessi plata og þá hefði hún skorað hærra en í þessari lengd var ég farinn að bíða eftir að hún kláraðist. Betri í smáskömmtum en langskömmtum.
The Go-Betweens
2/5
Þessi var ekkert spes. Algjört meðalverk í mínum bókum þar sem ekkert stóð upp úr. Ekki leiðinlegt bara rosaleg bakgrunnstónlist sem maður gleymdi strax og hlustun lauk.
Public Enemy
2/5
Aftur. Rapp. Ekki eitthvað sem ég fíla en mér finnst þetta samt áhlustanlegra en margt annað rapp sem ég hef hlustað á. Nær pínulítið betur til mín en ég ætla seint að segjast vera aðdáandi né hlusta á plötuna aftur.
Travis
4/5
Vá. Þetta var alveg gleymt band. Ég hlustaði fullt á Travis og þar með talið þessa plötu í gamle gamle dage. Eldist þokkalega vel og nostalgían alveg í botni á meðan tónlistin leikur um eyrun og eitthvað meira gleðiblabla.
Don McLean
4/5
Mjög ljúf og þægileg plata sem reyndar gleymist furðuhratt miðað við hvað hún er áhlustanleg. Ég þekki Don McLean ekkert sérstaklega, nema þá titillag plötunnar en hann virðist vera bara fínn gaur. Þessa mun ég setja aftur á fóninn.
Giant Sand
3/5
Virkilega ljúf plata. Ég hlustaði reyndar á eintak með fullt af bónuslögum og þá fór mig svolítið að langa til að hætta og skipta yfir í eitthvað annað en ef ég takmarka mig við grunnplötuna þá var þetta bara fínasta stöff.
Joni Mitchell
3/5
Hún er skemmtileg þótt hún sé ekki sérlega minnistæð en platan er ekki aðgengileg á Íslandi í gegnum Spotify þannig að ég þurfti að mausast í gegnum YouTube. Það mun líklegast valda því að ég hlusta ekki oftar á plötuna.
Syd Barrett
3/5
Mér finnst þessi gaur vera voða mikið eitthvað að þykjast vera Bítill. Fæ sama væb frá honum og Bítlunum nema bara ekkert sérlega spes og ég mun ekki hlusta aftur þótt hún hafi ekki verið leiðinleg.
Stereolab
1/5
Ég hlustaði á einhverja deluxe útgáfu og hún var ekki neitt voðalega deluxe. Í staðinn fyrir að tvöfalda lengdina hefði mátt stytta um helming. Alls ekki minn tebolli.
Throbbing Gristle
1/5
Þetta hefur verið eitthvað áhugavert á sínum tíma en þetta þótti mér afskaplega leiðinlegt. Var afskaplega feginn þegar platan kláraðist.
Neu!
3/5
Þetta var bara allt í lagi. Mjög fín bakgrunnstónlist þótt ég sé ólíklegur til að hlusta á þetta aftur. Ekkert að þessu, ég hef bara ekki hugmynd um hvenær ég myndi nokkurn tímann muna eftir þessu.
The Cars
4/5
Prýðisplata. Hef ekkert hlustað á þessa hljómsveit nema einstaka lag í útvarpinu. Þetta var bara gott og ég gæti bara vel hugsað mér að hlusta á þetta aftur.
Cheap Trick
4/5
Þetta er enn ein hljómsveit sem ég hef heyrt í án þess að vita hver hún er og þetta er bara nokkuð gott stöff. Ég gæti hlustað á þessa plötu aftur en ég mun klárlega skoða aðrar plötur en tónleikaplötu með sveitinni.
Jean-Michel Jarre
3/5
Þetta var allt í lagi í áhlustun. Mér fannst þetta sem sagt ekkert leiðinlegt en mér fannst þetta heldur ekki beint skemmtilegt. Ólíklegt að ég muni hlusta á þetta aftur.
Steely Dan
4/5
Svona rólyndisrokk fíla ég enda hef ég oft hlustað á Steely Dan og á þessari plötu eru algjörar neglur. Ég myndi samt oftar hlusta á önnur samtímabönd þótt Steely megi af og til fljóta með.
Suicide
1/5
Mikið hrikalega rosalega var ég feginn þegar plötunni lauk. Mér var í alvörunni orðið illt í eyrunum. Öskur og leiðindi og sami taktur og viðbjóður. Ég mun aldrei vilja hlusta á þetta aftur.
The Louvin Brothers
2/5
Kristilegt kúrekakántrí má alveg hljóma í bakgrunninum fyrir mér en ég mun seint setja þetta á fóninn. Mér finnst öll lögin vera eins og mér finnst þau ekkert spes. Þetta er samt ekki ömurlegt.
Can
1/5
Ég var bæði feginn og hryggur yfir því hvað platan var löng. Þótt þetta byrjaði vel þá varð platan fljótt ömurleg og svo voru lögin og platan löng þannig að ég þurfti að þola ömurlegheitin lengi. Sem betur fer var hún svo löng að ég þurfti að taka hádegismat í millitíðinni og þá fengu eyrun hvíld.
TLC
3/5
Nokkur af lögunum eru þekkt og góð en ég fílaði þetta ekkert eitthvað ofboðslega mikið. Ekkert slæmt, bara ekki fyrir mig og ég er ólíklegur til að hlusta aftur.
Green Day
3/5
Þetta er fjör og ekkert út á Green Day að setja en tónlistin þeirra hefur samt ekki smollið hjá mér þannig að þetta endar í miðju-meh.
Leonard Cohen
4/5
Eins og ég var með mikið ógeð á Cohen vegna Hallelujah þá hefur hann fengið uppreisn æru í gegnum þessa síðu. Mér finnst hann bara mjög skemmtilegur. Þessi plata er ekki eins góð og You want it darker en samt gef ég henni jafnmargar stjörnur af því að ég get ekki gefið hálfar stjörnur.
Aretha Franklin
4/5
Ég er algjör blúsbróðir og myndi vel vilja hlusta á hana skamma kúnna á dinerum hvaða dag sem er. Þetta er plata sem ég mun setja aftur á af og til, til að komast í stuð.
A Tribe Called Quest
2/5
Ekki merkilegur pappír í mínum eyrum en samt ekki versta rappið sem ég hef heyrt þannig að ég er minna neikvæður gagnvart þeim en öðrum sem ég hef hlustað á. Samt mun ég ekki hlusta aftur.
Frank Black
3/5
Pixies fíla ég og ég hlusta oft á Doolittle. Mér fannst sólóplatan hjá Frank samt ekkert eitthvað spes. Það er Pixies-keimur á plötunni en ekkert sem stendur upp úr. Ég er ólíklegur að setja þessa aftur í spilun.
Heaven 17
2/5
Þetta var allt í lagi. Ég hlusta ekki mikið á svona tónlist að staðaldri en það kemur fyrir og þetta byrjaði fínt en varð fljótt mjög þreytt. Ekki líklegt að ég setji þessa plötu aftur á eða muni eftir henni í framtíðinni.
Saint Etienne
3/5
Þetta var ljúft en fljótt að gleymast. Allt í lagi bakgrunnsmúsík myndi ég segja og ég myndi setja hana á sem matarmúsík ef ég man þá eftir því en ég mun líklegast ekki gera það.
Bob Dylan
5/5
Einu sinni fannst setti ég Bob Dylan í sama flokk og Megas, þ.e. leiðinlegt þjóðlagaskáld en svo fór ég að hlusta á Bob Dylan og núna er hann kominn í uppáhald sem ég set reglulega á fóninn og þetta er bara stórgóð plata sem ég mun hlusta aftur á. Hver veit, kannski mun ég á endanum fíla Megas líka.
2/5
Ég fílaði aldrei Blur neitt sérstaklega og þeir hafa ekker unnið á undanfarna áratugi. Þeir eiga einhver lög sem ég myndi hlusta á og ég myndi ekki slökkva á þeim í útvarpinu en þessa plötu myndi ég ekki setja aftur á í eyrna minna návist af því að mér fannst hún ekki skemmtileg
Pet Shop Boys
3/5
Fínt band og fín tónlist. Ég hlusta af og til á þá strákana en aldrei í svona stórum skammti og þá verður þetta mikið til sama aftur og aftur og allt rennur saman. Ég hef ekkert á móti plötunni en mun líklegast ekki muna eftir henni.
Fela Kuti
4/5
Þetta var hressandi. Ég fílaði þessa tónlist alveg ágætlega. Virðist vera hress gaur og skemmtilegur taktur. Ég held ég gæti sett þetta í gang af og til þegar ég er í djassstuði og leyft því að hljóma í bakgrunninum.
Caetano Veloso
2/5
Í mörg, mörg ár hefur mér fundist höfundaréttur ekki ná fram þeim tilgangi sem honum er ætlað. Þessi plata verður því miður fyrir barðinu á höfundarétti. Ég gat ekki hlustað á nema örfá lög (sem eru á öðrum plötum) vegna þess að hún er ekki aðgengileg á Íslandi og það gekk ekki að finna plötuna annarsstaðar. Tónlistin virtist vera fín en ég ætla að giska að ég hafi bara heyrt rjómann. Set hana að minnsta kosti ekki aftur á.
Screaming Trees
3/5
Þetta var bara meðalrokk og ekki mikið meira. Allt í lagi að hlusta á þetta en ekkert sem stendur sérstaklega upp úr. Fellur líklegast fljótt í gleymskunnar dá.
Tom Petty and the Heartbreakers
4/5
Ég hef alltaf vitað af Tom Petty & The Heartbreakers en hef eiginlega aldrei hlustað á þá. Það eru kannski engir dúndursmellir á þessari plötu en þetta er vel þétt plata sem ég mun alveg pottþétt setja á fóninn af og til. Ég fílaði þetta stöff.
Parliament
3/5
Fönk og fjör. Ég komst í góðan fíling með þessari plötu. Skemmtileg tilbreyting og band sem ég hafði aldrei heyrt um. Það varð smá leiðinleg endurtekning hjá þeim að þeir væru geimverur sem gaf mér kjánahroll en annars bara fínt.
The Band
5/5
Þvílík hljómsveit. Ég veit ekki hversu oft ég hef hlustað á síðasta valsinn þeirra sem er samantekt á ferlinum en ég mun alveg hlusta á þessa plötu aftur (og aftur...) Þetta er bara algjörlega mitt grúv og ég fæ aldrei nóg.
Beck
3/5
Beck er fínn og ég fíla mörg lög með honum en svo koma önnur lög sem vega upp á móti því. Það er alveg eins þeð þessa plötu, hún er uppfull af 'hittum og missum' þannig að fyrir vikið endar hún í meðalflokknum.
Violent Femmes
4/5
Prýðisalbúm með góðri hljómsveit. Þetta varð smá endurtekningagjarnt á köflum en það var samt ekki eitthvað sem böggaði mig og mig langar að hlusta á þessa plötu aftur og líka spá betur í textunum þannig að þessi fer aftur í hlustun við tækifæri. Gott stöff.
Soundgarden
4/5
Eins mikið og ég fíla Chris Cornell og Audioslave þá hef ég lítið hlustað á Soundgarden nema þá þekktustu lögin sem eru mörg á þessari plötu. Það verður bara að segjast að þetta er bara nokkuð góð plata og gott band en mér finnst þetta samt ekki ná sömu hæðum og seinni tíma verkefni Chris (fyrir minn tónlistarsmekk). Ég mun samt bæta þessari plötu í umferð hjá mér.
Sonic Youth
2/5
Ég hef heyrt af þessu bandi en eiginlega ekkert hlustað á þau og eftir að hafa þrælað mér í gegnum þessa plötu er afar ólíklegt að ég muni nokkurn tímann hlusta á hana aftur, eiginlega bara engar líkur. Þetta er samt ekki það versta sem ég hef hlustað á en samt bara ekkert skemmtilegt.
Peter Gabriel
3/5
Ég hlusta reglulega á Genesis og hef alveg hlustað á Pésa af og til en það er samt ekki af mínu eigin frumkvæði. Mér finnst þetta ekkert standa neitt voðalega mikið upp úr en mér líður samt eins og ég ætti að gefa plötunni meiri séns. Það voru lög þarna sem voru fín (önnur en þekktasta lagið meina ég) en það var samt ekkert sem greip mig svo platan lendir í miðjumoði.
Amy Winehouse
5/5
Ég er algjör aðdáandi Amy Winehouse og set hana mjög oft í gang til að komast í stuð. Hún er með magnaða rödd og mögnuð lög. Þannig að ég þurfti varla að hlusta á plötuna áður en ég ákvað hvað ég myndi setja á hana. Þetta er eitthvað sem ég mun oft setja aftur á fóninn.
Orbital
2/5
Fyrsta og síðasta lagið voru alveg hrikalega ömurleg og þótt það hafi verið allt í lagi að hlusta á hin lögin þá voru þessi tvö lög svo ömurlega böggandi að ég náði ekki að njóta þess að hlusta á neitt. Frá fyrsta lagi var ég bara að jafna mig þangað til síðasta lagið olli relapsi og slæmum tilfinningum aftur.
The Mars Volta
2/5
Mér finnst Mars Volta mjög skemmtilegt band þegar ég heyri í þeim í útvarpinu og mig langar alltaf að hlusta á meira og ég set þá einhverja fína plötu frá þeim í gang og eftir nokkur lög er ég kominn með alveg upp í kok og nenni ekki að hlusta lengur. Svo seinna heyri ég í þeim í útvarpinu aftur og endurtek söguna og læri aldrei af mistökunum. Sagan endurtók sig með þessa plötu.
Rush
5/5
Ég geng mjög reglulega um í peysu merktri 2112 sem er tribute í concept plötu Rush þannig að það ætti ekki að koma neinum á óvart sem þekkir til að þetta er gott stöff. Ég var samt ekkert mjög mikill Rush gaur þótt ég hafi alltaf fíla Tom Sawyer en þetta er bara svo gott stöff að það er ekki hægt annað en að elska þetta.
Ray Charles
4/5
Þetta fannst mér skemmtileg plata jafnvel þótt hún væri tvöföld og þar af leiðandi frekar löng þá missti maður aldrei fílinginn eða þreyttist á að hlusta. Algjör negla sem fer pottþétt aftur á fóninn.
Youssou N'Dour
3/5
Þetta var hressandi. Sérstaklega komst ég í góðan fíling í fyrsta laginu. Undir lokin var þetta orðið smá enduurtekningargjarnt en aldrei leiðinlegt. Ég gæti alveg sett þetta aftur á fóninn ef ég man eftir því eða ég kemst í stuð fyrir eitthvað óhefðbundið sem er samt ekki leiðinlegt.
King Crimson
2/5
Ég skil stemmninguna og að þetta hafi verið eitthvað voða funky framúrstefnulegt listaspírurokk í gamla daga en mér finnst bara svona progrokk oftast missa marks og verða bara leiðinlegt sem þetta varð. Ég var svo feginn þegar platan kláraðist og ég mun líklegast aldrei hlusta á hana aftur þótt hún hafi ekki endilega verið slæm tónlist.
3/5
Þetta er fínasta tónlist. Ég þekki náttúrulega Kinks en hef aldrei hlustað á þessa tilteknu plötu áður eða lögin á henni. Ég gæti alveg hugsað mér að spila hana aftur en í hreinskilni sagt mun ég líklegast bara gleyma henni
Led Zeppelin
5/5
Þegar ég byrjaði að gefa dóma á þessari síðu vissi ég ekki að ég myndi fá nokkarar plötur með sömu hljómsveitinni þannig að ég gaf þeim hæstu mögulegu einkunn af því að ég get endalaust hlustað á Led Zeppelin. Hér erum við komin í aðra plötu og ég held mig bara við nákvæmlega sama. Ég get endalaust hlustað á Led Zeppelin. Hæsta einkunn möguleg. Algjörlega mitt grúv.
The Specials
4/5
Ska er stórskemmtilegt og þetta var bara mjög hressandi að hafa í bakgrunninum. Ég get alveg vel hugsað mér að hlusta á þetta aftur og ég mun líklegast muna eftir þeim. Svo bara áfram gakk.
The Who
4/5
Eins og mér fannst The Kinks vera eitthvað voðalega meðalmennsku eitthvað þá fannst mér þetta mjög gott stöff. Ég hef reyndar oft hlustað á The Who þannig að það hefur kannski eitthvað að segja en mér fannst þetta bara frábært og mun líklegast hlusta á þessa plötu aftur.
Public Image Ltd.
2/5
Þessi plata á nokkra góða spretti en þess á milli eru sprettirnir bara svo ömurlega leiðinlegir að ég hef ekki samviskuna í að gefa þeim meðaleinkunn. Þetta mun ég ekki hlusta á aftur en ég ætla samt ekki að segja að þetta sé hryllingur.
The Chemical Brothers
4/5
Ég hef vanalega ekki talið mig vera mikið fyrir svona tónlist en þetta er samt alveg mjög gott stöff sem ég komst í góðan fíling við að hlusta á. Kannski enda ég bara í einhverju reifpartýum á þriðjudagskvöldum með þessu áframhaldi en það er kannski bara af hinu góða.
PJ Harvey
3/5
Tilfinningaþrungið rokkpopp er alveg skemmtilegt og ég hef alveg skemmt mér yfir svona tónlist. Hún náði mér samt ekkert rosalega yfir á sitt band. Ég gæti sem sagt hlustað á þetta aftur en ég er hræddur um að ég muni ekki muna eftir því þegar ég kemst í angistarfíling.
Elliott Smith
4/5
Ég hafði aldrei heyrt um Elliot Smith en hef eflaust heyrt í honum í einhverjum bíómyndum án þess að fatta það. Hann er bara skrambi góður og vel áhlustanlegur. Ég mun eflaust setja þessa plötu á fóninn aftur.
Crosby, Stills, Nash & Young
4/5
Ég var svo leiður við að hlusta á þessa plötu. Ekki af því að hún var slæm heldur af því að höfundaréttur kom í veg fyrir að ég gæti hlustað á alla plötuna. Ég fékk bara að hlusta á 7 lög. Ef ég hefði fengið að hlusta á allt hefði ég gefið henni 5 stjörnur en hún fær smá skammir fyrir höfundaréttarleiðindi
Cornershop
4/5
Mér fannst svolítið hressandi að fá að hlusta á indverskt-indí-rokk-popp. Alls ekki leiðinlegt og ég er alveg líklegur að setja þetta aftur á fóninn og muna eftir því. Ef eitthvað þá fannst mér platan mögulega heldur löng en hún náði einhvern veginn að sleppa við að vera endurtekningarsöm miðað við þá lengd.
Metallica
5/5
Þvílík veisla. Algjör unaður. Ég hef hlustað svo oft á þessa plötu að ég kann hana næstum því utan að. Ég var svo ánægður að sjá hana og að hlusta á hana þó svo að ég vissi hvaða einkunn hún myndi fá. Löng plata en samt bara svo æðisleg. Mig langar bara að setja hana strax aftur af stað.
