Frábær plata með skemmtilegum einföldum rokklögum. Blue moon í mjög flottri útgáfu.

Ekki það besta frá Costello. Frekar einsleitt. Pump it up langbesta lagið og Lipstick Vogue líka skemmtilegt pönk.

Merkilegt menningarframlag þess tíma. Mörg góð lög en líka mikið af lögum sem máttu missa sín. Snoop lögin langbest. Lil ghetto boy uppgötvun mín í þessari yfirferð.

East coast vinnur West coast í þessari umferð. BIG geggjaður rappari og rímari. Now I'm in the limelight 'cause I rhyme tight Time to get paid, blow up like the World Trade Born sinner, the opposite of a winner Remember when I used to eat sardines for dinner. En líkt og Chronic verður þetta dáldið leiðigjarnt til lengdar og þessu fáranlegu innslögum á milli algjörlega ofaukið.

Nú er ég hættur þessari meðvirkni. Þessi plata markar eflaust einhver tímamót í sögu Stóns, en fyrir mig var hún bara vonbrigði. Stenst engan samanburð við það sem Bítlarnir voru að gera á sama tíma, ef þetta átti að vera einhver samkeppni milli þeirra í gamla daga. Þrjú góð lög, restin einfaldlega leiðinleg. Lady Jane það lag sem mér fannst mest í spunnið og sítarinn í Paint it black líka góður, en George Harrisson var þegar búinn að spila á hann í Norwegian wood, svo ekkert nýtt þar.

Þessi plata er einfaldlega snilldarverk,ekkert meira um það að segja. Engir hittarar en líklega heildstæðasta Radiohead platan.

Þessi plata kom mér skemmtilega á óvart. Átti von á fillerum með smellunum en öll lögin eru eiginlega góð. Californication er frábært lag. Frábær riff og bassinn hjá Flea geggjaður. Gallinn á RHCP finnst mér eiginlega vera söngurinn hjá Kiedis. Hann er leiðigjarn. Eftir 3 hlustanir var ég kominn með hausverk og gat ekki meir. Bara hægt að renna þessari plötu í gegn endrum og sinnum. Þegar við bætast heymskulegir textar þá segi ég 3 stjörnur.

Prince var snillingur. Ótrúlegt samansafn af frábærum og gerólíkum lögum. Sign O the times, Starfish and coffee og I could never take the place of your man, ekki mikil líkindi milli þessara frábæru laga. Góðir textar líka. The Cross greip mig í þessari yfirferð, magnað lag. Eins og við er að búast á tvöfaldri plötu frá afkastamiklum snillingi ekki alveg jafn góð lög inn á milli. Meistarastykki frá mögnuðum listamanni, en ég er á Purple Rain vagninum.

Óskaplega fallegar lagasmíðar og vönduð tónlist, líklega aðeins of vandað fyrir minn smekk. Vantar einhvern smá hráleika og eina og eina skítuga nótu. Skil samt vel þá sem elska refina. Mjög góð vinnutónlist en ekki eitthvað sem ég myndi hlusta mikið á þess utan. White Winter Hymn er alltaf frábært lag og píanó kaflinn í lok He doesnt know why var alla vega smá spúnk.

Frábær plata. Átti von á einhverri sýru, en þetta er bara mjög skemmtileg plata. Fínustu bítlalög og smá Scott Walker í þessu. Fyrri hlutinn þó betri en seinni. Syd greinilega mjög góður lagahöfundur sem við misstum því miður í sýru og geðsýki. Dark globe alveg nístandi lag. Ég á potttþétt eftir að hlusta oft á þessa plötu, svo ég held ég skelli bara 4 stjórnum á hana.

Mjög skemmtilegt að fá þessa miklu fjölbreytni. Þá er maður búinn að kynnast afro-cuban jazz og Machito. Skemmtileg tónlist.

Frábær plata og ótrúlegt að þetta sé fyrsta plata hljómsveitar. Fyrstu þrjú lögin algjör snilld. Ekki margar plötur sem geta státað af jafn sterkri byrjun og svo Fools gold í lokin. Í mínum huga nær hún þó ekki alveg að teljast meistaraverk. Nær því ekki upp í fimmuna, 4,5.

Hressandi og skemmtilegt skater pönk. Samt eitthvað sem maður hlustar ekkert mikið á eftir þrítugt held ég. Come out and play og Self esteem skemmtileg lög, en ekki klassík. Í þessari hlustun fannst mér eiginlega hreinræktaðri pönklög eins What happened to you og So alone skemmtilegri. Byrjunin á Bad habit stolin frá Korter í Flog. :-)

Relax er eitt besta lag eitísins, frábært lag. Tvö önnur fín lög, fjögur cover lög, eitt reyndar langbest, og restin rusl. Ef þeir hefðu haldið sig við einfalda plötu en ekki tvöfalda hefði þetta verið fínt. En stór plús fyrir Relax.

Veit ekki alveg hvað ég á að segja, líklega ekki nægja þekkingu á þessari tónlist til að dæma þessa plötu. Fannst margt gott, drungaleg bít og síkadelískt undirspil. Annað ekki eins gott, sérstaklega þessi eilífa kynlífsárátta rappara. Mjög ólíklegt að ég muni hlusta aftur á þetta. Ekki meira rapp í bili takk.