Marilyn Manson
3/5
Mér finnst lúmkst gaman að Marilyn Manson og hlustaði mikið á hann í gamla daga, sérstaklega Mechanical Animals. Á þeim tíma hef ég greinilega verið að brjótast út úr skelinni því ég varð smá þreyttur á aggresívu tónlistinni núna. Myndi samt alveg hlusta á hana aftur en ég þarf þá að vera í réttu stuði eða þá bara að spila Marilyn Manson í smáskömmtum
Todd Rundgren
2/5
Þetta var allt í lagi en mér fannst þetta samt svolítið tilgerðarlegt og það er ólíklegt að ég spili þetta aftur. Afskaplega auðgleymanlegt allt saman. Ekkert meira um það að segja. Ekki lélegt en samt ekki neitt.
Pavement
2/5
Ég skil hvað þau eru að gera og ég hlusta oft á svipuð bönd en ég skil ekki hvernig þetta stendur eitthvað sérstaklega upp úr. Mér fannst þetta eiginlega bara vera meðalmennskuhandboltarokk. Kannski var þetta upphafið að því og allt sem á eftir kom eru eftirhermur en þá hlusta ég bara á þær í staðinn.
Louis Prima
5/5
Þetta var algjört fjör. Vúff hvað ég komst í gott stuð. Ég mun alveg pottþétt setja þetta aftur á fóninn og oft. Uppáhaldið var að kaupa bananasplitt fyrir ástina en drekka bara venjulegt vatnsglas sjálfur. Stuðfaktorinn færir þetta í 4.5 svo ég smelli bara 5 á þetta því ég komst í svo gott skap.
Gram Parsons
3/5
Þetta var kántrí en samt ekki. Ég fílaði þetta alveg en samt ekki nægilega til að muna eftir plötunni þegar að því kemur að velja plötu á fóninn þannig að þessi mun gleymast þótt hún sé samt ekkert slæm
Spiritualized
2/5
Þetta var bara allt í lagi tónlist en stundum varð hún svolítið framúrstefnuleg, hörð og leiðinleg. Ef þessu progressive dæmi hefði verið sleppt væri þetta plata sem færi á fóninn hjá mér í bakgrunninn á rólegheitakvöldum en þetta skemmdi það tækifæri.
Alice In Chains
5/5
Pínu vandró en þrátt fyrir að ég hafi oft hlustað á Alice in Chains í útvarpinu og alltaf fílað það sem ég heyrði fannst mér aldrei þess virði að kynna mér bandið eitthvað sérstaklega. Ég veit eiginlega ekki af hverju. Nú hefur verið gerð bót á því og þetta var æði. Þessi plata fer aftur og aftur á fóninn. Ég hef misst af svo miklu. Fer úr 4.5 upp í 5 stjörnur sem afsökunarbeiðni til þeirra
My Bloody Valentine
2/5
Ég hélt alltaf að My Bloody Valentine væri ungt og ferskt band. Það kom mér á óvart að þau eru það ekki en ætti þá heldur ekki að koma á óvart að ég þekki þau ekki og hef ekkert verið að hlusta á þau. Það er reyndar bara fínt því mér finnst þau bara leiðinleg.
Orange Juice
3/5
Þetta var nú bara prýðilega áhlustanlegt. Ekkert sem stóð eitthvað sérstaklega upp úr en passaði mjög vel í bakgrunninn þannig að já. Meðalplata en ég gæti alveg sett hana aftur á samt.
Super Furry Animals
3/5
Þetta kom mér á óvart. Ég bjóst við einhverju hundleiðinlegu og framúrstefnulegu en svo var þetta nú bara allt í lagi. Það komu smá framúrstefnulegir taktar sem mér fannst ekkert spes en það var stutt og sleppur þannig upp í þristinn þótt það hafi daðrað við tvist.
Beatles
4/5
Ég hef lítið hlustað á Bítlana í gegnum tíðina eins fáránlegt og það hljómar (ég myndi bara segja að ég er meiri Stones-maður). Þess vegna vissi ég ekki að Bítlanir hefðu coverað einhver lög. Þetta var bara vel gert hjá þeim og platan bara mjög góð til að hlusta á. Renndi meira að segja tvisvar í gegnum hana.
R.E.M.
4/5
Kósý og fín plata frá þeim. Mjög gott að hafa í bakgrunni og hlusta þótt það séu kannski engir slagarar á plötunni (ég kannaðist við Radio Free Europe en það er enginn rosalegur hittari). Þrátt fyrir það eru lögin bara góð og platan rennur ljúflega í gegn. Þessi fer aftur á fóninn og eflaust oft.
Can
2/5
Ég man hvað mér fannst Tago Mago með Can leiðinleg plata. Þessi var nú ekki svo slæm. Hún var í áttina að betri áhlustun en hún var samt frekar leiðinleg. Löng lög, framúrstefnulegt bleh sem ég í sannleika sagt nennti varla að hlusta á. Þessi fer ekki aftur í spilun en fær samt aðeins hærri einkunn en Tago Mago
Marty Robbins
3/5
Ég hélt ég fílaði ekki kántrí en vona kántrí er nú bara nokkuð gott. Ætli það sé ekki gamaldagskántrí sem ég fíla frekar en þetta nýmóðins söngl. Þessi plata er alveg líklegt til að vera spiluð aftur ef ég man þá eftir henni. Fínasta stöff alveg hreint.
T. Rex
4/5
Ég hef ekki mikið hlustað á T. Rex fyrir utan allra þekktustu lögin sem ég hef samt fílað þannig að það var bara gaman að gefa T. Rex smá pláss og uppgötva að þetta er bara fínasta stöff. Ég mun alveg hlusta á þetta aftur. Mjög gott barasta.
Ray Charles
4/5
Þvílíkur snillingur. Ég elska big band tónlist. Ray tekur þarna góð lög og setur upp í big banda tónlistarveislu sem ég mun hlusta á aftur og aftur. Það er ekki hægt að biðja um mikið meira en þetta. Ray er einhver sem ég hef ekkert svo mikið hlustað á en hann er bara kominn í topp-tónlistarmenn hjá mér.
Rage Against The Machine
4/5
Ég hef ekki lagt það í vana minn að hlusta mikið á Rage Against the Machine og vanalega ekki talið það til míns tónlistarsmekks en ég kemst samt ekki hjá því að komast í algjöran fíling þegar ég hlusta á þau og mér finnst gítarinn hjá Tom Morello bara frábær. Ég held ég hlusti líklega á þessa plötu aftur næst þegar ég er reiður. Fínasti gripur.
The Yardbirds
3/5
Þetta var nú bara prýðilegt. Ég hef aldrei hlustað eitthvað sérstaklega á The Yardbirds þrátt fyrir að þaðan megi rekja frægðir Eric Clapton og Jimmy Page (þó hvorugur sé á þessari plötu). Það eru alveg líkur á að ég hlusti á þetta aftur en meiri líkur á að ég reyni frekar að hlusta á Yardbirds plötur með Clapton eða Page.
Quicksilver Messenger Service
3/5
Ég hafði aldrei heyrt um þessa hljómsveit áður og hefði aldrei dottið í hug að hlusta á hana enda ekki mikið fyrir kántrí en svo er þetta bara ekki kántrí. Þetta er bara rokk eins og ég fíla það. Platan var bara hin prýðilegasta plata en það stóð samt ekkert upp úr. Ég myndi sem sagt hlusta á hana aftur en ég mun líklegast ekki muna eftir þeim.
Stevie Wonder
4/5
Mér hefur alltaf fundist mjög gaman að hlusta á Stevie Wonder en aldrei hlustað á heila plötu með honum (þetta er svolítið gegnumgangandi með þekktari tónlistarmenn hjá mér virðist vera). Þarna voru kannski ekki neinir rosalegir slagarar en þetta var samt þannig plata að ég mun setja hana á fóninn af og til. Ég sé fyrir mér að hlusta á hana við matarborðið eða í bakgrunni í stofunni. Fínasta áhlustun.
ABBA
3/5
Sænska bomban. Þarna eru slagarar og minna þekkt lög. Ég fílaði þetta alveg þótt ég muni seint kallast ABBA aðdáandi. Kannski þarf ég að vera í sérstöku stuði til að hlusta á ABBA svo það skori hærra en ég er alveg líklegur til að setja þessa plötu á fóninn ef andinn grípur mig.
Beatles
4/5
Þrátt fyrir fyrri yfirlýsingar um að ég sé Stónsari þá verð ég að segja að mér þótti þessi plata bara mjög góð. Temmilegt popp, temmilegt rólegt, temmilegt allt. Ég mun örugglega setja hana aftur í gang seinna þótt ég ætli samt ekki að segja að þetta sé það besta sem ég hef hlustað á. Bara temmilega gott
Fever Ray
3/5
Kannski er það Gautaborgarblætið í mér sem talar en jafnvel þótt ég sé lítið fyrir raftónlist þá fannst mér mjög skemmtilegt að hlusta á þessa tónlist. Ég efsast samt um að ég muni hlusta á þessa plötu aftur. Eiginlega bara af því að ég er lítið fyrir raftónlist og það eru til mun betri listamenn frá Gautaborg.
Buddy Holly & The Crickets
4/5
Ég set svona tónlist alltof sjaldan á fóninn. Mér finnst hún svo hressilega skemmtileg þannig að þetta var mjög ferskt þrátt fyrir að vera 70 ára gamalt. Gimsteinn sem ég mun setja aftur á fóninn af og til. Kannski í styttri kantinum en það er samt bara fínt svo maður fái ekki leið.
Peter Frampton
3/5
Frampton (sem á sama afmælisdag og ég) byrjaði og endaði sinn feril á því að spila Buddy Holly lög. Mjög viðeigandi að hans plata hafi komið beint á eftir Buddy Holly plötu. Glimrandi albúm sem ég get ekki annað en fílað en svo er höfundaréttarvesen þannig að ég fæ ekki að hlusta á allt. Það dregur hana niður í meðalmennsku. Einhverjum þarf ég að refsa fyrir höfundaréttardraslið og af hverju þá ekki stjörnugjöf á algjörlega ótengdri síðu, með athugasemdum skrifuðum á tungumáli sem þeir sem þurfa að átta sig á mistökum sínum geta ekki einu sinni lesið?
Patti Smith
3/5
Mér finnst ekkert mikið til Patti Smith koma. Hún er allt í lagi en mér finnst alltaf talað um hana eins og hún sé í guðatölu. Þetta var allt í lagi albúm sem ég gæti hlustað á aftur en ég mun líklegast alltaf velja mér sjálfur eitthvað annað til að hlusta á af því að ég mun gleyma Patti og þessari plötu.
David Bowie
3/5
Ég verð líklega skammaður fyrir þetta en mér hefur aldrei fundist Bowie eitthvað sérstaklega spes. Mér finnst hann ekki leiðinlegur en mér finnst hann heldur ekkert frábær. Í mínum huga er hann frekar meðal sem hefur samt átt nokkur góð lög. Í seinni tíð hefur hann samt unnið á en þetta var samt meðaldót hjá honum. Ólíklegt að ég setji þetta aftur í spilun.
Billy Joel
5/5
Þessi plata. Þessi plata. Úff hún er svo frábær. Ég set hana mjög oft á og mun halda áfram að setja hana á. Innihalda kannski ekki allra þekktustu lögin flrá Billy Joel en vel þekkt lög samt sem áður. Hún er bara svo ákkúrat rétta stemmningin svo oft þegar maður er eitthvað að græja og gera.
Os Mutantes
2/5
Það er alltaf gaman að heyra eitthvað framandi og ferskt og þetta var það svo sannarlega fyrir mig þótt þetta sé alveg hundgamalt efni. Það leiðinlega er bara að mér þótti þetta ekkert spes og ég mun líklegast aldrei setja þetta aftur á fóninn. Ég var samt vongóður þegar ég sá að þeir hituðu einu sinni upp fyrir Gilberto Gil en samt, ekki nógu gott fyrir mig.
Norah Jones
4/5
Ég reyni að setja tónlist í gang við matarborðið og hef reynt að dreifa svolítið tónlistarstefnum. Ég byrjaði á því út frá mínum fyrstu kynnum við Noruh Jones. Þessi plata var spiluð við matarborðið hjá tengdó í matarboðum sem ég fór í og mér þótti þetta svo þægileg matartónlist að ég ákvað að herma (sem svo þróaðist út í tónlistarstefnukynningu). Þetta er sem sagt plata sem ég set af og til á fóninn, sérstaklega þegar matur er kominn á borðið.
Alanis Morissette
5/5
Ég veit ekki hversu mikið ég hef hlustað á þessa plötu. Ég átti geisladiskinn þegar ég var yngri (og á enn) og hún var virkilega oft í spilun. Svo hvar platan aðeins ofan í skúffu og bara nýlega fór ég að spila hana aftur í tilefni af söngleiknum (sem var því miður mjög illa útfærður á Íslandi) en það var svo gaman að hlusta á plötuna aftur og svo ratar hún á listann og ég varð aftur innilega glaður. Ég mun halda áfram að spila þessa reglulega. Fær 4.5 en ég ýti upp í 5 því þetta kom á besta tíma.
Raekwon
1/5
Ég hlustaði á alla plötuna og mér fannst ég næstum því hafa bara verið að hlusta á sama lagið á repeat því þau voru öll eins. Ég skil alveg að fólk finnist svona tónlist skemmtileg en ég er ekki í þeim hópi. Mér hefur alltaf fundist þetta vera svo yfirborðskenndir og útúrkreistir töffarataktar. Alls ekki minn smekkur.
Willie Colón & Rubén Blades
4/5
Ég skemmti mér lúmskt mikið við að hlusta á salsa tónlist en ég hvorki dansa salsa né hef sökkt mér eitthvað sérstaklega ofan í tónlistarstefnuna. Þannig að ég þekki ekkert mikið til en mikið hressilega fannst mér þetta skemmtileg plata. Hún fer alveg pottþétt aftur í spilun og þá líklegast oft því mig langar bara í meira salsa.
Sugar
3/5
Þrátt fyrir einfalt og þægilegt hljómsveitarnafn þá er þessi tónlist mjög auðgleymanleg. Þetta er bara meðalrokk þar sem ekkert stendur upp úr. Ég myndi líklegast hlusta á þetta aftur en það eru afspyrnulitlar líkur á að ég muni gera það, sérstaklega af því að ég mun pottþétt gleyma þessu sjálfur.
The Offspring
3/5
Ef það er einhver hljómsveit sem er skemmtilegt í skömmtum þá er það Offspring. Mér finnst þetta reyndar þrælskemmtilegt ska-skotið pönk og mun alltaf hlusta á Offspring þegar ég heyri í þeim og jafnvel bara tralla með vinsælustu lögunum en ég mun örugglega aldrei setja þessa plötu á fóninn til að hlusta á í gegn.
Elbow
4/5
Ég hafði aldrei heyrt um þetta band þegar ég byrjaði að hlusta á þessa plötu og ég verð bara að segja að Elbow kom skemmtilega á óvart. Mér finnst ég hafa heyrt svona tónlist oft og mörgum sinnum. Ekkert frumkvöðlastarf í gangi en það er bara allt í lagi. Platan rúllar nefnilega bara mjög vel og ég mun líklegast setja hana á aftur við hin og þessi tilfelli því hún er bara afskaplega fín bakgrunnstónlist.
Adele
4/5
Ég skil alveg af hverju Adele er svona vinsæl og dáð og ég er alveg á þeim vagni. Þetta eru kannski ekki hennar þekktustu lög (fyrir utan Hello) og ég fíla blúsuðu lögin hennar meira en þetta er bara í heildina virkilega þétt plata sem er hægt að spila aftur og aftur í bakgrunni.
Sam Cooke
4/5
Ég væri svo til í að hafa verið uppi á þessum tíma og að búa þá í New York og geta farið á svona skemmtanir. Kannski er ég bara að rómantísera hvernig lífið var á þeim tíma en þetta er bara svo skemmtileg tónlist til að fara og hlusta á, helst á pínulitlum skemmtistað í kjallarholu, hópurinn sitjandi í kringum lítið borð og bara að njóta. Ég set þetta aftur á þegar andinn kemst yfir mig. Ég þarf bara að kaupa mér harða stóla og lítið kringlótt borð.
Billy Bragg
3/5
Mér finnst ég kannast voðalega mikið við þetta nafn en ég hef bara aldrei hlustað á hann og er alveg pottþétt að rugla einhverjum nöfnum saman. Þetta var nú samt bara prýðilegasta tónlist en það situr samt ekki mikið eftir. Ég sem sagt gæti alveg hlustað á hana aftur en ég mun líklegast ekki muna eftir plötunni og þar af leiðandi ekki setja hana á sjálfur.
Living Colour
3/5
Þessir gaurar virðast vera ofboðslega hressir og uppfullir af sjálfum sér sem er stundum gott ef maður hefur efni á því. Þessir eru samt svo mikið miðjumoð að það er engin sjálfsdýrkunarinneign. Ég mun ekki sjálfur sækjast eftir að hlusta á þá en ég myndi alveg hlusta á þá ef þeir væru í útvarpinu eða eitthvað.
Donald Fagen
4/5
Ég hafði ekki spáð í hvort einhver úr Steely Dan hefði farið í sólóferil en þarna er hann svo og ég þekkti meira að segja I.G.Y. en hafði aldrei tengt það við Steely Dan. Þetta var bara hin fínasta plata og ég sé alveg fyrir mér að ég setji þessa aftur á fóninn. Pínu djass, pínu (ekki mikið) stuð.
The Who
4/5
Ég er með pínulitla fordóma fyrir tónleikaupptökum þegar ég veit að það eru tónleikaupptökur en svo þegar ég hlusta á tónlistarupptökur eða er ekki að pæla í því þá skemmti ég mér konunglega og það var ákkúrat þannig með Live At Leeds. Þetta eru tónleikar sem ég hefði viljað vera á. Gott stöff sem ég er alveg líklegur til að setja aftur á ef ég kemst yfir fordómana mína.
Air
3/5
Þetta er fínasta ljúfmetispopp sem ég hef ekkert á móti því að hlusta á en ég mun líklegast ekki setja þá á fóninn af því að ég mun ekki muna eftir þeim (þótt þeir séu nú nokkuð þekktir). Samt ekkert út á plötuna að sakast, bara ekki það sem ég fíla nógu mikið til að setja ekki eitthvað annað á í staðinn.
Stephen Stills
4/5
Aftur lendi ég í því að hafa hlustað á grúppu frekar en einstaka meðlim og átta mig á því að ég hef misst af miklu. Þessi plata er mjög ljúf og mun vera spiluð aftur á mínu heimili í réttum aðstæðum. Hugljúf hlustun
The Pogues
4/5
Ég þekkti Pogues bara í gegnum jólalagið þeirra sem er fínasta lag en svo oft spilað að ég fæ alveg grænar bólur og hef því ekki kynnt mér Pogues eitthvað nánar. Svo kemst ég bara að því að þetta er svona líka hressandi írsk drykkjutónlist sem er með betri drykkjutónlist sem hægt er að hlusta á. Þetta fer aftur á fóninn og líklegast aðrar plötur með þeim (svo ég sleppi við þetta ofspilaða jólalag).
Johnny Cash
4/5
Svona á að gera kántrítónlist. Ég er algjör Cash-aðdáandi þótt ég sé ekki mikið fyrir kántrí. Hann gerir það bara svo skemmtilega vel án yfirlætis. Bara einlægur tónlistarmaður og það heyrist einmitt á þessari plötu þegar hann fer óvart að hlæja inni í miðju lagi. Ég fíla það. Gerir þetta að miklu betri upplifun að hlusta á og ég mun halda áfram að hlusta á Johnny Cash, aftur og aftur.
Nick Cave & The Bad Seeds
3/5
Nick Cave & The Bad Seeds hefur allt sem ég óska mér, blússkotið rokk með góðum textum í góðum flutningi. Samt er eitthvað sem ég hef aldrei getað sett puttann á sem veldur því að mér finnst þetta ekkert sérlega skemmtilegt. Það eru einstaka lög sem ég get hlustað á en það eru einhverjir fordómar sem fá mig til að hugsa: "Æjnei! Ekki Nick Cave". Kannski þarf ég bara að komast yfir það og byrja að njóta en þangað til eru það smáskammtar. Gef þrjár störnur því ég mun reyna að hlusta á meira og reyna að komast í stuð því ég ætti að fíla þessa tónlist í botn.
The Afghan Whigs
2/5
Þetta fannst mér nú ekki neitt sérlega merkilegt band og skil ekki af hverju það er á þessum lista. Þetta er ekki beint leiðinlegt og textarnir stundum skemmtilegir en mér fannst þeir heldur ekki góðir. Væbið sem ég fékk var að þetta væri svona bílskúrspabbaband sem verður aldrei meira en það.
Deep Purple
5/5
Það hefur verið algjörlega truflað að fara á þessa tónleika og það var algjörlega æðislegt að hlusta á þessa plötu. Þetta varð fljótt ein besta tónleikaplata sem ég hef heyrt. Þótt hún sé 2 tímar er ég búinn að hlusta á hana tvisvar. Súpergott.
The Last Shadow Puppets
3/5
Þetta var böggandi áhlustun. Ekki af því að tónlistin var svo leiðinleg heldur að mér fannst allan tímann eins og ég ætti að þekkja þessa hljómsveit því ég hef hlustað á mjög svipuð lög og svipaða rödd mörgum sinnum en ég hafði aldrei heyrt um þessa hljómsveit. Á endanum las ég mér til og komst að því að þetta er hobbýverkefni söngvara Arctic Monkeys og þá áttaði ég mig á því af hverju ég kannaðist svona við þetta. Ég myndi líklegast alltaf setja Arctic Monkeys á í staðinn en þetta var samt ekki leiðinlegt.
Talking Heads
3/5
Þetta er nú bara allt í lagi tónlist þó svo að ég fái enga sérstaka ánægju út úr því að hlusta á hana. Platan flýtur bara í gegn og svo þegar hún er búin mun ég líklegast aldrei setja hana á aftur. Ég mun nefnilega aldrei finna mér ástæðu til að hlusta á Talking Heads. Meh!
Jack White
3/5
Eins og með svo margar góðar hljómsveitir þá hef ég ekki kynnt mér sólóferil einstakra hljómsveitarmeðlima. Ég hef reyndar ekki fylgst eitthvað sérstaklega með White Stripes þó svo að mér hafi fundist skemmtilegt að hlusta á þau. Það ætti því ekki að koma á óvart að ég hafi ekki hlustað á sólóplötu með Jack White. Núna er ég búinn að því og hún var bara meðaldæmi eitthvað.
Little Richard
4/5
Ég er alltaf til í að hlusta á svona tónlist. Kannski er ég bara gömul sál fædd á röngum tíma en ég kemst í góðan fíling og er mjög líklegur til að setja þetta aftur á fóninn af og til. Mig langar meira að segja til að kaupa þessa plötu á vínyl þó svo að ég eigi ekki einu sinni plötuspilara, bara af því að mig langar í stemninguna
The B-52's
1/5
Alveg frá því að B-52's komu fram í Flintstones myndinni fyrir löngu síðan hef ég haft smá veikan blett fyrir þeim. Ekki að ég haldi eitthvað mikið upp á Flintstones eða þau en ég hef gaman að stílnum þeirra. Það voru því ömurleg vonbrigði að fá aðeins aðgang að tveimur lögum á plötunni þökk sé höfundaréttarbulli (þótt eitt af þeim sé Rock Lobster sem ég set oft í gang þegar ég kemst í Family Guy stuð). Ég held því áfram að refsa á íslensku á algjörlega ótengdri síðu en í þetta sinn með sorg í hjarta.
Venom
3/5
Ég hef aldrei hlustað á Venom áður og setti þetta hugsunarlaust í gang. Skömmu síðar hugsaði ég svo hvað þetta væri hrikalega mikið að reyna að vera thrash metal en væri samt ekkert á við bestu böndin á því sviði. Svo sá ég hvenær þetta kom út og áttaði mig á þetta band er ekki að reyna að herma heldur ruddi líklegast brautina. Það er samt ólíklegt að ég muni muna eftir þeim og setja þá aftur á fóninn. Frekar hlusta ég á þá sem eltu Venom.
Liz Phair
2/5
Þetta var nú bara allt í lagi indie rokk en ekkert eitthvað stórkostlegt. Þetta ætti þess vegna bara að enda einhversstaðar í miðjunni því ég er ólíklegur að muna eftir þessu. Aftur á móti fær þetta einni stjörnunni minna vegna höfundaréttarvesens á örfáum lögum á plötunni. Búúúú!
Grateful Dead
2/5
Ég þekkti John Perry Barlow sem var einn af textahöfundum Grateful Dead en þrátt fyrir það hef ég ekkert mikið verið að hlusta á þá. Tónlistin þeirra er vanalega mjög fín og þægileg í hlustun. Þessi plata er samt full af einhverju sem hefði alveg mátt sleppa (til dæmis var Feedback afskaplega leiðinlegt lag). Svo eru engir textar á þessari plötu eftir Barlow þannig að ég hef ekki mikið á samviskunni að lækka hana niður í 2 stjörnur því ég mun ekki setja hana á út af þessum tilraunalögum.
Bob Marley & The Wailers
4/5
Bob Marley hefur verið í sókn á ný, örugglega út af nýju heimildarmyndinni um hann. Það er samt ekki hægt annað en að fíla þessa tónlist. Þessi plata fer aftur á fóninn það er alveg bókað ásamt öðrum plötum með Marley.
Jimmy Smith
4/5
Þetta kom hressilega vel á óvart. Ég þekkti ekki til Jimmy Smith áður en ég byrjaði að hlusta en varð samstundis mjög hrifinn og þökk sé skemmtilegu nafni á plötunni mun ég muna eftir henni og þar af leiðandi setja hana aftur á. Ég fílaði þetta allaveganna mjög mikið.
Jimi Hendrix
3/5
Örvhenta gítargoðið hefur allt till brunns að bera sem ég fíla en líka það sem ég fíla ekki. Ég hef áttað mig á að ég er lítið fyrir svona tilraunakennda tónlist sem leitar að hljóm í allskonar einhverju. Þegar Hendrix heldur sig innan þess sem hann er góður í er hann virkilega frábær. Ég mun setja hann oft á fóninn en líklegast verður hann ekki fyrsta val.
David Bowie
4/5
Nú mun ég uppskera vandlætingarsvip frá einhverjum með því að viðurkenna að oft á tíðum finnst mér David Bowie frekar leiðinlegur tónlistarmaður nema einstaka lög sem mér hafa þótt skemmtileg. Þannig að ég hef ekki lagt það á mig að hlusta á hann en svo kemur þessi plata og hún er bara stórgóð. Ég hef örugglega misst af miklu með þessum fordómum mínum. Ég er greinilega þessi leiðinlegi.
Donovan
3/5
Ég bjóst við algjöru psækadelísku rokki sem ég myndi ekki fíla þegar ég sá plötuumslagið en svo var þetta bara fínasta plata sem ég gat alveg hlustað á. Ég ætti að reyna að muna eftir henni til að reyna að spila aftur síðar en ef ég á að vera alveg hreinskilinn eru ekki miklar líkur á því.
Chicago
4/5
Heyrðu, heyrðu, heyrðu! Ég hef hlustað á þessa hljómsveit áður án þess að í rauninni vera eitthvað að spá í henni eða að leggja mig fram við að hlusta á hana... en hún var líka svona bara frábær þessi plata að undanskildu einu lagi, Free Form Guitar, sem dregur hana niður um eina stjörnu af því að mér fannst það bara ekki passa inn á plötuna. Hún hefði annars fengið fullt hús stiga.
Fairport Convention
3/5
Ég hafði bara aldrei heyrt um þetta band áður en ég byrjaði að hlusta á plötuna og við hlustun komst ég líka að því að ég hef bara aldrei hlustað á eitt lag. Þetta var nú samt bara hin prýðilegasta plata þótt hún standi samt ekkert voðalega upp úr. Ef ég þekki sjálfan mig mun ég samt gleyma henni þótt ég væri alveg til í að setja hana aftur á. Lendir því í meðalflokki.
The Go-Go's
3/5
Þetta var mjög fín plata þótt ég muni merkja hana sem meðalplötu. Það er líklegast bara af því að hún er það gleymanleg að ég mun aldrei setja hana aftur á nema að andinn komi skyndilega yfir mig og ég muni eftir þeim. Það var sem sagt ekkert að þessu annað en að ég mun gleyma þeim fljótt.
Peter Gabriel
3/5
Ég veit ekki hvað það en Peter Gabriel er alveg fínn tónlistarmaður með fínustu lög en þau eru samt voðalega auðgleymanleg. Eini möguleikinn fyrir mig til að setja þetta á er ef ég kemst í Genesis-stuð en þá set ég bara Genesis á frekar en hann þannig að þessi hverfur í meðalmennskuna.
Soft Machine
2/5
Þetta hafði allt til brunns að bera til að vera skemmtilegt en svo var þetta bara ekki skemmtilegt. Ég fílaði ekki tempóið í djassinum og svo voru aðeins of miklar tilraunir til að fíla á svona plötu. Ég hefði alveg örugglega fílað þetta í einhverjum jam-djassklúbb en ekki á plötu. Nei takk.
Beastie Boys
3/5
Ég hef ekki verið mikið fyrir rapp en rokkskotið rapp er samt alveg eitthvað sem ég fíla alveg síðan Quarashi var og hét. Ég fílaði einmitt þessa plötu en mun samt líklegast aldrei setja hana á af sjálfsdáðum. Þetta er ekki eitthvað sem mér dettur í hug að hlusta á nema bara eitt og eitt lag. Samt gott stöff með góðum smellum.
The Icarus Line
2/5
Þó svo að ég sé rokkari í hjartanu þá er þetta ekki rokk sem mér finnst eitthvað spes. Algjört meðalmoð sem mun líklegast aldrei fara aftur á fóninn hjá mér. Ég verð fljótur að gleyma þeim. Sko, ég er meira að segja búinn að gleyma þeim núna strax. Aðeins verra en miðjuplötur.
D'Angelo
3/5
Þetta varð allt annað en það sem ég bjóst við að ég væri að fara að hlusta á. Ég bjóst við einhverri hörmung en svo var þetta bara allt í lagi þó svo að þetta hafi verið svolítið svona 90s kvennabósalegt. Ég mun líklegast ekki setja hana aftur á en það var samt allt í lagi að hlusta.
Fela Kuti
4/5
Ég var mjög hrifinn af þessari plötu. Ég mun pottþétt setja hana aftur á og hlusta oft og mörgum sinnum á hana. Ég myndi gefa henni fjórar og hálfa stjörnu ef ég gæti af því að mér finnst ég þurfa nokkrar hlustanir í viðbót til að komast upp í 5 en þetta var barasta mjög gott stöff.
The Smashing Pumpkins
5/5
Einu sinni fannst mér Billy Corgan alveg afskaplega leiðinlegur áheyrnar. Svona vælukjói í rokkhljómsveit. Svo varð ég fullorðinn of byrjaði að hlusta almennilega á Smashing Pumpkins og þetta er núna orðið band sem ég set mjög reglulega á fóninn. Frábært stöff. Heimskur ég í gamla daga.
Tom Waits
4/5
Ég kynntist Tom Waits fyrst þegar hann fór með ljóð í upphafi Hullabaloo tónleikum Muse. Þá fannst mér hann töff. Svo hlustaði ég á þessa plötu og fannst hann flottur í upphafi en fékk svo smá leið. Þurfti að taka pásu og þegar ég hélt áfram að hlusta var hann orðinn töffari aftur.
Fairport Convention
4/5
Þarna kemur hún aftur, hljómsveitin sem er bara mjög fínt að hlusta á en ég hafði aldrei heyrt um áður. Síðast þekkti ég mig ekki nógu vel því ég setti hana í meðalflokk af því að ég bjóst ekki við að setja hana aftur á en svo gerði ég það bara skömmu síðar og nú er komin enn önnur sem ég get sett á. Hækkar því í 4 stjörnur.
Kraftwerk
3/5
Ég er ekki mikið fyrir raftónlist en þegar ég er fyrir raftónlist þá er það nokkuð líklegt að ég setji Kraftwerk á og þarna eru slagarar sem ég þekki vel til og raula með vélmennarödd við. Ég mun samt ekki setja þetta á fóninn held ég en þetta er ekki rusl. Meðalplata kannski en væri örugglega frábær plata fyrir meiri raftónlistaraðdáendur
Stevie Wonder
4/5
Þetta var löng plata en stórkostlega gaman að hlusta á hana. Ég efast um að ég muni nokkurn tímann ná að hlusta á hana í heild sinni þar sem hún svona löng en ég mun alveg pottþétt setja hana á og hafa hana í bakgrunni. Þetta er nefnilega algjört gæðaefni.
Slipknot
3/5
Nú ætla ég að hljóma eins og eitthvert gamalmennið. Þetta er nú aldeilis reiðir piltar. Óháð því fíla ég alveg Slipknot en þessi rosalega reiði verður pínulítið leiðinlegt til lengdar þannig að ég er ekki líklegur til að setja plötu með þeim á þótt ég muni af og til hlusta á eitt og eitt lag með þeim.
The Monkees
3/5
Þegar ég hugsa um The Monkees hugsa ég um nestisboxið hennar Marge Simpson. Ég man samt ekki hvað það var en það var eitthvað verið að setja út á þá sem lagahöfunda og flytjendur en svo áttu þeir bara að vera stemmingin. Ég finn alveg stemmninguna og það var gaman að hlusta á svona spjall og raul á þessari plötu sem var samt heldur löng og ég set hana örugglega ekki aftur þótt það sé ekkert að henni.
Nirvana
5/5
Þvílíkt band sem Nirvana var. Ég skil vel af hverju þeir urðu svona stórir og þetta eru alveg frábærir tónleikar. Ég fílaði þetta þótt það hafi verið einstaka spjall og svona, mér fannst ég bara vera á tónleikunum. Fullt hús stiga fyrir þessa frammistöðu þótt ég muni seint teljast Nirvana aðdáandi.
Talking Heads
3/5
Þetta var fínasta plata en ég varð samt ekki mikið hrifnari af Talking Heads eftir að hafa hlustað. Fyrir fannst mér hún bara fínasta hljómsveit sem ég hafði ekki mikinn áhuga á að hlusta á nema í útvarpi. Held mig við útvarpshlustun
Fun Lovin' Criminals
4/5
Þetta kom hressilega á óvart. Ég þekkti Scooby snacks lagið þeirra og titillag hljómsveitarinnar svo kemur bara í ljós að þetta er svkna líka gott stöff. Ég setti hana eiginlefa strax aftur í gang. 4.5 stjörnur en ætla að setja niður í 4 því ég veit ekki enn hvort það er af því að þetta var ferskleikinn sem spilaði inn í hvað ég fílaði plötuna eða að þetta sé svona mikið gæðaefni.
Snoop Dogg
3/5
Nú er ég ekki mikið fyrir rapp en samt finnst mér gaman að sumu. Til dæmis voru Fun Lovin' Criminals rappskotið fjör sem ég fílaði mikið. Snoop Dogg er svo 90s rapp sem ég hef gaman af að hlusta á. Það er ekki svo slæmt þannig séð þótt ég muni eflaust aldrei láta mér detta það í hug að setja það á. Þetta fengi 2.5 stjörnur en ég hífi Snoop upp í 3 fyrir að vera stórskemmtilegur karakter.
Nirvana
4/5
Þvílík veisla. Ég skil af hverju Nirvana urðu svona stórir því þetta er frábær plata. Ef ég hefði ekki verið nýbúinn að hlusta á tónleikana þeirra á MTV unplugged hefði þetta verið 5 stjörnur en ég ætla að setja þetta í 4 bara til að draga fram tónleikana enn betur
Femi Kuti
4/5
Þarna kemur aftur þessi gaur sem ég hlustaði á og fílaði í botn og ákvað að ég myndi hlusta á hann aftur og aftur og svo gleymdi ég honum. Sem betur fer kom önnur plata og hún var alveg jafn hressilega fersk og spennandi. Núna mun ég hlusta á hann oftar. Bannað að gleyma!
Incubus
3/5
Kröftug hljómsveit sem ég ætti að hlusta meira á en hef bara látið útvarpshlustun nægja hingað til. Þau verða reyndar smá endurtekningarglöð, þ.e. lögin eru mjög eins en ekkert leiðinlegt þannig. Ég býst ekki við að ég muni setja þetta oft á fóninn þannig að þetta lendir í miðjumoði.
Ramones
3/5
Það er alltaf gaman af smá pönki og þetta er hæfilega löng pönkplata. Ég var kominn með smá leið á henni undir lokin en það var samt hressandi að hlusta á plötuna. Ég set hana eflaust aldrei aftur í heild sinni í gang en ég mun spila eitt og eitt pönklag af og til og komast í stuð.
Method Man
2/5
Vúff hvað þetta var leiðinlegt. Ekki alslæmt en bara leiðinlegt. Ég mun aldrei setja þetta aftur á og skipti líklegast um útvarpsstöð ef þetta myndi koma í útvarpið. Ég beið samt ekki eftir því að platan myndi klárast sem togar hana upp í 2 stjörnur.
Bruce Springsteen
4/5
Þetta er plata sem inniheldur kannski ekki hans þekktustu lög en þetta er samt frábær plata. Mjög ljúf og fín til að hafa í bakgrunninum og ég held ég muni setja hana á af og til þegar mig langar í rólega stemmningu. Frábær plata sem ég hafði aldrei hlustað á áður.