Náði því miður ekki að hlusta nógu vel á þessa, enda kominn með óverdós á rappi. It was a good day er gott lag og Wicked fannst mér geggjað lag. Hlustaði nokkrum sinnum á það.

Þvílík rödd og þvílík tilfinning í söngnum! Engin henni lík, hvorki fyrr né síðar, Helvitís heróín. Lögin fannst mér líka flest mjög skemmtileg. Cry baby t.d. mjög gott lag og auðvitað Me and Bobby M. Solid fjarki.

Vá hvað þetta er leiðinlegt! Veit enga plötu sem byrjar á þremur jafnleiðinlegum lögum og svo versnar það bara. Hef komist ágætlega í gegnum lífið án þess að þurfa að hlusta á þessa plötu og það er ekki að fara að breytast. Skammastu þín algóritmi fyrir að gera mér þetta.

Þetta er plata fyrir mín tónlistareyru. Besta plata Britpoppsins. Ekki einn veikur hlekkur. Smellirnir algjör klassík og meðlögin frábær líka. Þau eru svo góð að það er eiginlega ekki hægt að gera upp á milli þeirra. Toppað með hnyttnum samfélagsádeilu textum. Ég bið ekki um meira.

Hlustaði á þessa einhverntímann í Kvennó, cloude song og Love Song for the Dead Che falleg. Fáránlegt hvað hvað tónlistarfólk komst upp með að gera furðulega hluti á major labelum á þessum tíma. 2.5

Ósköp þægileg skammdegistónlist, svo lítið jólaleg. Ella er frábær söngkona, en þessi lög reyna ekki nóg á hana. Tónlistarflutningurinn óaðfinnanlegur.

John Lennon var snillingur með öllum þeim kostum og göllum sem snilligáfu fylgir. Imagine er og verður eitt áhrifamesta lag allra tíma, þó hann vissulega hefði mátt sleppa no possession kaflanum. :-) Jealous guy í flutningi hans er æðislegt og Oh lögin mjög góð. Smá beef við Paul a la Ice Cube og Dre fyndið. Í heild mjög góð plata frá mistækum manni sem breytti tónlistarsögunni.

Tvö góð lög, restin lala. Mér fannst þessi orða þetta best. "Most 60's groups had three choices: copy the beatles, copy the beach boys, or sexually abuse minors. These guys changed the game and did all three."

Eflaust merkileg plata í kántrýsögunni en mér finnst finnst þetta bara ekki skemmtilegt. Hef heyrt margt betra úr kántrýheimum.

Bitter sweet symphony og The drugs don´t work eru algjör næntís klassík. Við það bætast svo Sonnet og Lucky man. En platan er svo miklu meira en bara þessi lög, heildstætt verk með nánast engum veikum hlekkjum. Mjög góð lög í ólíkum stílum, eins og t.d. Neon wilderness, Catching the wilderness og lokalagið Come on. Hefði verið gaman að sjá hvaða leið þeir hefðu farið ef þeir hefðu haldið áfram, en kannski hættu þeir bara á toppnum. Ef ég ætti að gagnrýna eitthvað þá er aðeins of mikill Oasis keimur af sumum lögunum. 4,,4.

Early Beatles eru svo skemmtilegir, hægt að hlusta endalaust án þess að fá leið. Tvær plötur á fyrsta ári + sínglar er vissulega soldið metnaðarfullt og væri ekki gert í dag. Fyllt upp í með coverlögum en það voru allir að gera coverlög í sixtísinu. Allt líka frábærar útgáfur af annarra lögum. Gaman að hlusta á fyrsta lag Harrison. Söngurinn og harmónian í aðalhlutverki á plötunni, en alveg farið að glitta í það sem koma skyldi.

Mér er til efs að það sé til leiðinlegri plata. Ekki nokkur leið að hlusta á þetta í gegn.

Skrýtin plata að velja. Allt í lagi rokk, en ekkert merkilegt að gerast. Er ekki að fara að hlusta á þessa aftur.

Mikill áhrifavaldur í drum and bass tónlistinni. Má enn heyra í teknó- og danstónlist dagsins í dag.

Svakalega skemmtileg plata. Paul Simon einn besti lagahöfundur sinnar kynslóðar.

Ég hef nú alltaf verið veikur fyrir andfætlingatónlist og hafði gaman af þeim Finn bræðrum þegar þeir voru í Split Enz. Þetta er hins vegar bara eitthvað huggulegt miðjumoð, eitt og eitt þokkalegt lag. Virðast líka vera áttavilltir, óvissir á hvaða áratug þeir eru eða hvernig tónlist þeir ætli að gera. Skil alls ekki hvað þessi plata er að gera á þessum lista. Textinn á Chocolate cake góður, en vá hvað lagið er leiðinlegt. Næstu plötu takk!

Ein mikilvægasta plata allra tíma. Ef Sex Pistols hefðu ekki komið fram væri líklega margt af þeirri tónlist sem ég elska ekki til . Ekkert Clash, ekki Rokk í Reykjavík, ekkert postpunk og leiðinlegra indie. Platan er líka bara svo skemmtileg, ógleymanleg lög. Anarchy, God Save the Queen, Pretty vacant. Auðvitað mýta að þeir hafi ekkert kunnað á hljóðfæri, þéttir og góðir með 21 árs reiðan John Lydon með rotnar tennur. Textarnir góðir samtímatextar. God save the Sex Pistols!