Björk
4/5
Einu sinni þekkti ég stelpu sem elskaði Björk og ég skildi ekki af hverju því mér fannst hún svo leiðinleg. Líf mitt hefur litast af þeirri skoðun síðan en þetta er samt bara alveg mjög góð plata, segi éf þótt ég sé Íslendingur
The Jesus And Mary Chain
3/5
Ég hafðu aldrei heyrt um þetta band áður en ég hlustaði á þessa plötu og þótt bandið og tónlistin sé mjög ljúf og þægileg áheyrnar þá mun þessi hljómsveit fljótt falla í gleymsku meðalmennskunnar
Depeche Mode
4/5
Eins lítið og ég er fyrir raftónlist þá fíla ég Depeche Mode alveg og get alveg ímyndað mér að setja það aftur á fóninn. Reyndar finnst mér vanalega einhver cover af lögunum þeirra góð en þá má maður alveg líka leyfa sér að hlusta á upprunalegu útgáfuna líka þótt hún sé raftónlist
Kate Bush
3/5
Ég var frekar spenntur fyrir þessari plötu þegar ég sá hana á listanum og hún var mjög skemmtileg en fór stundum yfir í aðeins of mikla tilraunamennsku til að ég væri nægilega ánægður með hana. Minni tilraunamennska og hún hefði farið einni stjörnu ofar. Myndi vera í 3.5 en dreg hana niður fyrir leiðinlegu tilraunamennskuna.
Iron Maiden
5/5
Algjör veisla. Þetta fer af og til á fóninn og mun halda því áfram um ókomna tíð þegar mig langar að komast "in the zone". Þetta er bara rokktónlist sem gamli karlinn ég fíla. 5 stjörnur bara af því að ég fíla þetta svo mikið. Gjafmilt stuð í dag.
Miles Davis
5/5
Þegar ég byrjaði jazz-fasann minn var ég fljótur að finna þessa plötu og hún er eiginlega go to platan mín fyrir jazzfíling. Ég hef sett hana á og leyft henni að malla í bakgrunninum og ég mun halda því áfram. Algjört meistaraverk sem fær fimm stjörnur. Vúss!
The Stooges
3/5
Iggy þekki ég en hef eiginelga aldrei hlustað á Stooges og þeir eru að mínu mati ekkert voðalega spes. Kannski voru þeir ögrandi og framúrstefnulegir á sínum tíma en mér fannst þetta algjör meðalmennska og mun fljótlega gleyma þessari plötu sem stóð 0 upp úr.
Lightning Bolt
1/5
Loksins! Loksins er þetta eyrnaangur búið. Þetta var ömurlega leiðinlegt og mér var eiginlega bara bumbult við að hlusta á þetta. Það virtist leynast ágætist tónlistargeta á bakvið allt en þetta ömurlega er bara svo yfirgnæfandi og leiðinlegt að ég vil aldrei þurfa að hlusta á þetta aftur.
Madness
3/5
Madness er fjörug hljómsveit. Smá ska. Smá hressleiki. Ég hef hlustað af og til á eitt og eitt lag en aldrei heila plötu. Þetta var reyndar ekki heil plat heldur. Höfundaréttur kom í veg fyrir það. Það virðist samt vera á viðbótarlögum sérstakrar útgáfu frekar en sjálfri plötunni þannig að ég dreg ekki jafnmikið niður.
David Bowie
3/5
Þetta er bara hin prýðilegasta plata með David Bowie. Ég hef aldrei verið mikill aðdáandi þótt ég hafi alveg hlustað oft og mörgum sinnum á hann. Ég held að það muni koma í veg fyrir að ég hlusti á þessa plötu aftur en ég var samt hrifinn af henni.
R.E.M.
4/5
R.E.M. býr til þessa líka prýðilegu plötu sem ég mun reyna eftir fremsta megni að muna eftir að setja á af og til. Ég fíla þá og hálfpartinn skammast mín fyrir hversu sjaldan ég spila plötur með þeim. Þessi fengi 3.5 stjörnur en ég í skömmustu minni toga hana upp í 4
Rahul Dev Burman
3/5
Þetta var virkilega frískandi plata. Bollywood kvikmyndatónlist sem lætur mig vilja horfa á myndina bara til þess að geta notið tónlistarinnar betur. Ég komst í gott stuð við þetta og mun örugglega setja þetta aftur á við gott tækifæri. Þrátt fyrir það set ég hana í meðalmennskuflokk af því að mig grunar að ég muni gleyma henni.
AC/DC
5/5
Ef það er einhver hljómsveit og einhver plata sem kemur manni í gott stuð þá er það AC/DC og Back in Black. Þetta er algjört meistaraverk. Ég þurfti svo mikið á þessari plötu að halda ákkúrat núna að ég get ekki annað en gefið henni fimm stjörnur. Takk fyrir að keyra mig í gang.
The Stooges
3/5
Fyrir ekki svo löngu poppuðu The Stooges upp og mér fannst þeir bara vera meðalband. Ekkert sem stóð upp úr. Svo kemur þessi plata og þá komst maður í gírinn. Þriðja lagið, We Will Fall, var samt frekar leiðinlega langt fyrir það sem það var og dregur þá niður. Set hana samt örugglega aldrei aftur í spilun. Það þýðir meðalmennska.
Culture Club
3/5
Ofboðslega gaman að fá smá Culture Club skammt en mikið rosalega eru lögin þeirra mikil endurtekning á sömu frösunum aftur og aftur og aftur. Maður vissi allaveganna hvaða lag maður var að hlusta á
Björk
4/5
Af því að ég var með Bjarkarfordóma hef ég ekkert hlustað á plöturnar hennar en svo hlusta ég á þessa og hún kemur mér líka svona frábærlega á óvart. Mér fannst mjög gaman og ljúft að hlusta á þessa og set hana örugglega aftur á við tækifæri
Beck
4/5
Ég hef ekki mikið hlustað á Beck að undanskildu Loser. Eins kjánalegt og það ee að segja það, þá er það vegna þess að mér hefur fundist hann vera svona tilgerðarlegur hippatöffari. Ekki mín týpa en svo er þessi plata bara alveg frábær. Ætla að reyna að hlusta á hana aftur við tækifæri
Ryan Adams
4/5
Ég sá þennan listamann og hugsaði: "Hét hann ekki Brian Adams, hef ég misskilið í allan þennan tíma?" Þetta er ekki Brian. Þetta er annar listamaður sem er samt bara mjög góður. Smá blús, smá þjóðlagaívaf. Ég set hann aftur í spilun þótt platan sé helst til of löng.
Underworld
2/5
Það kemur mér á óvart að ég einhvern veginn bæði elska svona tónlist og hata hana. Sum lögin koma mér í algjört stuð á meðan önnur eru algjör kvöl og pína að hlusta á. Þannig að ég rokka alveg á milli en mun aldrei setja þetta aftur á þótt inn á milli séu lög sem mér fannst mjög skemmtileg.
The Velvet Underground
3/5
Þetta var skrítin plata. Bæði ljúf en líka furðuleg. Til dæmis var skrítið og erfitt að reyna að hlusta á morðgátulagið þar sem var verið að syngja (eða tala) tvo mismunandi texta á sama tíma. Þetta hefur verið framúrstefnulegt og tilraunakennt á sínum tíma en ég ætla bara að smella henni í miðjuna fyrir ljúfmetið á plötunni.
John Grant
3/5
Ég þekki auðvitað til Johns sem nýs Íslendings og mér finnst mörg lögin hans mjög áhlustunarvæn. Þægileg og róleg og stundum fínir textar. Mér finnst þau samt oft á tíðum vera mjög lík. Á þessari plötu er reyndar meiri fjölbreytni en ekkert sem mun fá mig til að hlusta á John nema bara í útvarpinu.
Aerosmith
3/5
Ég kynntist Aerosmith fyrst í gegnum Run DMC og svo í gegnum myndina Armageddon. Það var svo ekki fyrr en ég heyrði Dream on mörgum árum síðar og í rauninni uppgötvaði og fílaði hljómsveitina þá. Þetta er plata með lögum sem ég fíla. Hún er nægilega stutt til að keimlík lögin verði ekki of mikil endurtekning. Ég hefði samt viljað fá Dream on.
Public Enemy
2/5
Rapp finnst mér oftast ekkert spes og á þessari plötu voru mjög mörg ekki-spes lög. Hún endaði þó á neglu og ég hafði mjög gaman að innskotunum í lögunum þar sem fólk var að drulla yfir þá. Það bjó til rétta andrúmsloftið um að þeir væru öðruvísi og táknmybd minnihlutahópa sem er að berjast við ofurefli. Þetta tvennt togar þá upp í tvist
Fleet Foxes
4/5
Ég kynntist þessu bandi eiginlega í gegnum kóraflutning á bara einu af lögunum þeirra. Virkilega flott lög og það var ánægjulegt að hlusta á þessa plötu. Hún býr til skemmtilega vellíðan og fer alveg pottþétt aftur á fóninn til að skapa rólegheitastemmningu.
Faith No More
3/5
Þetta er nú bara alveg prýðileg plata. Epic er náttúrulega epic lag og svo var þetta virkilega gott cover af War pigs. Ég efast samt um að ég muni setja hana aftur á þótt mér hafi þótt hún mjög góð. Það er eiginlega bara af því að ég mun líklegast gleyma henni að frátöldum þessum tveimur lögum.
Led Zeppelin
4/5
Þetta var alveg hreint frábær plata. Ég hef elskað Kashmir alveg frá því að Godzilla bíómyndin var gefin út og ég heyrði gítarriffið í fyrsta sinn. Platan er kannski fulllöng og verður þannig smá þreytt. Ég hefði frekar viljað tvær styttri fullkomnar plötur.
Curtis Mayfield
4/5
Ljúfir tónar frá tónlistarmanni sem ég þekki nafnið á en hef ekkert hlustað á fyrr en núna og ég fílaði það sem ég heyrði. Þetta var alveg mjög gott stöff. Þessi plata fer aftur í spilun.
Willie Nelson
3/5
Heyrðu mig nú. Ég taldi mig alltaf vera lítið hrifinn af kántrý að frátöldum Johnny Cash og svo kemur þessi plata og þá er ég bara líka kominn í Willie Nelson liðið. Þetta var mjög fín tónlist til að hafa í bakgrunni. Vel gerð og ég ætla að reyna að muna eftir henni og setja hana aftur á.
The Prodigy
4/5
Þó svo að ég hlusti vanalega ekki á svona tæknidansiballatónlist þá finnst mér mjög gaman að hlusta á Prodigy. Það er eitthvað sem gerir tónlistina þeirra þannig að maður kemst í blússandi stuð. Þetta er bara virkilega vel gerð tónlist.
Sade
3/5
"Ahhh! 'Sade'."
"Yeah, but that's Liz's!"
"Yeah, but she did dump you."
Þetta var mjög fín plata sem ég mun reyna að setja aftur á við en ég býst samt ekki við að ég muni muna eftir henni þegar þar að kemur.
Morrissey
3/5
Morrissey er mjög fínn til að hlusta á en ég fæ samt sem áður leið á að hlusta á hann og lögin verða auðgleymanleg þannig að ég held ég muni ekki setja svona plötu á aftur þótt ég myndi ekki mótmæla því að einhver annar setji hana á.
k.d. lang
3/5
Þetta voru kósý rólegheit með smá kántrýívafi. Ég fílaði þetta en það er samt ólíklegt að ég muni muna eftir þessu og setja plötuna aftur á. Mér fannst þetta samt alveg prýðilegt dæmi.
Ella Fitzgerald
3/5
Eins manns roadtrip frá Boston til New Jersey var fullkominn tími til að hlusta á þessa plötu. Hún er frekar löng. Ok. Mjög löng. Þrír klukkutímar og verður svolítið endurtekningarsöm en í réttum fíling eibs og ég var í bílferðinni er hún frábær. Ég set hana örugglega aftur á en þá aldrei í heild sinni og síðasta disknum má alveg sleppa
Elvis Presley
3/5
Seinni hluti þessarar plötu var súper. Byrjunin fékk mig til að hugsa: "Er þetta Elvis eða setti ég ranga plötu í spilun?" Samt góð lög og frábær endir með algjörum smellum. Mun samt eflaust gleyma henni
Mj Cole
2/5
Þetta fannst mér afskaplega leiðinleg plata. Ég skil af hverju fólk gæti fílað hana og ég gæti alveg hlustað á eitt og eitt lag en þetta var alltof löng plata af auðgleymanlegum og leiðinlegum dansiballalögum
Portishead
4/5
Mér fannst þetta bara æðislega skemmtileg plata til að hlusta á. Svo skemmtileg að mig langar helst til að halda matarboð svo hún geti fengið að spila í bakgrunninum. Hún myndi búa til rétta andrúmsloftið. Þessi fer aftur í spilun
Arcade Fire
4/5
Arcade Fire er hljómsveit sem ég hef oft og mörgum sinnum hlustað á í útvarpi og hugsað með mér að ég þurfi að hlusta á plötu frá þeim en svo alltaf gleymt. Þetta var þess vegna kærkomin plata og hún mun vera spiluð aftur. Núna gleymi ég þeim ekki. Framúrskarandi
Leonard Cohen
3/5
Plötur frá Leonard Cohen sem ég hef hlustað á hingað til hafa komið mér á óvart og ég hef fílað þær afskaplega. Þessi var aftur á móti bara allt í lagi. Alls ekki leiðinleg en ég er bara orðinn svo vanur góðu stöffi frá honum að þetta dettur í millistétt
Crosby, Stills & Nash
4/5
Virkilega ljúf og þægileg plata sem ég naut þess að hlusta á. Vil svo mikið að ég hefði getað farið á tónleika með þeim á þessum tíma. Þetta er mitt dæmi og min fara oftar í spilun hjá mér
Ég hafði ekki hugmynd um að Rod Stewart og Ron Wood hafi verið saman í hljómsveit. Fyrir mér hafði Rod alltaf verið sólólistamaður og Ron fæddist inn í Rolling Stones en svo kemur þessi plata og umturnar öllu. Góð plata sem ég mun þurfa að hlusta á aftur
Dusty Springfield
3/5
Þessi var nú hreint ekki svo slæm. Ég mun samt örugglega ekki setja hana aftur á nema ég reyni að muna eftir henni. Ekki að hún sé slæm. Bara auðvelt að gleyma henni
N.W.A.
2/5
Ég skil að þetta hafi hrist rosalega upp í tónlistarheiminum á sínum tíma og mörg af þessum lögum eru bara nokkuð góð þrátt fyrir að þau séu rapplög. Ég mun þó seint setja þetta aftur í spilun
SZA
2/5
Byrjar sem rappplata en endar á hugljúfum tónum. Þannig að ég var búinn að missa áhugann áður en ég fattaði að þetta var bara prýðileg plata. Ég mun samt ekki setja hana aftur á fóninn
Serge Gainsbourg
2/5
Vá hvað mér fannst ég alltaf vera að hlusta á sama lagið og sama textann aftur og aftur. Melodí eitthvað eitthvað. Elkert að þessu og væei mjög góð bakgrunnstónlist ef ég man þá eftir þessu sem ég mun ekki gera
Ice T
2/5
Þessi plata var ekki mikið fyrir mig. Rapp er ekki skemmtileg tónlist í mínum eyrum og mér finnst rapparar vanalega vera með yfirborðskennda stæla. Samt var Ice T af og til fyndinn þannig að húmorinn togar þessa plötu aðeins upp
Pulp
3/5
Af öllu britpop dæminu fannst mér Pulp alltaf leiðinlegust og hún er alveg smá leiðinleg á þessari plötu líka þótt hún innihaldi slagarana þeirra sem maður þekkir og raular með. Það togar hana upp í hærri einkunn en ég efa að ég setji hana aftur á fóninn.
Bruce Springsteen
4/5
Ég þekki öll helstu lögin hans en man að þegar bróðir minn fór á tónleika með honum hugsaði ég að ég þekkti hann ekki nógu vel og það er alveg rétt
Þekkti ekkert af lögunum á þessari plötu en hún var mjög fín. Ég þarf bara að hluata á hann oftar. Hún er í 3.5 þannig að ég toga hana smá upp
Pink Floyd
5/5
Það fyrsta sem ég hugsaði var epískt en varð svo hræddur um að platan myndi missa flugið og ég yrði þreyttur á henni. Það gerðist aldrei og ég nau plötunnar allan tímann og langar að hlusta á hana aftur við fyrsta tækifæri
Neil Young & Crazy Horse
5/5
Minn maður. Mín tónlist. Ekkert út á hana að setja og þessi fer aftur í spilun og aftur og aftur. Ég er bara afskaplega gömul sál held ég en ég sakna þessa tónlistartímabils án þess að hafa upplifað það
The Flaming Lips
3/5
Ég hlustaði á þessa plötu í göngutúr og var bara nokkuð hrifinn. Mér finnst ég samt ekki þurfa að hlusta á hana aftur en mér fannst húb ekki leiðinleg. Bara ekkert meira en prýðileg plata
Blue Cheer
3/5
Þetta var rokkplata sem byrjaði vel með coverlagi en restin féll fljótt í gleymskunnar dá. Sem sagt fín tónlist en ekkert sem stendur þannig séð upp úr svo ég mun aldrei muna eftir að setja hana aftur á
The Monks
1/5
Þökk sé höfundarétti fékk ég bara að hlusta á tvö lög af plötunni og það þýður bara eitt. Ein stjarna í refsingu en það er í lagi því þessi tvö lög voru ekkert spes þannig séð
Paul Simon
4/5
Þetta var svo góð plata að ég setti hana aftur á strax um kvöldið með matnum. Þessi plata mun augljóslega fara oftar í spilun sem rólegheitabakgrunnstónlist. Virkilega gott stöff
Yes
3/5
Fín plata sem er fylgir nokkuð vel þeirri tónlistarstefnu sem ég fíla. Það var samt ekkert sem stóð sérstaklega upp úr og ég held ég muni fljótt gleyma þessari plötu sem er kannski synd. Kannski ekki
Pentangle
3/5
Þessi var öðruvísi. Alls ekki það sem ég bjóst við og svo koma Hunter Song sem ég hef heyrt brot úr með íslenskum texta. Kom mér skemmtilega á óvart. Ég mun samt ekki setja hana aftur á, nema kannski Hunter Song
John Cale
3/5
Ég veit eiginlega ekki hvað mér á að finnast. Ég næstum því zone:aði út þegar ég var að hlusta og það var ekkert sem greip mig en það var heldur ekkert slæmt við hana. Hún bara var. Þess vegna auðgleymanleg þótt ég hafi ekkert á móti henni
Funkadelic
3/5
Þetta byrjaði ekki vel. Ég bjóst við alvörufönki og svo var þetta í upphafi eins og einhver væri bara að prófa nýja gítarinn sinn. Svo skyndilega varð þetta bara frábært og algjört fönk sem ég fílaði í ræmur. Fékk mig til að vilja hlusta á fönk. Bara aðra plötu en þessa einmitt út af tilraunadæminu
The Cardigans
4/5
Ég er náttúrulega með Svíþjóðarblæti fyrir allan peninginn þannig að plata eins og þessi sem vanalega fengi 3 stjörnur fær 4 frá mér og ég réttlæti það þeð stórkostlega skemmtilegri útgáfu af Black Sabbath laginu Iron Man
Wire
3/5
Smá pönk er alltaf skemmtilegt en það er samt þannig að ég fæ fljótt leið á því. Það gerðist alveg smá við þessa plötu þótt hún sé stutt. Svo kom lagið Mannequin sem einhvern veginn fíraði aftur upp í fjörinu. Ég mun samt gleyma þessari plötu mjög fljótt og hún fer ekki aftur á fóninn held ég.
Mylo
3/5
Ég hlustaði á þessa danstónlist og gat ekki fyrir mitt litla líf áttað mig á af hverju mér fannst ég kannast svona við þetta. Það komu einhver lög sem voru augljóslega endurblöndun á einhverju sem ég þekkti en grundvallartakturinn var samt eitthvað sem ég fíla en kom ekki fyrir mig. Þegar platan var búin setti ég Röyksopp á í smástund sem var samt ekki það sem ég var að leita að. Fínasta tónlist sem ég mun gleyma strax aftur
Garbage
4/5
Óharðnaði unglinga-ég var á fullu að mótast tónlistarlega þegar þessi Shirley Manson of félagar gáfu þessa plötu út. Mikið rosalega hlustaði ég mikið á þetta dramarokk og ég verð að segja að platan eldist mjög vel. Fjórar stjörnur frá nostalgíu-mér
Le Tigre
3/5
Mér fannst þetta bara mjög hressandi plata en varð fljótt mjög endurtekningarsöm og eiginlega of listræn eða ég fékk það á tilfinninguna að þetta væri hálfgerður gjörningur. Mun gleyma þessari þrátt fyrir að hafa skemmt mér yfir taktinum í henni
Carole King
4/5
Ég þekkti fullt af lögum og þvílíkar neglur sem þær voru. Mér fannst þetta bara virkilega góð plata sem ég mun setja oft í spilun aftur. Ég hafði aldrei hlustað á plötuna áður en ég hafði samt heyrt af henni svo hún hefur líka verið negla þegar hún kom út
Electric Light Orchestra
5/5
Ó já. Hljómsveitin sem ég elska en hlusta samt aldrei á. Af hverju? Ég veit það ekki því þetta er algjört meistaraverk. Ekki margar hljómsveitir sem fá mig til að dansa eða hlaupa um úti á götu en þessi gerir það. Ég verð svo glaður. Ef það er ekki fimm stjörnur þá er ekkert fimm stjörnur
Blood, Sweat & Tears
3/5
Þetta var plata með... allskonar. Mér fannst ég stundum vera að hlusta á misheppnaðan söngleik og stundum komst ég í góðan fíling. Ég væri til í að hlusta oftar á þessa plötu ef það væri ekki fyrir misheppnaða söngleikinn
Led Zeppelin
5/5
Þvílíkir meistarar. Algjör dúndurfílingur frá fyrsta lagi að því síðasta. Rokkað stup í bland við rólegheit. Þetta gerist bara ekki betra. Ég veit ekki hvernig platan hefði getað verið betri svo þetta er fimma
Simon & Garfunkel
5/5
Þessi kom mér á óvart. Ég bjóst ekki við að svona plata hefði fallið jafnvel í hlustirnar mínar og hún gerði. Kannski voru það bara kringumstæðurnar en ég held þetta sé bara frábær plata
George Jones
2/5
Ástarkántrýlög. Þau voru öll eins og öll frekar leiðinleg. Sem betur fer var platan stutt og það komu hress lög inn á milli en eins mikið og ég fagnaði fjölbreytni þá stungu þau of mikið í stúf. Of lítið og of sjaldan
Scritti Politti
2/5
Vá hvað öll lögin á þessari plötu eru alveg eins. Þau renna öll saman í eitt og það var bara einu sinni þar sem ég heyrði að það væri komið annað lag að byrja sem fljótt varð svo aftur eins og hin. Pínu leiðinleg lög líka því miður
Common
2/5
Þetta rapp var nú ekki alslæmt. Ég næstum því fílaði það en samt bara næstum því. Ég þurfti ekki að bíða eftir því að platan kláraðist en ég mun aldrei reyna að spila hana aftur. Þannig að já, ekki alslæmt en heldur ekki sérlega gott
Mudhoney
2/5
Mér leið eins og ég væri að hlusta á einhverja krakka vera að herma eftir Nirvana og The Hives en tímasetningin á útgáfunni stemmir ekki. Þetta er líklegast grunge tónlist áður en hún varð góð. Örugglega mjög mikilvæg plata sem slík. Upphafið að einhverju góðu en ekki alveg þar samt.
A Tribe Called Quest
2/5
Kannski hefur rappafstaða mín aðeins mildast með öllum rapplötunum sem ég hef verið að hlusta á. Þetta er allaveganna ekki alslæm plata. Þetta er reyndar rapp eins og ég hlustaði á í barnæskunni. Sömplin voru skemmtileg en oft pínu undarlega útfærð en ég skemmti mér yfir mörgum af þeim. Mun samt ekki setja plötuna aftur í spilun
Massive Attack
2/5
Undir niðri kraumaði eitthvað ofboðslega gott stöff sem braust út í Unfinished Sympathy á meðan restin daðraði við að vera gott og féll svo í rappgildru sem passaði ekki inn í lögin.
Kanye West
2/5
Ég skil af hverju Kanye varð svona stór. Þetta eru bara hin fínustu lög þó svo að ég sé ekki mikið fyrir rapp. Mér fannst samt skemmtilegt að hlusta á textana og sketsana inn á milli sem drulla yfir menntaelítuna. Hún á það alveg skilið.
The White Stripes
4/5
Þessi hljómsveit hefur verið í smá uppáhaldi. Einhverskonar blanda af vel blúsuðu rokki og fölskum þjóðlögum. Ég hlusta reglulega á hvítu rendurnar og mun alveg halda því áfram
The Fall
2/5
Þessi plata vakti undarlegar tilfinningar. Mér fannst tónlistin skemmtileg en svo kom söngurinn og bara eyðilagði allt þetta góða. Ekki af því að hann var slæmur, bara lélegur og mér fannst hann tilgerðarlegur eins og einhver að rembast við að vera 'artý'. Toga upp í 2 vegna hljómsveitarinnar sjálfrar
Santana
5/5
Þetta var frábær plata. Ég elskaði hana alveg í tætlur og mun hlusta á hana mörgum sinnum í viðbót. Ég þekkti mörg lögin en hafði aldrei hlustað á plötu með Santana áður. Frábært stöff.
Tom Waits
3/5
Tom Waits er skemmtilegur fýr og röddin alveg hreint stórkostleg en það drefur samt fljótt úr skemmtuninni. Þannig að hann er góður í skömmtum. Ætli ég muni ekki setja eitt og eitt lag í spilun af og til en aldrei heila plötu. 2.5 stjarna en toga upp í 3.
The Slits
2/5
Þessi plata var eins of hópur af krökkum hefðu komist í hljóðfæri eldri systkina og svo óvart tekið upp plötu. Mér fannst hún ekkert spes en það var gaman að heyra I heard it through the grapevine í þeirra útgáfu. Það togar hana upp í 2 stjörnur
Joan Armatrading
3/5
Það er ekkeer að lögunum á þessari plötu en það er heldur ekkert sem hrífur mig. Þessi plata myndi sóma sér vel sem bakgrunnur í matarboði en ég er ekki viss um að ég myndi muna eftir henni
Echo And The Bunnymen
2/5
Ein af þessum hljómsveitum sem ég þekki nafnið á mun betur en tónlistina þeirra. Þessi plata er víst með hressilegri Íslandstengingu sem er líklegast ástæðan fyrir að ég þekki nafnið þeirra. Þeir komu til Íslands. Mér fannst ég samt oftast vera að hlusta á U2 áður en þeir fundu sándið sitt
The Beach Boys
3/5
Hressandi hljómsveit sem ég kemst í góðan fíling við að hlusta á. Mér finnst þeir ná að radda lögin sín svo skemmtilega en lögin eru samt keimlík. Býst við að ég setji þessa plötu aftur á ef ég man þá eftir henni frekar en lögunum þeirra. 3.5 stjarna en ég toga niður í þrjár því ég er líklegur til að gleyma henni
Madonna
3/5
Drottning poppsins og ég skil alveg af hverju. Þetta er alveg þétt plata með góðum smellum. Eins og með margar poppplötur skilur hún ekki mikið eftir en ég hef ekkert á móti henni. Ég mun samt örugglega ekki muna eftir að setja hana í spilun aftur
Johnny Cash
4/5
Ég er náttúrulega með vott af Johnny Cash-blæti en ég fílaði þessa plötu með óllum sínum mistökum og spjalli þótt ég fíli vanalega ekki þannig á plötum. Það kom mér samt svo mikið í réttu stemmninguna.
1/5
Mikið hrikalega var þetta ömurlega leiðinlegt. Ég beið bara eftir því að platan kláraðist. Það var reyndar einn kafli á plötunni sem ég fílaði. Eftir að hafa þraukað í gegnum hana endaði hún á fuglasöng og þá fór mér að líða betur aftur en ég ætla bara að finna fuglasönginn annarsstaðar.
Dizzee Rascal
2/5
Ég fékk tilfinninguna að þetta væri misheppnuð tilraun til þess að verða Die Antwoord af því að framburðurinn var svolítið sérstakur en auðvitað koma Dizzee Rascal á undan þeim. Mér fannst hann bara leiðinlegri en þau þannig að hann fær ekki frekari hlustun.
Lupe Fiasco
2/5
Þessi rappplata var nú bara allt í lagi. Mér leiddist ekki að hlusta á hana nema 12 mínútna þakkargjörðahátíðina í lokin. Þá leiddist mér alveg hrikalega og bara það lag togar þessa annars ágætu plötu úr þremur niður í tvær stjörnur
Goldfrapp
3/5
Rólegheit og ljúfmeti en skilur samt ekki mikið eftir. Þetta er fín matartónlist eða svona bakgrunnur á meðan ég væri að púsla eða eitthvað álíka en ég held samt að ég muni ekki muna eftir þessari plötu og velja eitthvað annað í staðinn.
Guided By Voices
2/5
Mér fannst þessi plata skemmtilega tekin upp. Pínulítið hrá og fersk. Því miður voru tónsmíðarnar líka hráar og þá voru mær leiðinlegar frekar en ferskar. Sem betur fer voru lögin stutt og þetta kláraðist frekar fljótt
CHIC
3/5
Byrjar með sprengju og maður kemst í þvílíkan fíling og svo er bara skipt yfir í rólegt og rómantískt. Svo kemur barabland í poka fram að næsta hressleika sem er síðasta lagið. Það er að vissu leyti fjölbreytni sem er gott en það þýðir að ég veit ekki alveg hvenær ég myndi hlusta á plötuna aftur
The xx
3/5
Þetta var skrítið. Mér fannst ég þekkja mörg stefin í lögunum án þess að þekkja lögin. Ætli þetta sé ekki ein af útvarpshljómsveitunum sem ég heyri í en hlusta ekki á. Lögin voru mjög fín en ég mun líklegast ekki muna eftir þessari plötu. Ekkert að henni samt
Pixies
4/5
Pixies er skemmtilegt band og það var margt gott þarna. Ég held samt að ég muni alltaf hlusta frekar á Doolittle. Það var nefnilega ýmislegt eins og t.æil dæmis spjallið og tiraunakennt spilerí sem dregur þessa plötu aðeins niður. Set hana samt í 4 stjörnur
Marvin Gaye
3/5
Fyrir það hvað þetta albúm að vera þá var það bara mjög gott. Lögin öll keimlíkur ástaróður til unaðsstunda með kvenfólki. Góð bakgrunnstónlist en við hvaða tilefni veit ég ekki... eða hvað?
Tricky
3/5
Þetta var allt í lagi plata með þessum fyrrverandi Íslandskærasta en Hell is Round the Corner böggaði mig næstum allt albúmið og svo áttaði ég mig á að þetta var stef úr Glory Box með Portishead sem var einmitt á plötu á þessum lista. Það stef var svo úr Isaac Hayes lagi. Mér skilst að þarna hafi einhverjir orðið fúlir út í aðra. Óháð því. Fín plata sem ég mun samt líklegast ekki hlusta á aftur
Joanna Newsom
3/5
Þessa plötuvar erfitt að finna en ég náði að grafa hana upp á YouTube. Fyrsta hugsunin mín var: "Vó hvað þetta er skrítið. Hvað er ég eiginlega að hlusta á?" Svo bara vandist ég henni og fílaði hvað hún var kvörkí undir lokin. Hefði fengið 4 stjörnur ef hún hefði verið aðeins aðgengilegri
Bob Marley & The Wailers
4/5
Ég setti þessa plötu í gang á meðan ég var að elda kvöldmat og komst í mvílíkt stuð yfir eldamennskunni. Það er eitthvað við reggae-tónlist sem smýgur alveg inn í dansbeinin á mér og þetta er góða reggae-plata
Milton Nascimento
3/5
Ég hafði aldrei heyrt um þennan brasilíska tónlistarmann áður þrátt fyrir að hafa skoðað senuna örlítið. Mér fannst hún hugljúf og góð þessi plata og myndi líklegast setja hana aftur á fóninn ef ég myndi eiga auðveldara með að muna eftir Milton Eitthvaðeftirnafn
Einstürzende Neubauten
1/5
Það er hægt að setja ýmislegt á hljómplötur. Tónlist er eitt. Tilraunakenndar barsmíðar á ýmsa hluti er annað. Verkfærahljóðupptökur er þriðja. Svo er meira. Þessi plata var þessi tvö síðarnefndu. Eiginlega bara allt nema tónlist. Ég heyrði það strax og hugsaði: "Úff, þessa plötu þarf ég bara að þrauka í klukkutíma"
Lou Reed
4/5
Lagið Perfect Day með Lou Reed er eitt af uppáhaldslögunum mínum og hefur verið í langan tíma. Það er þess vegna nokkuð skammarlegt að ég hafi aldrei hlustað á plötu með honum fyrr en nú. Platan var mjög góð. Daðrar við fimm stjörnurnar en ég held hún sé nær fjarkanum. Allaveganna í bili
Solomon Burke
4/5
Ég er mjög mikið fyrir svona tónlist. Alveg ofboðslega mikið þannig að þetta var alveg beint upp í mitt húsasund. Þetta er plata sem ég mun setja aftur á fóninn, til dæmis þegar ég er að undirbúa mat eða bara hangandi heima og vantar bakgrunnstónlist. Mjög góð stemmning.
Lorde
3/5
Ég heyrði einhvern tímann að Lorde væri ofboðslega sjálfselsk og teldi sig með bestu listamönnum í heiminum. Platan hennar var bara allt í lagi. Ég myndi alveg hlusta á hana aftur en ég myndi samt segja að sjálfskipaði besti listamaðurinn þurfi að gera betur til að sanna þá staðhæfingu.
Robert Wyatt
2/5
Þessi plata sat ekki vel í mér. Hún virtist alveg tónlistarlega fín en það var eitthvað við þetta bullmál og sönginn sem fór vel ofan í mig. Eins og það væri verið að spila sönginn aftur á bak. Þetta virkaði bara ekki.
Van Halen
4/5
Stuðplata fyrir allan peninginn. Þetta er rokk að mínu skapi og ég býst fastlega við því að ég muni setja þessa í spilun þegar ég ætla að komast í gírinn þótt ég sé kominn með smá leið á Jump
The Police
3/5
Ég fíla Police eða öllu heldur hvað þeir eru að gera. Reggae-rokk. Mér finnst það takast mjög vel oftast nær. Ég fíla báða tónlistarstílana. Mér finnst lögin skemmtileg. Samt næ ég engri tengingu og þetta endar sem miðjumoð hjá mér þrátt fyrir að öll hráefnin séu frábær og mér að skapi. Undarlegt.
Digital Underground
2/5
Rapp en samt af betri gerðinni. Fyrir utan hvað viðfangsefnið er asnalegt, sérstaklega þegar þeir fóru að tala um pillur sem líktu eftir ýmsum konum og ég fékk eiginlega bara nóg. Fram að því hafði kjánahrollurinn bara náð að gaurnum sem söng með misheppnaðri Laddarödd
5/5
Ég er með skrítna fordóma gagnvart Oasis. Ég var meiri Oasis aðdáandi en Blur þegar það var einhver Britkeppni á milli þeirra en ég var samt búinn að ákveða að ég hlyti samt að ekki fíla Oasis. Bara hin ögin sem ég heyrði aldrei. Kemur í ljós að þessi plata er bara algjörlega frábær. Fyrirgefið mér Oasis
The The
2/5
Ég fílaði tónlistina. Góður taktur og vel spilað dæmi en mikið hrikalega eyðilagði söngvarinn stemninguna. Ég heyrði svo í framhaldinu önnur lög sem komu greinilega síðar og það var miklu betri söngur en á þessari plötu skemmdi hann allt
Jah Wobble's Invaders Of The Heart
2/5
Voðalega róleg plata en samt sat hún ekkert sérlega vel í mér. Ég gat einhvern veginn ekki notið mín við að hlusta á hana. Hún var ekki slæm þannig séð bara leiðinleg eiginlega. Mun gleyma þessari fljótt
Elvis Costello & The Attractions
3/5
Elvis Costello er fínn tónlistarmaðurbog allt það en ég skil samt ekki sjarmann sem hann hefur. Ég get alveg hlustað á hann og mér finnst lögin bara allt í lagi en ég myndi aldrei velja mér sjálfur að hlusta á hann. Lögin eru ekki nægilega góð til þess að mig langi til að hlusta á þau aftur
TV On The Radio
3/5
Mér fannst ég stundum vera að hlusta á Electric Six án nokkurs mójós. Fíb lög en það vantaði úmpfið. Stundum fannst mér ég svo vera að hlusta á Hjaltalín ef hún væri erlend hljómsveit nema bara án innlifunarinnar. Fellur þess vegna svolítið flatt. Það er eins og það vanti ánægjuna, mójóið og innlifunina
Robert Wyatt
2/5
Síðasta upplifun mín af Robert var skrítin. Sú plata sat ekki vel í mér og ég upplifði bara óþægindi við að hlusta á hana. Þessi var skárri. Tónlistin var áfram góð og söngurinn betri en mér fannst lögin bara afskaplega leiðinleg. Mætti alveg hljóma í bakgrunni en það verður ekki ég sem set hana í spilun
Christina Aguilera
4/5
Ég fíla svona tónlist og þvílík rödd sem Christina er með. Ég setti plötuna í gang með allskonar fordómahugsanir um popptónlistarmenningu gömlu dagana en þessi plata sneri mér alveg
Thin Lizzy
4/5
Það sem ég myndi ekki gefa fyrir að geta farið á svona tónleika. Þetta er reyndar sambland af mörgum tónleikum en fara bara á einhvern þeirra en samt bara alla. Eðalstemmari
Metallica
5/5
Eins ömurlegir og mér fannst þeir vera í Napster-málinu á sínum tíma þá verð ég samt að viðurkenna að þetta er ein af mínum uppáhaldshljómsveitum. Ég set einmitt þessa plötu þegar mig langar að hlusta á eitthvað æðislegt
Slint
2/5
Ég er ekki mikill aðdáandi svona tregarokks. Mér finnst stíllinn minna á unglinga í grunnskóla sem stofna saman hljómsveit til þess að reyna að meika það. Ekkert spes. Bara leiðinlegt.