Gaman að fá smá soul með sýkadelíu blæ. Gott grúv og góður hljóðfæraleikur. Örugglega skemmtileg plata fyrir djassunnandi saxafónlögmenn Hefur greinilega þótt merkileg plata á sínum tíma úr því hún fékk Grammy verðlaun, en skildi svo sem ekki mikið eftir við hlustun í dagsins önn.

Jackques er æðislegur listamaður og með áhrif langt út fyrir hinn frönskumælandi heim. Scott Walker auðvitað mikill aðdáandi, en líka Bowie og Cave. Seasons in the sun líka eftir hann. Frábær plata, þ.e. lengri útgáfan ekki þessi stutta sem forritið vísar inn á. Fullkomin tónlist við vinnuna.

Prince er alltaf skemmtilegur. Litla rauð corvettan er eitt uppáhaldslagið mitt með honum. Platan í heild góð og engin leiðinleg lög.

Ég veit að mörgum finnst þetta mikil snilld, en það er fullreynt að þetta er bara ekki tónlist fyrir mig. Ég gaf þessu þó alveg séns núna. Nokkur þokkaleg rokklög en rest finnst mér alveg óskaplega leiðinlegt. Þar kemst ekkert með tærnar þar sem Stairway hefur hælana. Ekki meira Led Zeppelin fyrir mig.

CCR eru alltaf góðir. Gott rokk.

Fín plata. Gaman að hlusta á smá stífan vinnvið.

Réttnefndasta plata sem ég hef hlustað á. Þvílíkur kraftur, Iggy er einstakur.

Gríðarlega hressandi fönk. Ógleymanlegir smellir. Of mörg lög, en dobbel albúm var vinsælt á þessum tíma.

Frábær plata. Elska röddina hans Hawley. Coles corner og The ocean eru mögnuð lög.

Þessi plata er svo mikil snilld. Vanstilltir gítarar hafa aldrei hljómað betur. Fyrstu þrjú lögin neglur og svo er bara keyrt fulla leið áfram. Elska hraðaskiptingarnar. Höfðu mikil áhrif á allt það sem á eftir kom. No Sonic Youth = No Nirvana.

Skemmtilegur Chicago blues, mojoinn að virka fínt. Bein lína frá þessu í Rolling Stones og Jimi Hendrix.

Wonderbarnið Stevie enginn venjulegur snillingur. 22 ára og þetta er 15. platan hans! Frábær plata og góður upptaktur að snilldarverkinu Innervisions. Superstition er ótrúlega gott lag og I believe fallegt. Lögin grúva öll og bassi og synthi sýna samleik á við Xavi og Iniesta.

Svanasöngur einnar bestu hljómsveitar allrar tíma. Smiths voru nefnilega hljómsveit ekki bara sérvitur söngvari. Girlfriend in a coma er eitt af mínum uppáhaldslögum, þvílíkur texti hjá M. Platan í heild frábær og rúllar ótrúlega vel. Þetta er svo gott stöff. A rush and a push, Stop me if you think you heard this one before, Last night I dreamt somebody loved me. Endalaust af yndislegum lögum með súrum textum. The Queen is dead er vissulega uppáhalds Smiths platan mín, en þeir eru aldrei að fara að fá minna en 5 stjörnur frá mér.

Ljúfur djass með ekki eins ljúfum manni. Nonet = 9 manna hljómsveit. :-)

Hafði lúmskt gaman af þessu fönkrokki. Allskonar hljóð og slatti af kúabjöllu, sem ég elska. Fyrsta lagið hins vegar of mikið gítarrúnk fyrir mig.

Eldist ekki vel.

Mjög gott indípopp. Mikið undrabarn hún Lorde og svo rosalega ung þegar Royals slær í gegn. Mér finnst tónlistin hennar hafa þroskast mjög mikið þegar að kemur að þessari plötu. Áhrif frá Kate Bush, enda margt líkt með þeim. Virkilega fágað og vel gert allt.

Virkilega góð plata sem hafði farið undir radarinn hjá mér. Virkilega gott stöff sem ég mun hlusta á aftur.

Skrýtin plata og ekki skemmtileg. Til mun betri lög með þessari hljómsveit.

Ansi gott art rock, þökk sé gríðarlega framsýnni menntastefnu Breta sem setti alla snillingana sem pössuðu ekki hefðbundið nám í Art School óháð fjárhag og þjóðfélagsstöðu. Byrjar vel, Do the stand og Edition of you góð lög. Svo kemur In every dream home a heartache. Alveg ótrúlegt lag með texta um uppblásna kynlífsdúkku. Verður ekki mikið meira arty en það. Platan í heild vann mikiði á í seinni hlustun, alltaf að taka eftir einhverju nýju. Níu mínútna laga sem var ekkert mál að hlusta á til enda. Síðasta platan með Brian Eno og hann nær svo sannarlega að setja mark sitt á plötuna með ótrúlegum hljóðum sem væntanlega enginn annar kunni að búa til árið 1973. Maður heyrir vel hvað þessi plata hefur haft mikil áhrif á marga tónlistarmenn.

Ótrúlega flott fyrsta plata. Gott einfalt heiðarlegt rokk, Góður söngur og frábær hljóðfæraleikur. My generation er algjör klassísk negla. Who höfðu mikil áhrif á pönkið þegar reynt var að vinda ofan af progvitleysunni og fara aftur í hráan einfaldleika fyrir einfaldar sálir eins og mig.