The Smiths
3/5
Smiths er alveg fínasta band og ég er alveg til í að hlusta á þá en mér fonnst þeir samt eiginlega alltaf eins. Ég myndi mæla með að hafa bara eina Smiths plötu sem maður setur í spilun reglulega og gleyma bara hinum sem eru mikið til alveg eins. Þessi yrði ekki fyrir valinu hjá mér
Def Leppard
3/5
Ég þekki til Def Leppard og sérstaklega sykurhellingarlagið þeirra sem er því miður ekki á þessari plötu. Þetta er samt alveg góð plata og eitthvað sem ég myndi alveg hlusta á aftur en ég mun samt örugglega gleyma henni og velja aðrar plötur með Def Leppard
Beach House
4/5
Þessi plata kom mér verulega á óvart. Ég þekkti ekkert til Beach House áður en ég byrjaði að hlusta en varð strax mjög hrifinn. Minnir mig svolítið á Band of Horses. Mjög gott stöff sem ég mun pottþétt spila aftur
Germs
2/5
Pönk er farið að valda mér leiðindum. Lögin eru öll afskaplega svipuð og óspennandi. Ég beið bara eftir því að platan myndi klárast og horfði á sekúndurnar í síðasta lagin tikka í átt að betri líðan
Run-D.M.C.
3/5
Þarna er komið rapp sem ég get hlustað á og jafnvel sungið með einhverjum ad lögunum. Ég væri alveg til í að hlusta á þessa aftur. Mér fannst hún nefnilega hress en hún mun alltaf gjalda fyrir rappfordómana mína
Orbital
2/5
Mikið afskaplega var þetta leiðinleg plata. Ekkert situr eftir nema hugsunin um hvað það verður gott að geta hlustað á eitthvað annað. Þetta er allaveganna ekki mín tónlistarstefna. Leyfum öðrum að eiga dansgólfið
Tim Buckley
3/5
Mér fannst þetta barasta hin fínasta plata. Ágætlega fjölbreytt í rólegheitum sem kallar á að vera sett aftur í spilun til dæmis á matmálstíma. Ég þarf bara að muna eftir henni
Beastie Boys
2/5
Mér hefur oft fundist Beastie Boys vera skemmtilegir en þessi plata var bara helst til löng og endurtekningarsöm þannig að ég var kominn með mikinn leiða á henni undir lokin. Svo voru textarnir skrítnir oft á tíðum, t.d. ég er með meira af einhverju en JD hefur Salinger. Hvað þýðir það?
Radiohead
4/5
Mikið hrikalega fannst mér Thom Yorke einu sinni afskaplega leiðinlegur en núna þegar ég er orðinn eldri og þroskaðri og minna fordómafulur þá verð ég að viðurkenna að þetta er alveg frábær plata. Gamli ég var búinn að ákveða að hún væri leiðinlega þunglynd en ekki lengur. Óvæntur gullmoli.
The Rolling Stones
5/5
Ég setti þessa plötu tvisvar í spilun aðallega af því að hún byrjar á svo mögnuðu lagi, einu af mínum uppáhalds. Það er næstum því bara það lag sem treður þessari plötu upp í fimm stjörnur en hin lögin eru líka virkilega góð. Get hlustað á þessa plötu aftur og aftur
MGMT
4/5
Óvæntur hressleiki sem ég hefði samt mátt búast við. Ég þekki hljómsveitina og nokkur af lögunum á plötunni en hafði aldrei samt hlustað á þessa plötu. Rólegu lögin henta illa því þetta ætti bara að vera stuð út í gegn. Mér finnst það vera þannig band
Faust
2/5
Þessi plata var mjög furðuleg. Annaðhvort voru lögin á plötunni eins og töff upphaf á lagi sem kom svo aldrei eða eins og lokin á einhverju dúndurlagi á tónleikum. Ég eyddi sem sagt tímanum í að bíða eftir lagi eða spá í hvort ég hafi misst af aðallaginu. Undarleg tilfinning
Deee-Lite
3/5
Ég man eftir myndbandinu við Groove is in the Heart. Mér fannst það ofboðslega skemmtilegt en fannst lagið sjálft ofboðslega leiðinlegt. Svo er ég núna orðinn eldri og þá virðist vera að ég kunni bara að meta þetta. Ég efast samt um að ég muni setja þetta aftur í spilun en hver veit?
John Coltrane
4/5
Ég elska að hlusta á djass en samt set ég djass voðalega sjaldan í gang. Ég veit ekki almennilega af hverju. Þessi plata er til dæmis alveg frábær til að hlusta á. Ég mun setja hana aftur á og lofa sjálfum mér því að hlusta meira á djass en ég hef gert
Jeru The Damaja
2/5
Fyrir rappplötu er þetta áhlustanlegt en samt ekkert sésrstaklega skemmtilegt. Ég mun mjög fljótlega gleyma Jeru og aldrei hlusta á tónlistina hans aftur. Sem er kannski bara allt í lagi.
Nightmares On Wax
3/5
Hér fóru allir fordómar í mér í gang. Ég bjóst við rappi um allskyns fíkniefnaneyslu en það sem ég fékk var fullt af lögum sem voru eins og upphafsstef í hlaðvarpi. Ég var samt hrifinn af þessu og ætla að reyna að hlusta aftur í bakgrunni en með minni fordómum
Bonnie Raitt
4/5
Byrjaði sem mjög áhlustanleg kántrýplata en endaði svo í algjörri blúsrokkveislu sem hreif mig á sitt band. Ég var næstum í þristinum en lokin á plötunni toga hana upp í fjórar því ég fílaði seinni hlutann það mikið. Bonnie fer aftur í spilun
2/5
Það var snúið að finna þessa plötu. Þurfti að nota YouTube. Eflaust vegna höfundarréttarmála og það þýðir bara eitt. Að ég mun lækka hana í stjörnugjöf af þeirri ástæðu einni saman því ég er í mótþróakasti. Það er synd því þetta er virkilega góð plata. Þannig að ég fer ekki neðar en tvær stjörnur
David Bowie
4/5
Ein platan í viðbót til að sjokkera aðdáendu. Ég fíla Bowie ekkert sérstaklega. Hann dansar einhvern veginn á jaðri tilraunamennsku og gullmola. Til dæmis voru lokin á þessari plötu afskaplega skrítin bíómyndatónlist sem var allt í lagi en samt ekkert spes. Svo var titillagið sjálft þarna og það er alveg frábært lag sem togar plötuna úr miðju upp í fjórar stjörnur
The Doors
4/5
Þetta er mitt grúv. Ég er svo gamall rokkhundur í sálinni að ég kemst í algjöran fíling við að hlusta á svona blúsrokk. Virkilega góð plata sem ég mun setja aftur á fóninn. Góð tilbreyting við ofspiluðu Doors-lögin sem allir eru komnir með nóg af.
Erykah Badu
3/5
Þetta var skemmtilegri plata en ég bjóst við. Ekki að ég hafi búist við leiðinlegri plötu. Hún var samt bara eitthvað svo þægileg að hlusta á. Ekki samt nægilega mikið til að toga hana upp um stjörnu en ég ætla samt að reyna að hlusta á hana aftur við tækifæri
Duran Duran
4/5
Nú þarf ég að passa að nostalgían hafi ekki áhrif á dómgreindina. Það er samt mjög erfitt. Algjörar neglur á þessari plötu og massív stemmning. Ég held samt að mér finnist hún nægilega góð fyrir fjarka en með fyrirvara um nostalgíuáhrif
Randy Newman
3/5
Ég veit bara tvennt um Randy Newman. Hann gerði Toy Story tónlistina og hann var skotspónn í frábæru Family Guy atriði. Ég verð samt að segja að ég fílaði þessa plötu og mig langar til að hlusta á hana aftur. Hún fær 3.5 en ég set hana í 3 af því að mig grunar að ég muni gleyma henni
Queens of the Stone Age
4/5
Ég hef svo oft hlustað á Songs for the Deaf en mun sjaldnar á þessa plötu. Ég fíla alveg Star Wars tilvísanirnar í lokin en það er fullmikið af bíbbum og búbbum til þess að ég geti gefið henni hæstu einkunn
David Bowie
3/5
Þarna erum við með algjöran meðalmennsku-Bowie og þá er hann ekki í uppáhaldi. Ekki samt eins leiðinlegur og ég hefði haldið að mér myndi þykja hann en alls ekki skemmtilegur heldur
The Crusaders
5/5
Ég vissi ekkert hverju ég bjóst við. Setti bara í gang og ætlaði að þrauka eitthvað rappalbúm þegar ég þekkti fyrsta lagið þegar það fór almennilega af stað og svo hélt platan bara uppi glimrandi stemmningu sem ég vissi ekki að ég væri að bíða eftir. Algjör gleðidjassbomba
Super Furry Animals
3/5
Aftur kemur þetta band og það losnar ekki við fordómahugsunina mína þar sem ég sé nafnið, plötuumslagið og ég hugsa að þetta hljóti að vera leiðinlegt band. Í þetta sinn hugsaði ég: "Ég hef séð þetta áður, bíddu var þetta ekki leiðinlegt?" Svo er þetta bara ekkert leiðinlegt. Þetta er bara fínt en það komu kaflar sem ég hefði alveg viljað sleppa að hlusta á.
Beck
5/5
Þetta var plata sem var stútfull af lögum með Beck sem ég fíla. Þarna er hann búinn að finna groove:ið sitt eða kannski "gueroove:ið" sitt. Algjör negla fyrir mig og Beck hljóp hratt upp stigann hjá mér. Nú þarf ég bara að geta munað hvað þessi plata heitir.
Elton John
4/5
Þvílík byrjun á plötu. Mér finnst eins og ég sé að fara að hlusta á einhvern frábæran söngleik ef marka má upphafslagið og svo koma bara þrjár neglur í röð og svo fellur platan í meðalmennskuna og nær sér aldrei á strik. 4.5 stjörnur bara til að vera smá góður en dreg niður í 4 bara til að vera smá vondur.
Emmylou Harris
2/5
Ég mundir varla hvað ég hafði hlustað á eftir að ég hafði hlustað á þessa plötu. Hún skildi ekkert eftir. Ég sé hélt ég væri orðinn meiri kántrýæta en svo kemur þessi plata og þá langar mig bara ekki í meira. Ekki leiðinleg en ekki eftirminnileg heldur.
PJ Harvey
2/5
Tilfinningarokk er ekki alveg í uppáhaldi hjá mér og ég fílaði þessa plötu ekki neitt sérstaklega. Mér finnst lögin keimlík og mér finnst næstum því eins og ég þurfi að vera í andlegu ójafnvægi til að geta notið tónlistarinnar. Ég get samt alveg hlustað á þetta en kýs að gera það ekki.
Pink Floyd
5/5
Ég var spenntur. Ég hafði aldrei hlustað á plötuna í heild sinni áður, bara í bútum. Hún er vissulega pínulítið yfirhæpuð en mér fannst hún samt mjög skemmtilegt að hlusta á. Ég er að reyna að hlusta á mitt innra sjálf til að ákveða hvort hún er fjarki eða fimma. Ég smelli fimmu þótt ég væri til í fjóra og hálfa.
The Young Gods
3/5
Á meðan ég hlustaði á þetta gat ég ekki hugsað annað en að þetta væri Rammstein ef þeir hefðu komið frá Frakklandi (þetta band kemur reyndar frá Sviss). Rammstein-iðnaðarrokk blandað við listaspíruklassík. Furðurlega skemmtilegt að hluta á en ég gæti ekki hlustað mikið á þessa og mun pottþétt gleyma þeim með tíð og tíma.
Emmylou Harris
3/5
Þarna kemur kántrýið aftur og þetta er svona rólegt kántrý sem ég kem aldrei til með að muna eftir. Ég hef oft heyrt um Emmylou Harris en aldrei hlustað á hana þannig séð og mér finnst mjög ólíklegt að ég muni hlusta á hana aftur. Þetta er samt aðeins farið að vinna á og er pínu ljúft þannig að ég set þetta í þrjár stjörnur
Judas Priest
4/5
Þetta er gamaldagsrokk sem ég fíla og get hlustað á oft og mörgum sinnum. Einhverra hluta vegna nær Judas Priest samt aldrei að brjótast út úr lögunum sínum (pun intended) þannig að ég þekki þá aðallega í gegnum Breaking the Law og Living After Midnight. Hin eru samt alveg fín líka. Þarf að gefa þeim meiri séns.
Basement Jaxx
2/5
Af allri raftónlist sem ég hef heyrt þá er þessi líklegust til að vera spiluð af mér því það er alveg hægt að hlusta og njóta smá en það þýðir samt ekki að hún verði spiluð af mér. Mér finnst svona tónlist frekar leiðinleg
Iron Butterfly
3/5
Ég hafði aldrei heyrt um Iron Butterfly þar til ég hlustaði á þessa plötu. Kom skemmtilega á óvart en mér fannst ég samt vera að hlusta á Doors cover band að reyna að semja sína eigin tónlist þótt það sé ekki endilega rétt
Beatles
4/5
Þessi plata inniheldur mörg af mínum uppáhalds Bítlalögum og hún hefði flogið upp í fimm stjörnur ef ekki hefði verið fyrir djammsessionið í lokin á B-hliðinni. Það drap svolítið stemmninguna sem byggist upp
Miles Davis
5/5
Ég mun spila þessa plötu aftur. Þetta er algjör stemmari og hæfileg lengd. Þrátt fyrir að elska góðan djass hef ég samt ekki haft neinar sérstakar plötur til að hlusta á. Þessi fer í þá hillu. 4.5 stjörnur en fær fimm af því að ég er svo ánægður að finna þessa plötu.
ZZ Top
5/5
Blúsrokk er mín tónlist og ZZ Top eru algjörir blúsrokkarar. Það ætti því ekki að koma neinum á óvart að ég gef plötunni fimm stjörnur. Þessi fer aftur og aftur í spilun hjá mér
The Electric Prunes
3/5
Ég hélt að ég væri að fara að hlusta á sýrupoppsgrínraftónlist. Svo var þetta bara fínasta plata. Alveg eitthvað sem ég myndi hlusta á en ég myndi samt aldrei velja sjálfur. Mér fannst ég oft vera að hlusta á cover band að reyna að meika það með eigin lögum
Elliott Smith
3/5
Þessi plata var stútfull afofboðslega hugljúfum lögum sem myndu fúnkera mjög vel sem bakgrunnstónlist því það er ekkert á plötunni sem stendur eitthvað sérstaklega upp úr. Ég mun líklegast gleyma henni fljótt en hún er ekki slæm
Sepultura
2/5
Ég er rokkhaus og Sepultura flokkast líklegast sem goðsagnir í rokkheimum. Mér finnst þeir samt ekkert skemmtilegir og mun bara halda áfram að hlusta á mitt melódíska rokk og ekki á þeirra hamra-á-hljóðfæri-og-öskra rokk.
The Vines
3/5
Þetta er bara afskaplega gott en hefðbundið rokk. Ég hef ekkert út á þessa plötu að setja annað en að mér fannst hún ekki gera neitt sérstaklega nýtt. Hún mun því falla í gleymskuholuna mjög fljótt
The Cure
3/5
Mér hefur aldrei líkað sérstaklega við The Cure. Finnst lögin ekkert spes en ég skil samt af hverju fólk fílar hljómsveitina. Þessi plata var bara alls ekki slæm. Jafnvel þrjár og hálf stjarna en Cure fordómar mínir toga hana niður frekar en upp
JAY Z
3/5
Ég held að það sem mér finnist leiðinlegt við rapptónlist er að það vantar alla einlægni. Rapparar syngja um hvað þeir séu frábærir og miklir kóngar eða drottningar. Þessi plata er full af svoleiðis textum. Þótt lögin séu allt í lagi, skemmtilega sömpluð tónlist þá fæ ég bara nóg af þessari textasmíð. Ég gæti samt alveg hlustað á þessa plötu án þess að upplifa þjáningu.
Foo Fighters
4/5
Hér erum við komin í rokkið sem ég ólst upp við. Ég fíla Foo Fighters meira en Nirvana bara svo það sé sagt. Mér finnst það persónlega mun betra band og það sannast alveg á þessari plötu. Ég er samt ekki alveg til í að gefa henni fimm stjörnur, því ég veit hvað þeir eiga mikið inni.
The Sonics
4/5
Þessa gutta fílaði ég en það ætti ekki að koma á óvart. Ég elska svona gamaldagsrokk og þeir eru með ábreiður af gömlum slögurum í bland við eigið efni í svipuðum dúr. Mig langar samt frekar að hlusta á gömlu meistarana en gott stöff
Meat Loaf
5/5
Ég byrjaði daginn á þessari veislu og ég var í epísku skapi allan daginn. Þvílík tónlistarnæring til að byrja daginn á. Hver þarf kaffi þegar mapur getur fengið epískan kjöthleif. Fimm af því að ég komst í svo gott skap
Waylon Jennings
2/5
Ég er ekki nógu mikill kúreki til að fíla kúrekatónlist en þessi var samt ekkert alslæm. Ekkert sem stendur upp úr. Platan flýtur bara í gegn og svo er hún búin og algórithminn tekur við og spilar betri lög
Adam & The Ants
3/5
Góðir tónlistarmenn og góð lög en mér finnst og hefur alltaf fundist söngvarinn draga úr tónlistinni. Mér finnst hann bara syngja afskaplega leiðinlega. Sem er synd því lagasmíðin er mjög skemmtileg
fIREHOSE
3/5
Þetta var einhverra hluta vegna afskaplega erfið plata að komast í gegnum. Það er ekkert að henni. Hún stendur bara ekki upp úr. Þetta er eins og bílskúrsband þar sem frændi bassaleikarans var útgefandi og leyfði þeim að taka upp plötu. Algjört meh.
The Clash
3/5
Pönkhljómsveit sem kann á hljóðfæri er eins og kúabóndi sem er grænkeri. Alveg vel hugsanlegt en samt mjög skrítið en Clash er einmitt það. Hljómsveitin togar pönk upp á betri stað. Myndi gefa þrjár og hálfa en toga niður í þrjár því ég er ekki svo mikill pönkari
Creedence Clearwater Revival
5/5
Næstum því klukkutími af Creedence Clearwater Revival. Er það besta hljómsveit í heimi? Í mínum heimi kemst hún mjög nálægt því, trónir á toppnum í augnablikinu. Ég var í svo miklu stuði við að hlusta og eftir að hafa hlustað. Vrúff!
The Bees
3/5
Þessi plata kom á óvart. Ég veit ekki alveg hverju ég bjóst við en það var ekki svona þægileg tónlist í bakgrunn. Ætla að reyna að muna að setja hana á afturnvið tækifæri.
Big Brother & The Holding Company
4/5
Ég hafði aldrei spáð í að Janis Joplin hlyti að hafa verið í hljómsveit. Ég fílaði þetta strax í byrjun en áttaði mig ekki alveg á að þetta væri Janis fyrr en í Piece of My Heart. Þá spenntist ég allur upp og las mér til.