Ekki besta plata U2, en fjári skemmtileg samt. New Years Day finnst mér eitt af þeirra allra bestu lögum, þar sem skörðóttur gítarleikur Edge nýtur sín vel. Sunday bloody Sunday stendur alltaf fyrir sínu, en er orðið pínu slitið af ofspilun. Hins vegar eru þarna minna spilaðar perlur eins og Seconds, um kjarnorkuvá X-kynslóðarinnar og hið gullfallega "40". Ótrúlega flott albúmm kóver setur svo punktinn yfir i-ið. Stórfyrirtækið U2 er svo fyrirbæri út af fyrir sig. Búnir að halda út fjórir saman í 48 ár, frá því þeir voru 15 ára,, sem hlýtur að gera Adam, Larry og Edge heimsmeistara í umburðarlyndi og þolinmæði.

Vá hvað þetta er hressandi og skemmtileg plata. Gæðapönk frá Buzzcocks, stutt og einföld lög. Engir hittarar en heldur ekkert leiðinlegt lag. Hressir, bætir, kætir.

Frumherjar í nýrómantík og ruddu flugbrautina fyrir Duran Duran. Vandað og gott synthapop með óaðfinnanlegum hljóðfæraleik. Mér hefur alltaf þótt röddin hans David Sylvain kúl, sérstaklega í rólegu lögunum eins og Despair og Forbidden colours sem hann gerði með Sakamoto. Ekkert jafngott lag á þessari plötu, en ekkert sem mér fannst áberandi leiðinlegt heldur. 3,5/5.

Skemmtileg lög á fyrri hluta en alltof löng plata. 10 lög hefðu verið alveg nóg. Þetta verður bara endurtekning á því sama og meira fokk, bitches og dick, sem eldist ekki vel. Rappið vissulega að slíta barnsskónum en Public enemy gáfu út It takes a million sama ár, sem er fullorðins. Don´t believe the hype meira segja samplað á plötunni. En platan skilaði sínu og kom þeim á kortið.

Frábær plata sem kom mér skemmtilega á óvart. Aldrei verið neinn Pretendesrs aðdáandi, en þessi plata er virklega heilsteypt, þétt og góð. Back on the chain gang er gott lag, en mér fannst mörg hinna laganna alls ekki síðri, eins og Precious og Tattooed love boys. Platan í heild bara svo góð. Á örugglega eftir að rúlla þessari í gegn aftur.

Þessi plata er auðvitað bara meistaraverk og klárlega ein besta plata allra tíma. Áhrifin á tónlistaheimin ómetanleg. Lögin og hljóðheimurinn alveg ótrúlegur. God only knows er eins og það komi úr einhverri annarri æðri tónlistarvídd.. Mér finnst líka I just wasn´t made for these times alltaf ótrúlega fallegt, enda Brian einfaldlega of mikill snillingur fyrir þennan heim.

Virkilega góð plata hjá Beastie Boys. Mjög fjölbreytt og gaman að heyra pönk hjá þeim, byrjuðu sem pönkhljómsveit. Smá tilraunamennska í lokin, sem var líka mjög skemmtilega. Sabotage og Get it together þó skemmtilegustu lögin í þessari hlustun. Hlustaði ekki náið á textana, en mér heyrðist ekki vera neitt mikið af kvenfyrirlitningu.

Góð sixtís plata. Alltaf gaman að fá eitthvað skemmtilegt sem maður þekkti ekkert fyrir. Auðvitað heyrt Time of the season en ekkert pælt í flytjandanum. Mörg önnur góð lög, Care of cell 44 fannst mér sérstaklega skemmtilegt. 3,5/5.

Veit ekki alveg hvað ég á segja. Hörkugott rokk, en of mikið seventís rokk í þessu fyrir minn smekk. Svo er það Eddie Vedder, sem bara fellur því miður ekki að mínum eyrum. Bestur í rólegu lögunum, fannst mér, finnst miðkaflinn bestur, Black, Jeremy og Oceans. Margt alls ekki fyrir minn smekk, en með áframhaldandi sjálfsvinnu og opnum huga mun ég kannski ná að fíla Even Flow og Alive. Set 4* í þeirri von.

Mjög fín plata hjá Billy, Yndisleg lög eins og Just the way you are og Vienna, en líka öðru vísi lög eins og Scenes from an Italian Restaurant.

Alveg stórbrotin plata og magnað að slútta ferlinum svona meistaralega. Virkilega þéttur og góður pakki sem maður hefur mikið hlustað á í gegnum tíðina. Maðurinn í svörtu fötunum er auðvitað magnaður sögumaður svo lögin fá einhvern vegin nýja merkingu í flutningi hans, eins og t.d. In my life. The man comes around og I hung my head ótrúlega sterk Cash lög, en það er samt alltaf Hurt sem stendur upp úr á þessari plötu.

Mjög áhugaverð plata. Can miklir áhrifavaldar í indítónlist og skemmtilega tilraunir á þessari plötu. Cool in the pool and Persian love skemmtileg lög.

Ágætis Roxy plata og áhrifn á eitísið augljós. Fyrri hlutinn betri. Finnst hún samt ekki jafn góð og For your pleasure.

Ekki skemmtilegt finnst mér. Minnir á rokksöngleikjatónlist. 2,5/5

Alltof mikið prog. Queen enn að finna sinn hljóm. Gera það í síðasta laginu sem er langbest.