Joy Division
2/5
Ég vann einu sinni með manni sem var forfallinn Joy Division aðdáandi. Á þeim tíma fattaði ég ekki alveg hvað var svona æðislegt við hljómsveitina. Ég fatta það ekki enn. Mér finnst þeir frekar leiðinlegir
The Smiths
3/5
Mér finnst eitthvað afskaplega leiðinlegt við að hlusta á Morrissey þótt það byrji vanalega ekki þannig. Get ekki sett fingurinn á hvað það er. Mér finnst þetta allt saman verða svo niðurdrepanlega eins eftir smá stund og þessi plata er ekkert öðruvísi
Little Simz
3/5
Þessi fór á fóninn eftir að rappaðdáandi komst að því hvað mér fannst um Jay Z þannig að kannski er ég að gefa plötunni aðeins meiri séns en ég hefði gert í mínum eigin bergmálshelli. Mér fannst þessi samt bara allt í lagi þótt ég muni líklegast aldrei hlusta á hana aftur
Alexander 'Skip' Spence
2/5
Þetta fannst mér alveg svakalega erfið plata að komast í gegnum. Tónlistin var ekki þannig séð slæm, bara mér fannst eins og hann væri allan tímann að reyna ofboðslega mikið að vera frábær tónlistarmaður af því að hann kann á gítar. Trúbador að reyna að verða frægur. Ekki fyrir mig takk.
M.I.A.
3/5
Þetta var allskonar, pínu aggresívt og sum lögin aðeins of en svo komu lög sem voru frábær og ég þekkti eða þekkti samplið úr eða það sem var samplað. Allskonar. Girl Talk nýtti greinilega mikið lagið Boyz, Pixies og Blue Monday voru í 20 dollar og svo er Paper Planes bara mjög gott og skemmtilegt lag. Fær alveg fullt af stigum bara fyrir þessi þrjú lög.
Suede
3/5
Breskt popp. Þetta hlustaði maður á aðallega í gegnum útvarpið í gamla daga, ekki af því að maður hafði svo mikinn áhuga á þessu. Það er ennþá þannig. Ég hef ekki mikinn áhuga og mér finnst enn eins og söngvarinn í Suede sé vælandi í míkrófóninn þegar hann syngur. Samt ekkert leiðinlegt. Bara ekki það sem ég vel að hlusta á.
Jeff Buckley
4/5
Ég byrjaði að hlusta á þessa plötu og eina lagið sem ég hélt að ég þekkti var Hallelujah þannig að rólegheit og kósý var viðbúið en þetta var svo frábært rokk og ég held ég viti hvaða áhrifum Dikta er undir og Dikta er frábært band
5/5
Ég hef alltaf haldið að ég væri meiri Stones en Bítlakarl en eftirnað hafa hlustað á þessa neglu eyddi ég dágóðum tíma í að lofsama og spila fleiri Bítlalög. Frábær plata. 4.5 sem ég toga upp í 5 sem afsökun fyrir fordómana
Bob Dylan
5/5
Dylan var á tíma afskaplega mikill Megas í mínum huga. Eflaust frábært skáld en hundleiðinlegur að hlusta á. Svo hlustaði ég á hann og ég skil ekki hvaðan ég fékk þessa flugu í höfuðið því hann er líka frábær flytjandi, þetta eru frábær lög og ég elska að hlusta á hann. Sorry Bob.
Supertramp
3/5
Mér hefur alltaf fundist eitthvað sjarmerandi við Supertramp. Gaman að hlusta á lögin þeirra en ég sækist samt ekkert í það. Það sama á við núna. Þetta er hin fínasta plata en ég býst ekki við að ég hlusti á hana aftur.
Richard Thompson
3/5
Þegar ég hlustaði á þessa plötu sá ég fyrir mér írskan pöbb. Það er langt liðið á kvöldið, búið að kveikja ljósin og flestir sofnaðir fram á borðið með hálffull bjórglös nema tvö pör sem dansa drukkinn vangadans við síðasta lag húsbandsins á pöbbnum. Öll þessi plata hljómaði eins og síðasta lag kvöldsins á írskum pöbb. Ekki slæm. Bara ekki stemmningin sem mig langar að hlusta á
The Soft Boys
2/5
Rúmlega tveir og hálfur klukkutími af algjöru meðalmennskurokki með lélegum söngvara er ekki það sem ég þurfti að hlusta á áður en ég dey. Ég átta mig á að þetta voru fullt af bónuslögum en platan sjálf var heldur ekki góð
Traffic
4/5
Ég skammast mín næstum því yfir að elska svona tónlist en ekki þekkja bandið. Þetta er mjög góð plata og alveg pottþétt eitthvað sem ég mun setja aftur í spilun. Mér finnst ég hafa misst af svo miklu um ævina.
The Pogues
4/5
Annar tónlistarstíll sem mér finnst gaman að hlusta á, hressandi írsk drykkjutónlist. Það versta er að textarnir eru oft mjög skemmtilegir eða áhugaverðir en ég næ ekki að meðtaka þá alla vegna framburðarins og hraðans en gott stöff samt
Captain Beefheart & His Magic Band
1/5
Ég þurfti allsvaðalegt tilhlaup til þess að mana mig upp í að hlusta á Captain Beefheart aftur og þetta er held ég ein versta plata sem ég hef hlustað á um ævina. Ég skil að þetta er tónlistarlegt afrek en sýnir líka að ekki allar hugmyndir ættu að verða eða geta orðið list. Sumt ætti bara að vera tilraun sem fer aldrei lengra en fyrstu skoðun því tilraunir mega alveg mistakast.
The Chemical Brothers
3/5
Þetta er nú aldeilis prýðilegt dansiballapopp. Ég þekki einhver af lögunum og þótt ég hlusti ekki mikið á svona tónlist skil ég vel af hverju öðrum þykir hún skemmtileg.
Tangerine Dream
3/5
Ég hefði aldrei búist við því að geta slakað á við raftónlist en það var mjög næs að liggja bara og hlusta á þessa plötu. Hún rann ljúfar í gegn en ég hefði haldið. Ég býst samt ekki við að hlusta aftur á hana.
Scott Walker
3/5
Þetta var mjög fín plata þó svo að lögin væru öll keimlík og ekkert þeirra standi sérstaklega upp úr. Fín bakgrunnsplata myndi ég segja en samt plata sem ég mun fljótt gleyma og aldrei spila aftur
Moby
4/5
Ég hef alltaf fílað Moby en aldrei gerst svo hugrakkur að næla mér í plötu þeð honum. Play var samt platan sem mig langaði mest í, því það eru rosalega góð lög á henni. Restin kemur svo hressilega á óvart. Hefði átt að kaupa plötuna á sínum tíma.
a-ha
4/5
Smá undarleg staðreynd um mig. A-ha er í uppáhaldi hjá mér og hefur verið alveg frá því að ég sá myndbandið við Take on me. Það var held ég í fyrsta sinn sem ég sá tæknibrellur og ég varð hugfanginn. Tónlistin er samt ekkert dúndur en platan í heild sinni fær fjórar stjörnur bara vega myndbandsins sem ég sá í denn og platan byrjar einmitt á því lagi
Penguin Cafe Orchestra
3/5
Þetta var áhugavert. Mér fannst lögin án söngs mun betri en hin. Það er eitthvað þarna sem daðrar allsvakalega við að vera gott en mér finnst samt vanta herslumuninn. Ég ætla að reyna að hlusta á fleira með þeim.
Def Leppard
4/5
Úff hvað það var hressandi að fá almennilegt rokk. Það er ekkert leyndarmál að þetta er minn tebolli og svona plötur munu alltaf skora hátt hjá mér. Æðislegt. Fer aftur á fóninn í bráð
The Modern Lovers
2/5
Pönksöngvari reynir að semja og syngja Bítlalag er það eina sem ég gat hugsað um þetta. Afskaplega glatað og leiðinlegt að hlusta á. Ég var mjög feginn þegar platan loksins kláraðist. Aldrei aftur.
Röyksopp
4/5
Nú veit ég ekki hvað svona tónlistarstefna kallast innan raftónlistarheimsins en mér finnst þetta mjög skemmtileg tónlist að hlusta á í réttu andrúmslofti og ég set meira að segja ákkúrat þessa plötu á undir þeim kringumstæðum.
Happy Mondays
2/5
Virkilega leiðinlegt dæmi. Mér var meira að segja vísað á safnaraútgáfu af plötunni og ég hugsaði hver myndi vilja eiga þessa plötu. Allt er eins og síendurtekið. Vík brott.
Pink Floyd
3/5
Ég verð að segja að ég bjóst við einhverju meira frá Pink Floyd. Þessi plata rann í gegn án þess að skilja mikið eftir. Ég hef það ekki í mér að gefa henni meira en meðalstig
Daft Punk
4/5
Homework kom út á þeim árum sem ég mótaðist ónlistarlega. Ég keypti mér þessa plötu og hlustaði á hana aftur og aftur og aftur. Svo þróaðist tónlistarsmekkurinn minn í aðrar áttir en vá hvað mað hlakkaði í mér þegar ég sá þessa plötu á listanum. Ég skil alveg af hverju ég hlustaði svona mikið á þessa plötu. Algjört æði og eðalfílingur.
Pet Shop Boys
3/5
Mér hefur fundist röddin í söngvaranum Neil vera einhverskonar einsmellungur. Töff í fyrsta skipti og svo veldur hún því að allt verður eins. Ég fílaði samt útsetningarnar á þessum lögum og undir lokin var ég kominn af einsmellungsvagninum. Ég mun reyna að hlusta oftar á Pet Shop Boys
Willie Nelson
4/5
Þetta var mjög hugljúf plata. Ég skil vel af hverju Willie Nelson er svo vinsæll. Góður flutningur og góð lög. Ég mun alveg pottþétt setja þessa á við fyrsta tækifæri þegar ég þarf dempaðri og rólegri tónlist.
Tom Tom Club
3/5
Ég hafði aldrei heyrt um þetta band áður. Lögin voru öðruvísi en ég bjóst við. Þetta var eiginlega eins og ef B-52s væru að koma fram í Sesame street þætti. Barnalega skemmtilegt en samt fullorðins inn á milli.
Haircut 100
2/5
Þarna voru mörg element sem mér þykja skemmtileg. Djassskotið 80s popp með hressum blásturshljóðfærum en mér fannst þetta samt aldrei ná nægilega vel saman. Allt varð eiginlega eins. Ekki leiðinlegt en heldur ekkert sem stóð upp úr. Mun gleyma þessari fljótt.
The Who
4/5
Ég elska mörg lögin í þessari rokkóperu en ég hef aldrei gert heiðarlega tilraun til þess að hlusta og pæla í henni og söguþræðinum. Ég verð að segja að það eiginlega stútaði plötunni. Mér fannst ekki það spunnið í söguna sem er sorglegt en samt sem tónlistarafrek toga ég hana úr 3.5 upp í 4
Massive Attack
3/5
Þetta var bara allt í lagi plata þótt hún sé ekki alveg það sem ég fíla. Ég þekkti nokkur lög sem mér líkaði við en restin náði ekki miklu flugi. Þannig að hún endar sem meðalplata sem ég býst ekki við að hlusta aftur á
Animal Collective
3/5
Þetta fannst mér vera ofboðslegt bílskúrsband að prófa að fara aðeins út fyrir þægindarammann en þora ekki að fara of langt út fyrir hann. Ég get ímyndað mér að þeir eigi aðdáendahóp sem fílar þetta en ég er ekki í honum.
David Ackles
3/5
Hvað ef John Grant og Billy Joel myndu semja söngleik? Hann myndi hljóma svona. Þetta var bara allt í lagi plata en ég mun fljótt gleyma henni nema ef éf er eitthvað að hugsa um óuppsetta söngleiki sem gerist eiginlega aldrei.
The Velvet Underground
3/5
Ég skil mætavel af hverju einhver myndi elska þetta. Ég geri það ekki en þetta er samt ágætlega heppnuð tilraunastarfsemi. Ég hafði gaman að sögunni um gjöfina en þarf ekki að heyra hana aftur. Ég veit núna hvernig hún endar.
Television
3/5
Enn ein meðalmennskuplatan. Mér finnst ég svo oft hafa heyrt svona rokk. Þetta var eflaust voðalega ferskt á þeim tíma sem þetta kom út en í dag er þetta afskaplega mikið bleh. Gleymist fljótt.
3/5
Mikið hrikalega hefur greyið verið í óeðlilegum samböndum um ævina. Lögin virðast fjalla um allskonar óæskilega hegðun í mjög dysfunctional sambandi. Ég hafði svolítið gaman að því en efast um að ég hlusti á plötuna aftur.
Aerosmith
4/5
Ég veit að ég er seinn í partýið en ég er barasta að átta mig á hvað Aerosmith er vanmetið band, að minnsta kosti af mér. Þetta eru algjörar neglur hjá þeim en ég hef alltaf haldið að þeir hafi verið leiðinlegir en ég er bara með kolranga mynd í hausnum á mér og veit ekki af hverju.
Isaac Hayes
4/5
Þetta var algjör dúndurfílingur þangað til það kom mjög löng saga sem var allt í lagi að hlusta á en ég myndi samt aldrei setja þessa plötu aftur í spilun nema að sleppa þeirri sögu. Dregur hana niður úr fimm í fjóra
American Music Club
2/5
Það var maus að ná að hlusta á þessa plötu. Lögin voru samt fín áhlustunar en ekkert sem stóð upp úr samt sem áður. Dreg hana niður fyrir að gera mér erfitt að hlusta á hana höfundaréttarlega séð
The Doors
4/5
Ég skil vel af hverju Doors varð svona stórt band. Eðallög í alla staði og hún gefur aldrei neitt eftir. Mig langar að hlusta á þessa plötu oftar. Það myndi líklegast toga hana úr fjórum upp í fimm
The Kinks
4/5
Þessu bjóst ég ekki við. Ég fílaði þessa plötu alveg ágætlega mikið og hefði mjög gaman af því að hlusta á hana oftar. Mun líklegast gleyma henni en Kinks þurfa greinilega meiri spilun
Fatboy Slim
4/5
Nú veit ég ekki alveg hvernig ég á að flokka þessa tónlistarstefnu en ég veit samt hversu mikið ég hlustaði á Fatboy Slim og sérstaklega þessa plötu hans í gamla daga. Mér finnst þetta enn gott stöff og skil ekki af hverju ég hlusta ekki meira á plöturnar hans. Dansidansi.
The Beach Boys
4/5
Ég hlustaði á þessa plötu daginn eftir dauða Brian Wilson og mér fannst hún mun myrkari en það sem ég bjóst við að heyra við Beach Boys plötu. Það gæti hafa verið vegna fráfalls hans en platan var engu að síðu góð. Alveg endurhlustunarinnar virði.
Wu-Tang Clan
2/5
Hólímólí hvað þetta er leiðinlegt dæmi. Þetta er rapp sem ég fíla ekki. Reyndar voru þarna nokkur lög sem ég fílaði en það var ekki vegna Wu-Tang Clan heldur vegna Girl Talk sem hefur endurnýtt lögin þeirra í sín frábæru endurblöndunarlög. Gef þessu 2 stjörnur fyrir að vera gott hráefni í betri tónlist.
1/5
Ég setti þessa djassplötu á fóninn á meðan ég var í vinnunni. Þægilegt að hlusta á djass á meðan en svo fer þessi plata í gang og ég gat eiginlega ekki einbeitt mér. Þetta var alveg hreint afskaplega erfitt áhlustunar og ég var svo feginn þegar yfir lauk. Aldrei aftur takk.
Bebel Gilberto
4/5
Þetta fannst mér gott stöff. Mjög þægilegt að hlusta á þessi lög og ég eiginlega gleymdi mér bara í hlustuninni. Ég mun setja þessa plötu aftur á þegar mig vantar rólega stemmningu og afslappelsi. Kom mér verulega en frábærlega á óvart.
Isaac Hayes
3/5
Ég þekki auðvitað aðalstefið í bíómyndinni sem kom manni í gírinn. Svo kom eiginlega bara allskonar bíómyndabakgrunnstónlist að frátöldu einu 20 mínútna lagi sem var full langt fyrir minn smekk þótt tónlistin sé góð. Fengi 3.5 en set í 3 stjörnur því ég veit ekki hvenær ég myndi hlusta á þetta aftur.
Sparks
3/5
Þetta var nú svolítið skemmtileg plata. Var ekki alveg það sem ég bjóst við og jaðraði við að vera of tilraunakennd fyrir minn smekk án þess þó að fara yfir strikið. Þannig að ég fílaði hana bara ágætlega en mun líklegast ekki setja hana aftur á fóninn.
Roxy Music
2/5
Mér fannst þetta nú ekkert eitthvað sérstaklega spes. Eiginlega bara leiðinlegt. Fékk á tilfinninguna að þetta væri einhver einn náungi að búa til tónlist og að allir vinir hans hvöttu hann áfram því hann var betri en þeir og svo myndaðist svona pínulítið költ í kringum hann sem smitaðist út fyrir vinahópinn.
The Divine Comedy
3/5
Vá hvað mér fannst þetta hljóma eins og fyrstu skref Matt Bellamy (úr Muse) í tónlistargeiranum. Allt í lagi til áhlustunar en samt ekki alveg fullmótað og vantar allt úmpf. Svo er þetta er náttúrulega ekki Matt.
Nick Drake
3/5
Þetta var plata sem kom smá á óvart. Þægileg áhlustun en það var samt ekkert sem stóð upp úr. Þarf að setja hana í spilun nokkrum sinnum í viðbót og þá gæti hún hoppað upp úr meðalmennskunni.
The Auteurs
2/5
Mér fannst ég vera að hlusta á hljómsveit barna ríkra foreldra sem halda að þau séu ofboðslega kúl. Tónsmíðin var einföld og textarnir leiðinlegir. Lagið Valet Parking situr í mér þar sem söngvarinn syngur í sífellu um hvað hann sé leiður á að leggja bílum.
Kanye West
2/5
Ég vissi auðvitað að ég væri að fara að hlusta á rappplötu og bjóst við að þurfa að þrauka þessa en hún var bara allt í lagi og vann á alveg þar til Kanye tók Iron Man söngstefið í lagi un klámstjörnuást. Þá hrundi allt álitið sem var búið að byggjast upp.
Kacey Musgraves
3/5
Þetta var frekar ljúf plata sem ég mun vonandi hlusta oftar á. Fín til dæmis sem bakgrunnur í matarboði eða bara yfir daginn. Ekkert sérstakt sem stendur upp úr samt þannig að hún dettur úr þremur og hálfri niður í þrjár
UB40
3/5
Það er mjög nýlega sem ég komst að því að þekktasta lagið þeirra var gamalt Neil Diamond lag. Ég varð smá leiður en það breytir því ekki að mér finnst svona reggí-tónlist afskaplega skemmtileg. Ekkert lag sem stendur samt upp úr.
Miles Davis
5/5
Þvílíka dúndurstemmningin sem fylgir þessari plötu. Þetta er algjörlega plata sem mun vera mín pabbatónlist. Eitthvað sem ég set á heima á meðan ég elda eða er bara einn að njóta kvöldsins og allir farnir að sofa. Ég komst í svo gott stuð að ég hækka úr 4.5 í 5.
The Jesus And Mary Chain
2/5
Þetta var alls ekki skemmtilegt stöff. Mjög hrátt og meira eins og bílskúrsband að semja sín fyrstu lög. Ég var ekki hrifinn og vildi helst bara klára þessa plötu, sem öll hljómar eins, sem fyrst.
Tori Amos
5/5
Ég hélt ég væri að fara að hlusta á eitthvað svaðalegt næntís popp. Ég kannaðist við nafnið en engin lög og svo er þetta bara svona líka rosalega góð plata. Ég rokka á milli 4 og 5. Hækka upp í 5 fyrir að koma mér svona hressilega á óvart en finnst hún samt vera 4.
Mercury Rev
3/5
Þessic lata var lengi í gang svo kom smellurinn þeirra og svo fjaraði hún út. Mér fannst þetta ekkert spes og mun líklegast bara gleyma þessari meðalmennsku hratt og ekki hlusta aftur nema í útvarpinu.
Herbie Hancock
5/5
Aðeins nokkrum plötum eftir að hafa hlustað á fæðingu svalheita með Miles kemur þessi og trompar hana í stemmmingu. Ég hef reyndar oft hlustað á Herbie þegar mig langar í svona stemmara þannig að þetta er insta-fimma fyrir mig
Steve Winwood
4/5
Þessi kom mér á óvart. Þetta er nafn sem ég kannaðist við og svo voru þarna lög sem ég kannaðist við og fíla ásamt öðrum sem ég hafði ekki heyrt áður en fíla líka. Hljóðheimurinn er samt úreltur en það er hluti af sjarmanum
David Bowie
3/5
Alveg hreint hin fínasta plata hjá honum Bowie. Hann á það til að vera annaðhvort góður eða bara ekki í mínum huga en þetta er Bowie í góðu formi. Góð lög og eitthvað sem ég vil hlusta oftar á.
Black Sabbath
4/5
Þetta kom á listann rétt eftir dauða Ozzy þannig að það hefur örugglega einhver áhrif en þetta er bara fjári góð plata. Ég hélt ég væri minna fyrir Sabbath en það er augljóst að svo er ekki
Eric Clapton
4/5
Vó. Ég viðurkenni að ég hef ekki sóst í að hlusta á sólóferilinn hjá Eric en ég sé bara hressilega eftir því. Þetta er bara virkilega gott stöff. Nú þarf ég greinilega að kynna mér betur sólóplöturnar
Beatles
4/5
Þarna eru mjög mörg frábær lög með Bítlunum. Ég hef lítið hlustað á plöturnar þeirra. Bara safnplötur og slíkt en við að hlusta á þessa þá skil ég alveg af hverji þeir urðu svona stórir og vinsælir. Þetta er allt bara gæðaefni.
De La Soul
3/5
Ég hlustaði á De La Soul í gamla daga og fíla alveg fönkið í þeim. Kemst í fínan gír. Mér fannst það svolítið eyðileggjast með þessum spurningaþætti þeirra á milli lagana. Þetta er 2.5 en ég gef þeim þrjár fyrir nostalgíuna
The xx
3/5
Það var eitthvað við þetta sem minnti mig á Of Monsters and Men lög sem er ekki slæmt nema að þetta minnti mig á auðgleymanlegu lögin. Ég ætla samt að gefa þeim þrjár því það var ekki leiðinlegt að hlusta þótt það gleymdist fljótt
The Darkness
5/5
Þessa plötu hlustaði ég alltof oft á þegar hún kom út. Það var einhver sjarmi við hana. Mér fannst ég vera að upplifa hvernig gullaldarár glamrokksins voru en samt á mínum tíma. Þetta var ákkúrat það sem ég þurfti og líka núna þegar ég hlustaði. Gef henni fimm stjörnur því húb vakti upp svo góðar tilfinningar og fíling
The Dictators
2/5
Pönk getur alveg verið skemmtilegt en mér finnst það samt alltaf vera svo ofboðslega svipað. Skiptir eiginlega ekki máli hvaða hljómsveit það er. Þarna stendur eiginlega ekkert upp úr nema ábreiðan af I Got You Babe sem var skemmtileg.
Beatles
4/5
Eftir að hafa áttað mig á að ég hef ekki mikið hlustað á plötur Bítlanna var ég svolítið spenntur að hlusta á þessa. Byrjar vel, endar vel og miðjan bara svona allt í lagi. Ég skil samt af hverju fólk beið í röðum spennt eftir plötunum þeirra. Ég hugsaði: Ú hvernig ætli næsta lag verði?
The Divine Comedy
2/5
Miðað við nafnið á hljómsveitinni á þetta að vera grín eða það vona ég því textinn við lögin hljómar þannig. Það er bara verst hvað það er ekki fyndið að semja ástarlag og segja ef þú værir hundur myndi ég gefa þér afganga af matarborðinu þótt konan mín væri á móti því. Annars eru lögin næstum því góð ef þau væru ekki öll eins
Malcolm McLaren
2/5
Mér fannst tónlist furðuleg en samt furðulega skemmtileg blanda sem virkaði einhvern veginn. Það sem eyðilagpi ánægjuna voru aftur á móti þessar útvarpsútsendingar með The Supreme Team. Mikið fóru þær í taugarnar á mér
AC/DC
4/5
Þessi plata byrjar af svo miklum dúndurkrafti að maður æsist allur upp. Lögin sem á eftir koma eru ekkert síðri. Ég viðurkenni alveg fúslega að ég er alltaf til í svona tónlist og mun alltaf gefa henni háa einkunn óháð gæðum tónlistarinnar en þessi fær 4 bara af því að ég veit hvað þeir eiga mikið inni.
John Martyn
3/5
Þetta var ágæt plata. Mér fannst röddin á honum hljóma eins og Joe Cocker á elliheimili en það var bara fínt. Það er ekkert sem þessi plata skilur samt eftir sig hvað varðar lög. Gleymist fljótt
Elvis Costello & The Attractions
3/5
Elvis Costello nær ekki almennilega að höfða til mín. Ég get samt ekki sett fingurinn á af hverju. Þetta er allt voða svipað og allt í lagi í bakgrunni en ég myndi aldrei setja þessa plötu á sjálfviljugur.
The Blue Nile
3/5
Ég hafði aldrei heyrt um The Blue Nile og mun líklegast gleyma henni fljótt. Það var ekkert að lögunum á plötunni en heldur ekkert rosalegt. Hljómar eins og fyrsta bílsskúrsbandið sem David Bowie var í.
Elastica
4/5
Þetta kom á óvart. Fyrstu tónarnir voru eins og ég væri að fara á hlusta á Hives-pönk en svo varð platan samt skemmtilegri við frekari hlustun. Ég er líklegur til að gleyma henni en vil samt gefa henni 3.5 sem ég toga upp í 4 af einskærri góðmennsku
Wilco
3/5
Ég bjóst við einhverju allt öðru og það skemmdi kannski upplifunina en mér fannst söngurinn ekki passa eins og það væri verið að rembast of mikið við að búa til eitthvað meistaraverk sem það varð ekki. Gleymist fljótt en ég gef samt þrjár því þetta var ekki slæmt.
Muddy Waters
4/5
Ó já. Þótt lögin séu öll keimlík þannig séð er þetta bara svo frábært. Þessa plötu verð ég að setja aftur í spilun. Ég er blúsari en bara ekki búinn að hlusta nógu mikið á blús því miður
Peter Gabriel
4/5
Ég hef ekki gefið Peter Gabriel nógu mikinn sjéns. Ég þekki nokkur af lögunum hans en ekki mikið meira. Þetta var virkilega góð plata. Ég dansa á línunni að gefa henni fjórar eða fimm stjörnur en þessi fer pottþétt aftur í spilun
Scott Walker
3/5
Mér leið eins og ég væri að hlusta á bíómyndalög úr óþekktum bíómyndum. Ekki slæm tónlist fannst mér, bara mjög skrítin plata sem ég mun örugglega ekki hlusta á aftur því ég mun gleyma henni
Scissor Sisters
4/5
Ég held að Scissors Sisters séu rétta dansiballamúsíkin fyrir mig. Lögin eru bara svo full af gleði og skemmtun. Ég fílaði ekki öskrið fyrir aukalögin. Hefði mátt sleppa því en annars bara fín plata sem eg mun líklegast spila aftur við tækifæri
Hookworms
4/5
Fyrstu tónarnir voru mjög skrítnir og ég hélt ég væri að fara að hlusta á einhverja öfgalist svo hægt og rólega byrjaði allt að smella og það kom skemmtilega á óvart hvernig þetta gekk upp. Þetta væri vanalega þristur en fær fjórar stjörnur af því að þetta var svo hressilegt og óvænt.
Robbie Williams
3/5
Ég veit ekki af hverju en mér hefur ekki fundist Ribbie eitthvað æðislega skemmtilegur. Veit ekki hvort það sé vegna hans sem persónu eða að lögin höfða ekki til mín. Þarna eru samt tvö af skástu lögunum svo hann dettur í meðalmennsku
Harry Nilsson
5/5
Ég var eiginlega bara upp með mér þegar ég hlustaði á þessa plötu og vildi bara vita meira um þennan mann sem ég hélt af titli og plötuumslaginu að dæma að væri einhver gríngjörningur. Þetta var æði. Týndi bítillinn. Fimm stjörnur af því að ég spenntist upp við að hlusta.
Paul McCartney and Wings
4/5
Það bregst ekki. Ef ég fíla eitthvað Bítlalag þá er það samið af Paul, nema þau örfáu sem George samdi. Ég fíla hans tónlistartakt. Platan byrjar vel en svo hallar aðeins undan en samt gef ég henni fjórar.
Hanoi Rocks
3/5
Ég verð að segja að ég bjóst við einhverju betra. Glysrokk frá Finnlandi. Þetta hefði átt að vera bomba en svo skilur platan eiginlega ekkert eftir sig. Verð að setja hana í miðjumoð en með trega.
R.E.M.
3/5
Nokkur skemmtileg lög þarna og augljóst af hverju R.E.M. eru svona stórir. Þeir ná mér samt ekki nægilega mikið til að vilja hlusta aftur. Ég læt þá bara útvarpsspilanir duga, eða vídeóspilanir kannski
The Birthday Party
2/5
Ég var algjörlega hugfanginn af teikningunni hans Ed Roth á plötuumslaginu. Þetta er eins nálægt því að verða hot roddari og ég komst. Ég fílaði alltaf þessar teikningar og langaði að geta teiknað svona. Verst hvað platan er ömurleg. Mér fannst þetta minna mig á Nick Cave í lélegri rokkabillýpönksveit. Svo komst ég að því að þetta er Nick Cave í rokkabillýpönksveit þegar ég las um hljómsveitina á Spotify. Það hjálpar samt ekki.
ABBA
3/5
Þetta var bara mjög meðalalbúm fannst mér. Ekkert sem stóð upp úr en lögin samt fín. Aðeins rólegri en ég hefði búist við frá þeim en ég þekkti nokkur þeirra, aðallega vegna söngleiksins.
New Order
2/5
Eins mikið og ég fíla Blue Monday þá var þetta alls ekki gott. Mér fannst söngvarinn oft vera hreinlega falskur. Mig langaði að líka við þessa plötu en ég get það einfaldlega ekki. Samt tvær.
The Verve
4/5
Ég á þessa plötu og ástæðan er hversu góð hún er. The Verve er að mínu mati besta Britpop-hljómsveitin ef þeir myndu þá flokkast sem Britpop. Ég veit ekki. Samt mjög góð plata
George Michael
4/5
Ég hef alltaf fílað Faith plötu George og þetta var einhverskonar brottför frá því yfir í aðeins rólegri lög, sérstaklega þegar leið á plötuna, án þess að vera slæm plata. Ég mun samt alltaf bera hana saman við Faith. 3.5 sem ég set í 4
Marianne Faithfull
3/5
Þetta var plata sem virðist aðallega vera gerð út á sérstaka rödd Marianne. Mér fannst hún samt ekki það sérstök að ég muni hlusta á þessa plötu aftur. Dettur í meðalmennskuplötulistann
The Only Ones
2/5
Lagasmíðin var mjög fín en samt herregud hvað söngvarinn er leiðinlegur. Hann dregur alla plötuna niður í "langar ekki til að hlusta aftur" flokkinn. Hefði fengið fleiri stjörnur ef þetta hefði verið instrúmental.
New York Dolls
2/5
Mér finnst ég vera að hlusta á blöndu af Rolling Stones og Sex Pistols. Þetta er mjög nálægt rokkstílnum sem ég fíla en á sama tíma nálægt þeim sem ég fíla ekki. Þeir dansa á línunni en falla á endanum röngu megin.
Love
4/5
Þetta er mjög ljúf plata sem ég mun alveg pottþétt setja aftur í spilun af og til. Hún byrjar á algjörum smelli en nær aldrei þeim gæðum aftur án þess þó að verða leiðinleg. Fjórar stjörnur af því að ég varð svo ánægður
The Associates
2/5
Sko tónlistin er alveg æðisleg. Byrjar á þvílíku stuði sem ætti að gera alla spennta yfir framhaldinu af plötunni en svo byrjar söngurinn og allt verðir bara hrikalega leiðinlegt og maður bíður bara eftir að platan klárist sem virðist aldrei ætla að gerast. Eiginlega bara of löng og hefðu mátt sleppa söngnum.
Hugh Masekela
4/5
Ég á svolítið erfitt með að segja til hvort ég sé bara svona hrifinn af þessari tónlistarstefnu eða Hugh sjálfum en ég fílaði þetta í botn. Allt nema síðasta lagið sem mér fannst ekki passa á plötuna.
Drive-By Truckers
3/5
Ég heyri svo rosalega hvað þá langar að vera að búa til eitthvað meistaraverk en þeir ná því bara því miður ekki. Þetta verður frekar óminnisstætt án þess að verða leiðinlegt. Ég trúi því að þeir eigi dygga aðdáendur.
Arcade Fire
4/5
Þetta er sko alveg tónlist sem ég fíla og Arcade Fire kunna að semja slíka tónlist. Fagmannlega gert án þess að ná einhverjum ofurhæðum en bara virkilega gott stöff
4/5
Þetta er David Bowie sem ég fíla. Hann kann alveg að semja góð rokklög karlinn. Þótt ég teljist seint vera Bowie-aðdáandi þá hef ég hlustað sjálfviljugur á þessa plötu áður og hún var alveg janfgóð núna
Killing Joke
3/5
Tónlistin og hljóðfæraleikurinn góður en mikið hrikalega fór söngurinn í taugarnar á mér. Þeir fá samt rokkstig fyrir að hafa flutt til Íslands skömmu síðar í undirbúningi fyrir heimsendinn en enduðu á því að spila hlutverk í að Sykurmolarnir urðu til. Fara þess vegna úr tveimur í þrjár stjörnur
Linkin Park
4/5
Þótt ég sé ekki mikið fyrir rapp verð ég að viðurkenna að mér hefur alltaf fundist rapprokk skemmtilegt. Walk this way. Rock superstar og svo komu Linkin Park og gerðu smelli sem slógu í gegn. Ákkúrat þegar ég var móttækilegastur þannig að þeir eru að fá bönns af nostalgíustigum
Frankie Goes To Hollywood
3/5
Þarna voru góðir smellir og skeþþtilega útfærðar ábreiður en mikið hrikalega var spjallið tilgerðarlegt og leiðinlegt. Það togar þessa plötu niður
Fred Neil
3/5
Þessi plata rann bara ljúflega í bakgrunni án þess að það hafi eitthvað staðið upp úr nema Everybody's Talkin' sem maður þekkti undir eins. Mun líklegast gleyma þessari plötu fljótt en ekkert að henni samt
The Byrds
4/5
The Byrds er gott band og mér fannst afskaplega gott að hlusta á þessa. Í lokin var svo upptaka af meðlimunum að rífast og þá las ég mér til um allt saman og varð smá leiður. Samt frábær plata og þvílíkur endir á Artificial Energy!
Khaled
3/5
Þetta kom mér hressilega á óvart. Í upphafi bjóst ég við að ég myndi ekki þola svona söng sem jarmar en svo vann hann á og lögin voru bara hreint ekki slæm þótt hljóðfæraleikurinn sé pínulítið næntís með skemmtara en samt í bland við fleira.
Mariah Carey
3/5
Það verður ekki frá henni tekið. Hún er alveg mögnuð söngkona. Mér finnst samt lögin aldrei ná neinu flugi en þessi plata er mjög hugljúf og sómar sér vel sem bakgrunnstónlist við hin ýmsu tilefni.
Dinosaur Jr.
2/5
Þetta er óneitanlega í áttina að því sem ég fíla. Indie rokk er vanalega hressandi en í þessu tilfelli passaði söngurinn ekki alveg við tónlistina. Þetta er pínu eins bílskúrsband frænda vinar míns. Ég get hlustað á þetta fyrir kurteisissakir en myndi aldrei borga mig inn á tónleika. Mér fannst ábreiðan af Just Like Heaven nokkuð skemmtileg þótt hún hafi endað alltof skyndilega.
Goldfrapp
4/5
Ég hlustaði á þetta í gamla daga og það var góð nostalgía í þessari hlustun. Mér finnst þetta einstaklega hugljúf söngrödd og lögin bara mjög góð. Gott að rifja upp Goldfrapp þannig að ég mun líklegast endurnýja kynnin í framhaldinu. Gott stöff.
Todd Rundgren
3/5
Þetta var allskonar. Margir tónlistarstílar en þrátt fyrir fjölbreytnina fannst mér platan vera ofboðslega mikið eins. Ekkert sem stendur upp úr en heldur ekki neitt leiðinlegt. Ég mun líklegast gleyma þessari en kannski ekki því hún var svo löng. Ég mun samt örugglega aldrei setja hana í spilun aftur.
Nick Cave & The Bad Seeds
4/5
Ég hef ekki verið mikið fyrir Nick Cave en ég verð að viðurkenna að þessi plata er algjört gull. Ég er hársbreidd frá því að setja hana í fimmu en ætla að halda henni í fjórum. Það er bara eitthvað svo yndislegt við textamíðina og þemað en lögin eru oft mjög svipað uppbyggð sem stendur í vegi fyrir fimmunni.
Nick Cave & The Bad Seeds
3/5
Ég held ég verði nú barasta að viðurkenna að ég hef lengi haldið að mér finnist Nick Cave leiðinlegur en ég hef augljóslega bara haft rangt fyrir mér. Þetta er bara mjög fínt. Mér finnst þetta ekki það besta þannig að ég set þrist á þetta en þarf greinilega að kynna mér Nick betur
The Charlatans
3/5
Þetta var nú bara prýðilegt. Ekkert meistaraverk en mjög fínt að hlusta á. Lögin voru svolítið svipuð. Samt verður þetta plata sem ég gleymi mjög fljótt.
Morrissey
3/5
Ok. Morrissey er fínn og allt það. Ég skil að hann sé vinsæll. Hann hefur samt ekki náð til mín og mér finnst þetta allt saman vera eins. Kannski þarf ég að kafa meira ofan í lögin hans til að skilja betur snilldina en það er samt svo mikið annað sem mér finnst skemmtilegra.