Góð britpop plata. Enginn banger eins og Alright, en fín plata í heild. Richard III og Sun Hits the Sky hressileg, en rólegri lögin eins og Hollow little reign ekki síðri.

Magnað meistaraverk.

Herbie alltaf grúví.

Meira gott grúv.

Skemmtilegt. Magnað plötuumslag.

Skemmtileg plata, fínt fólkrokk.

Svakalega leiðinleg plata, verra en ég bjóst við. Líklega það lélegasta sem við höfum fengið og toppað með ljótasta coveri sem sögur fara af.

Klárlega ein af bestu plötum allra tíma. Blowin in the wind kannski pínu ofspilað, en Girl from the North Country eitt af uppáhalds Dylan lögum mínum + Masters of War, Masters of War, A hard rain´s og Dont think twice.

Skítsæmileg plata, en alls ekki það besta frá Kinks. Ekkert sem greip mann sérstaklega, en alltaf metnaðarfullt að gera concept plötu.

Fullkomin plata í mínum huga sem hentar við öll tækifæri. Falleg og skemmtileg með mögnuðum textum. Hann spilar sjálfur á öll hljóðfæri, elska óbóið í lögunum enda er hann lærður óbóleikari.

Snilldarplata. Lemmy er svo mikill rokkari. Ace of spades stendur alltaf fyrir sínu.

Vitleysingar sem sömdu frábær lög. Ekki alveg jafn góð plata og Whats the story morning glory en fullt af góðum lögum.

Snilldarplata. Vinirnir Iggy og Bowie flottir saman. Rosalega heilsteypt plata en hittarar líka.

Mistæk plata finnst mér. Auðvitað erfitt að fylgja eftir Rumours en ég átta mig ekki tilraunamennskunni sem á að vera á þessari plötu. Flest Lindsay lögin finnst mér leiðinleg, stelpurnar halda þessari plötu uppi. Mikið af fallegum lögum eins og Storm og Sara. Ekki góð hugmynd að skella í dobbel albúm.

Önnur Kinks plata. Alltaf skemmtilegir. Waterloo sunset geggjað lag og neglir henni beint í 4. David Watts og Death of a clown líka mjög skemmtileg.

Mjög góð plata í heild og gaman að heyra ólík áhrif í lögum, eins og t.d. frá Depeche mode. Ég hlustaði líka á Resistance og mér finnst þessi eiginlega betri. Gimmí 5.

Flott rokk eins og við var að búast., fullt af góðum lögum. Var sérstaklega hrifinn Missing pieces í þessari hlustun og svo er Im shakin eins klassískt Jack White rokk og það gerist.

Mjög töff tónlist sem var mjög gaman að kynnast.

Þetta er það sem maður myndi kalla sturluð plata. Þvílík keyrsla, platan í ræktinni fyrir þá sem hafa gaman af slíku.

Mjög flott tónlist og mikil áhrif á triphoppið. Verður aðeins einhæft til lengdar.

Alveg ótrúlega svöl plata, ein af mínum uppáhalds. Fyrstu tvö lögin algjörir bangerar og restin frábær. Ekki einn veikur hlekkur.

Fínasta plata, fullt af góðum lögum. The end ótrúlegur endi, sturlað lag.

Aldrei verið mikill aðdáeandi B&S. Ósköp huggulegt krúttindípopp.

Fínasta rokk. Aukastig fyrir trommusamplið í Stupid girl. 3,5.

Þetta er alveg ótrúleg plata sem verður bara betri með árunum. Kannski bara besta plata allra tíma. Maður hlustar á eitt lag og hugsar vá hvað þetta er gott, en þá kemur bara annað ennþá betra lag næst. Ekki einn veikur hlekkur. 10/5

Alltaf gaman að fá plötur sem maður hefur ekki heyrt áður og eru jafnvel þokkalegar. Ég hafði bara nokkuð gaman af kammerpoppinu með Scott Walker ívafi. Misgott þó.

Fínasta rappplata. Góðir textar og ekkert rugl.

Of stílhreint og snyrtilegt fyrir minn smekk. 40 sessjón spilarar, þar af 6 mismunandi trommarar. Svakalega flottur hljóðfæraleikur samt auðvitað og fínt í kokteilpartý. Never mind the bollocks kemur út mánuði síðar, sem betur fer.

Þvílíkt snilldarverk. Yndisleg lög í bland við tilraunamennsku sem nær hápunkti í Tomorrow never knows. Þvílíkt lag, sem gæti allt eins verði samið í dag. En klassísku bítlalögin standa svo sannarlega fyrir sínu líka. Eleanor Rigby, Here there and everywhere o.s.frv. For no one greip mig sérstaklega í þessari yfirferð, maður heyrir það ekki oft.

Frábær plata sem varð betri og betri eftir því sem ég hlustaði oftar á hana. By this river óskaplega fallegt lag og Kings lead hat (Talking head) ótrúlega gott. Margt þar sem síðan heyrðist í póstpönkinu. Smá Adam Ant meira að segja. :-)

Hlustaði vandræðalega mikið á þetta á sínum tíma. Eldist ekki vel. Finnst fyrstu plöturnar þeirra miklu betri núna. Meira real.

Elsku Ian Dury, grallari og dónatextakall. Þessi plata er alveg upp í mínu húsasundi, mjög skemmtileg. Elska cockneypönk.

Yndisleg plata.

Talsvert betri plata en ég átti von á, enda með innrætta fordóma pönksins gagnvart proggi. Ágætis vinnutónlist og 21st century schizoid man finnst mér magnað lag. Þó líklega ekki eitthvað sem ég á eftir að hlusta á aftur.

Ekki jafngóð og fyrri platan með Doves sem við fengum. Ágætt inn á milli en voða mikið af veikum hlekkjum.

Kool stöff.

Fínasta plata hjá Kanye, mjög flott debut.. Aðeins of löng fyrir mann eins og mig sem ekki hlustar mikið á rapp og hiphop. Plús fyrir að vera ekki stútfull af gangstastælum. 3,5.

Svakalega flott plata og góð vinnutónlist. Northern sky er með fallegri lögum. Sorglegt að hann skyldi ekki fá að lifa öll hrósin sem tónlist hans á skilið.

Frábær plata, elska hráa, ókláraða sándið hjá Sonic. Ekki alveg jafn góð og Daydream nation. Eru þarna eitt og eitt lag sem hefðu mátt miss sín.

Nina Simone er algjörlega einstök. Textinn og flutningurinn á Four women magnaður. Flutningurinn á wild is the wind er svo eitthvað ekki af þessum heimi. Eftir að hafa hlustað á það nokkrum sinnum get ég bara ekki annað en sett 5 stjörnur á þessa plötu.

Stórmerkileg plata/plötur. Fyrst mjög fín hiphop plata frá BigBoi sem flaut mjög fínt í gegn með rapslögurum eins og Ghettomusick. Síðan allskonar skemmtileg tilraunamennska frá André 3000 undir augljósum Prince áhrifum, þar til risasmellurinn HeyYa skellur allt í einu á manni. Virkilega skemmtilegt stöff.

Hvað sem segja má um Kanye, þá er þetta meistaraverk.

Fín plata. Two weeks er frábært lag.

Margt gott. White rabbit frábært lag og somebody to love mjög skemmtilegt líka. Einum of mikil sýra hins vegar fyrir mig á köflum.

Mjög ljúf og flott tónlist, mjög þægileg vinnutónlist. Frábærir tónlistarmenn en aðeins of settlegt samt fyrir minn smekk. 3,5

Fínt að fá smá Madness, alltaf léttir og skemmtilegir. Fullt af góðum lögum, tomorrows just another day alltaf í miklu uppháldi hjámér. Slappari kaflar inn á milli.

Outkast eru mjög skemmtilegir. Góðir kaflar á þessu sem ég lærði að væru dæmigerðir fyrir suðurríkjarapp. Bombs over Baghdad rosalegt lag.

Yndisleg plata sem hefur verið lengi í uppáhaldi hjá mér. Tónlistarsögulega líka mjög mikilvæg. Allt frábært við hana.

Sonic Youth alltaf góð. Fullt af góðum lögum. Mote finnst mér frábært lag. Samt ekki alveg jafn góð plata og Daydream Nation.

Svakalega þétt en of þungt fyrir mig.

Mjög góð plata í heild. Old Dixie og Up on Cripple Creek frábær lög og eins fannst mér Whispering Pines ótrúlega fallegt. Eitt lag, Jawbone, reyndar mjög leiðinlegt .

Frábær plata.

Svakalega leiðinlegt. Og mér nákvæmlega sama hvernig þetta asnalega hljómsveitanafn er borið fram.

Ágætis tónlist. Pínu leiðigjarnt til lengdar. Fannst fyrri hlutinn mun betri en seinni.

Alltaf gaman að kynnast einhverju nýju. Hafði aldrei heyrt um Mekon. Mjög skemmtileg plata og á eftir að kíkja betur á tónlistina þeirra.

Alls ekkert svo slæmt.

Ótrúlega flott plata. Magnaður svanasöngur eins besta tónlistarmanns allra tíma.

Hressir krakkar, of mörg lög. Groove is in the heart mesti smellurinn.

Ansi hresst og skemmtilegar útgáfur af allskonar lögum. Booker greinilega mikið undrabarn.

Frekar leiðinleg plata eiginlega. Ekki hans besta verk.

Elska þessa plötu og Bristol sándið. Mikil áhrif á síðari tíma bönd og söngkonur.

Elska þetta brasilíska bossanova og samba. Mjög góð plata að hlusta á við matarundirbúning.

Magnaður listamaður og ótrúlegur söngur. Þessi lög voru samt ekki að heilla mig og þessir eilífu píkuskrækir skemmdu alla vega fyrir mér.

Svona plötu gera bara snillingar. Alls konar tónlist og tilraunamennska en allt gengur þetta upp. Geggjaðir lagatitlar. Fáum Ibraim Ferrer til að semja og syngja eitt laga. Bætir svo brilliant konsepti og þá getur ekki niðurstaðan orðið önnur en 5 stjörnur.

Van Morrisson ljúfur og góður. Fyrstu þrjú lögin gull og saxófónninn í These dreams of you.

Opus Magnum undrabarns. Tímalaus snilld.

Finnst Nico æðisleg og mjög þægileg áhlustunar. Eitt og eitt lag þarna sem hafði mátt missa sín. 3,5

Mér finnst voða skrýtið að vera með hljómleika- og safnplötur á þessum lista. En Van Morrison er alltaf góður, en nýbúnir með aðra plötu frá honum. Gloria er samt alltaf geggjuð.

Finnst við vera búnir að fá mikið af þessari tegund tónlistar. Ósköp þægilegt en engar flugeldasýningar, enda kvikmyndatónlist.

The Jesus and Mary Chain voru frábær viðbót í indíið á sínum. Besta platan en Just like honey þó alltaf besta lagið og það sem heldur nafni þeirra á lofti.

Fínasta tónlist og stuð. Rúllar bara mjög vel og þægilegra áhlustunar en ég átti von á. 3,5.

Aldrei hlustað á Hole svo ég ákvað að rúlla í gegnum plötuna. Ágætis stelpurokk en frekar klént. Ekkert nýtt í þessu.

Þetta er platan sem negldi mig fastan á Radiohead vagninn, hlustaði á hana út í eitt. Áttu eftir að þróast mikið en hún mun alltaf vera í miklu uppáhaldi hjá mér. Lög eins og High and dry og Fake plastic tree sem mér finnst vera ein af allra bestu lögum þeirra. Skotheld fimma.

Mjög þægileg plata. Gamall hljómur í nútímalegum búningi.

Svakalega þétt og öflug plata.

Frábær plata, sem stenst ótrúlega vel tímans tönn. Smellirnir geggjaðir en restin líka bara mjög fín. Debbie æðisleg söngkona.

Mjög huggulegt og fínt.

Snilldarverk. Millistykki í það sem koma skal. In my life alveg yndislegt.

Mjög góð plata. Engir hittarar en hrikalega sterk plata í heild. Vissulega dáldið þung.

Skemmtileg plata og hittararnir geggjaðir.

Góður Dylan.

Mjög ljúft og þægilegt.

La la. Eitt gott lag og einn góður Dylan cover. Ekki plata sem ég nenni að hlusta á aftur.

Norman Cook er cool. Mjög skemmtilegt sánd sem hann átti svo eftir að negla algjörlega á næstu plötu. 3,5

Skemmtilegt hásteknó. Nokkrar góðar stuðneglur. Ætlaði gefa 3 en hlustaði svo á hana meðan ég var að elda og komst í svo gott stuð að ég ætla að gefa henni 4.

Þetta var algjör himnasending. Frábær plata, sem oft gleymist í umræðunni um plötur REM. Algjörlega með sitt sánd, sem eldist alveg ótrúlega vel.

Mjög fín plata hjá Skotunum. Cherry coloured funk frábært lag og hin rúlla öll bara mjög vel.

Þetta er mjög flott plata hjá Lauryn, allt mjög vandað og vel gert. Frábær lög eins og Ex-Factor og Doo Wop. Á klárlega skilið allt það lof sem hún fær. Þetta er því miður ekki tónlist sem höfðar mikið til mín, gtípur mig ekki alveg.

Aðeins og mikið eitís meira að segja fyrir mig. 2-3 góð lög en restin eldist ekkert rosalega vel.

áhugavert

Þvílík plata, þvílíkur gleðidagur. Allt geggjuð lög hvert á sinn hátt, frábærir textar. Klassííkerar sem eru flestir enn stór hluti af tónleikaprógrammi hans. 50 stjórastjörnur.

Fyrri hlutinn frábær, restin leiðinleg. Moby hefði átt að fara með rakvélina á helming laganna,

Ágætis bárujárnsrokk en ekki góð vinnutónlist. Þéttur hljófæraleikur, kraftmikill trommuleikur. En þetta sírenusöngvaragól á engin önnur kynslóð en boomerar að þurfa að þola, þau tóku út þjáninguna fyrir okkur hin. Eins og að vera fastur í eilífri rokkóperumatröð. Hvað Under the sun hefði t.d. getað orðið flott með almennilegum söng. Changes sleppur einna skást frá þessari misþyrmingu. Black Sabbath - Ozzy = 3 stjörnur.

Clapton er rosa góður gítarleikari. Við vissum það, ekkert nýtt.

Mjög góð plata. Frábær hljómsveit með skemmtilega Íslandstengingu. Þétt og gott Postpunk/Goth.Væntanlega haft mikil áhrif á Cure eða öfugt. Báðar hljómsveitir alla vega með léttklikkaða frontmenn, þó Jaz hafi líklega vinninginn.

Margt áhugavert og ágætt. Diskur 2 hefði alveg mátt missa sín.

Ótrúleg tilviljun að fá tvær plötur í röð frá sömu hljómsveit. Báðar plöturnar báðar mjög fínar. Mér fannst eldri platan hrárri og skemmtilegri.

Ótrúleg tilviljun að fá tvær plötur í röð frá sömu hljómsveit. Báðar plöturnar báðar mjög fínar. Mér fannst eldri platan hrárri og skemmtilegri.

Talsvert tilraunakenndara er niðursuðudósa platan sem ég elska. En áhrif Can á tónlistarsöguna eru óumdeild.

Skemmtilegt rokk sem eldist bara furðu vel. Beth er svo auðvitað algjör vangalagsnegla.

Nile Rodgers er auðvitað snillingur og þessi gítar hans algjör stuðgjafi. En mér fannst "hin" lögin á plötunni óskök dauf.

Mjög skemmtileg plata. Without you auðvitað negla og ekki síðra á spænsku. Kókoshnetu lagið snilld og fullt af öðrum góðum lögum.

Mjög gott rokk og töff plötuumslag. Baba O´Riley er epísk snilld. Síðustu 2 lögin neglur líka og margt gott þar á milli líka. Townshend semur þetta allt, einn af stóru snillingum rokksögunnar. Geggjaður gítarleikari.

Mjög gott og skemmtilegt tilraunaindípop með bítlaívafi. Verður betra við hverja hlustun, rúllaði henni heilan vinnudag. Þá var Avey Tare tengdasonur Valtýs um tíma, sem hlýtur að vera hálft stig. :-) 4,5

Svakalega hresst, frumlegt og skemmtilegt. Ég er rokkhumar! Ótrúlegt að tvær svona risa Alt hljómsveitir eins og B52´s og REM hafi komið frá Athens Georgíu á sama tíma.

Skemmtilegt skítugt rokk. Best þegar maður heyrir Mick Jones áhrifin í gíturunum. Kom mér líka á óvart hvað margt minnti á Pulp, sérstaklega Music when the lights go out, sem er mjög gott lag.

Britpop strákarnir frá Las Vegas hressir og skemmtilegir. Tveir smellir og restin bara fín. 3,5

Allt í læ. Tvö frábær lög, restin skildi ekki mikið eftir.

Algjört meistaraverk. Ekki eitt leiðinlegt lag og textarnir frábært. Innflytjendur eru nefnilega ekki svo slæmir.

Þessi munnharpa í byrjun er íkonísk. Góð lög inn á milli, en í heild fannst mér þetta hins vegar ekki skemmtileg plata. Supertramp eiga mörg skemmtilög, en þessi plata var ekki að heilla mig.

Leiðinlegt.

Ein af mínum uppáhalds Dylan plötum. Engir stórsmellir en mér finnst hún heildstæðasta platan hans. Simple twist of fate og Shelter from the storm eru þó bæði í miklu uppáhaldi hjá mér. Það er bara einn Dylan!

Ekki gott.

Mér fannst þetta bara fínt. Kate Bush með trip hop ívafi. 3,5.

Fullreynt, þessi tónlist er ekki fyrir mig. Þurfti að bítla mig út úr þessu.

Fínasta plata, rúllar ljúft og eldist vel. Yellow ber auðvitað höfuð og herðar yfir önnur lög, en önnur fín lög þarna eins og Dont panic og Sparks.

Meistari rímsins og frábær rappari. Ekki alveg hans besta stöff samt.

Breaking the law er gott en restin var ekki að gera mikið fyrir mig. Er svo lélegur metalhaus.

Fín vinnutónlist frá Bergen.

Ekki fyrir mig.

Alveg geggjuð plata. Snilldar pródúktjón þar sem hrár krafturinn og sálarangist Kurt ristir inn að beini. Nirvana eru indie pönk ekki grunge.

Heldur ekki ein af mínum uppáhaldsplötum Radiohead og jafnast ekki alveg á við risana þeirra. Geldur fyrir það. En það breytir því ekki að í heildarmenginu er þetta frábær plata.

Einhver allra besta vinnutónlist sem til er. Mjög fín og þægileg plata, þó hún sé ekki alveg jafn góð og fyrsta platan þeirra.

Alveg ótrúleg plata og gítarleikurinn æðislegur. "All your favorite rock bands fucking love this album."

Mér fannst þetta virkilega fín plata. Svakalega góður kósí áreynslulaus fílíngur á henni. Ljúft gáfumannapopp.

Fínasta plata hjá Cohen, dimmrödduð. drungaleg og dauðinn í vændum.

Meistaraverk. Ótrúlegt að hafi komið út fyrir meira en 50 árum. Tímamótaverk. Plötuumslag Storms Þorgeirssonar epískt.

Ég er að fíla þetta. Mjög hressandi elektró rokk. Where do I begin sem Beth Orton syngur kom mér líka skemmtilega á óvart.

Þvílíkir snillingar og frumkvöðlar. Langt á undan sinni samtíð. Elska Autobahn, mætti ekki vera mínútu styttra. Skín í gegn hversu miklir snillingar þetta eru. Hlustaði alveg út í eitt og rúllaði Tour de France í leiðinni. Ef atmóið er rétt er ekkert betra en Kraftwerk.

Paul alltaf ljúfur og fínn, sérstaklega með Julio á skólalóðinni.

Frábær plata. Upptaktur að Remain in light.

Gaman að vera 14 ára aftur, það sem ég hlustaði á þessa plötu út. Geggjað rokk. Gleymist oft hvað botninn er ótrúlega þéttur, bassi og tromma gera Angust kleift að setja sínar slaufur ofan á pakkann. Back in black er ekkert eðlilega gott lag. Nostalgíu fimma.

Alveg einstök söngkona. Mjög þægileg og góð plata í heild.

Frábær plata, fersk og frumleg. Komnir með sitt sérstaka sánd strax á fyrstu plötu. David Byrne er auðvitað snillingur. Að eiga Psycho Killer sem fyrsta singúl er auðvitað alveg magnað.

Þvílík veisla. Ekkert gítarrúnk, bara keyrsla.

Aldrei heyrt þetta. Pharell er ágætur. Sum lög fín, önnur ekki eins skemmtileg.

Frábært brautryðjendaverk í postpönkinu, minni uppáhaldstónlistarstefnu.

Ótrúleg plata sem hefur haft gríðarleg áhrif á tónlistarheiminn síðan. Pönk, post pönk, Bowie, Sigurrós. Áhrifin eru út um allt. Sjöan var mjög tónlistarlega frjó í Þýskalandi.